1. Ringas ma ho tondingku Mamuji Debatanta i
Ai diparmudumudu Ho unang halupahon i
Disesa do dosamu Didaoni sahitmi Diudut do hosamu Diburi tondimi
Huhut diapul-apul Roham na marsak i Asa tung lam humibul Mingot uhumna i
2. Na tolhas do tu hita Uhumna na sumurung i Dibaen holong rohana Di angka na porsea i
Ai ndada dilaluhon Tu hita rimas i Sai lam dipatuduhon DengganbasaNa i :
Ai songon hasundutan Dao sian purba i Holang dibaen Ibana Sude dosanta i
3. Asi roha ni ama marnida anakkonna i Suman tusi Jahowa Marnida na porsea i
Diboto do mulanta Na sian tano i Tudoshon bungabunga Tudoshon bulung i Disi ro habahaba
Mamintor habang be Suman tusi do jolma, Sai mate do sude.
4. Tung asi ni rohana Sambing do na manongtong i Saleleng ni lelengna
Di tonga huriana i Di surgo habangsana Hinaliangan ni Sude parhaladona
Na sun badia i Na sai tongtong mamuji Pasangap Tuhan i
Ho pe tondingku puji Tongtong goarNa i.
B.E. No.2 NAENG PUJIONKU HO JAHOWA BL.113
1. Naeng pujionku Ho Jahowa Ai Ho do Debata na tutu i
Sai suru Tondi Parbadia Tu au asa hupuji goarMi
Marhitehite Jesus AnakMi Asa lomo rohaM di endengki
2. Togihon ma au tu AnakMu Asa tu Ho ditogu au muse
TondiM pasaorhon tu tondingku Manogu au di dalan na ture
Asa tongtong gok dame rohangki Huhut girgir mamuji goarMi.
3. Asi rohaM ale Jahowa Pamalo au mamuji goarMi
Sai unang asal puas hata Ingkon tutu dipuji rohangki
Ho Ama, Anak dohot Tondi i Doshon na jongjong au di joloMi
B.E.No.3 PUJI JAHOWA ALE TONDINGKU BL. 137
1. Puji Jahowa ale tondingku Puji Ibana Debatami
Tagan so suda dope bohalhu Naeng pujionku basaNa i.
Sitompa daging tondi pe Ingkon dipuji sasude Haleluya, Haleluya
2. Tubu ni jolma do nang na sangap Jala na mulak tu tano i
Tahitahina pe laho do monjap Molo dibondut tanoman i
Ndang jolma hasonanganki Debata do haposanki Haleluya, Haleluya
3. Martua halak na niondingan Ni Debatanta Jahowa i
Angka na hot marhaporseaon Di Jesus Kristus Tuhanta i
Molo Debata donganmu Ndang adong hurang tuamu Haleluya, Haleluya.
B.E. No. No. 4 SAI PUJI DEBATA BL. 148
1. Sai puji Debata Dibaen asi rohaNa
Huhut tongtong basa Di nasa tinompaNa
Ria ma hita be Mamuji Debata
Ai sesa do nuaeng Dosanta i dibaen
2. Disuru Debata AnakNa Jesus Kristus
Jadi mansai arga do hita on ditobus
Diporsan Jesus i Dosanta sasude
Asa mudarNa i Paias hita be.
3. Dibahen i tama Pujion ni rohanta
Tuhanta Debata Nang Jesus pe AnakNa
Nang pangondian i Naung ro tu hita on
Manggonti Jesus i Pujion do tongtong
B.E No.5 SAI TAPUJI MA JAHOWA BL. 83
1. Sai tapuji ma Jahowa Debatanta na tutu
Tapatimbul ma Amanta Na bonar huhut burju
Binsan hosangki disi Pujionku Tuhanki
2. Ndang haposan ni rohanta Dongan na di tano on
Ai jotjot do mubauba Tahi ni rohaninon
Dung i molo mate i Pesan ma tahina i
3. Sai martua manang ise Siasahon Debata
Ai dison pe dohot muse Dipasonang Debata
Ala ni haposi ma holan Tuhan Debata
4. Ai Ibana do Sitompa Langit dohot tano on
Ro di isi ni sudena Sasude portibi on
Debata haposan i Ai tongtong rohaNa i.
5. Ai Ibana pasintongkon Uhum tu na pogos i
Hangoluan ditumpakkon Tu na haleonon i
Nang na hona hilang pe Dipalua do sude
6. Sai Ibana patonggorhon Mata na mapitung i
Pangapulon pe dihorhon Di parroha na tungki
Sai diparhamaol tutu Nasa jolma na burju
7. Sai Ibana mangondingi Na mabalu i sude
Sai Ibana mangurupi Na tading di lampin pe
Sogot uhumonna be Na tois roha i sude
8. Debatanta do rajanta Salelenglelengna i
Ala ni las ma rohanta Hita na porsea i
Taendehon Debata Rap mandok Haleluya.
B.E No. 6 PUJI JAHOWA NA SANGAP BL. 56
1. Puji Jahowa na sangap huhut marmulia
Hamu sude na parroha na ringgas na ria
Marpungu be, marolopolop sude, Hamu sude manisia
2. Puji Jahowa Sigomgom sude parluhutan
Na manogihon ho songon niiring ni tangan
Dohot hosam Songon hombar tu roham Sai diramoti Ibana
3. Puji Jahowa naung tipak manompa dagingmu
Jala na tongtong manumpak hisar pamatangmu Jotjot do ro
Pangurupina tu ho Uju na ro hagogotan
4. Puji Jahowa situmpak sude ulaonmu
Ai ditumpakhon tu ho tongtong hangoluanmu
Ingot ma i, denggan basaNa do i, Tomutomuna sambing do
5. Puji Jahowa tondingku pasangap goarNa
Dohot sude na marhosa mamuji Ibana
I do ture Baenon ni hita sude Sai taendehon ma amen.
B.E No. 7 PUJI HAMU MA ASI NI ROHA BL. 43
1. Puji hamu ma asi ni roha ni Tuhan Jahowa di halak Kristen i
Ai naung diontang sude jolma Tu hangoluan na sora suda
2. Tuhan Jahowa panggomgom di sude Nasa parhosa manomba Raja i
Marloksaloksa suruanNa Mamujimuji tongtong goarNa
3. Hamu parbegu unang ma tundal be Tu Tuhan Jesus ro ma hamu sude
Ai naung ditongos do hatana Dosa sudena naeng sesaonNa.
4. Dohot do bohal dilehon Debata Ndang marna hurang tuk songon na tama
Udan pe dohot las ni ari Nasa parguna do dipasari
5. I pe sai puji dengganbasaNa i asa lam ganda hasangaponNa i
Tongtong do hita ramotanNa On pe tapuji basaNa.
BE No. 8 JAHOWA, JAHOWA BL 197
1. Jahowa, Jahowa, Jahowa Di goarMu ma hasangapon i,Amen, Amen
Pujionnami do tongtong GoarMi di joroMon
Sai naeng dohononku Badia, badia do goarMu Haleuya, Haleluya
2. O Jesus, o Jesus, o Jesus GoarMi do Dipuji hami on Amen, amen
Ho do disuru Ama i Na marholong roha i Asa saut malua
Ma hami sian saluhut jea Pijuni Ho, Pinuji Ho.
3. O Tondi , o Tondi, o Tondi Parbadia Pinuji dohot Ho Amen, amen
Na sintong nang na tiur pe Nang na denggan sasude
Ho do manuanhon Tu roha ni sude hajolmaon Haleluya, Haleluya
B.E. No. No. 9 HUPUJI HOLONG NI BL.110
1. Hupuji holong ni rohaMu O Tuhan Jesus Rajangki
Tu Ho hulehon ma tondingku Ai i do pinangidoMi
Huhalupahon ma diringku Mamingkir holong ni rohaMu
2. Sai dilului Ho do ahu Au pe huhalungunhon Ho
Ditaiti rohaMi rohangku Dibahen i hulehon do
Dipillit Ho hian tondingku I pe hutodo Ho Tuhanku
3. Huhilala ingkon martuhan Ingkon mangolu au di Ho
Ndang jumpang au be hangoluan Aut unang dipatupa Ho
Sai Ho do paradiananku Sai gok di Ho nama langkangku
4. Di Ho saleleng ni lelengna Au on, o Jesus Tuhanki
Ho ma nampuna sasudena Gogongku ro di artangki
Ai naung dilehon Ho mudarMu Manggarar utang ni dosangku.
5. Ai nunga tung diparhatoban Sibolis dohot dosa au
Tuani ma Ho ro o Tuhan Mamorsan uhum na tu au
Ditaoni Ho do hamatean Mambaen di ahu hangoluan.
6. O Jesus uhir ma goarMu Torang bagas tu rohangkon
Asa tarsurat di jolongku Holong ni rohaMi tongtong
Hatangku ro di parangengku Ingkon dipuji do goarMu
B.E. No. 10 HUPUJI HUPASANGAP HO BL. 128
1. Hupuji hupasangap Ho Amang pardenggan basa
Ai jadijadianMu do sude angka na masa
Ditompa Ho do sasude Dagingku ro di tondi pe Pinuji ma goarMu
2. Saluhut na tinompaMi Naeng sonang di rohaMu
Arian dohot borngin pe Disarihon rohaMu
Nang uhum di gomgomanMi Na tigor na sintong do i Pinuji ma goarMu
3. Ndang dung tartading bangsoMi Naung pinillitMu jolo
Sai Ho do haporusan ni Sude na ro na olo
Ditogu Ho do sasude Asa tu hangoluan be Pinuji ma goarMu
4. Tongtong pasangaponku Ho Saleleng au mangolu
Paratarataonku do Barita ni goarMu
Pamatang dohot tondingki Ingkon mamuji sangapMi Pinuji ma goarMu
5. Antong ro ma hamu sude Saluhut na porsea
Marolopolop hita be Mamuji Debatanta
Na sun denggan do sasude Binaen ni Debatanta i Pinuji ma goarNa
B.E. No. 11 AHA MA ENDEHONONKU BL. 185.
1. Aha ma endehonongku, asa pujionku Ho.
Ale Tuhan Debatangku, sai urupi au gogo.
Ai ndang tarpajojor ahu, asi ni rohaM di ahu.
Ala ni hupuji Ho tung marribu hali do.
2. Sai sungguli ma rohangku, mangendehon gogoMi.
Dohot asi ni rohaMu, ro di habasaronMi.
Ai i do dihatindangkon Tondi dohot pamatangku.
Ala ni hupuji Ho tung marribu hali do.
3. Ia godang ni dosangku dipingkiri rohangki.
Longang situtu rohangku, manimbangi lambas ni.
RohaMi ale Tuhanku, mida pangalaosingku.
Ala ni hupuji Ho tung marribu hali do.
4. Haholongon, habasaron Hata hangoluan i.
Dohot angka haporsuhon, I do parhiteanMi.
Manogihon au anakMu, masuk tu harajaonMu.
Ala ni hupuji Ho tung marribu hali do.
5. Sai patogu ma rohangku Pasangaphon goarMi,
Dohot haporseaonku, asa tu gandana i.
Sai pamasuk ale Tuhan, tondingki tu hangoluan.
Mangendehon sangapMi salelenglelengna i.
B.E No.12 DIPUJI ROHANGKON DO HO BL. 15
1. Dipuji rohangkon do Ho Jahowa, Tuhanki
Huhut hubaritahon do Sude pambaenanMi
2. Huboto Ho do mual ni Na denggan sasude
Dilehon Ho do sian i Godang di hami be.
3. Ai aha ma adong hian di hami na lea?
Sude dilehon Ho nian O Tuhan Debata
4. Ai Ho do na margogo i Sitompa sasude
Ho do na pangoluhon i Nang marmuduhon pe.
5. Di langit ni langitan i na hembang songon haen
Marriburibu bintang i Tung ise do mamabaen ?
6. Tung ise do na basa i Manatap hita be
Na pabornokkon hauma i Parngolu di sude ?
7. Gok eme angka sopo i Tung ise do mala
Nang sasude bohalta i Nda Tuhan Debata ?
8. I ma tutu, o Debata Dilehon Ho sude
Ai Ho do na tongtong basa Manumpak jolma i.
9. Dipinsang Ho pe hami on Dibahen dosa i
Sai dipalambas Ho tongtong Roham na denggan i
10. Ai molo marsak rohangki Dibahen dosa i
Mura do mulak rohaMi Manesa salangki
11. Diapul Ho do sasude Na marsak roha i
Diduduk Ho iluna i Tu parningotanMi
12. Sai disarihon Ho sude Di hasiangan on
Tu daging nang tu tondi pe Panongos Ho tongtong
13. Antong boasa ma tungki Ho ale tondingki ?
Haposi ma Debatami Sitompa sasude
14. Ndang dung marsala Debata Tu ginomgomNa i
Ai manang dia pe dibaen Denggan ujungna i.
15. Antong pasombu Debatam Mambaen ture langkam
Asa tongtong sonang rohaM Timbul dohot tuam.
B.E No. 13 NDA TAMA ENDEHONONKU BL. 213
1. Nda tama endehononku Goar ni Debatangki ? Nda tama halashononku Denggan ni basaNa i ?
Ai sun holong ni rohaNa Mida au pardosa on Diramoti do tongtong Naposona Saluhutna
Holong ni rohana i Nda tung hasuhatan i.
2. Songon pidong rajauali Manjagai anakna i Songon i do dipabali Debatangku jea i
Sian au niramotanna Olat ni na tubu au Sai diiringiring au Masuk tu harajaonNa
Holong ni rohaNa i Nda tung hasuhatan i
3. Nang AnakNa sasadasa Diseahon Debata Pangoluhon au pardosa Uju i di Golgata
Mago au dibaen dosangku Jadi ro AnakNa i Manggarari utangki Lao mambaen haluaonku
Holong ni rohaNa i Nda tung hasuhatan i.
4. Dohot Tondi Parbadia Do disuru Amangki Asa dohot au badia Jala tau tu surgo i
Naeng gohanna do rohangku asa sai tongtong torang Sai gok dame nang sonang
Mandalani dalananku Holong ni rohana i Nda tung hasuhatan i
5. Dohot haporseaonku Dilopokkon Tuhanki Tu bagasan ni rohangku
Patiurhon dalanki asa sahat musengani Au tu hangoluan i
Na rade di surgo i Di sude namanjalahi Holong ni rohaNa i Nda tung hasuhatan i.
6. Songon i do panarihon Ni Debatangki di au Tuhanki do sumarihon
Nasa na ringkot di au Tondi dohot pamatangku Dipangolu Tuhanki
Na marasi roha i Diramoti do hosangku Holong ni rohaNa i Nda tung hasuhatan i
7. Molo masa pangunjunan Dipasonggop setan i Debata do pangondingan
Di au on anakNa i Ai didokkon Debatangku SurusuanNa i Manamparhon jea i
Asa dao hamagoanku Holong ni rohaNa i Nda tung hasuhatan i
8. Ganup ari do disesa Debatangku dosangki Ndang hea gotos rohaNa
Maniopi rimas i Nang pe ingkon pinsangonNa Au dibahen dosangki
Ndang maposihu disi Uhum na nidabuhonNa Holong ni rohaNa i Nda tung hasuhatan i
9. Ala na so hasuhatan Holong ni rohaM Amang Tatap ma au on pasidung
Nasa sangkap i rohaM Di naposoMon Tuhanku Pargogoi ma au tongtong
Mangoloi di tano on Nasa na pinatikkonMu Paima Ho pujionki Salelenglelengna i.
BE. No. 14 PUJI HAMU JAHOWA TUTU BL. 57
1. Puji hamu Jahowa tutu,
Pardengganbasa, parasiroha salelengna i.
Pardengganbasa i, parasiroha i.
2. Ingot tongtong, ale tondingkon,
Sude na denggan na dipasonggop Debata tu ho.
Denggan basaNa do na pangoluhon ho.
3. Nda tung adong, pargogo tongon,
Na martudosan, tu Tuhan Debata di surgo i.
Sun hinagogo, sun hinagogo i.
4. Songkal tongtong, Jahowa tongon,
Na marmulia, di sasude na tinompaNa i.
Hamuliaon ma, di Tuhan Debata.
5. Somba hamu, Jahowa burju,
Marhapantunon, ma hita di Tuhanta Debata.
Burju tasomba ma, Tuhanta Debata
6. Sai burju be marende sude,
Mamujimuji, Tuhanta Debata Jahowa i.
Parasiroha i, na marmulia i.
B.E No.15 AUT NA Saribu hali ganda BL. 103
1. Aut na saribu hali ganda saringar ni soarangki
Naeng nasa gogo bahenonku mamuji Debatantai
Paboa las ni rohangki hinorhon ni pambaenna i
2. Tung sura sahat soarangku tu ujung ni portibion
Naeng nasa jolma haraonku mamuji Debata tongtong
Tama do nasa hosangki hubaen pasangap Tuhani
3. unang ma modom Ho tondingku . sai ngot ma ho sai hehe ma
radot ma ho di ulaonmu sai puji Tuhan Debata
sai pangke nasa malomi mamujimuji Tuhan i
4. Mauliate ma rohangku di Ho o Debata tongtong
dibaen sude denggan basamu naung nilehonmu di au on
ai dipatongon ho tongtong sude na ringkot di au on
5. Hupuji dohot Ho o Jesus Marningot asi ni rohaM
Marningot mudarMi na durus Ro di sude dengganbasaM
Patupa haluaon i Di au pardosa godang i.
6. Ho pe o Tondi Parbadia Dipuji endeendengkon
Margogo jala marmulia Do Ho mangapul rohangkon
Molo hubaen na denggan i Hinorhon ni gogoM do i
7. Ai ise do mamasumasu Au on o Debata nda Ho ?
Pamatangkon ro di tondingku Sai diparmudumudu Ho
Huhut lambas do rohaMi Manatap pardosaonki.
8. Sai pujionku do basaM Saleleng na mangolu au
Pasangaponku do goarMu Saleleng na marhosa au
Maradu tos pe hosangki Naeng pujionku sangapMi.
9. Sai jalo ma ale Tuhanku Pamujingkon na hurang i
Di surgo pe padengganonku Dung sahat au di lambungMi
Marloksaloksa hali do Disi endehononku Ho.
B.E No. 16 TAPUJI MA TUHANTA BL. 12
1. Tapuji ma Tuhanta Sian sandok rohanta
Dibaen dengganbasana Di hita huriaNa
2. Dilehon do hita Pamatang nang tondinta
Diudut do hosanta Dijaga nang ngolunta
3. Disuru Debatanta Do Jesus i AnakNa
Mamboan hatuaon Di nasa hajolmaon
4. Naung sesa do dosanta mangolu do tondinta
Godang nuaeng jambarta Di surgo jaloonta.
5. I pe hupuji hami BasaM i Tuhannami
Ho na marasiroha Di nasa manisia
6. Sai pargogoi ma hami Paringgas rohanami
Mamuji Ho Jahowa Saleleng ni lelengna.
B.E. No.17 RAJA NA TUMIMBUL BL.210
1. Raja na tumimbul Sigomgomi hami Jalo ma pujiannami
Denggan ni basaM do Pangoluhon hami Atik pe mardosa hami
Sai apoi pargogoi hami mangendehon SangapMi o Tuhan
2. Sai dipuji langit JadijadianMu Saluhut pambahenanMu
Parsinondang bolon Na marpamongguri Ho o Tuhan do dipuji
Bulan i Bintang pe Ho do pinujina Dohot sinondangna
3. Dohot do tondingku Tungkap di adopan Ni habangsaMi o Tuhan
Nang sude donganku Nasa na marhosa Pujionna do Jahowa
Sai tongtong Na sintong Holan Debatanta Do sipujionta.
4. Nasa na tumanda Tuhan Jesus Kristus Sai endehon ma goarNa
Nasa na posea Sai ringgas patulus Na sinangkap ni Tuhanta
Sai tongtong Ingot on Tongtong pujionta Sogot Debatanta.
B.E. No. 18 UNGKAP BAHAL NA UMMULI BL. 84.
1. Ungkap bahal na umuli, bagas ni Debatangki.
Ai tusi do au naeng muli, ganup jumpang Minggu i.
Hulului do disi, bohi ni Debatangki.
2. Nunga ro au, o Tuhanku, ro ma Ho tu au muse.
Ai di bagas ingananMu, las ni roha do sude.
Sai bongoti rohangkon, baen ma JoroMi dison.
3. Sai pantun pangalahongku Maradophon bohiMi
Sai suruhon tu rohangku Tondi Parbadia i
Asa sai tongtong ture Tangiangku ende pe
4. Doshon hauma na dumengan Ma rohangku di joloM
Sai lopokkon ma na dengganTu bagasan rohangkon
Sai tumpahi hataMi Asa marparbue i
5. Baen togu haporseaon Dibagasan rohangki
Asa unang be rampason Ni sibolis artangki
Sai ditogu hataMi Ma au on tu surgo i
6. Pangkulingi au Tuhanku Asa hutangihon Ho
Patandahon tu rohangku Na tau pasangaphon Ho
Sai pabosur tondingki Dohot asiasiMi
BE No.19 O JESUS TATAP MA TUSON BL. 32
1. O Jesus tatap ma tuson Pasaor TondiM tu hami on,
Sai rohanami dirajai Dalanannami dipasae.
2. Pamujinami baen ture Buhai ma rohanami be
Patinggil pinggolnami i Lao tumangihon hataMi
3. Haporseaonnami on Patogu ma sadari on
Papintor langkanami be Tu surgo i tu lambungMi
4. Pamasuk hami on sude Dung suda bohalnami be
Tu angka na di surgo i Tongtong mamuji goarMi
5. Di Ama na sumurung i Angka di anakNa Jesus i.
Di Tondi Parbadia pe Ma hasangapon sasude.
B.E. No. 20 PAIAN MA DI HAMI BL. 6
1. O Jesus Tuhannami Sai tatap hami on
Asi rohaM di hami Palua hami on
2. Naeng ihuthononnami Na pinatikkonMi
Naeng pasidingonnami Sogo ni rohaMi
3. Naeng lam botoonnami Taringot tu sude
Tinaon ni Tuhannami Uju targantung i.
4. Luhutna dosanami Diporsan Ho disi
Unang saut mate hami Dibahen dosa i.
5. On pe o Tuhannami Tumpahi hataMi
Masuk tu rohanami Paian ma disi
B.E. No.21 BEGE MA SUDE HAMU BL.72
1. Bege ma sude hamu Bege ma na marsak roha
Nunga mate utangmu Nunga sesa sude dosa
Ala asi roha ni Anak ni Debata i.
2. I ma Tuhan Jesus i Sipalua manisia
Ditadingkon surgo i Asa gabe jolma Ia
Tung mudarNa do use Asa sae dosanta be
3. Bege ma hamu sude saluhut na marsak roha
Ndang adong na mago be Anggo angka na porsea
Di Tuhanta Jesus i Na humophop sasude
B.E. No. No: 22 NUNGA RO DI PARGURUAN BL.80
1. Nunga ro di parguruan Hami on,na dison Masihangoluan
Jesus,sai huingot hami HataMi,nidokMi Ho naeng dongannami.
2. Baen ture pingkirannami Unang lao tu na dao Mampar rohanami
Sai patinggil pinggolnami Tu hataM asa lam Huantusi hami
3. Suru Tondi Parbadia Baen ture hami be Ringgas jala ria
Asa bali haliluan Jea pe sasude Timbul hangoluan.
4. Pabotohon ma tu hami Holong ni rohaMi Na pangolu hami
Asa lam mardosniroha Hami on, sai tongtong Mangalo na roa.
5. Jesus ndang diparsineang RohaMi hata ni Na ro martangiang
I do pos ni rohanami Mida Ho, na dung ro Paluahon hami.
B.E. No. No.23 JESUS HAMI RO DISON BL.78
1. Jesus hami ro dison Asa masihangoluan
I pe ro ma Ho tuson Jala baen ma pardomuan
Ni TondiM tu tondinami Unang mampar rohanami
2. Holom rohanami be Nang parbinotoannami
Molo so ro TondiMi Manondangi rohanami
Ingkon Ho do paturehon Dalannami sidegeon
3. Sondang sian Debata Hatiuron sian ginjang
Baen ture sondangi ma Rohanami asa sonang
Lao manjalo hangoluan PinatupaMi o Tuhan
B.E. No.24 TUHAN DEBATA BL59
1. Tatap hami on Na pungu dison Ai na naeng pujionnami
Denggan ni basaM di hami Tatap hami on Na pungu dison
2. Togu hami on Na mardosa on Ale Jesus Tuhannami
Sai asi rohaM di hami Togu ma tongtong Na mardosa on.
3. Sai ramoti be Hami on sude Maradophon musunami
Asa unang mago hami Sai ramoti be Hami on sude
4. Sai urasi be Hami on sude Asa muba rohanami
Jala ias tondinami Sai urasi be Hami on sude.
5. Sai ajari be hami on sude Asa lam huboto hami
Dalan sidalanannami Sai ajari be hami on sude
6. Sai pintori be Hami on sude Molo unduk rohanami
Manopoti dosanami Sai pintori be Hami on sude
7. Sai padungo be Hami on sude Unang loas modom hami
Di bagasan dosanami Sai padungo be Hami on sude
8. Sai pamasuk be Hami on sude Di na jumpang ajalnami
Molo suda bohalnami Tu ingananMi Hasonangan i.
B.E No. 25 HATAMI ALE TUHANKU BL. 181
1. HataMi ale Tuhanku Arta na ummarga i
Sai paian di rohangku Unang so hutiop i
Molo so be sitiopan Hata na badia i
Aha nama haojahan Ni haporseaon i ?
2. Ale Jesus sai matahon Sai ramoti ma au on
Asa hot haporseaon Di bagasana rohangkon
Sai paringas ma rohangku Mangoloi di hataMi
Asa mauas di podaMu Songon si Maria i.
B.E. No.26 ALE DONGAN NA SAROHA BL.180
1. Dame nimMu ale Jesus LehononMu di bangsoM
TondiMi do na patulus HataMi tu naposoM
Dangol hami jala pogos Ndang tau baen parhaladoM
Tondi parbadia tongos Margogihon hami on
2. Ale Tondi Sipardame Sai bongoti hami be
Sai pasada rohanami Gok parbue baen sude
Lam patinggil pinggolnami Tumangihon dasdasMi
Asa ganda ringgasnami Pararathon hataMi.
3. Sada siradotannami Dipangido rohami
Ingkon holong rohanami Mida angka dongan i
Asa tung margogo hami Patupahon hataMi
Sumeahon dirinami Tu Ho nang tu dongan i.
B.E. No.27 DEBATA DO MANGGOMGOMI BL.86
1. Haleluya ari Minggu Ari na dumenggan i
Molo iba lao marpungu Dohot dongan Kristen i
Ari na sumurung i Las ni rohangki do i
2. Maradian do tondingku Di na jumping Minggu i
Nasa arsak ni rohangku Hulonongkon do disi
Tu bagasan roha ni Jesus Kristus, Tuhanki
3. Na huula ganup ari Hutundalhon do disi
Asa tarpasarisari Au ngolu ni tondingki
Arta na ummarga i Jumpang au di Minggu i
4. Lomo ni rohaM o Tuhan Naeng patupaonku do
Parangengku hupadenggan Asa hupasangap ho
Ulos hatigoran i Lehon ma di tondingki
5. Sai pahehe ma rohangku Sai ajari ma au on
Jala tongos pangapulMu Tu bagasan rohangkon
Baen sombu sadari on Uas ni tondingkinon
6. Pasupasu ma jamita Di huriaMi sude
Sai pasongop tu pandita Nang tu angka guru pe
Tondi Parbadia i Marsahala baen sude
7. Paimbaru ma padanmu Dohot na porsea i
Pargogoi ma siseanmu Pasangaphon goarMi
Tangiangna, ende pe Sai tangihon ma sude.
8. Sai urupi au Tuhanku Paujungkon ari on
Di bagasan tangiangku Songon na hupungka on
Sai huhalungunhon ma SabatM, o Debata.
B.E No. 28 HATA NI JAHOWA BL. 203
1. Hata ni Jahowa Sipadame jolma Hangoluan i
Halalas ni roha Siapuli roha Ni na marsak i
Gogo ni Debatangki Paluahon na porsea Sian nasa jea.
2. Nasa tinahina Tagan so ditompa Tano on dope
Nang na tinuduan Ni sude pelean Jumpang do muse
Sangkap ni Amana i Dipatulus Jesus kristus Jolma i ditobus.
3. Na rade di hita asi ni rohaNa Nang basaNa pe
Nunga mate Kristus Nunga sun ditobus Hita on sude
Sangap ma di Debata Na porsea di hataNa Do pangoluonNa
4. Hata hangoluan Do nuaeng diboan Parjamita i
Na lambok begeon i nuaeng dilehon Tu rohanta i
Hita on dijamita i Ai didokkon be do hita Paubahon roha
5. I do haojahan Na tongtong manahan Salelengna i
I hajongjonganku I do haposanku Hangoluanki
Gogongki tongtong ma i Mangihuthon tu hataNa Lao mambaen lomoNa.
6. Jesus sai tangihon Na hupangidohon Sai asi rohaM
Lehon sipargogo Asa lao tu surgo Au tu banuaM
Unang so tu Ho au ro I pe molo tos hosangku Tiur baen dalanku.
B.E No. 29 NASA JOLMA INGKON MATE BL. 186
1. I ma tingki hasonangan Molo Ho o Jesuski
Pinahusor di pingkiran Ro di asiasiMi
Molo Jesus ni luluan Holan Jesus sinangkapan
Tingki na lehet ma i Na pasonang roha i.
2. Sai buas naeng lehononMu Jesus asi ni rohaM
Sai girgir do topotonMu Na uasan di hataM
Gok do mual hangoluan Di bagasan Ho, o Tuhan
Jala sai dapotan do Sasude na ro tu Ho.
3. Ala nii o Tuhannami Topot ma huriaMon
Pasupasu dohot hami Gohi rohanami on
Mauas songon si Maria Di hataM na sun badia
Baen ma hami sasude Asa tung maruli be
B.E. No.30 JESUS LEHON HATORANGAN BL.135
1. Jesus lehon hatorangan Hapistaran Mangantusi hataMi
Lehon mata na marnida Dohot roha na umboto dalanMi
Asa tongtong maradophon BohiMi mardalan hami
Asa digomgomi TondiMi ma hami.
2. Ganup ari ma ajari Hami na di haotoon i dope
Asa lam porsea hami Ho sambing do hangoluannami i
Lam lumeleng lam pasolhot Tu rohaM ma rohanami
Hombar tu HataM ma pangalahonami
3. Sai martua ma nasida Na mambahen Jesus haposanNa i
Aut tung sura olo hita Jesus i baen parsigantunganta i
Ale Jesus sai patogu Hami na di parporangan
Asa dapot di ujungna hamonangan
4. Sai tangihon ale Tuhan Molo martangiang hami be tu Ho
Pasupasu marlobian LehononMu tu na ro manopot Ho
Sai dongani nama hami Asa hot di parpadanan
Mian hami sahat ro tu hasonangan.
B.E No. 31 DEBATA DO MANGGOMGOMI BL. 86
1. Ari na marhasonangan I ma ari Minggu i
Ari i paradianan Ni na marulaon i
Sai martua halak i Na ringgas marminggu i.
2. Songon dia paheanku Mandapothon Debata ?
Unduk serep ni rohangku I do abit na tama
Dung adong na songon i Tau ma au di Tuhanki
3. Ale Tuhan sai pangolu Jala sai ajari au
Molo ganggu sai patogu Marsak pe apuli au.
Tung patorang hataMi Sai tongong tu rohangki.
4. Pasupasu pangajaran Na nidok ni hataMi
Sai patogu parpadanan Ni na manangihon i
Sai urupi ma na ro Martangiang dompak Ho.
B.E No. 32. JESUS HAMI RO DISON ASA BL. 78
1. Nang lao ruar masuk pe Jesus sai dongani hami
Pasupasu hami be Dohot hangoluannami
Togu hami ale Tuhan sahat tu banuaginjang.
B.E No. 33 HAMU SALUHUT HALAK BL. 65
1. Antong sai dok ma amen Patorus rohanami
Tumangkup hataMi O Jesus Tuhannami
Patongtong rohanami Marhite hite TondiMi ?
B.E No. 34 NGOT MA HO DIJOU SOARA BL. 222
1. Jesus do haholonganta Ai digarari do dosanta Tobusta do mudarNa i
Daging dohot tondinami Tu Ho Jesus hulehon hami ai sonang do di tanganMi
Sai jalo hami on Hami huriaMon AnakkonMu asi rohaM
Denggan basaM Tumpakkon ma tu huriaM.
B.E No. 35 SADA NAMA SANGKAP BL. 199
1. Sude hami na dison marpungu Do padomu tangan i
Patoguhon padan di mudarMu Tanda hot di Ho sude
Jesus sai paboa ma di hami Lomo ni rohaM di endenami
Dok ma amen situtu Dame, dame di hamu
B.E No.36 PASU PASU HAMI BL. 4
1. Pasu pasu hami O Debata nami
Sai sondangkon bohiMi Tu na pungu on sude
2. Lehon ma di hami Dame ganup ari
Sai pasaor ma TondiMi Tu na pungu on sude
3. Amen hudok hami Ale Tuhannami
Na marasi roha i Sangap ma di goarMi
B.E No. 37 ASI NI ROHA BL. 48
1. Asi ni roha ni Tuhan Jesus Kristus Holong ni roha ni Debata
Dohot parsaoran ni Tondi Mandongani Hita sasudena
B.E No. 38 PARUAK MA HARBANGAN I BL. 189
1. Paruak ma harbangan i Ai nunga ro Rajanta i
Sigomgom raja sasude Sitobus hajolmaon pe
Siboan hatuaon i Pasuang hasonangan i
I pe tapuji ma Tuhanta Debata
2. Na sun tigor do roha ni Na ro tumopot jolma i
Ai Raja na badia do Huhut parasiroha do
Pabalionna do sude Na mangarsahi hita be
Ipe tapuji ma Tuhanta Debata.
3. Martua luat huta pe Dung jinangkonna Raja i
Rohanta pe sai sonang do Dung masuk Raja i naung ro
Ai tiur do rohanta i Dung ro panondang i tusi
Ipe tapuji ma Tuhanta Debata
4. O Jesus ro ma Ho tuson Ai naung huungkap rohangkon
Patongon asi ni rohaM Patolhas denggan ni basaM
Tu au marhite TondiMi Togihon au tu surgo i
Ai naeng tongtong disi Hupuji goarMi.
B.E No. 39 BEHA MA PAJALONGKU BL. 156
1. Beha ma panjalongku Di Ho O Tuhanki ?
Beha ma panomungku Di Ho o Rajangki ?
Sondangi ma rohangku na holom na bodo
Ai naeng patupaonku Las ni rohaM di Ho
2. Pangisi ni SionMu Do mangolophon Ho
Lao songon i rohangku Lao mandapothon Ho
Na ringgas do rohangku Mamuji goarMi
Na daulat do sangkaphu Patulus rohaMi
3. Ai ndang adong na hurang Na pinatupaMon
Mambaen tu au sumuang Dame ni rohangkon
Ai di na marsak ahu Binaen ni dosa i
Ro Ho ale Pangolu Mandaoni sahithi.
4. Tung aha ma alana Umbaen ringkot roham
Tumopot manisia Nda holong ni roham ?
Nda asi ni rohaMu Di na tarsosak i ?
Ai naeng pangoluonMu Sude naung mago i
5. Di na tarihot ahu Ro Ho mananggal au
Di na tarhurung Ho paluahon au
Ho na pasangaphon Na lea on hian
Ho do na pamorahon Na pogos on hian
6. Hamu na holso roha Biaen ni dosa i
Tangihon boaboa Na sian surgo i
Naung ro do Sipalua Disuru Ama i
Pasonang rohamuna Mamboan dame i
7. Ndang be habiaranmu Sude pangago i
Ai nunga ro Rajamu Mangalo saasude
Maporus do luhutna Dibaen Rajanta i
Rendep do sasudena Di adopanNa i
8. Ro do Ibana sogot Di ari uhum i
Ingkon disi tarsonggot Pardosa na tois i
Alai na holong roha Marlas ni roha do
Disi ma dohononna Pinuji Ho na ro
B.E No. 40 LAS SITUTU ROHANGKU BL. 153
1. Las be ma rohamuna Na igor roha i
Naung ro do Rajamuna Mamboan tua i
Ndang marpanggortap i Anggo di haroroNa
Alai tuk do gogoNa Padaohon jea i
2. Ndang dilului rohana Dison sonangna i
Di surgo habangsaNa HarajaonNa i Ai naeng buni dope
Di tano on sangapNa Dung tulus pe sangkapNa Patar ma i sude
3. Hamuna angka raja Oloi ma Raja on
Ai hangoluanmuna Do dipatupa on Ai molo tois hamu
Manjua di hataNa Sai talu do rimasNa Mangago tu hamu
4. Hamu angka na sangap Didok portibi on
Ibana do sumangap Di hasiangan on Sai bege hatai
Sai unang ma mandali HataNa nang sahali Tu rohamuna i
5. Hamu na marsak roha Di hasiangan on
Dibaen godang ni dosa Na di portibi on Sai hehe ma hamu
Padirgak ulumuna Ai hamoraonmuna Do Jesus i tutu.
6. Tibu ma ulahanna Manopot jolma i
Sude hasangaponNa Tarida ma disi Sai borhat ma hamu
Manomu Rajamuna Pagalak sulumuna Ibana ro tibu.
B.E No. 41 Songon ende no. 40 BL 153
1. Parripe ni Tuhanta Sai hehe ma hamu Sai jangkon ma Rajanta Marroha na burju
Girgir ma hita be Marende di Ibana Manjouhon Hosianna Burju ma sasude
2. Hamu na marsak roha Jonok do Raja i Na ro mangapul roha Ni nasa na tungki
Torop nuaeng tahe Inganan hasonangan i I ma partangiangan Ni na porsea i
3. Hamu na so mararta Di hasiangan on Na mora do Rajanta Na ro tu hita on
SarihononNa do Saluhut na hasea Alai saluhut jea PabalionNa do
4. Antong girgir ma hita Manomu raja i Mangungkap di Ibana Sandok rohanta i
Denggan tabaen nuaeng Dalanna tu rohanta Na naeng pasonangonNa Tiur ma i tabaen
5. Godang do lehononNa Di hita sasude Sai naeng do bongotonna Nuaeng rohanta be
Tung ise hita on Manjua paluaon Manjua pasonangon Ni Raja i antong ?
6. O Jesus sai bongoti Ma dohot rohangkon Asi rohaM ingani Ma tondingki tongtong
Patiur langkangki Lao tu banuaginjang ai naeng marsonangsonang Hupuji Ho disi
B.E No 42 HAMU SUDE NAUNG TINORUAN BL. 216
1. Hamu sude naung tinoruan Ni patik ni si Musa i
Sai ro hamu tu hasonangan Na dibagasan Jesus i
Ai nunga ditostosi Jesus do ihotihot i sibolis , mangagohon Tondimi.
Dapothon ma nuaeng Tuhanmu , naung ro mambaen haluaonmu ;
papos ma rohami disi
2. Na ro ma Gurumi , tarehon pinggolna tu podaNa i
naeng patuduhononNa dalan di ho nuaeng tu surgo i.
Ai na buni anggo najolo , patar dodi sude na olo
Porsea di Tuhanta i . Ibana do na paboahon
Saluhut na hinalomohon ni Debata , AmaNa i.
3. Na ro ma Rajami , sai jangkon Ibana tu roham , ale.
HasangaponNa ditadingkon Mambuat dangolmi tahe
Antong sai tiop ma tanganNa Paboa na nirajaanNa
Huhut niramotanna ho Mangmangkon ma burjum,paboa
Tundalhononmu do na roa Lao mangoloi RajaM naung ro
4. Gok situtu hamoraonmu Di Jesus Kristus Tuhanmi.
Tangkas ma i naeng etongonnu Gotaphon sian rohami
Luhut na olo mago sogot Ai ingkon gabe parsidohot
Ho tu banuaginjang i Saonari do helehetanna
Na jumpang do hadenggananna Sai jangkon Jesus Tuhanmi
B.E No. 43 PADIRI ROHAMUNA BL. 154
1. Padiri rohamuna Hamu parroha i
Naung ro do tuamu na Pasaehon dosa i
Ro sian ginjang do Maningkir sidangolon
Ni nasa hajolmaon Naeng buatonNa do
2. Pauli di Ibana Ma rohamuna be
Alai na so lomoNa Padao ma sasude
Dalanna naeng ture Lao bongot tu rohanta
Ipe na tau sabatNa Pabali ma sude.
3. Parroha haserepon Naeng topotonNa do
Parroha hajungkaton Sai oloonNa do
Parroha na ture Na unduk di hataNa
Na olo toguonNa Ditopot Jesus i.
4. Asi rohaM Tuhanku Parade ma au on
Manjangkon tu rohangku Ho hatuaonkon
Bongoti rohangkon Disi ma Ho maringan
Sai Ho ma ale Tuhan Nampuna au tongtong
B.E N0. 44 O TONDI PARBADIA I, BONGOTI BL. 206
1. Hamuna na porsea i Sai tomu Tuhan Jesus i Pahehe rohamuna
Jonok do ari pesta ni Saluhut huriaNa i I ma hatutubuNa
I pe hehe ma hamuna Baen pantunna lao manjangkon Na manopot hajolmaon.
2. Marlas ni roha situtu Saluhut halak na burju Lao mangihuthon Jesus
I pe pataridahon ma Las ni roham di Debata SangkapNa ma patulus
Puji puji Jesus Kristus na manobus tondimuna Sian hamagoanmuna
3. Sigati rohamuna be Sai tanda dosamu sude Paringkot rohamuna
Manjangkon Sipalua i Na tuat sian surgo i Manggarar utangmuna
Tanda hata Hangoluan na binoan ni Tuhanta Na pasae sude dosanta.
4. Ai molo so diboan ho Dosam tu Jesus i na ro Ndang saut be ho malua
Tongtong ma songgop rimas ni Jahowa Debatanta i Tu ho na hum manjua
I pe sude Angka dosa hinaroa ni rohamu Pasesahon tu Tuhanmu.
5. O Debata, asi rohaM Tumatap hami huriaM Sai taiti rohanami
Tu Jesus Kristus, AnakMi Naung ro tu hajolmaon i Baen hatuaonnami
Tomos, gomos Baen ma hami mardalani tu na sonang Sahat tu banuaginjang.
B.E. No. 45 HOSIANNA ANAK NI BL. 73.
1. Hosianna Anak ni, Raja David ro tu hita
Baen ture dalanna i, asa bongot tu rohanta.
Baen ma gabagaba i, di Tuhanta na ro i.
2. Hosianna ro ma Ho, tu bagasan rohanami;
Na manomunomu Ho, ale Jesus Tuhannami.
Las do rohanami i, molo bongot Ho tusi.
3. Hosianna Raja ni Hadameon Ulubalang
Nasa na binoanMi Dame dohot hasonangan
Hami na hinophoMi Di nampuna i sude
4. Hosianna Tatap ma Hami na nirajaanMu
Togu ma tu Debata Hami angka siseanMu
Sai sungguli hami on Mangoloi hataM tongtong
5. Hosianna Saut ma baen Bagabaga ni Jahowa
Nang buni dope nuaeng HasangaponMi di jolma
Angka na porsea i Do mananda gogoMi
6. Hosianna Pargogoi Hami sasude o Tuhan
Asa gabe pangoloi hami na di pardangolan
Di hataM na denggan i Asa pinatulus i
7. Hosiana Anak ni Debata na gabe jolma
Topot ma HuriaMi Asa ai tongtong martua
Sangap ma di GoarMi Salelenglelengnai.
B.E No. 46 NA SIAN GINJANG DO AU RO BL. 33
1. Na sian ginjang do au ro Barita na imbaru do
Huhut na uli situtu Huboan tu sude hamu
2. Naung tubu do saborngin on Anak ni na marbaju on
Anak na uli situtu Na gabe las ni rohamu
3. I ma Tuhanmu Kristus i Na ro mangontok jea i
Silehon tua di hamu Huhut sisesa dosamu
4. Diboan hangoluan i Silua ni Amana i
Ai naeng tu harajaon ni Pasuangonna jolma i
5. On ma partinandaan ni Di bara dapotonmu i
Peak di panggagatan do Huhut na binalutan do
6. Boti didok barita i Tinongos tu parmahan i
Tu nasa hajolmaon pe Ditongos Debata dope
7. On pe rohangku tanda ma Luhutna i patangkas ma
Ai ise Posoposo i ? Jesus alealem do i
8. Tuani ma Ho Jesus ro Dangolhu dieahi Ho
Ndang marsineang rohami Di au parhamagoan i.
9. Longang tutu do rohangki Marnida pangalahomi
Nang gok di Ho portibi on Martohap Ho di dangolhon
10. O Jesus haholonganki Bongoti dohot rohangki
Pabali sian sude Na tau mangago au muse
11. Haleluya, Haleluya Na ro tu hita Debata
Martua hita baenon ni Saleleng ni leleng na i.
B.E No. 47 AUT NA SARIBU HALIGANDA BL.103
1. Di na saborngin i do binsar Panondang di tondinta i
Padaohon saluhut na simpar Lao patiurhon sasude
Sondangon ni Panondang on Muse sandok portibi on
2. Ianggo ho ale tondingku Sai jangkon ma Panondang i
Sai unang ma lea rohamu Dibaen hametmetonna i
Pabalionna do sude Sibolis dohot dosa pe
3. Panondang on do papatarhon Na so hea niidami
Dibahen i sai hangoluhon Sondangna i tu tondimi
Ai ido hasonanganmi Di na lao sego sasude
4. Dibahen i sai marsinondang Ma baen haporseaonmi
Padenggan jala sai patorang Roham ro di parangemi
Paboa na marguna do Panondang na ro i di ho
5. Jesus panondang na ummuli Na pasonangkon rohangki
Togihon ma tondingku muli Tu surgo tu ingananmi
Sai pujionku Ho disi Saleleng ni lelengna i.
B.E. No. 48 RIA MA HITA SASUDE BL. 16
1. Ria ma hita sasude mamuji Debata
Girgir ma parendenta be Ai i do na tama Ai i do na tama
2. Diungkap Debatanta i Banuaginjang i
Disuru do AnakNa i Hangoluanta i Hangoluanta i
3. Ampuan ni AmaNa do TinadingkonNa i
Tu hasiangan on do ro Tu pardangolan i Tu pardangolan i
4. Sitompa nasa na adong,sigomgom sasude
Ro songon i tu tano on. Manaon na porsuk i Manaon na porsuk i
5. Dibahen i las situtu do rohangkon nuaeng,
Hujangkon Jesus i tutu, ai sonang au dibaen, ai sonang au dibaen.
6. Antong hamuna sasude Pardosa na tungki
Sai ungkap rohamuna be Manjangkon Jesus i, Manjangkon Jesus i
7. Ringgas ma hita sasude Mamuji Debata
Gogo ma taendehon be Amen Haleluya, Amen Haleluya
B.E. No. 49 SAI RO MA TU BARA BL. 47
1. Sai ro ma tu bara di Betlehem on Hamu na porsea hatop ma tu son
Marnida halalasan ni rohanta i Tinongos ni Ama na di surgo i
2. O ida hamu ma di bara inon Dakdanak na tubu disi borngin on
Uli do rupana maa na tiur O bereng Ibana ho gabe tiur
3. Las roha Maria nang Josep disi Marnida na metmet na sorang tusi
Marsomba tu patna do parmahan i Di ginjang marende pardisurgo i.
4. Pasinggang ma totmu hamuna sude Maniru parmahan marsomba muse
Marende hamu na marlas roha i Maniru suruan na di ginjang i
5. Sai dok ma O Anak ni Debata i Ho ro sian ginjang dibaen asiMi
Di hami sudena na mardosa on Mambaen haluaon di hami tongtong
6. Tung aha ulaning denggan di rohaM ? Silehononnami baen las ni rohaM ?
Nang sere nang perak ndang pinangidoM Ai roha na ias sambing do lomoM
7. Antong rohanami ma peleanMi O Jesus hasian sai jalo ma i
Ias jala sonang ma baen angka i Tongtong gabe domu ma tu rohaMi.
B.E No. 50 MARENDE MA HAMU BL.119
1. Marende ma hamu On ma dohononMu Holong ni rohanta Do Posoposo on
Na mareakhon hita Tu atas tano on Tuhanki do Ho, Tuhanki do Ho.
2. Malungun au di Ho O Jesuski naung ro Apul ma rohangku Saleleng au dison
Asi rohaM di ahu Marnida dangolhon Taiti au tu Ho, Taiti au tu Ho
3. Basa do Ama i Disuru Anak i Asa gararonNa Sude utangta i
Huhut padirionNa Hasonanganta i Aut na sahat au, Aut na sahat au
4. Tongtong di surgo i Hasonanganta i Sai mariaia Disi suruan i
Nang angka na badia Naung tolhas ro disi Na masihol au, Naeng tusi ma au.
B.E No. 51 TOLE PUJI MA TUHANTA BL. 31
1. Tole puji ma Tuhanta Tu Ibana ma rohanta
Asa girgir parendenta Ale dongan Kristen i.
2. Dosa dohot hamatean Bolis dohot hamagoan
Talu, ala naung diboan Jesus hangoluan i
3. Sai tandai ma denggan basa Ni Jahowa Debatanta
Dibasahon do AnakNa Baen hangoluanta i
4. I ma ro holong rohaNa Jolma do dibaen donganNa
Dohot tu harajaonNa Hita diarahon do
5. Nunga binsar panondangi Haholomon disondangi
Na masihol i didaoni Dipangolu do sude
6. Ale Jesus haholongan Boan ma tu hasonangan
Hami na di parjalangan na mangkalungunhon Ho
7. Asa di joloM ma hami Mangendehon endenami
Raphon angka dongannami Angka pardisurgo i
B.E No. 52 HATUAON DO BL. 55
1. Hatuaon do las ni roha do Hatutubu ni Jesus i
Mago do jolma Ro ma Tuhanta Las be, las be ma rohanta i.
2. Hatuaon do las ni roha do Hatutubu ni Jesus i
Domu do hita Tu Debatanta Las be, las be ma rohanta i.
3. Hatuaon do las ni roha do Hatutubu ni Jesus i
Las ma rohanta Mida Tuhanta Las be, las be ma rohanta i.
B.E No. 53 DI BETLEHEM DO TUBU BL. 51
1. Di Betlehem do tubu Di hita Anak i I do sian na burju
Hupilllit Rajangki, i do, i do, Hupilllit Rajangki
2. Tu holong ni rohaNa Hubonom rohangkon
Hulehon di Ibana Sude na di au on Olo, olo, sude na di au on
3. Sai naeng haholonganku Ho, ale Tuhanki nang marsak las rohangku
Ingkon lam ganda i. Olo,olo,ingkon lam ganda i
4. Burju naeng lehononku Di Ho rohangkinon Asi rohaM Tuhanku
Urupi au tongtong. Olo, olo, urupi au tongtong
5. Partohap di dagingku Ho, Debata hian Tu Ho naeng au mardomu
Ho, artangki hian. Olo,olo, ho artangki hian
6. Sai unang sirang hita Momosi ihot i Di holong ni rohanta
O Jesus, Tuhanki. Sai tong, sai tong di Ho ma rohangki.
B.E. No. 54 SONANG NI BORNGINNA I BL.64
1. Sonang ni bornginna i Uju ro Jesus i
Sonang modom do halak sude Holan dua na dungo dope
Mangingani AnakNa Jesus Tuhantai
2. Denggan ni bornginna i Uju ro Jesus i .
Tu parmahan di Betlehem i.Dipaboa na di surgo i
Nunga ro Sipangolu Jesus Tuhanta i
3. Godang ni tua disi Di na ro Jesus i
Tung malua pardosa muse. Sian hamagoanna sude
Ala ro Sipangolu Jesus Tuhanta i.
B.E No. 55 BORNGIN NA BADIA BL.68
1. Borngin na badia i Tua do binoanmi
Ai ditongos Debatanta Do AnakNa gabe jolma.
Ala ni pinuji ma Na ro sian Debata
2. Na mardosa sasude Ndada pola mago be
Dipalua Jesus hita Sian saluhut dosanta
Nang na holom sasude Dipatiur Jesus pe.
3. Sangap ma di Tuhan i Na mmboan dame i
Na mambahen manisia Lomo ni Tuhan Jahowa
Borngin na badia i, I do na binoanMi.
B.E. No. 56 SAI RO MA HAMUNA BL. 139.
1. Sai ro ma hamuna angka na porsea,
Sai ro ma hamuna tu Betlehem.
Ida dakdanak, Sipalua hita, Tasomba ma Ibana
Tasomba ma Ibana, Tasomba ma Ibana, Rajanta.
2. O Raja na sangap Tuhan ni saluhut
Ditaon Ho na porsuk di tano on
Ala ni jolma na di hamagoan Tasomba ma Ibana
Tasomba ma Ibana, Tasomba ma Ibana, Rajanta.
3. Hamuna suruan, puji ma Jahowa,
Rap dohot sude na martua i.
Sangap di Tuhan Debata di surgo, Tasomba ma Ibana,
Tasomba ma Ibana, tasomba ma Ibana, Rajanta.
4. O Jesus Tuhanku sai naeng pujionku
PambaenMu di ahu pardosa on
Ai gabe jolma Ho humophop ahu , tasomba ma Ibana,
Tasomba ma Ibana, Tasomba ma Ibana, Rajanta
B.E. No. 57 NUNGA JUMPANG BL.202
1. Nunga jumpang muse ari Pesta i
Hatutubu ni Tuhanta Jesus i
Tuat.do Ibana sian surgo i Mebat tu hita on
Hasangapon di Debata, dame,dame ma di jolma.
Las ni roha ni Debata Hajolmaon muse.
2. Beta, ale dongan tu Betlehem i
Itasomba ma Dakdanak na disi
Na tinongos ni parasiroha i Debata Ama i
Hasangapon di Debata, dame,dame ma di jolma.
Las ni roha ni Debata Hajolmaon muse
3. Sombanami ma di Ho na tubu on
Ho siboan dame tu portibion
Sai pasaorhon ma tu rohanami on DameMi o Jesus.
Hasangapon di Debata, dame,dame ma di jolma.
Las ni roha ni Debata Hajolmaon muse.
B.E No. 58 MARTUMBUR TUNGKOTUNGKO BL. 123
1. Martumbur tungkotungko na di si Jese i
Na tubu Posoposo Na pinarbaga i, I ma Tuhanta i
Sinuru ni AmaNa Tu hita jolma i
2. Tumbur sinurirangkon Ni si Jesayas i
I do na tinubuhon Ni si Maria i
Na saut ma jumpa i Na pinarbagabaga Ni Debatanta i
3. Mansai denggan rupaNa Na marsinondang i
Nang pe pogos Ibana Na gabe jolma i
Tiur ma baenon ni Roha ni hita jolma Na di na holom i.
4. Pinuji ma Jahowa Na asi roha i
Dilehon do AnakNa Hangoluanta i
Girgir ma hita on Mamuji Debata Ala basaninon
5. O Jesus Tuhannami Naung ro tu tano on
Tu pardangolannami Di hasiangan on asi ma rohami
Sai togu tondinami tu hasangaponMi
B.E. No. 59 O JESUSKI HUPUJI HO BL. 34.
1. O Jesuski hupuji Ho Dibaen naung gabe jolma Ho
Ditopot Ho do hami on Na dangol di portibi on
2. Peak di panggagatan i Do Anak ni Jahowa i
Partohap di sibukta on Do na pangolu hita on
3. Sigomgom parluhutan i Do na peak di bara i
Porsuk paniahapan ni Na marmuduhon sasude
4. Ibana na tiur hian Na sangap sian nahinan
Do patiurhon tano on Lao manondangi hita on
5. DiriNa dirumari do SangapNa ditinggalhon do
Manogu hajolmaon i Tu Debata AmaNa i.
6. Na pogos ma Tuhanta i, manaon sude na porsuk i
Mamora hita baenon ni, saleleng ni lelengna i.
7. I ma binaen ni Jesus i, pataridahon holong ni,
RohaNa na tongtong basa, I pe tapuji Debata.
B.E No. 60 MAROLOPOLOP HAMU, ALE BL. 236
1. Maroloolop hamu ale surusuruan
Puji ma Jesus na ro paturehon dalanan Tu surgo i
Di manisia sude Songon na dapot idaon.
2. Marolopolop hamu angka ujung ni tano
Puji ma Jesus Tuhanta na ro sian surgo
Domu muse jolma pardosa sude Tu Debata na di surgo
3. Tanda ma holong ni roha ni Tuhan Jahowa
Ai dipatupa na tau halongangan ni roha
AnakNa i Tubu di Betlehem i Lao paluahon pardosa
4. Anak ni Tuhan Jahowa manjalo sibukta
Ise na tuk mangantusi pambaenNa di hita ?
Mungkap nuaeng Dalan tu surgo dibaen Asa girgir bongotanta
5. Dohot do au, ale Tuhan ditatap rohaMu
Dohot tu ahu dilehon Ho hatuaonMu
Las rohangkon naeng ma pujionku tongtong Ho Sipangolu tondingku
6. Raja na sangap na bolon huhut marmulia
Na gabe jolma humophop sude manisia
Ho do tongtong Ihuthononku dison Sai hutundalhon na roa
7. Ale Immanuel tubu ma Ho di rohangku
Jalo ma i, ale Jesus, tongtong ingananMu
Topot au on Baen ma au sonang tongtong Jala sai gohi rohangku.
8. Huhaholongi o Jesus, Ho alealengku
Jala goarMu na bolon tongtong pujionku
Jalo au on, Jala urupi tongtong Mangaradoti hataMu
B.E No. 61 NA TAU LAS NI ROHA BL. 2
1. Na tau las ni roha hatutubu ni
Jesus Sipalua haholonganki, Jesus Sipalua haholonganki
2. Tung godang do dosa pangunjunan pe
Mangarsahi hita paima mate be, Mangarsahi hita paima mate be
3. Na so tarhatahon hamagoan i
Aut so tubu Jesus Sipalua i, Aut so tubu Jesus Sipalua i
4. Tuhan Debatangku Jesus Ho do i
Nda tung be mandele na porsea i, Nda tung be mandele na porsea i
5. Sai tarapul ahu Tuhan dibaen Ho
Tua na tumimbul dame jumpang do Tua na tumimbul dame jumpang do
6. Sai mardongan Jesus hinadenggan nii
Nang tu au patulus halolomoMi Nang tu au patulus halolomoMi
7. Aut diboto dongan na sai burju Ho
Ra na marrongoman ro manopot Ho, Ra na marrongoman ro manopot Ho
8. Halalas ni roha nang na bernit pe
Sai tong tu na denggan panumpakna be, Sai tong tu na denggan panumpakna be
9. Sai ditatap Jesus sian surgo i
Jolma manisia, tinobusNa i, Jolma manisia, tinobusNa i
10. Holsomi holsoNa, dihilala i
Sai pasonangonNa na niainNa i, Sai pasonagonNa na niainNa i
11. TangantanganonNa na porsea i
Laos pasahatonNa tu na sonag i, Laos pasahatonNa tu na sonang i.
12. Na mariaia do disi sude
Amen Haleluya, pamujina be, Amen Haleluya, pamujina be
B.E. No. 62 HALALAS NI ROHA GODANG BL. 172.
1. Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
2. Ai saborngin on do binsar bintang di na holom i.
Sumondangi hagolapon, na di rohanta i.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
3. Tuhan Jesus hadomuan, na disuru Debata,
Na pasaehon sude dosa di dolok Golgata.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
4. Sai sondangi ma rohangku, ale Tuhan Jesus i.
Asa dohot au maruli, di hatutubuMi
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
5. Halalas ni roha godang sai songgopi rohangki
Asa dohot au ummalo Mamuji goarMi
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
B.E No. 63 JESUS , HO DO SAI TONGTONG BL. 77
1. Jesus Ho do sai tongtong Dihaposi rohanami
Nang di taon na’mbaru on Ingkon Ho do dongannami
Tanda hot do padan i Dibagasan mudarMi
2. Nang goarMu nang hataM Ingkon dapot do begeon
Di bagasan huriaM Na girgir lao paradehon
Roha ni ruasNa i Bahen bagasjoroMi
3. Na binaenMu sasude Pangoluhon tondinami
Nasa hatuaon pe Naeng gomos tioponnami
Nang ditaon na’mbaru on Hot di Ho ma hami on.
4. Holan mardonganhon Ho Jesus, naeng mardalan hami
Bintan sipartogi do Ho tongtong di dalannami
Ai binaen ni sondangMi Tiur situtu ma1
5. Jesus sahat ma tu Ho nasa parsorionnami
nang beha pe dibaen Ho sai marguna do di hami.
Raphon Ho tarapul be rohanami sasude
BE.No. 64 NAUNG MORU DO MUSE SATAON BL. 192
1. Naung moru do muse sataon huhut lam suda bohalhi
beha do au na sai laon ture do pangalahongki
lam ganda haporseaonku nang holong ni rohangku pe
di Jesus dohot Debatangku nang di donganku sasude
2. Aut alusanku Debatangku ra tung maila au disi
marningot salpu ni rohangku ro di sude ulaonki
Ai dosa do binaen ni tangan Gok dosa nang rohangku pe
Nang pat nang mata Nang pamangan Luhut marsala do hape
3. Aut nunga mate au nuaning Di dia tondingki tahe ?
Di hasonangan do ulaning Rap dohot na badia i ?
Mamuji Debata do ahu Dibaen asi rohaNa i
Manang na hona uhum ahu Di api na so mintop i ?
4. Ndang dapot bilanganku dosa Naung huulahon nasailaon
Huhut ndang harajuman basa ni Tuhan Jesus nasailaon
Ndang dibaloshon Ho, Tuhanku Tu au hombar tu dosangki
Sai dipalambas Ho rohaMu Marnida pangalahongki
5. Dibahen i antong hupuji Denggan basaM sadari on
Ai pineakkon rujiruji I do na dapot sai tongtong
O Jesus na marholong roha Ingkon hupuji goarMi
Dibaen saluhut denggan basa Tu ahu pinasahatMi
6. Antong asi rohaM dongani Ma au tongtong tu jolo on
Pasahat ma au musengani Tu surgo dung tos hosangkon
Na olo do au mangihuthon HataM asal mangolu au
Naeng las rohangku pararathon BaritaMi lam tu na dao.
B.E No. 65 PATIMBUL BE MA SANGAP BL. 129
1. Majumpang taon imbaru on Di au dibahen Jesus
Dibaen rohaNa di au on BasaNa dipatulus
Ibana do manogu au Saluhut jea dipadao Mambaen las ni rohangku
2. Dibahen i hupuji Ho O Jesus Debatangku
Ai ndang hea mangulon Ho Mambaen partuaonku
Rohangku panuratan ni Godang ni denggan basaMi Ai Ho do pangurupi
3. Ipe dohot tu jolo on Ho pangasahononhon
Marjea pe portibi on Martua au dohonon
Ai las rohangku marsak pe Mangolu au lao mate pe Ho do hatuaonku
4. Di Ama, di AnakNa pe Di Tondi Parbadia
Ma hasangapon sasude Ho jolma manisia
Tolopi ma pamujingkon Haposi ma haposankon Ai sai tongtong rohana.
B.E. No. No. 66 DEBATA BAEN DONGANMI BL. 52
1. Debata baen donganmi, lao mangula ulaonmu.
Baen Ibana haposanmu sai paserep rohami
Debata baen donganmi Debata baen donganmi
2. Debata baen donganmi molo Debata donganmu
Ndang tarbahen ho be lilu sai ture do langkami
Debata baen donganmi Debata baen donganmi
3. Debata baen donganmi sai na saut do ulaonmu,
Sai na tulus do sangkapmu jala sonang rohami
Debata baen donganmi Debata baen donganmi
B.E No. 67 TAPUJI MA TUHANTA BL.12
1. Hamu ale donganku Sai tiru ma hatangku
Mamuji Debatanta Na pangoluhon hita
2. Sai songon na mardalanTabolus angka taon
Disi dope hosanta Diudut Debatanta.
3. Ai songon inaina Manjaga anakkonna
Laos songon i Tuhanta Dijaga do hosanta
4. Tutu do Tuhannami Ndang haramotan hami
Satongkin tondinami Nang pe pamatangnami
5. Pinuji ma goarMu Dibahen sude basaMu
Manatap na hasea Di hami na marjea
6. Asi rohaM o Tuhan Tangihon pangidoan
Na hupasahat hami Tu Ho o Tuhannami
7. Ramoti hosanami Ro di pamatangnami
Padao ma parsahiton Nang jea pe o Tuhan
8. Tumpahi na niula Di hauma nang di huta
Pasingkop bohalnami Mangudut ngolunami
9. Sai dohot na ummarga Sian saluhut arta
Tu hami ma tumpakkon I ma TondiM o Tuhan
10. Togihon hami sahat Tu hangoluan sogot
Tumean hasonangan Na di banuaginjang.
B.E. No. 68 IHUTHON AU SUDE HAMU BL.93
1. Masilelean angka taon Ro di ujungna sogot
O Jesus lehon parrohaon Na naeng tongtong marningot
Di halalao ni aringki Huhut manimbang ujung ni
2. Diudut Ho hosangki Paidaida ahu
Manang adong parbue ni Na niulam di ahu
Hape jotjot tarhirim Ho Parbue i ndang olo ro
3. Ra naung tarrimas Debata Marnida pambaenanku
Ra naung didok Tinaba ma Hau on na so dihangku
Ndang olo marparbue i Tu aha be hasea i
4. Alai na niondihonMi do au, umbaen mangolu .
Ho do mandok tu Ama i sai loas ma mangolu.
Hau on, asi ma rohami, taon I pe talu uhumMi.
5. O Jesus sai urupi au, di taon na ro mamboan.
Parbue angka na sai tau padaohon hamagoan.
Sai pargogoi ma au tongtong pasangap Ho di ngolungkon.
B.E No. 69 UNGKAP BAHAL NA UMMULI BL. 84
1 .Jesus sai urupi hami Dohot di taon baru on
Paimbaru gogonami Mangihuthon Ho tongtong
Pasupasu ma muse Na porsea sasude
2. Pingkiranku ulaonku Tau pasangap Ho ma i
Dungo manang modom ahu Ho tongtong di lambungki
Nang lao ruar msuk pe Ho ma donganki muse
3. Taon parasinirohaon Baen di au sandok taon on
Lam pahot ma hasesaan Ni dosangku di au on
Holan Ho do Jesuski Tuk pasaehon dosangki
4. Sai apuli ma rohangku Dohot holong ni rohaM
Jala jalo tangiangku Ala denggan ni basaM
Jea sasude padao Asa unang marsak au
5. Sai pagomos ma rohangku Manundalhon dosa i
Lam paganda ma ringgashu Mangulahon patikMi
Asa unang rohangkon lalap di portibi on.
6. Sai ramoti au Tuhanku Sipat taon na’mbaru on
Usung ahu di tanganMu Molo suda bohalhon
Asa las rohangku lao Ia ro panjouM di au.
B.E. No. No. 70 NAUNG SALPU TAON NA BURUK I BL.36
1. Naung salpu taon na buruk i, Ho ma hupuji Tuhanki
Ai diramoti Ho tongtong tondingku dohot dagingkon
Ai diramoti Ho tongtong tondingku dohot dagingkon
2. O Jesus sai asi rohaM, paian denggan ni basaM
Muse di taon na’mbaru on di nasa huriaM tongtong
Muse di taon na’mbaru on di nasa huriaM tongtong
3. Sai tong paian hataMi Na mangapuli roha i
Alai pangago sasude Padao ma sian hami be
Alai pangago sasude Padao ma sian hami be
4. Sai unang jujur dosa i Binaen di taon na salpu i
Urasi hami sasude Asi rohaM di hami be
Urasi hami sasude Asi rohaM di hami be
5. Urupi hami mangoloi PatikMu jala pargogo
Lao manundalhon dosa i Nang nasa jat ni rohangki
Lao manundalhon dosa i Nang nasa jat ni rohangki
6. Lam jonok taiti hami on Tu hangoluan na tongtong
Pahot ma di huriaMi Jambarna na sumurung i
Pahot ma di huriaMi Jambarna na sumurung i
B.E No. 71 BEHA MA PANJALONGKU BL. 156
1. O Raja na sumrung O Jesus Tuhanki
Na so hea marujung Do harajaonMi
Pasangap ma goarMu Di hasiangan on
Paro ha rajaonMu Di atas tano on.
2. Parroha sian purba Na ro sumomba Ho
Diboan siluana Lao pasangaphon Ho
Diida do bintangmu Na marsinondang i
Paboa nunga tubu Ho Sipalua i
3. Ho do marhasangapon Hian o Tuhanki
Alai di hamoraon Ndang ringkot rohaMi
Ndang ro Ho manjalahi Ugasan tano on
Na porsuk do ditaoni Ho di portibi on
4. Laos tong do Ho marsangap Huhut na songkal pe
BasaM do na gumortap nang hatigoranMi
Sude na burju roha Do diramoti Ho
Alai na jungkat roha Sai aloonMu do
5. Asi rohaM di ahu Pamasuk ma au on
Tu na nirajaanMu Pasonang au tongtong
Sude na tau pangago Pabali sian au
Ai naeng tigot tu surgo Tongtong mardalan au.
6. Lopokkon tu rohangku HataM na sintong i
Patiur ma rohangku Marhite bintangMi
Ho ingkon oloanku Rap dohot dongan i
Tongtong do Ho Rajangku Nuaeng nang sogot pe.
B.E No. 72 UNGKAP BAHAL NA UMMULI BL. 84
1. Hehe ma hamu parbegu asa tung tiur hamu
Ai naung binsar di ginjangMu Do panondang di hamu
Haholomonmuna i Disondangi Jesus i.
2. Na buni do nasailaon Sangkap ni Tuhanta i
Ndang diboto hajolmaon dalan hangoluan i
Tung na lilu do sude Di pardalananna be
3. Salpu do nuaeng bornginna binsar do panondang i
Nunga ro hatoranganna Tu saluhut jolma i
Sai malua ma hamu Sian haholomommu
4. Jesus sondang ni tondingku Na patiur sasude
Sai palua ma rohangku Sian dosa sasude
Taiti dohot rohangkon Tu na tiur i tongtong
5. HapapatarMi Tuhanku Ingkon manondangi au
Asa tong sonang rohangku Nang pe di na mate au
Manang aha pe na ro Hasonanganki do Ho
6. Togu au ale Tuhanku Sahat tu ingananMi
Asa sogot idaonku Ho di hasangaponMi
Pujionku Ho disi Salelenglelengna i.
B.E No. 73 NDANG TADINGKONONKU HO.2 . 74
1. Bintang ni si Jakob i Pinarbaga ni Jahowa
Na ringkot do rohangki Pasangaphon Ho paboa
Na huhaholongi Ho Na dung sian surgo ro.
2. Sere naeng hulehon do I ma haporseaonku
Ai naung dilopokkon Ho I tu au baen ugasanku
Sai polin ma serengki Nang di haporsuhon i.
3. Timus ni haminjon i Na manaek tu habangsaMu
Tangiangku nama i Na huboan tu joloMu
Sai pasiat hatangki Na mamuji goarMi
4. Dohot mir huboan do I ma arsak ni rohangku
Ala huarsahi Ho Dohot godang ni dosangku
Sesa nasa dosangki Jala jalo sombangki
B.E No. 74 SAI MARLASNIROHA HITA BL. 175
1. Sai marlasni roha hita Ale dongan Kristen i
Sai tapuji ma Tuhanta Napasaehon dosa i
Ditogihon Jesus i Hita huria i
Naung dijangkon Debatanta hita on baen anakkonNa.
2. Tuhan Jesus do Rajanta Na manggomgom sasude
Niramotan ni tanganNa Do luhut parhosa pe
Molo lao hatana i Ndang tarbaen so saut be i
Sai na tulus do nidokNa Di saluhut manisia.
3. O Hamu ale pardosa Molo naeng sonang hamu
Sai tangihon ma soara Ni Tuhanta i burju
Sai pauba rohamu Jangkon Jesus i tutu
Asa saut paluaonNa Tondimuna sian dosa
4. Nunga ro na mangapuli Roha ni parbegu i
Sahat do nuaeng na uli Tu na olo unduk di
Tuhan Jesus Raja i Naung ro sian surgo i
Sai tapuji ma Ibana Jala taoloi hataNa.
B.E No. 75 O TONDI PARBADIA I, BONGOTI BL. 206
1. Naung binsar do panondangi Na mangatasi sasude Na olo marsinondang
Sondangan ni do sasude Na di na holom i dope Malungun di na torang
Jesus tulus Ma sangkapMu Sondanganmu nasa jolma asa unduk di Debata.
2. Ho do mangapul rohangkon O Raja ni portibi on Saleleng au mangolu
Sai Ho ma parjambaranki Ndang olo au lohotan ni Sude na olo salpu
Tu Ho ro do Au na lea na porsea di hataMu Mangidohon panumpakMu
3. Tung ise pasonangkon au? Manang tu dia pe au lao Sasada Ho huboto
Pangkilalahon holong ni RohaM di au na bojok i Na pogos jala oto
Unang laos Au be lilu hiniphopMu do tondingku Ingkon Ho do tioponku.
4. Las do rohangku mida Ho O Jesus Kristus na dung ro Mamboan hangoluan
Naeng pujionku Ho tongtong Saleleng au di tano on Nang di banua ginjang
Sangap, sangap Di goarMu Ho Rajangku huendehon HamuliaonMu, Tuhan
B.E. 76 SADA NAMA SANGKAP BL.199
1. Sada nama sangkap ni rohangku di sandok portibi on.
Ndang tagamon na so las rohangku, molo jumpang au inon.
Naeng ma sai ingoton ni rohangku, na binaen ni Jesus tu tondingku.
Uju pinorsanNa i, saluhutna dosangki..
2. Ingkon sai Ibana ingotonku, uju na tarpajal i.
Tu hau pinarsilang ginantungkon, sai mabaor mudarNa i.
Ai humophop au ditaon uasNa, asa dohot au muse upaNa.
Ai ditatap do au on, di pandokNa: “Nunga sun !”
3. O Jesusku sai paingot ahu Di dosangku di basaM
Ai andorang di na holom ahu Dipalambas Ho rohaM
Nunga leleng dilului Ho do Au na lilu asa unang mago
Ditaon Ho na bernit i Lao manobus tondingki
4. Gok di Ho ma au ale Tuhanku Jala Ho ma jambarhi
Dok ma amen rongkom ma goarMu
Tu bagasan rohangki Lomo ni rohaM ma sungkunonku
Di sude na naeng ulahononku Olo I ma padanki Tu Ho Jesus Tuhanki
B.E. No. 77 HAMU SALUHUT HALAK BL.65
1. Hamu saluhut halak, ro ma hamu manatap, hangoluanmu on.
Na gantung di parsilang tumahan hamatean, naeng ingotonmu i tongtong
2 .Patangkas ma luhutna Sap mudar do dagingna Sai hir hodokna i
Buas huhut hosana Hinorhon ni bernitna Modar sude dagingna i
3. Aha do manginona Tu Ho Silehon tua Di hajolmaon i ?
So dung hea mardosa Ho doshon hami jolma Ndang dung dibaen Ho dosa i.
4. Au on ro di dosangku Na so tardok rohangku Dibaen godangna i
I do na pinorsanMu Disi ale Tuhanku Marsipal Ho binaen ni i
5. Sandok mauliate do au di Ho naung mate, lao pangoluhon au
Sai tong parrohaonku na busuk bunuonku, tu Ho sambing marguru au.
6. IluiluM o Jesus MudarMu pe na durus Nang angguhanggukmi
I ma parhiteanku Di na lao tos hosangku Manopot hasonangan i.
B.E. No. 78 O’ ULU NA SAP MUDAR BL. 158
1. O ulu na sap mudar Binaen ni bugangMi Na sian jangarjangar Sisungsang duri i
O ulu hatongamon Hian do tumpalMi Ditaon Ho haleaon Ho naeng sombaonki?
2. O bohi parsinondang Na sangap situtu Beasa tung marlangan Sap ijur hurumMu ?
Tung aha ma alana Umbaen homur mataM ? Na mintop do sondangna Di na lao tos hosaM.
3. Au on tama o Tuhan, manaon na tinaonMi. Dosangku di diporsan Ho na tarsilang i
Sai tatap ale Tuhan, au na dijoloMon. Huhut sai patuduhon, basaM tu rohangkon.
4. Ai Ho do Siparmahan, au pinarmahanMi. Sai Ho do haroroan ni hatuaonki
Sai Ho do haolhaolonku, marningot bugangMi Sai Ho do tioponku, marningot mudarMi.
5. Las situtu rohangku Huhut mansai sonang Marningot pangkophopMu Di ahu nahinan
Ndang be huhabiari Nuaning dosangki Tung mate au saonari Martua au disi.
6. Mandok mauliate Do rohangkon nuaeng Di Ho nang olo mate Ai sonang au dibaen
MudarMu i na durus Nang angguhanggukMi Sai jalo au , o Jesus Dihamamatengki .
7. Di na tadingkononku Sude di tano on Disi ale Tuhanku Dapothon ma au on
Di na ponjot rohangku Manostos hosangki Sai jangkon ma tondingku Marhite mudarMi
8. Ho ma pangondinganku Siapul rohangki Di na lao tos hosangku Di hamamatengki
Disi ma ingotonku Sude na tinaonMi Na timbul do tuangku Lao mate songon i.
B.E. No. 79 DI NA PONJOT ROHANGKU BL. 124
1. Di na ponjot rohangku Binaen ni dosangki Paingot au Tuhanku Di hamamateMi
Di hau na pinarsilang i Digarar Ho utangku Marhite mudarMi.
2. Tama longang rohangku, mamingkir hata on. PanghophopMi Tuhanku, Di au pardosa on.
Ai hosa ni AnakNa i, dilehon Debatangku, tumobus tondingki.
3. Tung aha panginona Ni dosangki di au ? Ai asi ni rohaNa Do paluahon au
Dibaen naung mate Jesuski Ndang be habiaranku Banua toru i
4. Antong sai pujionku Do Ho o Jesuski Marningot na tinaonMu Do hamamateMi
Marningot angguhanggukMi Ro di sude na bernit Na tinaonMi disi
5. Laos i ma pajujuhon Rohangku sai tongtong Manggotap hajahaton
Sian rohangkinon Unang huhalupahon be HalojaonMu Tuhan Nang tung satongkin pe.
6. Urupi au o Tuhan Tumaon di tano on Saluhut parsorion Na songgop tu au on
Ho ma hutiru sai tongtong Manaoni na so uhum na di portibi on.
7. Sai naeng ma tiruonku, pambaenanMi di au tu sasude donganku,
Jesus urupi au Manghaholongi donganki, unang tung marpambuat nang marpangansi pe
8. Sai sonang ma rohangku Binaen ni bugangMi Di na lao tos hosangku
Marningot mudarMi Pos ma rohangku baenon ni PamasuhonMu ahu Marnida bohiMi.
B.E No. 80 MAUAS JESUS BL. 39
1. Mauas Jesus atik pe Ibana Mual hangoluan i hian
Ingkon tahanonNa do uasNa Di hau pinarsilang nahinan.
2. Holong ni rohaM o Tuhan Jesus Ise na tuk mandodo i ?
ParungkilonMi do na manobus au na mago ala dosa i.
3. Aha Jesus hinauashonMu Uju songon i marsipal Ho ?
O, huboto na hinophopanMu Au ro di saluhut jolma do
4. Tung tarbaen au jongjong di lambungMu Majal jala mingguk rohangki ?
Dao ma i Sai naeng parsitaonku Ho, o Jesus hatuaonki .
5. Dohot do au mauas Tung leleng do Hulului hasonangan i
Loja au, andorang so huboto Ho sambing o Jesus mual ni.
6. Sai asi rohaM di au Tuhanku Sai sombu ma bahen uashi.
Buri au ale, dohot mudarMu asa tong mangolu tondingki
B.E. No. 81 JESUS MUAL NI NGOLUNGKU BL. 185
1. Jesus mual ni ngolungku, Sipangolu tondingki Ai dibunu Ho musungku, ima hamatean i.
Ho manaoni hamagoan, patupahon hangoluan Alani hupuji Ho, tung marribu hali do.
2. Haleaon, insakhinsak, reherehe, tijur pe Tali dohot pastappastap, tung ditaonhon Ho sude
Paluahon au na pogos, sian tangan ni sibolis Alani hupuji Ho, tung marribu hali do.
3. Bugang sada tanggurungmu Di na hona linsing i Hamamalum ni bugangku Na di rohangki do i
Ho do gabe binuraan Au dapotan hangoluan Ala ni hupuji Ho Tung marribu hali do
4. Sungsang duri ditumpalhon Panginsahi i tu Ho Jala tolong dilibashon Tu uluM, pasiak Ho.
I ditaonhon Ho, Tuhanku. Ala ni hajungkatonku. Ala ni hupuji Ho Tung marribu hali do.
5. Tung tanganMu dohot patMu Ditorusi labang i Jadi tiris ma mudarMu Sian hau parsilang i,
I do mual paridian Di au jolma na hansitan. Ala ni hupuji Ho Tung marribu hali do.
6. Sai pinuji ma GoarMu Ala ni na bernit i Dohot ala ni mudarMu Jesus na nilehonMi
Lao pasaehon dosanami Asa unang mago hami Ho hupuji ala ni Salelenglelengna i.
B.E. No. 82 O JESUSKU TU BUGANGMU BL. 21
1. O Jesusku, tu bugangMu, ro marsomba rohangkon.
Sai tarpuji, sai tarpuji, na pamalum tondingkon.
2. Tung di patMu, o Jesusku, solsolanku rohangki.
Tangisanku na tinaonMu, ala jat ni rohangki.
3. Tu tanganMu ma tondingku, jumpa hamamatengki.
Tu lambungMu, o Tuhanku, alap na tinobusMi.
.
B.E. No. 83 NA LAO DO BIRUBIRU I BL.214.
1. Na lao do Birubiru i Mamorsan angka dosa
Ni nasa hajolmaon i Di benget ni rohana
Diporsan do sahitta i Di lehon do DiriNa i
Tu tangan ni pamunu Ditaoni do na bernit i
Ro di na tos hosaNa i Didok : Naeng porsanonku.
2. Ianggo Birubiru i , Ima alealengku
Na paluahon tondingki Disuru Debatangku
Didok mandok AnakNa i Sai topot ma pardosa i
Naung sun tinoruanku Balga tutu do rimashi
Alai tarbaen do mombun i Horhonon ni mudarMu
3. “Na olo au, ale Amang . Sian sandok rohangku
Pasauthon lomo ni rohaM, RohaM sambing do guru”
O holong ni rohaNa i Tung aha do tudosanmi
Na songon ho margogo ? Dilehon Debata hape
AnakNa lao manaon sude Sitaonon ni na mago
4. Saleleng na mangolu au, naeng ingotonku Jesus.
Sude na binaenMi di au, hataM naeng hupatulus.
Ho naeng haholonganku do , huhut ihuthononku Ho
Di dalan hangoluan. Tung ingkon Ho, nampuna ahu,
Mangolu manang mate au. Sai Ho do tioponku
5. O Tuhan hinauliMi Sai naeng endehononku
Diringku ma peleanMi Na naeng seahononku
O Jesus jalo ma au on Pasiat ma pamujingkon
Baen sangap di goarMu Pasahat au tu surgo i
Marhitehite mudarMi Baen intan di tumpalMu.
.
BE. No 84 AUT NA GINORGA TU ROHANGKU BL.195
1. Aut na ginorga tu rohangku, bohiM di na lao mate Ho
Aut na huingot o Tuhanku, tongtong pangkophopMi di au
Ai Ho do paluahon ahu, dosangku do pinorsanMi
Didaoni Ho parsahitonku, martua au binahen ni i.
2. Sai jalo ma’au ale Tuhanku. Baen upa ni na tinaonMi.
Sai naeng ingoton ni rohangku, tung sasude na binaenMi.
Humophop au pardosa godang, dibahen holong ni rohaM.
Hinorhon ni tarbaen au sonang, laho mandapothon banuaM
3. Mauliate ma rohangku, di Ho o Jesus Tuhanki
Ho naeng tongtong haholonganku Marningot denggan basaMi
Antong sai tiop ma tanganku, manogu au tu lambungMi
Dijalo Ho do tangiangku, sai pos do rohangki di si.
B.E. No. 85 SAI INGOTON NI ROHANGKU BL. 227
1. Sai ingoton ni rohangku,
Hansit naung di taon Tuhanku, Uju i di Golgata.
2. Na so dung adong salaNa,
Gabe ampe tu Ibana, dosa ni portibi on.
3. Tung so dapot huhatahon
Haporsuhon na ditaonhon Holan ala dosangki
4. Ingkon Ho sai oloanku,
Sipangolu au Tuhanku, sian nasa rohangkon.
BE. 86 SILANG NA BADIA BL. 67
1. Silang na badia i Ho do lombulombungki
Maralohon dosa i Dohot pandelean i
Di sude sitaonon i Ho ma lombulombungki
2. Nasa na huula i Ndang tau hasonanganki
Nang ringkot pe rohangki Pola ro nang ilungki
Holan asi ni rohaM Pangurupi o, Tuhan
3. Ro do au nuaeng tu ho, sai palambas ma rohaM.
Nunga pola mate Ho, ala asi ni rohaM
Jangkon au na dangol on, sai ulosi tondingkon.
4. Dosa patundukkon au, ho ma mangondihon au.
Ramun situtu do au, mudarMi mamuri au,
Na pogos, Dangol au on. Ho ma artangki tongtong.
5. Silang na badia i Ho do lombulombungki
Molo puas hodokki Di na suda bohalhi
Di sude sitaonon i Ho ma lombulombungki.
B.E No. 87 JESUS KRISTUS DO MANOBUS BL. 91
1. Ho tinobus ni Tuhanmu Tung jonok do debataM Sai pasada pingkiranmu
Asa tong tutu sabam Sai pabulus Tu Tuhanmu ma roham
2. Sai timbangi di rohamu PangkophopNa i sude Ai tung ala ni dosamu
Do tarsilang Tuhanmi Baen malua baen martua Hita na tarjea i.
3. Haberengan ho Tuhanmu Di hau pinarsilang i ? So uhir tu pingkiranmu
Hansit na tinaonNa i ? Sai tohoi sai oloi Holong ni rohaNa i.
4. Naeng bagas arsakkononmu Sasudena dosami Asa hangoluhononmu
Na tinaon ni Tuhanmi Sai ringkoti manopoti Nasa hadosaonMi.
5. Mangasahon na tinaonMu Tundalanku dosangki Sai pasonggop pangkophopMu
Tu sude pingkiranki Naeng tondingku nang dagingku Upa ni na tinaonMi.
6. Na so tupa datdatanku Mangulahon dosa i Na so jadi arsahanku
Ho Parngolu, Tuhanki. Sai tarhilas ma rohamu Mida au hinophopMi.
7. Nang dokdok pe siporsanon Mian au di lambungMi Habengeton, hatomanon
Disahaphon silangMi Ho rajangku Ho Tuhanku Ro di hamamatengki.
8. Pangkophopon ni Tuhanku Na tongtong hutiop i Holan pasaut langkangku
Masuk hasangapon i Lao martomu lao mardomu Tu Tuhanku Jesus i.
B.E. No. No. 88 DI SURGO DO ALEALENTA BL.106
1. Jesusku naung manobus ahu sai naeng haholonganku Ho
Tu dolok Golgata Ho laho Nionjar ni holongMu do
Hupuji nasa asiMi Alai gumodang holongMi
2. Tarsolsolbagi do rohangku Paidaida dangolMi
Marningot sasude dosangku Ai i do na tinaonMi
Hupuji nasa asiMi Alai gumodang holongMi
3. Jotjotna i husoadahon Ho, Sipangolu tondingkon
Mabiar lao mangkatindangkon Ho na mangkophop au tongon
Hupuji nasa asiMi Alai gumodang holongMi
4. Bagas uhirhon tu rohangku PangkophopMi humophop au
Tusi ma togu pingkiranku Guru di Ho sambing ma ahu
Hupuji nasa asiMi Alai gumodang holongMi
B.E No. 89 ATE DI DIA SOROPMI BL.130
1. Ate di dia soropMi Nuaeng, o hamatean ?
Di dia hamonanganmi Nuaeng banuatoru ?
Na talu do hamu sude Na talu do sibolis pe Ai ditaluhon Jesus
2. Nang pe manggogo ulok i Mangalo ulubalang
Laos talu do tongamna i Dibaen na somal monang.
Tambihul ni diturbing pe. Laos so tarbaensa monang be Tarlisat do uluna.
3. Mangolu do naung mate i Hurungan dilohahon
Dirante do musuna i Tabanna diarahon. Tung ise na mangate be
Mangalo ulubalang i Na so tarbaen so monang ?
4. Mangolu do Tuhanta i Na hehe do Ibana
Ditaiti do ruasNa i Mangihut tu Ibana
Ndang tinggal di tanoman i Saluhut na porsea i Di hata ni Tuhanta.
5. Ai manang ise na burju Paubahon rohana
Na mangalehon situtu Di Jesus i rohana
I do dongan ni Jesus i Tumean hangoluan i Saleleng ni lelengna.
6. Marlas ni roha hita on Di ari haheheon
Ai tua nang di tano on Di surgo pe dilehon.
Dison tahirim i dope Disi pe idaonta be Suman tu Jesus hita.
7. O hamatean talu ma. Sai talu ho sibolis.
Banuatoru talu ma. Ai i do naung tartulis.
Tapuji Debatanta i Dibaen hamonanganta i Marhite Tuhan Jesus.
B.E No.90 SAI MARLAS NI ROHA HITA BL. 175
1. Sai tapuji Debatanta Ale hajolmaon i
Ai naung hehe do Tuhanta Sian hamatean i
Dipasidung Jesus i UlaonNa sasude
Patupahon haluaon Di saluhut hajolmaon.
2. Anggo utang ni dosangku Digarari Jesus i
I do haporseaonku Di na tinaonNa i
Nunga tulus patik i Nunga mintop rimas i
Di na hehe i Ibana Ro di au hangoluanNa
3. Ia ho banuatoru Nunga harhar talimi
Ai dung hehe na gumogo Loha do hurunganmi
Surgo i tarungkap do Dung ditaban Jesus ho
Gabe tu hangoluanna Diarahon do donganna.
4. Dohot ho, o hamatean Nunga mago soropmi
Suruhonku pe udean Ndang na tinggal au disi
“Anggo au mangolu do Sai mangolu dohot ho !”
Ninna Jesus tu rohangku Molo ro hamateanku.
5. On tongtong di halashon Nunga hehe Jesuski
Dohot ma hamu donganku Angka na tinobus i
Sai tapuji Debata Sai tadok Haleluya
Na mangolu do Tuhanta Ala ni sai las rohanta.
B.E No. 91 HATUAON DO BL. 55
1. Hatuaon do Las ni roha do Hangongot ni Tuhanta i
Mago do hita Ngot ma Tuhanta Las be, las be ma rohanta i.
Mago do hita Ngot ma Tuhanta Las be, las be ma rohanta i.
2. Hatuaon do Las ni roha do Hangongot ni Tuhanta i
Monang do Jesus Talu sibolis Las be, las be ma rohanta i.
Monang do Jesus Talu sibolis Las be, las be ma rohanta i.
3. Hatuaon do Las ni roha do Hangongot ni Tuhanta i
Mungkap do dalan Tu hangoluan Las be, las be ma rohanta i.
Mungkap do dalan Tu hangoluan Las be, las be ma rohanta i.
4. Hatuaon do Las ni roha do Hangongot ni Tuhanta i
I ma gogonta Dompak dosanta Las be, las be ma rohanta i.
I ma gogonta Dompak dosanta Las be, las be ma rohanta i.
5. Hatuaon do Las ni roha do Hangongot ni Tuhanta i
Monang ma hita Jumpa ajalta Las be, las be ma rohanta i.
Monang ma hita Jumpa ajalta Las be, las be ma rohanta i.
B.E No. 92 PUJI MA NA MANALUHON BL. 178
1. Puji ma na manaluhon Dosa hamatean i
Puji ma na pangoluhon Saluhut pardosa i
Jesus na dung mate i Las roham o huriaNa
Ala na mamillit ho, Jesus i mangolu do
2. Tole hita mangendehon Halalas ni roha i
Dohot marolopolophon Sangap ni na monang i
Na tongtong mangolu i Tole hita mangendehon
Halalas ni roha i Di parngolu Jesus i.
3. I do las ni rohanami Lao mamujimuji Ho
Ndang be sitoruan hami Ala na dung mate Ho
Dungkon ni mangolu Ho Nunga ringan tondinami
Sian hangoluanmi Ala hamonanganmi
4. Uju i di na manogot Di na buha siang i
Mijur do surusuruan Laho tu tanomanMi
Dung diungkap batu i Dipahundul ma ibana
Paboahon di na ro Ndang be dibagasan Ho
5. Tu tanoman si Maria Paturehon bangkeMi
Tung beha ma di rohana Dung dibege hataMi ?
Dohot mangalusi i? Au pe idaonku sogot
Ho di hasangaponMi Ho, o Jesus, Tuhanki.
6. Molo hehe pamatangku Molo pinasangap au
Idaonku Debatangku Jesus Sipangolu au
Suman tu Ibana au Molo hehe pamatangku
Jadi ngolungolumi Gabe hangoluanki.
7. Ala ni sai las rohangku Nang pardagang au dope
Ho tinatap ni matangku Atik pe na dao dope
Mian do TondiM di au Asa tong togu rohangku
Mangeahi surgoMi Paima sahat au tusi.
B.E. No. 93 PESTA PASKA HATUAON BL. 94
1. Pesta Paska hatuaon Pesta Paska haluaon Sian hamatean i. Sian hamatean i
Tuhan Jesus do pasuang hangoluan, hasonangan Tu saluhut jolma i.
2. Talu ho banuatoru Ndang tarbahen tiopanmu Raja Siparngolu i Raja Siparngolu i
Hamatean, hamagoan Na so pola habiaran Nunga talu i sude
3. Tuhan Jesus do na monang Tuhan Jesus do pasuang Las ni roha dame pe Las ni roha dame pe
Dongan golom ma hataNa Na porsea di Ibana Ndang tarbahen mago be.
4. Sai tapuji ma Tuhanta Na pabongot tu rohanta Roha pangkirimon i Roha pangkirimon i
Ia mate pe donganta Sogot ingkon idaonta Saluhut di surgo i
B.E No. 94 ALE TONDINGKU NAUNG HEHE BL. 44
1. Ale tondingku naung hehe Tuhanmu Nunga ditaban do banuatoru
Las ma roham ai martua ma ho Rap dohot Jesus mangolu ma ho
Rap dohot Jesus mangolu ma ho
2. Talu sibolis dibahen Tuhanta Nang hamatean nang dosa sudena
Sai dihalashon rohanta ma i PangoluonNa do hita sude PangoluonNa do hita sude
3. Tahaburjuhon mangalo dosanta Jala tabaen Tuhan Jesus donganta
Pos ma rohanta di Tuhanta i PamonangonNa do hita sude PamonangonNa do hita sude
B.E No. 95 NGOT MA HO DIJOU SOARA BL 22
1. Haleluya taendehon Nuaeng di ari haheheon Tuhanta Siparmonang i
Ai malua do Ibana Haruar sian tanomanna Na talu hamatean i.
Sun ulaonNa i Dibaen Tuhanta i Haleluya
Naung sahat di Tuhanta i UpaNa na sumurung i.
2. Tongam di parungkilonNa Dipangke Jesus i gogoNa Mangalo sipangago i
Hita naung pinarhatoban Ni setan dapot haluaan Dibaen hamonanganNa i
Naung sae utangta i Digarar Jesus i Haleluya
Di Tuhan i rohanta i Saleleng ni lelengna i.
3. Na so pola habiaran Ni hita on be hamatean Ai hita pe sai hehe do
Molo burju taihuthon Tuhanta i di parungkilon Sai ingkon tu lambungNa ro
Diboan Jesus i Do hita on muse Tu lambungNa Parmonang i
Sai saut ma i Binaen ni hagogoonMi.
4. Ale ari haheheon Beha ulaning hilalaon Ni rohangkon di tingkimi ?
Ndang hapalang las ni roha Di hasohot ni na roa Ro di sude na hansit i
O Jesus togu ma BangsoM tu Debata Tu na sonang
O Rajangki naung hehe i Pasahat au tu lambungMi
B. E No. 96 NUNGA TALU HAMATEAN BL. 101
1. Nunga talu hamatean Dibaen Tuhan Jesus i
Ai na hehe do Ibana Songon na nidokNa i
Haleluya, haleluya Nunga hehe Jesus i
Haleluya, haleluya Nunga hehe Jesus i
2. Ia angka boruboru Lao do tu tanoman i
Ndang disi be Tuhan Jesus Nunga hehe sian i
Haleluya, haleluya Nunga hehe Jesus i
Haleluya, haleluya Nunga hehe Jesus i
3. Marlasroha be ma hita Ala hehe Jesus i
Ai malua sude hita Sian hamagoan i.
Haleluya, haleluya Nunga hehe Jesus i
Haleluya, haleluya Nunga hehe Jesus i
4. Sai tapuji ma Tuhanta Na marholongroha i
Tapasangap ma Ibana Na marasiroha i
Haleluya, haleluya Nunga hehe Jesus i
Haleluya, haleluya Nunga hehe Jesus i.
B.E. No. 97 PATIMBUL BE MA SANGAP BL. 129
1. Ingoton ma sadari on Panaek ni Tuhan Jesus
Tu habangsaNa na tongtong Na so tarbaen be meret
Tasomba ma Tuhanta i Naung mulak tu Amana i Tapuji ma Ibana
2. Ai nunga mungkap dalan i Di angka na porsea
Lao mamongoti surgo i Malua sian jea
Naung mangonai tu sasude Na mangulahon dosa i Pinuji ma Tuhanta.
3. Ianggo las roham tutu Di Jesus i Tuhanta
Pauba ma roham burju Ihuthon ma Ibana Oloi hataNa sasude
Sai tiru pambaenanNa pe saleleng ho mangolu
4. Ai mulak do Tuhanta i Di ari paruhuman
Sai dabuonNa do disi Sude parhajahaton
Tu api na so mintop i Alai haholonganNa i Tu surgo bahenonNa.
5. O Jesus, Tuhannami on Asi rohaM di hami.
Sai tatap hami na dison Di paraloannami
Patogu hami sasude Tumpahi hami monang be Ro di ujungna sogot
B.E. No. 98 TUHAN DEBATA BL. 59
1. Naung manaek do Ho Lao tu surgo do Ale Jesus Rajanami,
Ho do ihuthononnami Ho partogi i Lao tu surgo i.
2. Maol do dalan on Togu hami on Asa tung malua hami
Sian angka musunami Na di tano on Togu hami on
3. Suru ma TondiM Singkat ni bohiM Tu bagasan rohanami
Manogihon tondinami Lao tu surgo i Tu adopanMi.
B.E No.99 O TONDI PARBADIA BONGOTI BL. 206
1. O ulubalang na gogo Songon sadari on do Ho manaek tu hasangapon
Naung sidung do ulaonMi Na ringkot patupaonMi Humophop hajolmaon
Sabam, tongam do Ho muli tu na uli Marhabangsa Disiamun ni Jahowa.
2. Marloksaloksa Serapim Marriburibu Kerubim Mamuji Ho na monang
Dibaen naung pinadomuMi Saluhut manisia i Tu Debata di ginjang
Puji, puji Jesus Kristus naung patulus saluhutna Tinonahon ni AmaNa.
3. O Jesus Ho do ulu ni Luhutna na porsea i RuasMu anggo hami
Ho hangoluannami on Ho hasonangannami on Ho hagogoonnami.
Suru, togu Rohanami, asa hami mangalehon Tu Ho nasa hasangapon.
4. Sai taiti rohanami on Urupi hami on tongtong Mangalo dosanami
Paias rohanami be Parangenami baen ture Nang pangkataionnami.
Tompa roha Na imbaru asa haru monang hami Maralohon dosanami.
5. Pabulus langkanami be Patigor dalannami pe Lao tu banuaginjang
O Jesus tatap hami on Na so tarbaen di tano on Mardame manang sonang
Sonang, monang Di lambungMu bahenonMu hami sogot Dung tu surgo hami bongot.
B.E.No.100 BONGOTI MA ROHANGKU BL. 155
1. Mardongan olopolop Manaek Tuhanta i, Jinangkon ni na torop Surusuruan i.
Antong nang hita pe Tapuji ma Tuhanta Marendeende hita Marolopolop be.
2. Na mulak do Tuhnata Tu habangsaNa i. Tu lambung ni AmaNa Di siamunNa i.
Disomba sasude Na di banuaginjang Tuhanta i, na monang Ro sian tano i.
3. Tatimbang ma lapangna Umbaen na songon i Ai naeng ma dohot hita Tumopot surgo i
Antong taingot ma Ianggo Tuhan Jesus Ibana do patulus Nidok ni Debata.
4. Ditaon do hamatean Humophop hita on Pature pardalanan Na sian tano on
Manogu hita be Tu lambung ni AmaNa Disi diadopanNa Naeng sahat sasude.
5. I pe ringgas ma hita Mangalo dosa i Manggotap roha daging Nang hajahaon pe
Tahalungunhon be Tuhanta na di ginjang Ibana do na monang I ma tatiru be.
6. O Jesus Tuhannami Asi ma rohaMi Sai sesa dosanami Palua hami be.
Pamasuk hami on Tu hangoluan sogot Sai loas hami dohot Mamuji Ho tongtong.
BE No. 101 O DEBATA MANSAI BL. 27
1. Taiti gogo ihut tu Ho Palungun rohanami
Tu surgo i ingananMi O Jesus Tuhannami.
2. Togu tongtong ma hami on Di dalanMi tu surgo .
Anggo so i oloanMi Sai saut do hami mago
3. Alai tahe suraon be So oloanMu hami
PinorsanMi do dosa i Lao paluahon hami.
4. Dibahen i, o Jesuski Sai naeng ihuthononku
Do hataMi, nang langkaMi Saleleng au mangolu
5. Taiti gogo ihut tu Ho au tu banua ginjang
Asa disi pujionki Denggan basaM o Tuhan.
BE. No.102 O TONDI PARBADIA BONGOTI BL.206
1. O Tondi Parbadia i Bongoti rohanami be Ro, Sipatiur roha
O Sondang sian surgo i Sondangi rohanami be Tu halalas ni roha.
Asa masa Patupahon pinodahon ni hataMu Sai tu hami ma rohaMu.
2. Ho do silehon roha i Di nasa na porsea i. Tumpahi rohanami.
Patogu rohanami be, Pasar hataM tu sasude Sai tong dongani hami
On pe sude Parrohaon, hatuaon lehononMu Sipujion do goarMu.
3. Sai pargogoi ma hami on Mangihutihut hataMon Dipardalanannami
Haporseaonnami pe Tambai tung masa aha pe Na bernit taononnnami
Tatap, tatap Sude hami, rohanami pasonangkon Hajolmaon hamonangkon.
4. Sungguli hami on sude Huhut paburju hami be Mangalo dosanami
Papir ma tondinami on Papos ma rohanami on Di paraloannami
Gohi, gohi Rohanami asa hami mambolongkon Losok dohot halembaon.
5. Ho batu mamak na togu Na tau oahan situtu. Paojak rohanami
Tu hata hasintongan i . Tung unang olo lilu be Nang sada sian hami.
Lehon roha Na tumogu naumburju manggoari Jesus Kristus Tuhannami.
6. Pangapul sian surgo i Songgopi rohanami be Pasaor dameM tu hami.
Pamalo hami on tongtong Mamboan roha na holong. Di angka dongannami
Dao ma bada Dohot hosom ingkon tongtong sonang hami Mandalani dalannami.
7. Parbadiai ma hami on Huhut patogu ma tongtong Torusi rohanami.
Tanggali sian hami be Huhut pabali sasude Na tau mangago hami .
Taiti hami Tu na sonang na di ginjang sumangkaphon Hangoluan, hasangapon.
B.E No. 103 TUNG BEASA AU HOLSOAN BL. 80
1. O Pangapul na lumobi , Tondi ni Tuhan i, Rohangkon bongoti
Diparbaga Tuhannami Ingkon Ho do na ro Mangajari hami.
2. Ndang adong huboto hami Na denggan na torang Sian dirinami.
Ingkon Ho do manondangi Roha ni jolma i Jala manorangi.
3. Ho disomba rohanami Sai asi rohaMi Paimbaru hami
Lam tangkas ma patandahon Jorbut ni dosa i Situndalhononhon
4. Sai patorang ma tu hami Porsuk ni Jesus i Haluaonnami
Nang pntor do rohanami Binaen ni mudar ni Jesus Tuhannami.
5. Sai paburju rohanami Roha ni sibuk i Talu baenonnnami
Asa uang sirang hami Ala ni dosa i Sian Tuhannami
6. Molo ajalnami jumpang Togu be sasude Tu banua ginjang.
Sai tumpahi hami monang Sahat di surgo i Saluhutna sonang.
B.E No. 104 BONGOTI MA ROHANGKU BL. 155
1. Bongoti ma rohangku Inganima au on
O Tondi Debatngku Pasonang rohangkon
Na marhabangsa Ho Raphon Debata Ama
Nang Jesus pe AnakNa Naeng pujionku Ho.
2. Antong pangkilalahon Tu ahu gogoMi,
GogoM na paluahon Au sian dosangki.
Urasi rohangkon Paias ma tondingku
Ai naeng do oloanku Na nidokMi tongtong.
3. Ndang dung marhatigoran Pardosa au hian
Ndang dung marhasonangan Na mate au hian
Di pandidion i Dibonom Ho dosangku
Tu mudar ni Tuhanku Ias au ala ni.
4. O Tondi Sipodahon Tangiang na sintong
Ho do na tinangihon Ni Ama i tongtong.
Ajari ma au on Mandok pangidoanku
Sian sandok rohangku Tangihon hatangkon.
5. Silehon las ni roha Palas ma rohangki
Pahehe au paboa Au niapulanMi
Jotjot ditopot Ho Angka na marsitaonon
Silehon hasonangan Tu na tungki do Ho.
6. Usehon tu rohangku Holong ni rohaMi
Padenggan ma hatangku Tu dongan sasude
Asi rohaM padao Ma bada, halatean
Patimbul hadamean Na roa i palao.
7. Baen gok haporseaon Ma rohanami be;
PanumpakMi gandahon Tu artanami pe.
Pabali tondi i Na olo manundati
Na olo mangarsahi RohaM na denggan i.
8. Pagirgir rohanami Mangalo dosa i
Tambai ma gogonami Di pangunjunan i.
Dongani hami on Mangalo musunami
Sai unang olo hami Saor tu portibi on
9. Baen pangalahonami Hombar tu rohanami;
Dung i di ajalnami Di hamatean i
Padao jorbutna i Palas ma rohanami
Tumopot jambarnami Di harajaonMi.
B.E No. 105 DEBATA DO MANGGOMGOMI BL. 86
1. Ro ma Tondi Parbadia Debatangku situtu
Rohanami ma paria mangoloi hataM burju
Sai sondangi ma tongtong Rohanami na holom.
2. Lehon ma di rohanami Hapistaran na sintong
Asa tung huboto hami Marparange di joloM
Sian haliluon pe Sai palua hami be.
3. Patuduhon ma di hami Dalan hangoluan i;
Paimbaru rohanami Sai padao ma dosa i
Pargogoi ma hami be Tu na denggan sasude
4. Pabotohon ma tu hami Na hinatindangkonmi;
Anak ni Debata hami Na marhaojahan
Di Mudar niusehon ni Anak ni Debata. i
5. Molo marsitaonon hami Jala marniae disi
Unang , Ale Tuhannami PadaoonMu bohiMi
Lehon apulapulMi Tu bagasan rohangki
6. Di na jumpang ajalnami Pabotohon ma torang
Denggan ni basaM tu hami asa hami saut monang
Lao manjalo tumpal i Na so olo malos be.
B.E No. 106 ALE TUHAN AMANAMI BL. 176
1. Ale Tuhan Amanami Na marholongroha i.
Suru TondiMi tu hami Angka na tinoguMi
Paimbaru tondingki Gabe joroMi ma i.
Sai oloi pangidoanku Sian asi ni rohaMu.
2. Ndang adong hangoluanku Anggo so ro TondiMi
Maringanan di rohangku Jala ndang margogo i.
Patupahon hataMi Pasangaphon goarMi
Sai tongtong holom rohangku Molo so patiuronMu.
3. Tung beha ma tandaonku Ho, o Jesus, Tuhanki ?
Tung beha ma tolopanku Ho do hangoluanki
Molo so ro TondiMi Manondangi rohangki ?
Ipe suru ma Ibana Asa saor tu au hataNa.
4. Arta na tongtong Manahan Salelenglelengna i.
Ingkon Ho do marbasahon Jala mangalehon i
Tondi sian Debata Ala ni tangihon ma
Hata pangidoanku Sai bongoti ma rohangku.
5. Patandahon ma tu ahu Dosa na buni dope
Angka na paholang ahu Sian Debata tahe
Asa topotanku i Tu Tuhanku Jesus i.
Jala au paluahonNa Sian dosa saluhutna.
6. Tondi, sai ajari ahu Jala togutogu ma
Asa au marpangalaho Na badia na tama.
Sai paburju rohangkon Mangoloi hataM tongtong
Asa molo ro ajalhu Sahat tu ingananMu.
B.E No. 107 O TONDI PARBADIA I, SAI MASUK BL. 207
1. O Tondi Parbadia i Sai masuk Ho tu rohangki .
Pasaorhon asi ni rohaM Ro di sude denggan basaM
Tu au marhite sondangMi Nang pe tu jolma sasude
Ai naeng papunguonMu pe Tu Tuhan Jesus Jolma sude Haleluya, Haleluya.
2. O Sondang na badia i Pasaor hatam tu rohangki
Tiur ma baen rohangkinon Mananda Debata tongtong.
Padao ma haliluon i Sinabur ni sibolis i;
Hubaen ma Tuhan Jesus i Sambing gurugku, ihutanki, Haleluya, Haleluya
3. Pangapul na sumurung i. Tarapul bahen rohangki
Manaon na porsuk sai tongtong Saleleng au di tano on
Humophop goarMi tahe Sai pargogoi ma au muse
Mangalo angka musungki Ai naeng au bongot tu surgo i. Haleluya, Haleluya
B.E No. 108 HATA NI JAHOWA BL. 203
1. Baen ma gabagaba Dohot bungabunga Nang pelean i
Ai nuaeng ma jumpang Ari parningotan Pentakoste i
Haroro ni Tondi do I ma Tondi Parbadia Masuk tu Huria.
2. Jangkon ma Ibana Ai asi rohaNa Ro tu hita on
Asa sondangonNa Tiur bahenonNa Parohaon tongtong.
Jangkon ma Ibana da Asa lao sude arsakmu Nang pardangolanmu.
3. Tondi pangapuli Sahap na ummuli Di sisean ni Tuhan Jesus Kristus
Ro ma Ho pabulus Tongtong langkangki Di na lao tu surgo au
Pargogoi ma au pamonang Sahat tu na sonang.
B.E No.109 JESUS HAMI RO DISON, ASA BL. 78
1. Sai songgopi hami on Ale Tondi Parbadia
Sai ajari ma tongtong Hami on huhut paria
Martangiang tu Tuhanta Asa tongtong oloanNa.
2. Tondi hasangapon i Sai ingani rohanami.
Pargogoi ma hami be Maralohon dosanami
Asa tung malua hami Sian hadosaonnami.
3. Jolma manisia pe Sai sondangi ma luhutna
Asa olo sasude Ro tu Jesus, Sipalua
Rarat baen harajaonNa Tu saluhut manisia.
B.E No.110 HALELUYA ! PINUJI MA BL. 98
1. Haleluya Pinuji ma Na sasadasa Debata, Sitompa saluhutna.
Ai asi ni rohaNa i GogoNa pe tongamNa i, Ingkon endehononta.
2. Haleluya Pinuji ma Na tuat sian Debata. AnakNa sasadasa.
Na mate ala dosa i Patupa hangoluan i, Ingkon endehononta.
3. Haleluya Pinuji ma Panondang sian Debata Sinuru tu rohanta
Pangapul na sumurng i Partogi, Pangajari i, Ingkon endehononta.
4. Haleluya ! Di Ama i Di Anak dohot Tondi i.Pujipujiannami
Di Ho ma hasangapon i Ro di hamuliaon i Dilehon rohanami.
B.E No.111 PATIMBUL BE MA SANGAP BL. 129
1. Patimbul be ma sangap ni Jahowa Debatanta
Dok ma mauliate i Tu Debata Amanta
Ai pardangolan i sude Nang saluhut na jorbut pe Dialo Debatanta.
2. Tongtong sombaonnami Ho Mamuji salelengna
Dibaen na digomgomi Ho HuriaMu sudena
Na so tardodo gogoMi Sai ingkon saut do rohaMi On pe martua hami
3. O Jesus , na sasadasa Ho Do anak ni Debata
Naung mago dipangolu Ho Diontok Ho do bada
O Jesus, Tuhannnami on Tangihon sombanami on. Asi rohaM di hami.
4. O Tondi Parbadia i, Ramoti ma sudena .
Naung dipalua Kristus i Marhite na tinaonNa
Ambati ma sibolis i, Padao nang nasa jea i Papos ma rohanami.
B.E No.112 O TONDI PARBADIA I, BONGOTI BL. 206
1. Haleluya Tapuji ma Amanta Tuhan Debata Dibaen denggan basaNa
Sai tong girgir ma hita be Pasangap Debatanta i Dibaen asi rohaNa
Sangap, sangap, Hagogoon, Hatoguon, hapistaran, Di Amanta na di ginjang
2. Haleluya Di Jesus i Talehon hasangapon i, Nang pe pujipujian.
Dilehon do mudarNa i Mamuri hita sasude Parade hatigoran.
Denggan, denggan Parsaoranta tu Tuhanta, badiaNa Songgop do tu huriaNa
3. Haleluya. Di Tondi i Na sangap, na badia i, Tadok mauliate
Aut unang saor Ibana tu Rohanta na so dung togu Luhutna do mandate.
Tua, tua Ma jambarta bahenonna salelengna Di adopan ni Debata.
4. Haleluya Lam ganda ma Biarta mida Debata. Nang holong ni rohanta
I ma mandasdas hita on Pasangap Debata tongtong Marhite parangenta
Puji,puji Tolu hali taulahi manggandahon Tu Ibana hasangapon.
B.E No.113 ALE TUHAN, AMANAMI BL. 176
1. Debata Sitolusada Ama, Anak, Tondi i.
Nunga montok nasa bada Na paholang tondingki
Sian hangoluan i Na rade di surgo i
Ai naung sesa do dosangku Sian asi ni rohaMu.
2. Sai ingani ma rohangku Sai parbadiai ma au,
Asa tong tutu hatangku Unang be margabus au
Sasude na roa pe Tanggal sian au muse;
Ho dipuji o Tuhanku Hata dohot pambaenanku.
3. Tatap ma sude donganku Nasa bangso Batak i
Saluhutna sisolhothu Nang na so tinanda i
Taiti ma sudena i Tu hataM na denggan i
Asa dohot i malua Sian begu dohot dosa.
4. Rarat baen harajaonMu Tu sandok portibi on
Sai pabinsar ma sondangMu Tu sude di tano on.
Nasa na nilinggom ni Hamatean i dope
Togu ma tu hatorangan asa dapot hasonangan.
B.E No. 114 PAROHON HARAJAONMI BL. 212
1. Ale Jahowa Debata Sai tatap hami on
Ai masiboan dosana be Do hami tu joloM
Asi rohaM di hami Sai sesa dosa i sude
Marhite Jesus AnakMi Na mate di hau silang i
Di Golgata Di dolok Golgata
2. O Jesus haholongan i Sai tatap hami on .
Ho pangondingannami i Ondingi hami on
Sai unang mago hami be Ai na tinobusMi sude.
Taluhon ma Sibolis i Ai na jorbut parulan ni
Pangolu be ma hami on sude.
3. Ho Tondi Parbadia i Sai tatap hami on
Lopokkon haholongonMi tu rohanami on
Pasada rohanami be Patiur tondinami pe
Lao mangihuthon dasdasMi Mangkasiholi sondang ni
Parholong i Pardenggan basa i
B.E No.115 TUHAN DEBATA BL. 59
1. Tuhan Debata Sai ramoti ma daging dohot tondinami
I do pangidoannami Sai pahipas be Hami on sude
2. Jesus Ho tutu Raja na burju Sai palua tondinami
Sian pardosaonnami Pasupasu be Hami on sude.
3. Sai parbadiai Sai tongtong rajai Ale Tondi Parbadia
Rohanami asa ria Mangoloi hataM Hombar tu rohaM
B.E. No. 116 DITOMPA HO DO AU BL. 243
1. Di tompa Ho do au, sondangi rohangkon;
Tung basa-basaMi sude na di au on.
Gomgomi pamatangku, naeng Ho do oloanku,
Sai lehon ma gogongku, lomoM naeng ulaonku.
Urupi tatap au tutu, Panompa na burju.
2. Tuhan Sihophop au, sai buri tondingkon.
Marhite mudarMi torusi ngolungkon.
Pinuji ma GoarMu, arga ma pangkophopMu,
Dibaen pangalahongku, nang nasa ulaonku.
O Jesus Sipalua au, tu Ho ma au patau.
3. Tu TondiMi Tuhan hulehon diringkon
Sai tong ma dirajai sandok pamatangkon
Ibana hutangihon, sai saut au ditogihon.
Tu ngolu partondion,Manahan di ujian.
O Tondi Parbadia i, sai Ho ma Rajangki.
4. Ale Debatangki Sitolusada i
Bongoti rohangki parbadiai ma i
Sai Ho ma lam hutanda gogongku lam paganda
Manangkup haluaon, maniop hatuaon
Ni Ama,Anak,Tondi, na tong pujion i.
B.E No. 117 JAHOWA DEBATANTA DO BL. 205
1. Jahowa Debatanta do Partanobatoanta
Musunta ingkon talu do Dibaen pangondinganta
Ianggo musu i, I ma sibolis i,
Jorbut do tahi ni Mangago jolma i; Ndang dapot na mangatup
2. Gogonta ndang haposan i, Tibu do mago hita;
Pinillit ni Jahowa i, Na tuk pamonang hita
Ai ise goar ni ? I ma AnakNa i Tuhanta Jesus i
Sigomgom sasude Na so tarbahen so monang
3. Gok begu pe portibi on Na naeng mamolgak hita
Nda tung mabiar hita on Ai ingkon monang hita
Ai nang tarrimas pe Sibolis i tahe Ndang habiaran be
Ai nang sahata pe Tuk do manaluhonsa.
4. Ai hata ni Jahowa i Ndang dapot ungkitonna
Tuhanta manjagahon i Ditungkol naposona
Hosanta arta pe Ugasan sasude Dirampas musu i
Antong mahua i Hot do harajaonNa.
B.E. No. 118 PAIAN MA DI HAMI BL.6
1. Paian ma di hami O Jesus asiMi
Asa tung unang hami Diansi musu i.
2. Paian Tuhannami HataM di hami be
Asa martua hami Nuaeng nang sogot pe
3. Paian sinondangMu Ale panondang i
Ambati ma na lilu Di parjalangan i
4. Paian ma di hami Tongtong panumpakMi
Gandahon ma di hami Asi ni rohaMi
5. Paian panjagaMu Di hami naposoM
Sai unang hami talu Bahenon ni alom.
6. Paian ale Tuhan Di hami burjuMi
Sai lehon hatongtongon Padao ma jea i
B.E No. 119 MARTUA DO DOHONON BL. 9
1. Matua do dohonon Na marsaama i
Na tong marparrohaon Maniop dame i
Na tong marparrohaon Maniop dame i
2. Sumorop anggo ombun Pabornok ladang i
Laos songgop hatuaon Tu angka dongan i
Laos songgop hatuaon Tu angka dongan i
3. Dung i sumuang sogot Ma hasonangan i
Malua naung tarihot Ias pardosa i.
Malua naung tarihot Ias pardosa i.
4. Sudena na porsea Na masuk do tusi
Na gabe sahuria Na marsaraja i.
Na gabe sahuria Na marsaraja i
B.E. No.120 ALE IMMANUEL TATAP BL. 117
1. Ale Immanuel tatap ma hami Na tinobusMu na pinaluaM
Na sinosahan ni musu do hami Ala tongtong nioloan hataM
Gasa disuan mangalo AnakMu Jala na jahat do ninna na burju
2. Nunga nania na burju najolo Na marnaloja na modom nuaeng
Ai diparbaga rohana ndang olo Talu nasida, hape sai dibaen
Musu bisukna, manjail nang nasida Jadi burjuna ndang be na tarida.
3. Lam tu ngalina do holong ni roha Lam tu hijangna do na poso i
Mansai torop do na lao tu na roa Na lilianan dibaen setan i
Marsak do roha ni nasa na burju Mida na lusam na di huriaMu.
4. Ipe, o Jesus, sai tatap ma hami Jala sungguli ma dongan sude
Unang ma modom di dosa be hami Burju marroha baen hami muse
Asa tarsunggul sude huriaMu Jala rap hehe pasauthon hataMu
5. Tatap o Jesus sude di balian Angka parbegu na lilu dope
Angka na hundul di na nilinggoman Ni hamatean sai jou ma sude
Asa malua nang i musengani Dalan tu surgo muse di dalani
6. Sai hamonangkon sude hajolmaon Taiti sandok manisia tu Ho
Asa diboan sude hasangapon Dohot pelean na hushus di Ho
Jala dipuji sude manisia Ho, ale Tuhan, na tong marmulia.
B.E. No. 121. JESUS RAJA NI HURIA BL.97
1. Jesus, Raja ni huria. Na porsea, Na badia Pasupasu ma au on
Sai sungguli ma rohangku Mangihuthon Ho, Rajangku
Pargogoi ma au tongtong Pargogoi ma au tongtong
2. Lehon Tondi Parbadia Saor tu roha ni huria Di sandok portibi on
Asa tong sada rohaNa Nang marserak pe ruasNa
Pasangaphon Ho tongtong Pasangaphon Ho tongtong
3. Sai palua ma ruasMu Sian nasa haholomon Sian roha daging pe.
Ho sambing ma ale Tuhan Las ni roha ni punguan
Na jumujung goarMi Na jumujung goarMi
4. Angka na di pangunjunan Na manaoni parsahitan Tatap ma sudena i
Sai patogu ma rohana Mangundukkon sitaononnna
Asa marparbue i Asa marparbue i
5. Sai pauli huriaMu Asa lomo ni rohaMu Jumpang Ho di ruasMi
Angka na serep marroha Na magigi mida dosa
Ho ditiru sasude Ho ditiru sasude
6. Tung arga do tinobusMu Hami angka siseanMu Ingot hami ala ni
Togu hami ale Tuhan Sian rura hasusaan
Tu banuaginjang i Tu banuaginjang i
B.E No. 122 IDA HINADENGGAN NI BL. 13
1. Ida hinadenggan ni Angka na saroha i
Parpambaenan na burju Nang hatana pe tutu
2. Sai hushus uapna i Songon bungabunga i
Angka na tinompa i Pajengkarhon tano i.
3. Doshon nambur do tahe Na sumorop sasude
Denggan ni parsaoran ni Dongan na saroha i.
4. Di parbaga Debata Tu na marsaroha, da,
Pasupasu na godang I ma roha na sonang
5. Ai di dia jumpang be Haholongon i tahe ?
Ndang tarida i dison Nang di liat tano on.
6. Holan di dirina be Do mansari jolma i.
Dongan ndang ditatap be Songon i do sasude.
7. Ale Jesus , Anak ni Debata Jahowa i.
Tatap hajolmaon on Di sandok portibi on.
8. Sai usehon ma tusi Holong na di rohami;
Sai ajari jolma i Masihaholongan i.
9. Sai padomu ma muse Na so olo saor dope
Nang pe rohanami on Sai pasada ma tongtong
10.Ale Tuhan, togu ma Hami on tu Debata
Na marholong roha i Salelenglelengna i.
B.E No.123 ALE DONGAN NA SAROHA BL.180
1. Ale dongan na saroha Manjalahi dame i
Dompak Jesus tapasada Holong ni rohanta i
Ai Ibana do ulunta Hita do ruasNa i.
Tuhan Jesus do gurunta Hita siseanNa i.
2. Tanda asi ni rohaNa Na bagas na timbo i
Tanda holong ni rohaNa Na so hadodoan i
Didongani Debatanta Ama na sumurung i
Dohot Jesus pe Tuhanta Hita na porsea i.
3. Sai pasada ale Tuhan Angka na porsea i
Asa masihaholongan Songon na pinatikMi
Dibagasan hasintongan I do pinangidoMi
Sai padomu angka dongan Na tutu sinondangMi
4. Sai pasada rohanami Doshon Ho tu Ama i
Asa unang sian hami Nanggo sada lilu be
Ho tongtong hutiru hami Di ulaon i sude
I ma patandahaon hami Gabe siseanMu be
B.E No. 124 DI BORNGIN NA PARPUDI I BL. 17
1. Di borngin na parpudi i, Tagan so mate Ho
Na masihaholongan i Dijamitahon Ho.
2. Antong, paingot huriaM Na mura marbadai
Tongtong diholong ni rohaM Huhut sai parrohai.
3. Gok dame bahen huriM Huhut patogu i
Maniru holong ni rohaM PinatuduhonMi
B.E No. 125 MARLASNIROHA HITA ON BL. 82
1. Marlasniroha hita on Mamuji Debata
Ai asi ni rohaNa i Do bongot tu rohanta i
Umbaen nuaeng mardomu i Dison sadari on Dison sadari on
2. Dibaheni manggogo be Ma hita on sude
Mamuji Tuhan Jesus i Parasiroha godang i
Sibaen las ni rohanta i Nuaeng nang sogot pe Nuaeng nang sogot pe
3. Alai taingot ma huhut Mambaen sangap tongtong
Barita ni Tuhanta i Marhite parangenta i
Di jolo ni donganta i Di atas tano on Di atas tano on
4. O Jesus, tatap hami on Sai pargogoi sude
Marhitehite TondiMi Pasauthon angka patikMi
Mambaen rarat baritaMi Di nasa jolma pe Di nasa jolma pe
B.E.No. 126 NA MARGURU DO LUHUTNA BL. 96
1. O hamuna ale dongan Ringgas be masijalangan
Lao marningot Tuhan i Na mandok tu siseanNa
On do patik di hamuna Masihaholongan i, Masihaholongan i.
2. Tole ma itatadingkon Roha na masihosoman
Na manirang dongan i Kristus i do pardomuan
Na patongtong pardonganon Salelenglelengna i, Salelenglelengna i.
3. Hasangapon, pamujion Di Tuhanta pardomuan
Ni huria i sude Di utara, di dangsina,
Hasundutan ro di purba Dipadomu Tondi i, Dipadomu Tondi i.
4. Ala ni sai taradoti Roha na mangkaholongi
Debata nang dongan i Hatigoran, hasintongan,
Hatiuron,hadameon I ma tong padanta i, I ma tong padanta i
B.E No. 127 LAM GOGO BL. 121
1. Lam gogo, lam gogo, Lam gogo mardalan ho,
Sion tu banuaginjang Nang satongkin unang so,
PalitoM baen marsinondang Di na tiur i mardalan ho Lam gogo, lam gogo.
2. Taon nama, taon nama Sion taon na hansit i;
Insakhinsak, pangunjunan Unang habiari i.
Tatap tumpal hangoluan Pangarsahi ni sibolis i Taon ma i, taon ma i.
3. Tundal ma, tundal ma, Tundal ma portibi on
Hasangapon diparbaga Uanng tatap tano on
Unang somba naganaga Halilian na binaenna i Tundal i, tundal i.
4. Uji ma, uji ma, Sion uji tondi i, Angka na pajujujuju
Ho mambahen dosa i Sai ihuthon ma Tuhanmu
Nang na tigor, nang na geduk i. Uji i, uji i.
5. Torus baen, torus baen, Sion torus baen rohaM
Mamingkiri hasonangan Na binaen ni DebataM
Unang tondong hamagoan Sion manimbangi dalanmi Torus baen rohami.
6. Pangke ma, pangke ma, Pangke ma gogom sude,
Patandahon haholongon Ni roham di Jesus i
Na mangoli ho, o Sion Mangoloi sude patikNa i Pangke ma gogomi
7. Tiop ma, tiop ma, Sion tiop burjuMi
Sai tongtong ma ho manggogo Mandopangi musumi
Ndang be dao ho sian surgo Sai paujung paraloanmi Burjumi tiop i.
B.E No. 128 DITANDA DEBATANTA BL. 162
1. Ditanda Debatanta Na di Ibana i
Na metmet nang na balga Di nasa bangso i
Ndang mago loasonNa Nang sada sian i
Ditogu do sudena Tu hasonangan i. Ditogu do sudena Tu hasonangan i
2. Ditanda do nasida Dibaen porsea do
Nasida di hataNa Naung tu nasida ro
I do hangoluanNa I do guruNa i
Laos i do sinjatana Mangalo dosa i. Laos i do sinjatana Mangalo dosa i
3. Ditanda do nasida Dibaen mangkirim di
Na pinarbagahonna Tongtong rohana i
Sai saut do bahenonNa Sude hataNa i
I do sitiopanna ro di ajalna i. I do sitiopanna ro di ajalna i
4. Ditanda do nasida Dibaen holong sude
Rohana di Ibana Nang di donganna pe
Ai i do na mandasdas Nasida sai tongtong
Asa tung dipatolhas Patikna i sintong. Asa tung dipatolhas Patikna i sintong
5. Sai songon i ditanda Tuhanta jolma i
Na mangoloi hataNa Di nasa bangso i
Haporseaon i do Partinandaan i
Padohot pangkirimon Nang haholongon i. Padohot pangkirimon Nang haholongon i.
B.E No. 129 AI BEASA DI BALIAN ? BL.177
1. Huhalashon, huringkoti Harorom tu tano on
Jesus Sipalua hami jolma na mardangol on
Ai marhite mudarMi Dihophopi Ho do i
HuriaM asa badia Jala dohot marmulia
2. Sai na di joloM do jongjong HuriaM na lea i
Ai ringkot dihalaungunhon Naeng tu Ho Rajana i
Dipaimaima Ho Jala tung marhobas do
Mangihuthon Ho Parmonang Toguonmu tu na sonang
3. Ro sai ro Ho, o Tuhanku Jesus ro ma Ho tibu
I panjou ni oroanmu Na malungun situtu
Ro ma Ho. O Jesuski Tatap haporsuhonki
Sai tu hasampuran rea AlaponMu na porsea
B.E. No. 130 PAROHON HARAJAONMI BL. 212
1. Parohon harajaonMi SahalaMi do i
Dibahen i, o Jesuski Ndang jadi sundat i.
Alai ianggo eme i, Ndang olo marparbue i,
Ianggo so na mate i Di na buni di tano i;
Denggan do i, Dibaen na mate i.
2. O Jesus, ndada sahat Ho Tu hasangaponMi
Tung sura na manjua Ho Manaon na porsuk i
Sai jalo hami on sude Tu harajaonMi muse
Ndang na manjua hami on Maniru Ho di tano on
Pabongot pe Tu surgo hami be.
3. Naung mate Ho di tano on Sobokon eme i
Sondangi ma portibi on Na sahat di Ho i
Sai suru angka naposoM Mangaliati tano on
Mamaritahon hataMi Sai naeng tumpahannami i.
Manumpak be Do hami on sude.
B.E No. 131 BATANG AEK USEHONONKU BL 87
1. Batang aek usehononku Ninna Debatanta i
Ingkon bornok bahenonku Tano na mahiang i
Parhorsihan sasude Ingkon gabe porlak be.
2. Sai lambas dope na hasang Ala hona toru i
Israel dope na jalang Sian Mesiasna i
Nang sipelebegu pe Na mansai torop dope.
3. Ingkon jumpang do hataNa Ai burju do Tuhan i
Ingkon saut pinarbagaNa Naeng sangap goarNa i.
Ingkon do tandaon ni Nasa bangso Tuhan i.
4. Ala ni ringgas ma hita Mangarahon dongan i
Tapaborhat ma pandita Tu sude na lilu i
Asa bongotonna be Hasonangan i muse
5. Nang leleng so marparbue Na tahalojahon i
Unang olo be mandele Hita na porsea i.
Na marhabengeton i Do dapotan tumpal i.
6. Sai tangihon, ale Jesus Pangidoannami on
Sangkapnami ma patulus Gok ma baen portibi on
Dohot hasangaponMi Sai pararat hataMi.
B.E No. 132 MARIBAK LANGIT BL. 193
1. Anggiat apiMi ma galak Parholong roha situtu
Huhut tibu diboto halak, Ho, Jesus raja na tutu
Ai atik pe mamungka torang Di purba di pastima pe
Laos tong godang dope na hurang Ai naeng tiur do sasude
2. Dibahen i palas, pangolu, Patiur liat tano on.
Papatar ma dirim, Parngolu, Pardame tu portibi on.
Disi ma halak sasudena Mamuji asi ni rohaM
Huhut marsinggang ma sudena Sumomba Ho di habangsaM.
3. Sungguli baen ias pasada Luhutna halak Kristen i
Unang adong be naggo sada Na so tumanda asiMi
Dibahen i padomu hami Marhitehite TondiMi
Sondangi dohot dongannami Na so tumanda goarMi.
B.E. No. 133 NAENG PUJIONKU HO JAHOWA BL.113
1. O Tondi na manggohi roha Ni panindangi na parjolo i
Na so dung olo marnaloja Mangalo musu ni Tuhanna i
Sungguli dohot rohanami on Mamaritahon Jesus i tongtong
2. Anggiat apiMi ma galak Marlojong tu saluhut bangso i
Jahowa sai paborhat halak Na burju mangkatahon hataMi
Sai tatap lambas ni gotilon i Ianggo naposoM otik do i
3. AnakMu do na mangajarhon Tu hami hata pangidoan i
Torop do na mangkaringgashon Mangaradoti na nidokNa i
Dibahen i tangihon nama i Sai dok ma Amen saut ma hata i
4. Antong torop ma baen pandita Na sai tongtong digohi TondiMi
Huhut na ringgas marjamita Manogu halak tu gomgomanMi
Taluhon ma sibolis i tongtong Pararat ma hataM di tano on.
5. Urupi hami sian Sion Sai suru Tondi Parbadia i
Lao paluahon hajolmaon Hombar tu na pinarbagahonMi
Sondangi ma sandok portibi on Pasiat ma hataM di tano on.
6. Sai loas ma hatop mardalan HataM, manggohi liat tano on
Naeng songon na marhabanhaban Parbegu masuk tu huriaMon
Sungguli dohot Israel sude Ro mandapothon huriaM sude.
7. Pauli Sion na marumpak Padao na tau mangambat hataMi
O Tondi, ro ma Ho manumpak Ulaon ni sude naposoMi
Tongtong paias porlak anggurMi Ai naeng ramos do parbuena i.
8. Sai tatap nasa parguruan Inganan ni TondiM ma baen sude
Lopokkon hata hangoluan Tu roha ni parguru i sude
Sai lehon guru angka na burju Parroha pangondian situtu.
B.E No. 134 ALE TUHAN AMANAMI BL. 176
1. Sai torop dope parbegu Na dihaholomon i
Jesus, ro ma Ho patibu Mandasdasi angka i.
Ro tu harajaonMi Asa sonang dohot i;
Togu nasa manisia Tu padanMu na badia.
2. Lam patorop partonaan Angka guru na burju
Na mamboan haluaan Sian dosa i tutu
Sai pasonggop TondiMi Tu sude naposoMi
Asa lam torop parbegu Tu na tiur i ditogu.
3. Hami na pinarmahanMu Ale Tuhan tatap ma.
Sai paringgas ma manogu Jolma i tu Debata
Sai paganda holong ni Rohanami sasude
Manogihon angka dongan Tu lambungMu, ale Tuhan.
B.E No. 135 O TONDI PARBADIA I BONGOTI BL. 206
1. Marpungu do di joloMon Marsada roha hami on O Jesus Tuhannami
Ho, Raja na tarsilang i, Na pinatimbo i muse Sai ro ma Ho tu hami
Olo, jalo Ma tangiang pamujian di goarMu Ala holong ni rohaMu.
2. Na metmet di mulana i Sai dipararat Ho do i, I ma harajaonMu
Lam ganda di bilangan ni Na paboahon hataMi Baen sangap di goarMu
Jesus tulus Baen sangkapMu; sosoanMu hajolmaon Asa olo paluaon.
3. Ho do nampuna hami on Ro di sandok portibi on Ho ingkon sombaonna
Nang lan dope na modom i Hinorhon ni jeana i Ho do tangihononna
Ingkon monang Ho, o Tuhan maralohon haholomon Ho do Raja sioloan.
B.E. No. 136 BIDANG DOPE NA HOLOM I BL. 38
1. Bidang dope na holom i Di bangso na di hasiangan i,
Na nirajaan ni sibolis i Disomba halak angka begu i.
Na nirajaan ni sibolis i Disomba halak angka begu i.
2. Sai tatap bangso i sude Ai nunga loja do nasida be
Dangolna do manjou tu surgo i Mangido tolong tu Jahowa i.
Dangolna do manjou tu surgo i Mangido tolong tu Jahowa i.
3. Torang do bagabaga ni Amanta di banuaginjang i
Arahonona jolma sasude Tu hasonangan ni rohana be.
Arahononna jolma sasude Tu hasonangan ni rohana be.
4. Tagogo ma pasauthon i, Mamboan hata hangoluan i
Tu nasa bangso na di tano on Ringkot tabaen ulaon i tongtong
Tu nasa bangso na di tano on Ringkot tabaen ulaon i tongtong
5. O Raja na di surgo i Na dung manobus nasa jolma i
Tibu sondangi ma na holom i Tu Ho ma taiti hajolmaon.
Tibu sondangi ma na holom i Tu Ho ma taiti hajolmaon.
BE.No 137 RAPHON TUHAN JESUS I BL. 164
1. Nunga ro tu hita on Hata hangoluan
Na pasonang sai tongtong Roha na jeaan.
Molo jinalona i Gabe na porsea
Di Tuhanta Jesus i Sipabali jea.
2. Ala nii tapuji ma Goar ni Tuhanta
Tapasangap Debata Na palas rohanta
Mamestahon ari on Ari parningotan
Di basaNa na tongtong So marpansohotan.
3. Ale Tuhan Debata Ho hupuji hami
Ipe halomohon ma Endeendenami
Sangap ma di goarMi dohot di AnakMu
Jesus Sipartogi i Tu harajaonMu.
4. Tuhan nang tu jolo on Tatap hajolmaon.
Sai pararat ma tongtong Hata haluaon
Tu na so tumanda Ho Dohot Tuhan Jesus
Asa sasudena ro Mandapothon Kristus.
BE. No. 138 NGOT MA HO DIJOU SOARA
1. Sada parsigantunganta, na mate I humophop hita
tobusta do mudarNa I . Jesus Ho do Tuhannami,
Ho ma tongtong nampuna hami, pinarhamaol ni rohami
Pature hamion baen sangap mi tongtong,
sai sondangkon ma bohiMi na basar I
Tu hami angka donganMi
2. Raja na marhasangapon mansai bidang do sisabion,
hape otik do naposom. Suru ma torop Pandita,
angka na ringgas marjamita
tu bangso na di tanoon.
Tangihon I sude , tu surgo I muse, ai martua.
Do halak I, pinillitmi, tu hasampuran rea I
BE. No. 139 NDANG TADINGKONONKU HO
1. Sada siparmahan I, sapunguan dorbiana
Di na jumpang hata I, longang situtu rohana
Sai haposi Jesus I, ingkon saut hataNa I
2. Dao dope arian I , tatap ma ai nunga mullop
sangap ni Tuhanta I, na tu bangso I naeng songgop
Loja do na lilu I mangoloi di begu I
3. Jesus ro ma Ho tibu manaluhuon haholomon
Sai marlojong situtu baen hataM tu Hajolmaon
Asa haru jumpang I , na nidok ni hatami.
B.E. No.140 GIRGIR MA HAMU BL.141
1. Girgir ma hamu Manogu sude Na hum na begu Manjua dope
Di hata ni Jesus Na sangap tongtong SangkapNa patulus Di portibi on.
2. Ndang jadi hamu Mabiar ale Sai pangke burju GogoM sasude
Nang hehe sibolis Mamolgak hamu Sai tatap ma Jesus pargogo tutu
3. Radoti burju HataNa sude Sai monang hamu BaenonNa muse
Ibana do Raja Na tong monang i Torop pe aloNa sumurut do i
4. Asi ma rohaM Ale Debata Pasaut ma hataM Tumpahi nama
Sude na niula Ni naposoM Sai baen ma martua Sude jolma pe.
B.E. No. 141 SAI TIUR MA LANGKAMUNA BL.222
1. Sai tiur ma langkamuna Sai Debata ma donganmuna Nang surusuruanNa pe
Molo diramoti Jesus,hamuna ndang tarbaen so bulus Do langkamuna sasude
Antong Tuhanta i, ma donganmuna i ganup ari Hamu sude sai ingot be
Tumangiangkon hami pe.
B.E.No.142 O TONDI PARBADIA I, BONGOTI BL. 206
1. Pararat ma baritaMi O Jesus asa sahat i Tu na sa halajolmaon
Tutu ma dung dipungka i Manogu jolma sasude Tu dalan hangoluan
I pe sude Hajolmaon Sai tangihon soaraNa Sai bongoti huriaNa
B.E.No.143 JERUSALEM, JERUSALEM BL. 171
1. Jerusalem, Jerusalem Na timbul nahinan Na dipatimbo Debata
Ho ro di langitan Nuaeng marserak pangisim
Huhut magargar ho Jerusalem, Jerusalem Hutatangisi ho.
2. Girgir najolo parendem Mamuji Tuhan i
Alai nuaeng sai marsak do Sude anakkonmi Na hundul ho di orbuk i
Sai mangandungi do Jerusalem,Jerusalem Hutatangisi ho.
3. Jerusalem, Jerusalem Ro di na mulak ho Pasangap birubiru i
Naung dibolongkon ho, Ro di pananda ni roham
Di na tinullangmi Jerusalem, Jerusalem Ho tatangisanki.
4. O Jesus tatap ma bangsoM Na tong marseraki,
Rohana na tongtong holom Sondangi ma muse Sungguli Israel sude
Na manundalhon Ho Jerusalem, Jerusalem Hutangiangkon ho.
B.E No. 144 NA HOT PADANKU BL. 104
1. Na hot padanku tu Jahowa, Binaen ni Jesus Tuhanki
Ai hutadingkon do na roa Hujalo pandidion i
Sai las rohangku ala ni Salelengni lelengna i
2. Diparulosi Debatangku Tondingku na marjea i
Paboa sae sude dosangku Au hinaholonganNa i.
Sai las rohangku ala ni Salelengni lelengna i
3. Ianggo ulos ni tondingku Tung mudar ni Jesusku do i
Do nilehon ni Tuhanku Mamuri ahu dohot ho
Sai las rohangku ala ni Salelengni lelengna i
4. Disuru Debata Jahowa TondiNa, mangajari au
Mangalo sasude na roa Huhut pabadiahon au
Sai las rohangku ala ni Salelengni lelengna i
5. Nunga disurat Debatangku Goarhu di bukuNa i
Paboa nunga hot jambarhu Na di banuaginjang i
Sai las rohangku ala ni Salelengni lelengna i
B.E No.145 NASA JOLMA INGKON MATE BL. 186
1. Ndang hapalang las ni roha Ala na tardidi au
Ai disi bolong na roa Dohot dosa sian au
Ise na tumanda arta Na ummuli Na ummarga
Sian hatuaonki Salelenglelengna i
2. Nunga sae sude utangku Ala na tardidi au
Uhum ndang habiaranku Diondihon Jesus au
Ai mudarNa huparidi Di na masuk au tardidi
Ala nii las rohangki Salelenglelengna i
3. Bolis, bege ma hatangku Nunga na tardidi au
Ingkon ho hutaluhononku Molo unjunanmu au
Ndang adong diham di ahu Jesus do nampuna ahu.
Ala nii las rohangki Salelenglelengna i
4. Di na mate au, hudok ma Nunga na tardidi au
I do gabe pos ni roha Ai tu surgo ma au lao
Topotonku ma Amangku Dohot Jesus i Tuhanku
Ala nii las rohangki Salelenglelengna i
5. Naung tarapul do rohangku Nang manangkarnangkar au
Tu tanoman pe dagingku Tondingki tu surgo lao
Di na homur i matangku Sai dohonon ni rohangku
Halak na tardidi au Sonang au tu surgo lao.
B.E No.146 PAIAN MA DI HAMI BL.6
1. O Jesus naeng tardidi Do posoposo on
Sai ro ma mangaligi Huhut manjalo on.
2. Diboan natorasna Nasida be tuson
Ai naeng pasahatonna Tu Ho dakdanak on.
3. Ai dibagasan dosa Do tubu on sude
Isara ni ompuna Nang natorasna pe.
4. Alai o Tuhan Jesus Silehon tua i
MudarMu do naung durus Manesa dosa i.
5. I ma umbaen binoan Dakdanak on tuson
Mangido haluaon Di pandidi on
6. Asi rohaM o Tuhan Di angka on sude
Tu buku hangoluan Surathon ma sude.
B.E No. 147 JESUS HAMI RO DISON, ASA BL. 78
1. Jesus hami ro dison Mangihuthon na nidokMu
Ro do posoposo on Ala na pinatikkonMu
Ingkon do tu Ho boanon Lao manjalo Parpadanan.
2. Marsaringar hata on Dibagasan rohanami
Manang ise na dison So hian manduahali
Sian ginjang tinubuhon Ndang tarbaen tu hangoluan.
3. Ala ni hapogan do Hami ro tu Ho, o Tuhan
Asa sahat ma tu Ho Posoposo on .
Sai suan hangoluan tu rohana Asa gong di Ho ibana.
4. Buri ma tondina i Dohot mudarMi, o Jesus
Baen ias rohana i Sangkapmi di on patulus
Lehon ma hatigoranMu Ain ibana, anakkonMu.
5. Parmahani on tongtong Ho parmahan di huria
On pe jalo ruasMon Baen pintor huhut badia
Dame lehon tu rohana Dohot haporseaonna.
6. Sahat ma tu rohaMi, Jesus pangidoannami
Togu i tu surgo i, Sai olio ma sangkapnami
Nang goarna i, o Tuhan Baen tu buku hangoluan
B.E.No. 148 TUHAN DEBATA BL. 59
1. Sian surgo i Suru Tondimi Ale Jesus Tuhannami
Ai naeng pasahatonnami Tu Ho hami on Na di joloMon.
2. Nasailaonna i Hinangkungan ni Natorasna be do hami
Olat na tardidi hami Di huriaMi Na badia i.
3. Na malua be Hami on sude Sian na mangkangkung hami
Jadi sarihononnami Langkanami on Na tu jolo on.
4. Na poso dope Hami on sude Ala ni urupi hami
Ale Jesus, Tuhannami Asa sai tongtong Burju hami on
5. Sai asi rohaM Suan ma hataM Tu bagasan rohanami
I ma pangguruannami Sai hombar tusi Pambaennami be.
6. Togu hami on Di na ropdop on Ho ma huihuthon hami
Sahat ro di ajalnami Asa masuk be Tu na sonang pe.
B.E No. 149 HO TONGTONG IHUTHONONKU BL. 182
1. Ho tongtong ihuthononku Jesus Sipangolu au
Tung na so tadingkononku Ho, na paluahon au
Sian sasude dosangku Dohot sian uhum i
Na tongtong habiaranku Ala pardosaonki.
2. Tung di dia jumpang ahu Tuhan sada songon Ho
Na manogunogu ahu Tu na sonang songon Ho ?
Naung ditaon Ho hamatean Lao humophop tondingki
Asa masuk au manean Tohap na sumurng i.
3. Manang aha pe na masa Las ni roha arsak pe
Tioponku Ho na basa Na marholong roha pe
Tung saleleng au mangolu Nang dung suda bohalhon
Ingkon Ho, o Sipangolu Pujionku sai tongtong
4. Sai ingani ma rohangku Jesus dohot TondiMi
Ro di ujung ni langkangku Togu au o Tuhanki
Di na tos muse hosangku Di na homur matangki
Sai tiopi ma tanganku Togu au tu lambungMi.
B.E. No. 150 NDANG AU NAMPUNA AHU BL. 125
1. Ndang au nampuna ahu Hulehon diringkon
Tu Tuhan i Rajangku Sigomgom tano on
Ai dibagasan Jesus au Diida Debatangki Na pasonangkon au.
2. Ndang au nampuna ahu Dung mate Jesus i
Dihophop do tondingku Disesa dosangki
Tongtong ma hupasahat au Mangunduk tu Tuhanku Na lambok roha i.
3. Ndang au nampuna ahu Dung na tardidi au
Di goar ni Tuhanku Na mangulosi au
Naung domu au tu Jesus i Rap dohot huriaNa GinomgomanNa i.
4. Ndang au nampuna ahu Ndang tarhasiphon au
Sai Jesus do artangku Ndang be maila au
Torop pe manginsahi au Direhe pe Tuhanku Sai Jesus do di au.
5. Sai i do dohononku “Ndang au nampuna au”
Sai Jesus tioponku Paima sahat au
Ndang lupa au di Jesus i Paima tos hosangku Ai sonang au disi.
B.E No. 151 NA SONANG AU BL. 136
1. Asi rohaM o Jesus Tuhanki Sai jangkon ma au on.
“Sai ro ma ho”, laos i do hataMi Tu au pardosaon
Dison huboan peleanMu I ma tondingku, pamatangku, Asi rohaM Sai jalo ma.
2. Asi rohaM. Sai jangkon ma au on, Gok dosa rohangki
Asi rohaM urasi rohangkon Na tuk do gogoMi
Sai Ho tongtong ihuthononku PatikMu sai ulahononku Asi rohaM urupi au.
3. Masihol au di ho, o Jesuski Pasolhot au tu Ho
Ai ndang na tuk patupa lomoMi Sondangannami Ho
Ai Ho do parhiteannami Ho, Jesus, Sipangolu hami O tua ni na solhotmi.
B.E. No. 152 JESUS NA MAMORSAN BL. 120
1. Jesus na mamorsan dosa ni portibi on, pangolu hami.
Jesus na marmosan dosa ni portibi on, pangolu hami.
Jesus na mamorsan dosa ni portibi on, sai pasonang hami, Amen,Amen,Amen.
BE. No 153 O JESUS NAUNG SINEAT BL. 126
1. O Jesus naung sineat, di hau na pinarsilang.
RohaM tongtong daulat, nang uju Ho tarhilang.
Marutang hosa hami, ditaon Ho dosanami, Asi rohaM o Jesus.
2. Pelean na badia, na masuk tu Jahowa.
Singkat ni manisia, na so daulat roha.
Di taon Ho dosanami, so i lao hami, Asi rohaM o Jesus.
3. Pelean na badia, Jinalo ni Debata
Panaon ni manisia Na pasohothon bada
Sai sesa dosanami Ho hatigorannami, Asi rohaM o Jesus
4. Pelean na badia DagingMu sipanganon
Di angka na porsea MudarMu sinumon
Sai ro ma maringanan Marhite parpadanan Di hami on, o Jesus.
B.E. 154 SAI PALINGGGAS HO BL. 190
1. Sai palinggas ho tondingku, sai tadingkon ma arsakmu.
Ro ma ho tu hatorangan,asa dapot hasonangan.
Ai tarontang ho saonari, tu haroan na badia,
Na manggomgom parluhutan, naeng tu ho do maringanan.
2. Sai ringkoti ma manomu, na pangolu ho tondingku
Na manuktuk do Ibana, di roham dibaen hataNa.
Ungkap pintu ni rohamu, asa bongot ma Rajamu,
Dok: Ingani ma rohangku, unang be tadingkononMu.
3. Sai malungun do rohangku, Ale Jesus di basaMu.
Tung na tangis do rohangku, na malungun do mannaMu.
Na mauas do tondingku, ale Jesus di mudarMu.
Pinangido ni rohangku, hasasaor tu Debatangku.
4. Las huhut do angka hitir, rohangkon di na hupingkir.
Simosimo ni panganon, di bagasan parpadanan.
Ai na so tardodo roha, pinatupa ni Jahowa.
Ingkon Tondi Parbadia, pabotohon i tu iba.
5. Jesus holong ni rohangku, dipadoras Ho langkaMu
Manadinghon hasangapon, mandapothon hajolmaon.
Ai dilehon Ho dagingMu Hangoluan ni tondingku.
Diusehon Ho mudarMu, baen hasaean ni dosangku.
6. Jesus, Ho hangoluanhu, unang so adong labangku.
Lao manganhon parpadanan, unang tung au hajeaan
Unang so lam huantusi, godang ni pangkaholongi,
Ni rohaM di huriaMu, Na tinobus ni mudarMu
BE. 155 NAUNG MORU DO MUSE SATAON BL.192
1. Tu son ma ale tondingku, di na mauas, male ho
Manjalo basa ni Tuhanmu pinaradeNa i di ho.
Dilehon Jesus do dagingNa, marhitehite roti on,
Dilehon dohot do mudarNa, marhitehite anggur on.
2. Ai nang tongtong pe ganup ari, mudarNa mangurasi au.
Huhut Ibana so mansadi manogu tu lambungNa au.
Sai naeng au mangan parpadanan ni Jesus Kristus, Tuhanki.
Na padamehon parbadaan, na pasonangkon rohangki.
3. Asi rohaM di au o Jesus, tumpahi au sadari on.
Ai hataMi do hupatulus, manganhon parpadanan on.
Antong patiur ma rohangku, marningot denggan ni basaM.
I ma na tinaonMi dosangku, binaen ni holong ni rohaM.
4. Patogu haporseaonku, di hasasae ni dosangki.
Marsitiopan baen rohangku, di mudarMi na durus i.
Sai ro ma Ho ale Tuhanku, marhite parpadanan on.
JoroM ma baen nuaeng rohangku. Ho ma nampuna au tongtong.
B.E No. 156 JAHOWA TUHANKI BL. 149
1. Jesus, Parmahan i Sinuru ni Debata
Manogu jolma i Marhite sian hata
Na sintong, na ture Tu hangoluan i
Dipuji sasude Huria goarMi.
2. Naung dipatolhas Ho Hatam tu siseanmu
Antong, nasida do Muse parhiteanmu
Lao pararathon i Tu liat tano on
Ai harajaonMi Naeng lam bidang tongtong.
3. Manang di dia pe Ojak harajaonMu
Sai naeng tongtong ture Sude nirajaanMu
Naung dipabangkit Ho Pandita, guru pe
ParmahananNa do HuriaMi sude.
4. Antong asi rohaM Sai pargogoi nasida
Huhut pasaut hataM Dongani ma nasida
Mangaradoti be Hapanditaon i
Tu hami on sude Pasonggop dameMi.
B.E No.157 O TONDI PARBADIA I, BONGOTI BL. 206
1. O Jesus na marsangap i, Ho, Raja ni huriaMi Parmahan di bangsomu
Tongtong ditatap mataMi Sian ria na pinaluaMi Sude ni rajaanMu
Tatap, tatap Na marpungu di bagasMu diadopan Ni habangsaMi, o Tuhan.
2. Martua do huriaMi Ai na holong do rohaMi Mambaen hangoluanNa
Dilehon Ho partogi i Na mangajari sasude Pature parrohaonna
Unang hurang Di huria na badia panditana Angka na burju rohana.
3. Sai tatap dohot angka on Na jongjong di joloM dison Manjalo tohonanNa
Na mangampehon tangan i Parhiteanmu nama i Mambaen hatuaonNa
Suru Tondi Parbadia tu nasida margogoihon Asa marhapanditaon.
B.E. No. 158 JESUS DEBATA BL. 59.
1. Jesus Debata sai uluhon ma Hami angka siseanMu
Na tinobus ni mudarMu Tiop ma tongtong tangannami on.
2. Ia masa pe Na bernit muse Sai patogu rohanami
Asa unang gangu hami Haporsuhon do Lapang lao tu Ho
3. Songgop na hansit Sian na bernit Nang di dongan, nang di hami
Sai pabenget rohanami Tu ujungna i Taiti roha i.
4. Pambaennami pe baen tongtong ture Di na masa haporsuhon
Ho ma Jesus palambokkon Sonang baen muse tondinami be.
B.E No. 159 MARTUA DONGAN BL.201
1. Martua dongan angka na sabagas Na mardonganhon Tuhan Jesus i
Na mangoloi Ibana mansai ringgas Na so marholang tangiangna i
Tongtong holong rohana di Ibana Manungkun lomo ni rohana i
Huhut tongtong marguru tu hataNa Dibaen sandok pangalahona i.
2. Martua baoa dohot inaina Sisadaroha mida Jesus i
Na rap marholongroha di Tuhanna Marsaulihon hatuaon i
Na sahat sian asi ni rohaNa Tu halak na porsea sasude
Ido dibaen nasida haposanna Manang beha parsorionna pe.
3. Martua na saripe, pangajari Di anakkonNa, asa tong burju.
Na so marpansohotan ganup ari. Tumangiangkon angka i tutu
Tu Tuhan Jesus asa sai Ibana Mamasumasu sasudena i
Huhut dilehon asi ni rohaNa Manogihonsa tu lambungNa i.
4. Martua dongan, angka na sajabu Parlas ni roha dibagasan Ho
O Jesus na ringkot mamasumasu angka na holong roha i di Ho
Martua ma tutu sude nasida Nang di na songop hasusaan pe
Ai sai diapul Ho rohanasida Paima ditogu Ho tu jabuMi.
B.E No. 160 O TONDI PARBADIA, BONGOTI BL. 206
1. Au dohot na saripengkon O Jesus na di joloMon Ho naeng oloannami
Ho ma nampuna hami on Saleleng hosanami on Sai pasupasu hami
Ho ma Raja Sioloan pausoan, sisungkunon Di patikMu ale Tuhan
2. Sai pasupasu hami be Pasingkop bohalami pe Paido ma hapogosan
Horasi dohot daging i Sai tuk ma baen gogona i Manahan di ulaon
Tolong, tolong , ganup hami, asa hami mangkaposi Rohami na sai marasi.
3. Rajai ma hami sai tongtong Pasaor tu rohanami on DameM, o Tuhannami
Marhitehite tondiMi Ingani rohanami be Huhut patogu hami
Dao ma bada Sian hami, jabunami baen inganan Pardamean, hasonangan.
B.E No. 161 TANGIHON ANGGUKANGGUKON BL. 133
1. Tangihon anggukanggukkon Asi rohaM Jahowa
Mansai tarponjot rohangkon Dibaen godang ni dosa
Tung sura dibaloshon Ho Luhut na sala dompak Ho Tung ise tartahansa.
2. Ai holan asiasiMi Patupa paruntungan
Indada pambaenannami i Tung pe marhasurungan
Sipuji diri talu do Ingkon mabiar mida Ho. Sude marhuhuasi.
3. Debata do haposanki Indada pambaenanku
Na burju do basaNa i Haposan ni rohangku
Sai tongtong do hataNa i, Na mangapuli rohangki I do hupangasahon.
4. Nang salpu ari, borngin pe, So ro dope basaNa
Ndang olo ganggu rohangki Taringot tu gogoNa
Sai songon i ma roha ni Naung tubu sian ginjang i Debata dihaposi.
5. Nang pe nania dosangki Godang pe hajahaton
Gumodang asiasiMi Na gogo paluahon
Jahowa sai asi rohaM Palua nasa huriaM Sian sude dosana.
B.E.No. 162 . O DEBATA MANSAI BL. 27
1. O Debata, mansai balga, huhut dokdok dosangku.
Na so adong di tano on, na tau haporusanku.
2. Tung sura lao au tu na dao, mangalap hatuaon.
Ndang dapot i di tano i, di nasa hajolmaon.
3. I pe tu Ho nama au ro, sai unang tulak ahu.
Paombun ma o Debata, rimasMu mida ahu.
4. Ai mudar ni AnakMu i, do gabe pardengganan.
Sae utangki binaenNa i, di hau na pinarsilang.
5. Molo patut Sai ro ihut UhumMu tu dosangku
Jorai au on Di ngolungkon Tu surgo tait rohangku.
6. Ajari au Na jat padao Paias ma rohangku
Naeng unduk do Au on di Ho HataM naeng oloanku.
7. Tu asiMi ma rohangki Sai sesa ma dosangku
Tu lambungMi Ma tondingki Dung tos muse hosangku
B.E No. 163 JESUS HINAPOSAN NI BL. 75
1. Laos dijalo Jesus i Do pardosa na tarilu.
Sai paboa Hata i Tu saluhut i na lilu.
Asa sasude na ro Dipangolu Jesus do.
2. Asi ni rohana i Pinarbaga ni hataNa
Dohot hangoluan i Salelengna di lambungna
Saluhut na i na ro Dipangolu Jesus do.
3. Dilului parmahan i Dorbiana, molo lilu;
Burjuan do Jesus i Manjalahi na tarilu
Asa unang mago i Dipangolu Jesus i
4. Ro ma sasude hamu Ro ma hamu Na marsak roha
Jesus do manjou hamu Asa mulak tu Jahowa
Unang so porsea ho Dipangolu Jesus do.
5. Au na marsak roha i, Ro tu tu Ho, haporusanku
Manopoti dosangki Sesa ma sude utangku
Hata on mangapul au Dipangolu Jesus au.
6. Nang jorbut pe dosangki Laos gumogo do mudarMu
Tau manesa utangki Mangurasi pe rohangku
Ai hudok marningot Ho Dipangolu Jesus do.
7. Ndang huhabiari be Pangaluan ni si Musa
Ai Sitahan utangki Do manggarar saluhutna
Ndang be hona toru au Dipangolu Jesus au.
8. Jesus, Sipangolu i Na mangungkap pardamean
Ara au tu lambungMi Ia jumpang hamatean
Laos hudok mamuji Ho Dipangolu Jesus do.
B.E. No. 164 O TUHAN JESUS HO RAJANGKU BL.107
1. O Tuhan Jesus Ho Rajangku Tangihon au naposoMon
Naeng topotanku do dosangku Tu Ho Sigomgom tano on
Ai naeng mangolu tondingki Marhitehite mudarMi.
2. Godang do dosa ni tanganku Rohangku pe gok dosa do
Nang mate pe nang pamatangku Luhutna i gok dosa do
Sai sesa nasa dosangki Marhitehite mudarMi.
3. O Jesus na marasiroha Disaluhut pardosa i
Ondihon hami ai naeng jora Do hami mangulahon i
Sai sesa dosanami i Marhitehite mudarMi.
4. Sai lehon ma tu tondinami TondiM na sun badia i
Ibana mangajari hami Mangaradoti patikMi
Parbadiai ma hami be Marhitehite mudarMi
5. Pasaor ma hami tu punguan Ni angka na badia i,
Na sonang di banuaginjang Mamujimuji goarMi
Pamasuk hami be tusi Marhitehite mudarMi
B.E No.165 O JESUS NA PANGOLU AU BL. 19
1. Na basa do rohaM di au O Jesus Tuhanki
Diihuthon Ho au tu na dao Mambuat rohangki
2. Pardosa na godang do au Badia anggo Ho
Sai tu na roa do au lao Sai tu na jahat do.
3. O Tuhan hutopoti ma Luhutna dosangki
Asi rohaM sai sesa ma Di Ho ma tondingki.
4. O Jesus sai tangihon on Sude na jat padao
Lam ias bahen rohangkon Asa sai sonang au
5. Ai nunga pola mate Ho Humophop tondingki
Malungun au nuaeng di Ho Naeng au tu lambungMi.
B.E No. 166 AI BEASA DI BALIAN BL. 177
1. Ai beasa di balian Ho, na pangoluhon au ?
Unang Ho marpansadian Ro ma Ho tumopot au
Jesus hangoluanki Hupangido tolongMi
Sai pamalum ma rohangku Sian hansit ni bugangku.
2. Anggo bugang, i ma dosa I do mangarsahi au
I do na paponjot hosa Dohot dame dipadao
Ditorui patik i Au binaen ni dosangki
Ndang huboto haluaon Anggo so Ho patupahon.
3. Ai hutopot angka dongan Mamuati arsakki
Jadi tamba halonongan Jotjotan binahen ni
Ho do pandapotan ni Nasa hasonangan i
Ipe ro ma Ho, o Jesus Asi ni rohaM patulus.
4. Pos rohangku ditangihon Jesus i tangiangki
Rohangkon do didapothon Bahen ingananna i
Hasonangan timbul pe Dohot hatuaon pe
Hehe ho, ale rohangku Halupahon ma arsakmu.
5. Aha do sihabiaran Molo haholonganmi Au, o Jesus ?
Ndang jujuran Ni Debata dosangki Gabe pintor au dibaen
Tung anakNa au diain Na martohap di Ibana Martinean di artana.
B.E No.167 MARTUA DO NA MARHAPOSAN BL.108
1. Dijangkon Jesus do pardosa Na mangarsakkon dosa i.
Na mangundukkon hinaroa Ni pambaenanNa sasude
Alai ditangkup hata on Dijangkon Jesus nang au on.
2. Pardosa na tarsolsol bagi Na ponjot roha situtu
Huhut na olo manopoti Dosana i mansai burju
I do dijangkon Jesus i Asa paluahonna i.
3. Banuaginjang ditadingkon Humophop hajolmaon i
GoarNa i do sipujion Ni nasa na malua i
Ai nunga sae utangna i Binaen ni Tuhan Jesus i.
4. Ditaoni Jesus hamatean Di hau pinarsilang i
Mambaen di hita pardamean Tu Debata, Amana i
Nuaeng ndang pola marsak be Na ro tu Jesus i sude.
5. Antong hamu na marsak roha Tangihon ma hataNa i
Hatop ma ro hamu paboa Ditangkup rohamuna i
Barita ni Tuhanta i Naung ro pasaehon dosa i.
6. Dison do hami, ale Tuhan Asi rohaM paias ma
Togihon hami on tu ginjang Tu surgo i tu Debata
Pujionnami ma disi Ho, Sipalua jolma i.
B.E No. 168 DISESA JESUS DOSA BL. 215
1. Disesa Jesus dosa ni Sude na olo mangarsakkon
Na so umboto dalan be Asa dapotan haluaon
Ponjot rohana situtu Dirina ditoru i burju
Naung binuratan ni si Musa Nasida be do dihilala
Di angka i do hata i Disesa Jesus dosa i Disesa Jesus dosa i
2. Rohana na tongtong asi Do na mangonjar sian surgo
Ibana lao tu tano i Tumopot jolma i, naung mago
Hinorhon dosana i Ibana do mamorsan i
DiriNa i do dipasahat Manaoni uhum ni parjahat
Dibaen naung ginararna i Disesa Jesus dosa i. Disesa Jesus dosa i.
3. Nuaeng tarbaen maporus be Tu Jesus i sude pardosa
Disalesehon do sude utangna na so tartahansa
Didabu do dosana i Tu laut na so tardodo i
I ma mudarNa i naung durus Baen haluaon na umbulus
Di nasa hajolmaon i Disesa Jesus dosa i. Disesa Jesus dosa i
4. Binorhos tu mudarNa i Ditogu siseanNa
Tu jolo ni AmaNa i, I do dibaen hapintoranNa .
Dung i asi ma roha ni Amana di nasida i
Dijangkon do tu ingananNa Dilehon do hasonanganNa
Dibaen naung hot hataNa i Disesa Jesus dosa i. Disesa Jesus dosa i
5. Antong, hamuna sasude Na mangarsakkon dosamuna
Sai boan tihasmuna be Tu Jesus pangondinganmuna
Beasa di na dao hamu So pola mago be hamu ?
Tongtong naeng dosa baenonmuna Nang pe tarbaen hamu malua ?
Palias i sai ro ma ne Disesa Jesus dosa i. Disesa Jesus dosa i.
6. O Jesus, taiti hami on Tu Ho na tong marasiroha
Ajari hami sai tongtong Mangkagigihon nasa dosa
Pangkilalahon jea ni Na mangulahon dosa i
Tu hami asa jora hami Huhut papos ma rohanami
Mandok mamuji asiMi Disesa Jesus dosa i. Disesa Jesus dosa i.
B.E. No.169 HO SIPANGOLU AU BL.224
1. Ho sipangolu au, sai topot ma au on.
Sai unang mandaodao. Ho sian rohangkon.
Ro Sipangolu ro tibu. Baen ma au anakMu tutu.
Dohot mudarMi buri au ias songon hapas ma au.
Ias tutu, ias tutu, dohot mudarMi buri au. Ias songon hapas ma au
2.Gogo ni mudarMi Papatar ma di au
Tondi Parngolu i Tongtong manogu au
Ro Sipangolu ro tibu Baen ma au anakMu tutu
Dohot mudarMi buri au Ias songon hapas ma au
Ias tutu Ias tutu Dohot mudarMi buri au Ias songon hapas ma au.
3.Togu ma rohangkon Sai taiti au tu Ho
Ai langkaMi tongtong Naeng tiruonku do
Ro Sipangolu ro tibu Baen ma au anakMu tutu
Dohot mudarMi buri au Ias songon hapas ma au
Ias tutu Ias tutu Dohot mudarMi buri au Ias songon hapas ma au
BE.No.170 IA AEK SANTETEK BL. 1
1. Ia aek santetek Na otik do i
Molo sai manetek Mangalantap i
2. Tano laut nang hosa Na godang do i
Molo pungu dosa Na jorbut do i
3. Ise do mamorsan Dosami ale ?
Ise haluaan Ni tondim muse ?
4. I ma Tuhan Jesus Siparasi i
Nunga ho ditobus Sian dosami
5. Somba ma Ibana Sipangolu i
Asa tung disesa Dosami sude
6. Haholongi Jesus Alo ma dosam
Asa dipabulus Sasude langkam
7. Asa dipabongot Ho tu surgo i
Sonang ma ho sogot Salelengna i.
B.E. No. 171 TANDAI MA AU BL.49
1. Tandai ma au, sungkapi ma dohot rohangku.
Uji ma au, pamanat huhut ma dalanku. Olo ditanda Ho au Debata.
2. Asi ma rohaM, taringot tu pangalahongku.
Olo tutu, jotjot do na lilu dalanku. Sesa dosangku, sude Debata.
3. Sai tatap ma au, tambai ma haporseaonku.
Togu ma au! Tu surgo papintor langkangku. Ala AnakMu ma i, Debata.
B.E. No.172 O JESUS PANONDANG BL.143
1. O Jesus panondang Di portibi on
Mula ni na torang Tangi hatangkon
Sai asi rohaMu Di pardosa on
Ho ma mangapuli au na marsak on
2. Sesa ma dosangku Ale Tuhanki
Ala ni mudarMu Na nilehonMi
Asal ma rohangku Salelengna i
Ingot di hansitMu Dohot mudarMi
3. Tondi,daging,roha Nang gogona i
Unang tu na roa Sai di Ho ma i
Ingkon gok di Ho ma Au hinophopMon
Asa saut martua Au siseanMon.
B.E No.173 SAI MULAK BL.63
1. Sai mulak, sai mulak Ho naung lao jalang i ?
Ai na dao ho nuaeng Holang sian tuam
O parjalang ho. Mulak, mulak ma ho. Mulak, mulak ma ho
2. Sai mulak, sai mulak Na sininta leleng
Sai magopu roham Ai godang do dosam
O parjalang ho. Mulak, mulak ma ho. Mulak, mulak ma ho
3. Sai mulak, sai mulak Sian tano na dao
Sidangolon sambing Do turpukmu disi
O parjalang ho. Mulak, mulak ma ho. Mulak, mulak ma ho
4. Sai mulak, sai mulak Ai na sonang ma ho
Molo sesa dosam Jala sabam roham
O parjalang ho. Mulak, mulak ma ho. Mulak, mulak ma ho
BE. 174 TOROP DOPE BL. 184
1. Torop do pe na siat i Di hasampuran rea
I pe hamu pardosa i Sai olo ma porsea
Ai Debata manjou hamu Tu hasonangan situtu
Hamu, hamu Dijou Debatamu.
2. Tama longang roham, ale Umbege pangontangna
Antong sai unang jua pe Tangihon pamiona
Ai Debata mamio ho Dibahen i sai ro ma ho
Sai ro, sai ro Tu surgo ma ho ro.
3. Pardosa ho didok roham, na so tama be dohot?
Ndang pola ala ni dosam, umbaen na sundat bongot.
Ai nunga sae do dosam i, digarar Tuhan Jesus i
Naung sae, naung sae, naung sae do dosami.
4. Haporseai ma hata i Ai i do hatuaon
Haposi Tuhan Jesus i MudarNa i ma golom
Ai nang gok dosa rohami Malua ho bahenon ni
Tutu, tutu Malua baenon ni.
5. Antong, beha roham disi ? Sai rap ma hita bongot
Tu hasampuran rea i Tu hasonangan sogot
Tapuji ma Tuhanta i Dibaen asi rohaNa i
Tongtong, tongtong Asi rohaNa i.
BE. No. 175 TU DIA O , NA LOJA I BL. 53
1. Tu dia ho, na loja i Binaen ni dosami ?
Ndang jumpang ho na sonang i Di parjalanganmi
Dibahen i sai mulak ho.
2. Pasahat arsak ni roham Tu Tuhan Jesus i
Sai boan ma sude dosam Tu Sipangolu i.
Olo tutu, sai ro ma ho.
3. Ibana padamehon ho Na loja nasailaon
Ai molo so tusi ho ro Tongtong ma ho manaon
Dibahen i sai ro ma ho.
BE 176 NA MUNGKAP DO SURGO BL. 3
1. Na mungkap do surgo Dibaen aha do ?
Dibaen naung ro Jesus mangungkap di ho
Dibaen naung ro Jesus mangungkap di ho
2. Dosam do tinaonNa di Golgota i.
Di si dipasae do sude utangMi
Di si dipasae do sude utangMi.
3. Antong o tondingku Tu Jesus ma ro
Ai las do rohaNa Manjangkon nang ho
Ai las do rohaNa Manjangkon nang ho
4. Tar songon hasumba rara dosam i.
Sesaon ni mudar ni Jesus do i
Sesaon ni mudar ni Jesus do i.
5. Roham mangkolsohon Parsorionmi
Tu Jesus pasahat Sude arsakmi
Tu Jesus pasahat Sude arsakmi
6. Neang bahenonNa Na hansit sude
Basar ho ditogu Tu sugo muse.
Basar ho ditogu Tu sugo muse.
7. O Jesus sai Ho do Parjambaranki
Pasonang rohangku Pasabam ma i.
Pasonang rohangku Pasabam ma i.
BE No. 177 NDADA TARHATAON BL. 147
1. Ndada tarhatahon hahoholong ni
Roha ni Tuhanta di pardosa i.
Marsak do rohaNa Mida jolma i,
Na so olo unduk di hataNa i.
2. Naeng pangoluonNa jolma sasude
Naeng pasonangonNa nang parjahat pe
Asal ditangihon saluhutna i
Hata hangoluan binoanNa i.
3. Jesus do manaoni dosa ni sude
Nunga digarari do utangta be
Nunga pola mate Tuhan Jesus i
Paluahon hita sian dosa i.
4. O hamu pardosa sai tandai ma i
Lehon di Ibana rohamuna be
I do pangidoan ni Tuhanta i
Asa sai tong sonang bahenonNa i.
BE No. 178 RO MA TU JESUS BL. 196
1. Ro ma tu Jesus ro ma tibu Bege hataNa jangkon burju
Na ro do Jesus pangolu ho Asal porsea ho
Mansai las rohanta i muse Molo ias sian dosa pe
Sai ro ma hita tu surgo i Laos sonang ma disi
2. Ro ma tu Jesus undukkon ma PambahenanMu na so tama
Naeng sesaonNa do dosaMi Dibaen mudarNa i
Mansai las rohanta i muse Molo ias sian dosa pe
Sai ro ma hita tu surgo i Laos sonang ma disi
3. Ro ma tu Jesus hatop ho ro Ai so ditulak Jesus be ho
Na asi roha do Jesus i Sai pos ma rohami
Mansai las rohanta i muse Molo ias sian dosa pe
Sai ro ma hita tu surgo i Laos sonang ma disi
4. Ro ma tu Jesus na holong do RohaNa i di halak na ro
Ai dipalua tondinta i Unang be mago i
Mansai las rohanta i muse Molo ias sian dosa pe
Sai ro ma hita tu surgo i Laos sonang ma disi
B.E. No. 179 ADONG DO SADA MUAL BL.20
1. Adong do sada mual i, di na mardosa i
Mansai denggan do mual i pasonang rohangki
2. Aek mual na badia i, ima di Jesus i.
Disesa do tihasta i, dibuat arsak i.
3. Ai mudar ni Tuhanta i Do mual i sintong
Durus di Golgata do i Mangkophop hita on.
4. I ma tutu, ai dohot au Ias dibahen Ho
Asi do rohaMi di au Nang di luhut na ro.
5. Parjahat di siamunMi Di dolok Golgata
Digolom i do hataMi Dibaen porsea do
6. Dung i jalo malua Sian pangago i
Dibaen porsea roha nii Di Ho, RajaNa i.
7. Sai dohot au palua ma Padao ma jea i
Di hami sai patongtong ma Haporseaon i.
8. Ai na margogo do tongtong MudarMu na use
Ias dibahen rohangkon Bontor huhut ture
9. Dibahen i pujionkiTongtong ma goarMi
Sai i ma sogot endengki Dung au di lambungMi.
B.E. No. 180 RO TU JESUS HO NA LOJA BL. 228
1. Ro tu Jesus ho na loja Na maheu i
Lam lumbang do di lambungNa Rohami
2. Bereng di hau pinarsilang Daon ni sahitmi
Tuhanmi na hona uhum Singkatmi.
3. Timbang holong ni rohana Na sai godang i
Ai dilehon do hosaNa Tobusmi
4. Apulapul sae ni dosa Hangoluanmi
Saluhut dilehon Jesus Tuami
5. Diantusi do siholmu Habebernitmi
Gogo tahanmi, diantan Tuhanmi.
B.E No. 181 NDADA TARHATAHON BL. 147
1. Ndang na tarpaboa Asi roha ni Debata Jahowa Mida jolma i
So tartimbang iba Dosa i sude Na binahenniba Ganup ari pe.
2. Sai husomba hami Ho, ale Tuhan Sesa dosanami Sai asi rohaM
Mombun baen rimasMu Mida hami on Huihuthon hami Ho tu jolo on.
3. Sai dongani hami Na mardagangi Roha nang pamatang Sai ramoti i
Ho do Amanami Na sumurung i Pangalualuan Salelengna i.
B.E. No.182 HAHOLONGAN NA BADIA BL.24
1. Tu joloM o Debatangku Sai use do rohangkon
Sai pasiat tangiangku Dohot iluilungkon
2. Husolsoli do rohangku Na gok dosa i tongtong
Ai godang ariaringku Na hubahen ambolong
3. Sai jotjot do hutadingkon DalanMi na tigor i
Kristen au, hape hutondong Dalan hamagoan i.
4. Ala nii tungki rohangku Jongjong di adopanMi
Sai asi rohaM Tuhanku Sesa nasa dosangki.
5. Haburjuon dimangmangkon Rohangkon nuaeng di Ho
Naeng tu surgo hutujuhon Jesus taiti au gogo.
6. Mangihuthon Ho, Tuhanku i ma las ni rohangki
I ma naeng padanhononku Dok ma amenmi disi
BE No. 183 NA JUMPANG AU BL. 105
1. Na jumpang na asi roha Di au naung mago i hian
Tuhan Jesus parasi roha Di au na lilu na hinan
Nuaeng hutanda Tuhanki Parasi roha bolon i . Parasi roha bolon i
2. Dibahen godang ni dosangku Tung hona uhum au tama
Hape ro Jesus dipadomu Au muse dohot Debata
MudarNa na badia i Pajongjong pardomuan pajongjong pardomuan.
3. On pe holan asi ni roha Dipangasahononhon i
Sipujionku do Jahowa Dung ro na pamanathon i
Unduk huhut las rohangki Mamuji asiroha i. Mamuji asiroha i.
4. Ianggo i ndang taragohon Baenon ni manang aha pe
Sai asiMi hupangasahon Di tangiangku sasude
Mate pe au, pos rohangku Marningot asiasiMi. Marningot asiasiMi
5. I pe, ale Tuhan Jahowa Unang unsati asiMi
Boan ma au ale Debata Dung mate au tu lambungMi
Tongtong las rohangki disi Mamuji asiasiMi. Mamuji asiasiMi
BE No. 184 AUT NA SARIBU HALI GANDA BL.103
1. Nunga tung jumpang au ojahan Ni tondingki na mago i
Mudar ni Jesus do manahan Saleleng ni lelengna i
Nang mago pe portibi on Tongtong dohot ojahan on.
2. Ai dipaherbang do tanganNa Mangkaoli hajolmaon on.
Dibahen asi ni rohaNa Di isi ni portibi on
Naung ro nang na so ro dope Naeng toguonNa do sude.
3. Unang ma mago hajolmaon Di roha ni Jahowa i
Disuru do tu hajolmaon AnakNa Sipangolu i
Sai dituktuhi hata ni Do pintu ni rohanta i.
4. Naung lonong do sude dosanta Tu mudar ni Tuhanta i
Ai molo na porsea hita Ndang jadi hona uhum be
Dibaen panjou ni mudar i Na mangondihon jolma i.
5. Dibahen i sai bonomonku Do au tu paridian i
Hupasesahon do dosangku Tu Jesus, Sipangolu i
i na tarsolsol bagi au Tu Jesuski tongtong au lao.
6 Ojahan on do ingananku Saleleng au di tano on
Sai i hangoluhononku Saleleng so tos hosangkon
Tongtong do sipujionki Tuhanku Sipangolu i.
B.E. No.185 HOLAN SADA DEBATANTA BL.85
1. Holan sada Debatanta Na tumompa sasude
Na tarida di matanta Nang na so tarida pe
Tanda ma ruhutna i Unang lilu rohami
2. Ndang marmula Debatanta Nang ujungna pe ndang ro
Ndang tarida di matanta Ai rupana tondi do
Holan mata ni roham Tau mananda Debatam
3. Diingani Debatanta Parluhutan i sude
Diingani nang rohanta Digomgomi sasude
Nang hagogoonna i Ndang marhatudosan i.
4. Na bonar do Debatanta Jala na badia pe
Na sun pistar Debatanta Pangoluhon sasude
Pos ni roha situtu Debatanta na burju.
5. Sai na sintong do hataNa Na tinonahonna i
Atik pe asi rohaNa Ndang paubaonNa i
Sai oloi ma i sude Asa sonang ho muse.
B.E. No. No.186 TONGTONG TUTU NA DENGGAN DO BL. 173
1. Jahowa do haposanki Na mangapoi rohangku
Na patiurhon dalanki Bulus dibaen langkangku
Sonang tongtong Rohangkinon Binaen ni Debatangku PatikNa do lomongku
2. Na tau haposan situtu Do Ho, o Debatangku
Ai Ho do na tongtong burju Mambaen hangoluanku
Na gogo Ho Sai tulus do Sinangkap ni rohaMu Pasaut na pinungkaMu
3. Ndang dung dihalupahon Ho sude na holong roha
Di Ho ai sai dapotsa do Na tau apulapulna
Tung sonang do Dibahen Ho Na sai tongtong porsea Malua sia jea
4. Sai tatap sitiruonmi Binaen ni Tuhan Jesus
Andorang na di Golgata MudarNa i lao durus
Sai pos disi RohaNa i Ditiop do AmaNa Sai tiru ma Ibana.
5. Antong sai sahat ma tu Ho Au on, o Debatangku
Asi rohaM, sai tait gogo Tu Ho sandok rohangku
Sai togu i Tu surgoMi Ai di na tos hosangku Ho do dapothononku.
B.E. No.187 DENGGAN DO PANOGUM BL.200
1. Denggan do panoguM ale Jahowa Diangka na pinarmahananMi
Tagamon baheononMu ma na roa So tarbunihon Ho do burjuMi ?
Jotjot suhar do pambahenanMi Di roha ni na so tumanda Ho
Alai marhite sian i do ro Tu hatiuron na tinoguMi.
2. Tung patik angka na binaen ni jolma Mangihuthonon ni Tondim disi ?
Ho na tongtong sumurung i marroha Sai ingkon pasautonMu tahiMi
Sai talu do na hum mangalo Ho Dipangke pe sude gogona i
Ai Ho do na so halompoan i Na tinahiM sai ingkon jumpang do
3. Dialo Ho sude na jungkat roha Na timbo i dipatutoru Ho
Alai sude na serep i marroha I do na sai diasiasi Ho
Parhata na gogo di tano on Di hagigihon rohami sude
Na dangol i ditatap Ho hape Naeng urupanMu angka i tongtong
4.O Tuhan sai pinuji ma goarMu Ai dipangolu Ho do hami on
Tandaonnami ma pambahenanMu Dung dipatiur Ho do mata on
O Debata lomo do rohaMi Manogu hami di na rodop on
Holong do rohaMi di hami on Naeng sahat tu lambungMu baenonMi.
5. Jahowa sai pasabam ma rohangku Mankadengganhon nasa pambaenMi
Ajari au, patiur ma langkangku Lao mandapothon Ho di surgo i
Sai unang loas ahu lilu be Pasaor ma TondiMi tu rohangkon
Mangiringirig au di tano on Anggiat sahat au tu Ho muse.
B.E No.188 JAHOWA SIPARMAHAN AU BL. 131
1. Jahowa Siparmahan au Ndang hurang manang aha
Ai nasa jea dipadao Do sian dorbiana
Tongon dibaen na lomak i Lao pangoluhon tondingki
Dibaen asi rohaNa
2. Ditogu au tu na tio Aek mata hangoluan
Dibaen do tondingki sio Di dalan hasonangan
Sabam rohangku do tongtong Saleleng au di tano on
Baen sangap di goarNa.
3. Di rura hamatean pe Ndang pola au tahutan
Ai disondangi do sude Sonang do au mardalan
Batahi dohot tungkotMi Do mangapuli rohangki
Ho do sitiopanku
4. Rade dibaen Ho meja i Di jolo ni matangku
Paadopadop musungki Na so habiaranku
Ulungku dimiahi Ho Panginumanku suksuk do
Binaen ni panumpakMu.
5. Tongtong do denggan ni basaM Jambarhu di ngolungku
Tongon do asi ni rohaM Mangihut di langkangku
Dung i dung suda bohalhi Sai ingananku jabuMi
Saleleng ni lelengna.
B.E No. 189 O JESUS NA PANGOLU AU BL. 19
1. O Jesus na pangolu au Anak ni Debata
Asi rohaM sai togu au Sahat tu Debata.
2. Tutu rohangku sonang do Marningot basaMi
Ai hangoluanki do Ho Di hamamateMi
3. Ia tarsolsol bagi au Dibahen dosangki
Diapul mudarMi do au Di na huingot i.
4. Dibuat Ho do arsakki Pahehe rohangkon
Na sonang au binahen ni Di hapogosonkon
5. On pe hubonom rohangki Tongtong tu rohaMi
Sabam ma au bahenon ni Mangolu tondingki
6. Sai huhaposi hataMi Ai na sintong do i
Huingot bagabagaMi Na so ubaon i.
7. O Jesus alealengki RohaM nama di au
Ai Ho do hangoluanki Nang di na mate au.
8. Dihalungunhon rohangki Naeng ingananMu au
Antong urasi tondingki Parbadiai ma au.
B.E. No. 190 LAS ROHANGKU SITUTU BL. 69
1. Las rohangku situtu mida Jesus na lulu
Manjalahi hajolmaon Ai Ibana paluahon
Jolma manisia i Sian hamagoan i
2. Las rohangku situtu Mida Jesus na burju
Patupahon hangoluan Di au na di hamagoan
Tung saluhut dosangki Do disesa Jesus i.
3. Las rohangku situtu Ai parjambar au tutu
Di na denggan sasudena Pinarbaga ni Debata
Di sude na burju i Mangihuthon Jesus i
BE. No. 191 HOSANA DO NILEHON NI BL. 170
1. Hosana do nilehon ni Tuhanta Jesus i
Manobus hita sasude Dibaen basaNa i
Na durus do mudarNa i Di dolok Golgata
Digarar do utangta i Tu Tuhan Debata, Tu Tuhan Debata
2. Sai timbang ma holongNa i Di ho pardosa i
Patangkas pangkophopNa i Na patandahon i
Antong pauba ma roham Oloi ma Jesus i
Sai hagigihon ma dosam Nang nasa jeami Nang nasa jeami
3. Sai dasing ma na bernit i Tinaon ni Jesus i Huhut parsaulihon i
Baen hangoluanMi Pasahat dosami sude Tu Jesus Tuhanmi
Sai sonang tondimi muse Lao tu lambungNa i, Lao tu lambungNa i
4. Antong ihuthon ma tongtong Siporsan dosami
Saleleng ho ditano on Paburju rohami Pasangap ma Tuhanta i
Papujipuji ma MudarNa na badia i Tobusmu na arga, Tobusmu na arga.
B.E No. 192 O TUHAN JESUS, RAJA BL. 60
1. O Tuhan Jesus Raja ni sudenaTubu sian Ama i
Haholonganku Sisombaonku Sasada Ho do Tuhanki
2. Tombak denggan do hauma pe dengan do Na rumatarata i
Jesus dumenggan Jesus gumodang Sibaen las ni rohanta i.
3. Bulan tiur do Bintang pe torang do Nang mata ni ari pe
Jesus tumiur, Jesus tumorang Sumurung sian i sude
4. Doshon halinu Do sude na uli Martimbangkon Jesus i
Ndang haholongan Nasa na denggan SobokkonTuhan Jesus i.
5. Jesus Tuhanku Ho ma di rohangku Hasudunganki tongtong
Nang au mangolu Nang pe lao mate Sai Ho nampuna diringkon.
B.E No. 193 MARIBAK LANGIT BL. 193
1. Maribak langit ni langitan Dibahen holong ni rohaM
Di hami angka na hansitan Papatar denggan ni basaM
Diida nasa manisia Pangisi ni portibi on
Ro Ho, o Jesus na badia, Humophop hajomaon on.
2. Diporsan Ho do nasa dosa Ni manisia sasude
I ma umbaen marutang hosa Ho,manggarari i sude
Ditaoni Ho do hamatean Di hau na pinarsilang i
Pamasuk hamion, manean Na uli na di surgo i.
3. Mauliate ma rohangku Di Ho, o Jesus Tuhanki
Naung sae do saluhut dosangku Binaen ni hamamateMi
Malua sian hamagoan Do au binaen ni asiMi
Hupuji goarMi, o Tuhan Saleleng ni lelengna i.
4. Antong Ho ma nampuna ahu Saleleng au di tano on
Denggan ma au marpangalaho Pasangap goarMi tongtong
Sai tiruonku ma pambaenMu Mangkaholongi dongan i
Seahononku ma diringku Maniru Ho, o Tuhanki.
B.E. No.194 AUT SO ASI ROHAM BL. 62
1. Aut so asi rohaM Aut so godang basaM Tu dia au?
Alai dibaen basaM Dohot asi rohaM Tu surgo au
2. Mauliate ma Di Ho o Debata Ala basaM
Sibahen dalan i Marhite AnakMi Tu banuaM
3. Anggiat ma holong Rohangku sai tongtong Burju tu Ho
Sai dongananMu au Manang tu dia lao sonang tutu
4. Disuru AnakMi Tu au Tondina i Na sian Ho
Manogu tondingki Tu hasonangan i Pinuji Ho
B.E.No. 195 HOLONG DO ROHA BL. 140
1. Holong do roha Ni Debatangku Holong rohaNa tongtong di au
Ai dipatupa do Haluaonku Marhite Jesus AnakNa i.
2. Tarihot ahu dibahen dosa Na so tarbahen malua au
Dibahen i hudok : Holong do roha Ni Debatangku Tongtong di au
3. Peak do ahu Di hamatean Dibaen sibolis pangago i
Dibahen i hudok : Holong do roha Ni Debatangku Tongtong di au
4. Na ro do Jesus Pardameanku Parmahan bolon na burju i
Dibahen i hudok : Holong do roha Ni Debatangku Tongtong di au
5. Ditaoni Jesus Do hamatean Manggarar utang ni dosangki
Dibahen i hudok : Holong do roha Ni Debatangku Tongtong di au
6. Mangolu ahu Binaen ni hata Ni Tuhan Jesus tu tondingki
Dibahen i hudok : Holong do roha Ni Debatangku Tongtong di au
7. Hangoluanku Tongtong hatana Sombu uashu binahen ni
Dibahen i hudok : Holong do roha Ni Debatangku Tongtong di au
8. Tonggi do holong Ni Debatangku Na tau mangapul rohangkinon
Dibahen i hudok : Holong do roha Ni Debatangku Tongtong di au
9. Na dipamalum HaholongonNa Sude na bernit ni rohangki
Dibahen i hudok : Holong do roha Ni Debatangku Tongtong di au
10. Marlasniroha Huhut mardame Do au dibahen holongNa i
Dibahen i hudok : Holong do roha Ni Debatangku Tongtong di au
11. Sai teanonku Do hasonangan Ro di salelenglelengna i
Dibahen i hudok : Holong do roha Ni Debatangku Tongtong di au
12. Sai pujionku Do roha holong Pinatuduhon Ni Debata i
Dibahen i hudok : Holong do roha Ni Debatangku Tongtong di au
B.E No.196 SAI HUJAHA DI PUSTAHA BL. 23
1. Sai hujaha di pustaha Padan na imbaru i,
Na tongtong lambok rohana Na so marpangansi i.
2. Panjangkonna di dakdanak Na pinarhamaolna i
Panjamana di nasida Angka na hinaolna i
3. Dohot asi ni rohaNa Di na marsitaonon i
Parmulia ni tanganna Pabalihon begu i.
4. Panjangkonna di pardosa Na magopu roha i
Pangapoina di nasida Paubahon roha i.
5. Tung lambok do ditogihon Angka dorbiana i
Asa sahat boanonna Tu banuaginjang i.
6. Ingkon tongtong jahaonku Padan na imbaru i
Naeng tangkas ma botoonku Holog ni rohana i.
B.E.No.197 NA MARMAHANI HITA BL. 8
1. Na marmahani hita Parholong roha i
I ma Tuhanta Jesus Silehon tua i, Silehon tua i
2. Ditatap pardangolan Ni manisia i
Soada hasonangan Na lilu do sude, Na lilu do sude
3. Alai ro ma Ibana Tu hasiangan on
Manobus huriaNa Humophop hita on, Humophop hita on.
4. Dirina dipasahat Tu hamatean i
Ibana gabe singkat Ni manisia i, Ni manisia i
5. Dibahen i, o jolma Naung sae do dosami
Ai molo ho porsea Taruli ho disi, Taruli ho disi.
6. Antong hamu na loja Binaen ni dosa i
Sai ro hamu sudena Tu Tuhan Jesus i, Tu Tuhan Jesus i.
7. Sai naeng pasonangonna Hamuna sasude
Sai naeng togihononna Hamu tu surgo i, Hamu tu surgo i
B.E.No. 198 AUT UNANG HO BL. 46
1. Aut unang Ho jambarhu ale Jesus
Aut so mudarMu mangondihon ahu
Tung na tu dia nama au pardosa Marhaporusan?
2. Ai ndang adong be songon Ho Tuhanku
Na mamuati arsak ni rohangku
Sasada Ho do Sipasonang ahu Hangoluanku.
3. Dibahen i hupuji ma goarMu
Ai dohot au ditaiti Ho Tuhanku
Tu parpunguan ni na hinophopMu Dohot mudarMu.
B.E. No.199 TIBU MA JUMPANG TINGKI BL.132
1. Sai ingot Jesus, Tuhanmi Naung ro tu hita jolma
Na tumadingkon surgo i, Na gabe dongan jolma
Sai unang halupahon i, Ai i do hangoluanmi Sai puji ma Ibana
2. Sai ingot Jesus, Tuhanmi sitaon godang na bernit
Di hau pinarsilang i, humophop ho parsahit
Ai ho tama manaon sude, na mangonai tu Jesus i, Sai puji ma Ibana
3. Sai ingot Jesus, Tuhanmi Na hehe do Ibana
Di ari patoluhon i Rumar do tanomanna
Ai ala ni tarbahen do Mangolu sogot dohot ho Pasangap ma Ibana
4. Sai ingot Jesus, Tuhanmi Na sangap do Ibana
Manaek muse tu surgo i Tu lambung ni AmaNa
Inganan hasonangan i Rade di ho dibaen disi Tangihon ma hataNa.
5 .Sai ingot Jesus, Tuhanmi Ai mulak do Ibana
Muse, manguhum jolma i Tangkas didok hataNa
Pature ma roham tongtong Saleleng ho di tano on Pasangap ma Tuhanmu.
6. O Jesus tatap ma au on, sondangi ma rohangku
Urupi au di tano on, maniru Ho, Rajangku.
Uhirhon ma tu rohangki. GoarMu na badia i, Pamasuk au tu surgo.
B.E. No. 200 DI SURGO DO ALEALENTA BL.106
1. Di surgo do Alealenta na burju roha situtu
Ndang piga di banua tonga donganta na tongtong burju
Antong tabaen ma Jesus i, tongtong Alealenta i.
2. Na meoleol songon arung do dongan na di tano on.
Na hot do Jesus na sumurung, donganna pe hot do tongtong.
Antong tabaen ma Jesus i, tongtong Alealenta i.
3. Sai marpambuat angka dongan di holong ni rohaNa i
Hape ianggo so dapotan bolong do parsaoranna i
Antong tabaen ma Jesus i, tongtong Alealenta i
4. Humophop hita do tinaonNa Na bernit i di Golgata
Sude dosanta pinorsanNa Pasaehon i tu Debata
Antong tabaen ma Jesus i, tongtong Alealenta i
5. Sai dingkan hita do rohaNa Sintong do parsaoranNa i
Manongtong holong ni rohaNa Di nasa na niainNa i.
Antong tabaen ma Jesus i, tongtong Alealenta i
6. O Jesus Alealenami, sai tiop tangannami be.
Tongtong rajai ma rohanami, tu surgo togu hami be.
Di si ma hot parsaoran i, saleleng ni lelengna i.
BE No.201 NA MARTUNGKOT SERE AU BL. 168
1. Na martungkot sere au Di dalanku tu na dao
Sian surgo i do ro Surgo i ditudu do
I ma haporseaonku Na pahothon pardalanku
Na patogu langkangki Sahat ro di surgo i.
2. Sada pardisurgo i Do disuru Tuhanki
Manginganhon rohangkon Mangajari au tongtong
I ma holong ni rohaNa Sian denggan ni basaNa
Do dilehon i tu au Asa unang mago au.
3. Marsinondang do tongtong Dibagasan rohangkon
Sada bintang na torang Na mambahen au sonang
Pangkirimon ni rohangku I ma sian Debatangku
Patiurhon dalanki Tu banuaginjang i.
B.E. No. No. 202 HUHAHOLONGI HO BL.102
1. Huhaholongi ho gogongku Huhaholongi ho tongtong
Marhitehite pambaenanku Nang sian nasa rohangkon
Ai Ho do sumondangi au Ro di na mate au
2. Huhaholongi ho ngolungku Ai Ho do alealengki
Sai naeng tongtong Ho pujionku Saleleng au sinondangMi
Holong mamolin rohangki Di Ho o Jesuski.
3. Tung so jumolo Ho hutanda Ro di na hinauliMi
Tung so jumolo Ho huida Ho arta na sumurung i
Na marsak au huhut tungki Dibahen otongki
4. Na lilu au huhut mapitung Umbaen na so hutanda Ho
Na sorat au dibaen huusung Sude pardosaonku do
Alai nuaeng mananda do Rohangkinon di Ho
5. Mauliate ma rohangku Di Ho na manodangi au
Hupuji Ho, ale Tuhanku Dibaen na tinangkupMu au
Hisar do tondingki dibaen Hutan Ho nuaeng.
6. Tongtong ramoti ma langkangku Di dalan hatigoran i
Huhut sai pargogoi rohangku Mangaradoti hataMi
O Sondang sian surgo i Sondangi rohangki
7. Huhaholongi Ho tumpalhu Ho Debatangku na tutu
Manang beha parsorionku Ihuthononku Ho burju
Haholonganku Ho tongtong Nang tos pe hosangkon
B.E. No. No. 203 HOLONG DO ROHANGKON DI HO BL.225
1. Holong do rohangkon di Ho Sai unang mandaodao be Ho O Tuhan sian ahu
Ndang dihalashon rohangkon Nang aha pe di tano on Naeng Ho sambing di ahu
Ai manang tos pe hosangki Sasada Ho haposanki Na mangapuli rohangki
Naung dipaias mudarMi O Jesuski Debatangki, Debatangki Parbadiai ma tondingki.
2. Ai holan denggan basaMi Do daging dohot tondingki Ro di sude artangku
Antong, asi ma rohaMi Ajari au, mamangke i Baen sangap di goarMu
Tongtong padao ma sian au Sude na tau mangago au Huhut pabenget rohangki
Manaon sude na porsuk i O Jesuski Debatangki , Debatangki Palambok hamamatengki.
3. Sai dokkon ma suruanMi Mangusung au tu lambungMi Ianggo ro ajalhu
Disi papodom dagingkon Sinok didalom tano on Paima ro ariMu
Dung i sungguli au muse Marnida bohiMi tahe Palas ma rohangki tongtong
Parasiroha di au on O Jesuski Tangihon on, tangihonon Asa hupuji Ho tongtong.
B.E No. 204 NDANG TADINGKONONKU HO BL. 73
1. Ndang tadingkononku Ho Ale Jesus Sipangolu
Naeng ihuthononku do Ho saleleng au mangolu
Ho do hangoluanki Ndang tadingkononku i.
2. Nasa na nilehonMi Tondi ro di pamatangku
Hosa dohot gogongki Ro di saluhut artangku
Hupasahat i tu Ho Na so unsatonku do.
3. Nang lam buruk dagingki Nengel pinggol, rambon mata
Majal pangkilalanki Dila so malo marhata
Tanda ajalhi naeng ro Jesus tioponku do.
4. Laos hutiop Jesuski Molo sahat au tu surgo
Molo idaonku i Naung huhirim i di tano
Las ma rohangki disi Mida Jesus Tuhanki.
5. Laos Ndang be mangapian au Di na masa di na rodop
Sai tu ginjang nama lao Tondingki marolopolop
Jesus Ho do jambarhi Salelenglelengna i.
B.E. No.205 NA DISON DO AU TUHANKU BL. 90
1. Ale Jesus Tuhannami Bereng hami na dison
PinarmahanMi do hami Saluhutna na dison
Sai asi rohaM di hami Sai pangolu hami on
2. Ale Jesus, togu hami Asa unang mago be
Manang ise sian hami Sai porsea ma sude
Sai na hot di Ho ma hami Dao ma jea sasude.
3. Disangkapi rohanami Naeng malua situtu
Sian pardosaonnami Asa sai tongtong burju
Sai urupi rohanami Asa ias situtu.
B.E. No. 206 NA DISON DO AU TUHANKU BL.90
1. Na dison do au Tuhanku Na marsomba au tu Ho
Iluilu ni matangku Husombahon do tu Ho
RohaMi ma tu rohangku Na masihol au di Ho.
2. Sai matahon au Tuhanku Sai rajai ma diringkon
Ho hinirim ni rohangku Sipangolu tondingkon
Rohami ma tu rohangku Ho di au,di Ho au on.
3. Ndang adong pangidoanku Dungkon asi ni rohaM
Na dilehon Ho, Tuhanku Tu na unduk di hataM
Rohami ma tu rohangku Sai pasauthon ma hataM
4. Ho do mata ni aringku Halalas ni rohangki
Na masihol do tondingku Di Ho Jesus Tuhanki
RohaMi ma tu rohangku Asa sabam rohangki
5. Sai tangihon, ditangishon Rohangki dangolna i
Sai tangihon , ditangishon Tondingki siholna i
Rohami ma tu rohangku Sai di Ho ma tondingki.
6. Hamaoraon, halilian Roha ni portibi on
I do tongtong parsahitan Situtu di tondingkon
Holan Ho huhalungunhon Hutundalhon tano on.
B.E No. 207 SAI TIOP MA TANGANKU BL. 150
1. Sai tiop ma tanganku Sai togu au
Paima tos hosangku Ramoti au
Ndang olo au mardalan sasada au
Sai Ho ma ale Tuhan Manogu au.
2. Baluti ma rohangku Na marsak i
Tu asi ni rohaMu Na godang i
Sai sesa ma dosangku Asa tongtong
Guru di Ho rohangku Tu jolo on.
3. Ianggo hasusaan godang do i
Alai pangkilalaan sonang do i
Na tiur do rohangku Nang pe holom
Niida ni matangku Di tano on.
4. Di lambung patMu Tuhan Di joloMon
Sai loas maradian SiseanMon
Pipit hubaen matangku Maniop Ho
Ai sonang do rohangku Mardongan Ho
5. Sai tiop ma tanganku Sai togu au
Paima tos hosangku Dongani au
Pabulus ma langkangku Tu surgo i
Ho ma pasangaponku Tongtong disi
B.E No. 208 ALE DONGAN NA SAROHA BL. 180
1. Ale dongan na tarhurung Di bagasan dosa i
Hangoluan na sumurung Sibaritahononki
Dipapatar Debatanta Asi ni rohaNa i
Ai disuru do AnakNa Baen hangoluanta i
2. Pangondian do AnakNa Naung ro tu portibi on
Paluahon sian dosa Hita na marjea on
Jesus Kristus i do goar Ni pangondinganta i
Ai Ibana do manggarar Utang ni pardosa i.
3. Jesus Kristus do manogu Au tu hasonangan i
Diarahon do tondingku Tu hasangaponNa i
Asa unang be marlea Au na bojok roha on
Jala dao sudena jea Na mangago rohangkon.
4. Ia ro pe hamatean Jesus mangapuli au
Di na songgop paruhuman Jesus mangondihon au
Aha be habiaranku ? Jesus do haposanki
Ala ni sai pujioku Holong ni rohaNa i.
B.E No. 209. NA SONANG AU BL. 136
1. Na sonang au dung na mar Tuhan au Tu Tuhan Jesus i
Ai ndang adong dung naposoNa au Siholsohononki
Ibana nama huihuthon Portibi on ma hutundalhon
Na sonang au, Na sonang au.
2. Na sonang au Bolong do sasude Na mangarsahi au
Las rohangki nuaeng nang sogot pe Diapul Jesus au.
Ndang huholsohon be ngolungku Sude do guru di Amangku
Na sonang au, Na sonang au.
3. Na sonang au. Burju do Amangki. Na manarihon au
Huhut basa, sude na ringkot i Dilehon do tu au
Parbegu do na humolsohon Ngoluna dohot sipanganon
Au sonang do, Au sonang do.
4. Na sonang au. HarajaonNa do Ro di ruhutna i
I ma antong na hujalahi do Sude dapot disi
Sai on ma sangkap ni rohangku Pasauthon roha ni Amangku
Na sonang au, Na sonang au
5. Na sonang au. Na maradian au Di ampuanNa i
Na bernit i maporus sian au Hudai holongNa i
Nuaeng sinolom ni rohangku Naeng surgo i ma bongotanku
Martua au, Martua au
B.E. No. BE. 210 O TUHAN NA MARASI ROHA BL.100
1. O Tuhan na marasi roha, na so tardodo jolma i
Torop do halak sipardosa, na rap mamuji goarMi
Dibaen basaM na godang i, marhitehite Jesus i.
2. Dibahen Ho do pardengganan, pasaehon dosa i sude.
I do manghorhon haluaon, di hita na tarjea i
I pe mauliate ma au on di Ho o Debata.
3. Naung ro do Tondi Parbadia Tu huriaM sinuruMi
Manunggul roha na porsea Di nasa na pinillitMi
Mamuji Ho do ala ni Rohangku na imbaru i
4. Mauliate ma rohangku, dibaen na pinarbagaMi
Ndang olo asi ni rohaMu mansohot salelengna i
Sai hot do padan binaenMi. Nang pe na sego sasude.
5. Nang hangoluan, hamatean Na hansit nang na porsuk i
Na so tarbaen do i manirang Au sian hahoholongMi
Na dibagasan Jesus i Ai na burju do rohaMi.
B.E No. 211 TUHAN JESUS SIPARMAHAN BL. 92
1. Tuhan Jesus Siparmahan Au birubiruNa do
Jesus gok di Ho rohangku Sai ihuthononku Ho
Sai ihuthononku Ho, Sai ihuthononku Ho
Jesus gok di Ho rohangku Sai ihuthononku Ho
2. Jumpa masa sorimago Tung pangapul Ho gogo
Ia bogasMi huida Sai ihuthononku Ho
Sai ihuthononku Ho, Sai ihuthononku Ho
Ia bogasMi huida Sai ihuthononku Ho
3. Dokkon ahu suruanmu Ai hatam so magopo
Dung i Ho huhut manogu Donganki manopot Ho
Taiti ma sude tu Ho Taiti ma sude tu Ho
Sai asi rohaM sai togu Sahat ma sude tu Ho
B.E No. 212 HAHOLONGON NA BADIA BL. 24
1. Haholongon na badia Sian Tuhan Jesus i
Sai songopi sai bongoti Roha dohot tondingki
2. Las ni roha ni na sonang Di banuaginjang i
Sai pasonang sai pasabam Sihol na di rohangki
3. Hasonangan hadameon Na ro sian Jesus i
Sai pahosa au na loja Asa bulus rohangki
4. Sai palambas ma rohangku Dompak angka dongan i
Asa tung ringgas rohangku Lao manesa dosa nii.
5. Habasaron hadameon Na ro sian Tuhanki
Gohi roha dohot tondi Unang munsat sian i
6. Haholongon sian Jesus Sai paias rohangkon
Sai pabali nasa tihas Asa ias tondingkon
7. Antong ale Debatangku Sai pagomos rohangki
Asa tolhas au tu lambung Ni sude na monang i.
B.E No. 213 DUNG SONANG ROHANGKU BL. 115
1. Dung sonang rohangku dibaen Jesus i Porsuk pe hutaon dison
Na pos do rohangku di Tuhanta i Dipasonang tongtong rohangkon
Sonang do, sonang do Dipasonang tongtong rohangkon
2. Nang dihaliangi sibolis pe au Naeng agohononNa muse
Naung mate Tuhanku Mangolu ma au Utangki nunga sae sasude
Sonang do, sonang do Dipasonang tongtong rohangkon
3. Diporsan Tuhanku sandok dosangki Bolong tu na dao do dibaen
Nang sada na so jujuronna be i Na martua tondingku nuaeng
Sonang do, sonang do Dipasonang tongtong rohangkon
4. Mangolu nang mate di Jesus do au Ibana haporusanki
HataNa sambing do partogi di au Ai na tau haposanku do i
Sonang do, sonang do Dipasonang tongtong rohangkon
B.E. No.214 SONANG DI LAMBUNG JESUS BL.161
1. Sonang di lambung Jesus Sonang na ro tusi
Unang be ho mabiar Lao mandapothon i
Tongtong dijouhon Jesus Sai ro ma ho tu Au
Tadingkon haholomon Jala haposi Au
Sonang di lambung Jesus Sonang na ro tusi
Unang be ho mabiar Lao mandapothon i
2. Sonang di lambung Jesus Rap hita lao tusi
Inganan na ummuli Do di lambungNa i
Ai nunga diparade hasonanganta i
Asa marhasonangan Na ro tu Jesus i
Sonang di lambung Jesus Rap hita lao tusi
Inganan na ummuli Do di lambungNa i
3. Jesus haholonganku Jesus haposanki
Saleleng au mangolu Dohot di tingkingki
Ndang be huhabiari Angka pangago i
Ai diramoti Jesus Au hinophopNa i.
Jesus haholonganku Jesus haposanki
Saleleng au mangolu Dohot di tingkingki
B.E No. 215 NA MARTUA NINNA JESUS BL. 88
1. Na martua ninna Jesus Jesus Na pogos tondina i
Ai langkana do na tulus Tu banuaginjang i
Sai na sonang roha ni Na manggolom hata i
2. Nang na marsak pe tarbahen Sonang do rohana i
Ai arsakna i mambahen Ro na mangapuli i
Sai na sonang roha ni Angka naung tarapul i.
3. Na martua do dohonon Na lambok marroha i
Ai nasida do manean Nasa na di tano i
Sai na sonang roha ni Na mangalo rimas I
4. Molo mauas tondimuna Mida hatigoran i
Na martua do hamuna Ai tutu ma jumpang i
Sai na sonang roha ni Na marhatigoran i
5. Angka na marasi roha Ninna Jesus Tuhan i
Angka i do siasian Balos ni asina i
Sai na sonang roha ni Siasii dongan i
6. Angka na lidang marroha Na so saor tu dosa i
I do na tarbaen marnida Ama na badia i
Sai na sonang roha ni Na pasiding dosa i
7. Angka na manuan dame i dietong Debata
Songon anak ai nasida Sada dohot Debata
Sai na sonang roha ni Na mambahen dame i
8. Dohot angka na binuru Ala hatigoran i
Sipujion ai marguru Tu porsukna upa nii
Sogot di na sonang i Mullop ma tuana i.
B.E. No.216 GARGAR DOLOK BL.89
1. Gargar dolok tapor batu Ndang na gargar asi ni
Roha sian Debatangku Sai na hot padanNa i
Asi ni rohangKu do Ndang na munsat sian ho
2. Na nidok ni Debatangku Patut huundukkon i
Sai mangolu do tondingku Molo huihuthon i
Asi ni rohangKu do Ndang na munsat sian ho
3. Saluhutna na dung loja Mangulahi do gogo
Sonang jala las rohana Ia diasangkon do
Asi ni rohangKu do Ndang na munsat sian ho
4. Marsak ala ni dosamu Bobos mida uhum ho
Sai haposi ma Tuhanmu Na tongtong mandok tu ho
Asi ni rohangKu do Ndang na munsat sian ho
5. Sai patogu ma rohangku O Tuhan di hataMi
Unang pola au be ganggu Paima bagabagaMi
Asi ni rohangKu do Ndang na munsat sian ho
6. Ia ro pe hamatean Di na suda bohalhi
Hangoluan ma hutean Sian na mandokkon i
Asi ni rohangKu do Ndang na munsat sian ho
B.E No. 217 JAHOWA DO DONGANKU BL. 248
1. Jahowa do donganku Tung ise alongki ?
Tangiang ni rohangku Padaohon musu i
Hasian ni Debata Au Kristus ulungki
Tung aha hatahata Ni panginsahi i ?
2. Ai damang do Jahowa Hupuji i tongtong
Sai i digolom roha Marningot na holong
Do roha ni Natimbo Tuk do gogoNa i
Mambuat nasa holso Pasonang rohangki
3. Mudar ni Tuhan Jesus Panalom rohangki
Ai i do na pabulus Dalan tu Ama i
Artana do na maol Na nilehonna i
Unang pinarhamaol Ngolu ni daging i.
4. Jesus hasangaponku Sondang ni tondingki
Aut unang i huboto Nda mago au boti ?
Dibaen habadiaon Ni Natumimbul i
RimasNa ndang tartaon Na songon api i.
5. Ndang be marhinamago Au dung ro Jesuski
Soada na mangago Hinaholonganki
Tongtong sonang rohangku Di na lao mate pe
Tu surgo do langkangku Uhum ndang jorbut be
6. Tondina do disuru Manggohi rohangkon
Ibana huparguru Palambok dangolhon
Dibaen pasupasuna Umbaen mananda au
Di Ama i, tung sura Na hurang boto au.
7. Ibana mangajarhon Luhut tangiang i
Ibana patolhashon Na pinangidomi
Tu Debata Amanta Hurang pe rohaMi
Ibana padas hata Sandok na malo i.
8. Ibana pangapuli Di na marilu i
Sambulo pe na uli Na pinarade ni
Amanta na di ginjang Dipatuduhon do
Molo dung so marlindang Jala ndang ganggu ho.
9. Ingkon marlasniroha Tongtong au ala nii
Ai nunga dao na roa Di Ho au Jesuski
Ho mata ni aringku Ho las ni rohangki
I pe di Ho dagingku Di Ho nang tondingki.
B.E No. 218 TONG DO TAU HAPOSAN BL. 146
1. Tong do tau haposan Tuhan Jesus i
Ala naung diporsan Do dosanta i
Hata nang dameNa Hangoluan ni Angka na porsea Di hataNa i.
Hata nang dameNa Hangoluan ni Angka na porsea Di hataNa i.
2. Sai tong didongani Na porsea i
Jala ganup ari Ro basaNa i
Tu na so marganggu Di gogoNa i Na mandok Tuhanku Na sun denggan i
Tu na so marganggu Di gogoNa i Na mandok Tuhanku Na sun denggan i
3. Guru di Ibana Sude tano on
Sintong do hataNa Na tu hita on
Asi ni rohaNa Na sumurung i Dipatongontongon Tu lomoNa i.
Asi ni rohaNa Na sumurung i Dipatongontongon Tu lomoNa i.
4. Ale Tuhannami Sai sondangi ma
Sude dongannami Na di Sumatra
Dohot halak Nias, Halak Borneo , Asa tung lam ias Lao managam Ho.
Dohot halak Nias, Halak Borneo , Asa tung lam ias Lao managam Ho.
5. Nang pe angka jolma Na di Afrika
Ro di halak Sina Dohot Asia
O Jesus panondang Sai sondangi ma Asa ro marsomba Tu Ho,Debata.
O Jesus panondang Sai sondangi ma Asa ro marsomba Tu Ho, Debata
B.E.No.219 ISE DO ALEALENTA BL.183
1. Ise do alealenta Na so olo muba i ?
Aleale na sumurung I ma Tuhan Jesus i
Ai torop pe aleale Na di hasiangan on
Saluhutna i mansadi Molo mate daging on
2. Hahaangi dohot tondong Na marholong roha i
Aleale dohot dongan Tading do sudena i
Nang pe dipataru hita sahat tu udean i
Laho do muse nasida Ditadingkon bangke i.
3. Anggo Jesus, sai diingot Do alealeNa i
Nang tondinta pe diingot Sahat tu ajalta i.
Tatadingkon pe luhutna Na di hasiangan on
Dapotonta di lambungNa Hasonangan na tongtong
B. E No. 220 NDANG JUMPANG HIAN BL. 142
1. Ndang jumpang hian hatorangan ni i Pardagang di dalan na tu surgo i
Marhite sangkapna pingkiranna i Aut unang Tuhanta haposanta i.
2. Dung loja roham dibaen dosami Hurangan di dame do nang rohami
Tu Golgata boan, mangelek ma ho Porsea di Jesus Tuhanta ma ho.
3. Masihol do ho di na tiur i ? Dihoihon roham na so tau ho tusi
Na ro do parasi na sumurung i Mandok ho na dangol sai pos rohami
4. Sude rohami ditanda hian Na masa di ho sai didasing hian
Luhut tu na denggan di ujungna i Ditumpak sasudena i.
5. Sai tong do bulus di hita sude Ai Jesus na tuk patundukkon sude
Biar pe rohanta nang golap pe i Haposi Tuhanta partogi do i.
6. Antong unang be mandele roham Adong na ringgas sumarihon langkam
Ai Tondi ni Jesus patiur roham Mangkirim ujungna na tongtong sonang
7. Ai molo dung ro marujung langkam Sai monang ma ho sai ditiop roham
Porsea di Jesus partogi di ho Tu ginjang tu surgo diboan do ho.
B.E No.221 SALELENG JESUSKI BL. 5
1. Saleleng Jesuski Na mandongani au
Maporus holsoholsongki Sai di Ibana au
2. Parmahan Jesuski BirubiruNa au
Ditogutogu tondingki Ndang be marmara au
3. Sai dipatongon au Tu hasonangan i
Diiringiring Jesus au Mardalan lao tusi
4. Torop di tano on Mangkaliangi au
Sai Tuhan Jesus do tongtong Maniopniop au.
5. Naeng tarsulandit au Di maol ni dalan i
Hatop ma lao tu Jesus au Pamalum rohangki
6. Hubereng ma tongtong Jesusku tumpalhi
Ibana tua na tongtong Na so mansohot i.
B.E No. 222 TU JOLO NI TUHANKU BL. 163
1. Tu jolo ni Tuhanku Huboan diringkon
Ibana do Rajangku Sigomgom rohangkon
Sai guru di Ibana Sudena langkangki
Sai asi ni rohaNa Pature bogashi.
2. Ai nang pe au targogot Hutatap Rajangki
Sai ro do ganup sogot Pangurupina i
Na so pasombuonNa Di pangunjunan i
Sai saut paluaonNa Na hinophopNa i.
3. Tutu, ndang sai mansohot Tompu na mohop i
Sipata leleng lohot Tu au na dokdok i
Alai gogongku ganda Mamorsan silang i
Tuhanku do hutanda Jonok di lambungki
4. Ditiop do tanganku Sai dihehei do au
Sai tong jonok Tuhanku Ndang dung Ibana dao
TondiNa patorangkon Tu au holongNa i
Sai lam huhadengganhon hansit ni silang i.
5. Di holong ni rohaNa Dibuhul tingkingki
Disi do alaponNa Au tu lambungNa i
HolongNa pujionku Tung salelengna i
Siala sitaonon NiampehonNa i.
B.E No.223 HUSOMBA HO TUHAN BL. 244
1. Husomba Ho Tuhan tangihon au
SangkapMu ma tongtong pasaut tu au
Lam ganda baenon ni i, holong ni rohangki
Sai lam gandai holong tu Ho
2. Uju na lilu au Dao sian Ho
Sai dilului Ho au Laos jumpang do
Ala ni holong do Rohangkinon di Ho
Sai lam gandai holong tu Ho
3. Di na targogot au hansit huae
Ho na mangapul au tu Ho au lao
Haposanki do Ho, Ho Sipangolu do
Sai lam tambai holong tu Ho
4. Ia tung jumpang ma Ro ajalhi
Asi rohaM nama Di tondingki
Na las do rohangki Marnida bohiMi
Di lambungMi Di surgo i.
B.E No. 224 JALO TANGANKU BL 232
1. Jalo tanganku tiop au o Tuhan Ai na gale au so mardongan Ho
Rap dohot Ho hipas do au mardalan Mamolus parmaraan sonang do
2. Sai togu au, sihol di Ho rohangku Naeng lam sumolhot au tu lambungMi
Ai unang i, mura dope au lilu Manimbil sian hasintonganMi.
3. Ajari au, urmun dope huida Maol hantusi pambaenMi sude
Dung pe ro songgop Tondi Parbadia Tangkas huida Sasude ture
4. Urupi au di ujung ni langkangku Mamolus rura hamatean i
Sai bohiMi panondang di atashu Laos boan au tu undungundungMi.
B.E No. 225 AI BEASA TUNG HUMOLSO BL. 25
1. Ho, o Tuhan haholongan Ni rohangku sai tongtong
Sai tangihon pangidoan Sai urupi ma au on.
2. Pasupasu ulaonku Tumpak ma sudena i
Sai padenggan ma rohangku Maradophon donganki
3. Sai patiur ma rohangku Mamingkiri basaMi
Sesa ma sude dosangku Paimbaru tondingki
4. Iringiring au Tuhanku Sai tiopi tanganki
Molo tos muse hosangku Abing au tu lambungMi.
B.E No. 226 ADONG DO HASONANGAN BL. 247
1. Adong do hasonangan Di ho parjalang i
Hatop ma ho maporus Tu Tuhan Jesus i
O Jangkon ma Ibana Asa dapotan ho
Adong do hasonangan Antong sai ro ma ho.
2. Adong paradianan Di ho na loja i
Di Tuhan Jesus Kristus Pardenggan basa i
Pareak ma Ibana Ai dipaima ho
Adong paradianan Antong sai ro ma ho.
3. Sai parhaseang tingki Halehetanna i
So tung ho maon mago Binaen ni dosami
Unang sai marhusari Unang tarlalap ho
Adong do hasonangan Antong sai ro ma ho.
B.E. No.227 JESUS NGOLU NI TONDINGKU BL.26
1. Jesus ngolu ni tondingku, Hodo haporusanki
Gok di Ho na ma diringku, ro di nasa langkaki
2. Lam tangkas ma patuduhon, tu au on panghophopMi
Asa i huhalungunhon, hot ma au di lambungMi
3. Jangkon au baen siseanMu Na girgir tu podaMi
Sai surdukkon ma tanganMu Asa tong hutiop i.
4. Tangkup au Jesus Tuhanku Tiop au mansai gomos
Asa unang runsur pathu Sian dalan na tingkos
5. Raphon Ho do au mangalo Dosa dohot hisaphi
Ai sumurut do pangago Anggo Ho di lambungki
6. TondiMi sai tong paian Di au on tinobusMi
Tung patau ma au manean PinarbagabagaMi
B.E No. 228 JESUS HAPOSANKU BL. 246
1. Jesus haposanku Unang au pasombu
Au di hapunjungan Di na so mardongan
Ho tongotong donganku di pardalananku
Jesus haposanku Unang au pasombu
2. Ho sambing Rajangku Ho do oloanku
NaposoM do ahu Di harajaonMu
Sonang ma rohangku Dung tangkas di ahu
Ho sambing Rajangku Jala oloanku
3. Di harajaonMu tigor do uhumMu
Ho ma huihuthon Lao tu hangoluan
Naung torang tarida Sonang do nasida
Di harajaonMu Ala ni uhumMu.
4. Masa asi roha Mida sipardosa
Jesus do manesa Dosa sasudena
Na gogo mudarNa Mamintori hita
Angka asi roha Masa di pardosa.
5. Jesus do Tuhanku Parsingantunganku
Jesus do ojahan Ni haporseaon
Ndada au tahutan Nang di parmaraan
Jesus do Tuhanku Parsigantunganku.
B.E No. 229 HATAMI ALE TUHANKU BL. 181
1. Sai martua do sudena Na so sauduran i
Dohot halak na sumurut Sian na porsea i
Na so olo mangihuthon Tahi ni na jahat i
Na so olo sahundulan Dohot panginsahi i.
2. Sai tongtong lomo rohana Mida pangajaran i
Na nilehon ni Jahowa Gabe sioloan i
I do songon hau na denggan Na di lambung aek hape
Sai ramos tongtong ibana Na so olo malos be.
3. Sai na talu di uhuman Halak sipargeduk i
Jongjong ma di hasangapon Na tigor marroha i
Sipargeduk ndang na tolhas Ro tu hangoluan i
Hamagoan di nasida Sonang do partigor i.
B.E No. 230 HO TONGTONG IHUTHONONKU BL. 182
1. Na malungun do rohangku Mida Jesus Tuhanki
Ai disesa do dosangku Diurasi rohangki
Dibagasan parsahitan Marsigantung au tu Ho
Olo do au mangihuthon PanoguonMi tu Ho.
2. Sai palua ma rohangku Sian na di tano on
Asa Ho hangoluanku Dohot hasonangankon
Beta hita tu Ibana Tabege hataNa i
Holong situtu rohaNa Patut oloanta i.
3. Sangkap nang pangidoanta Dohot na tahirim pe
Ro di angka pingkiranta Di Tuhanta ma sude
Tapararat ma hataNa Tu na so porsea i
Atik saut dope mardame Angka na manjua i.
4. Molo pos roham di Jesus Tinggal di tanganNa i
Sonang ma roham sai tulus Do huhut sinangkapMi
Jadi sai togihononNa Ho muse tu surgo i
Gabe nasa ugasanNa Dohot ho manean i.
B.E No. 231 IDA HINADENGGAN NI BL. 13
1. On ma na di rohangki Jesus i ma Tuhanki
Mago pe portibi on Tu Ibana rohangkon.
2. Jesus do ummaol di au Ai arga ditobus au
Nang musuNa au nian Mago sian nahinan
3. Holan Ho Tuhan tongon Na tau pos ni rohangkon.
Ndang na mago ambolong Na marningot Ho tongtong
4. Tung beha pe au tahe Asal au tu Ho muse
Buat sian rohangki Na hinasogohonMi
5. Amen on ma na sintong Dihalashon rohangkon
Jesus pangondianki Jesus hangoluanki.
B.E. No. 232 JESUS URUPI BL. 116
1. Sian sude parulian na arga Sada huboto hutiop tongtong
Jesus Tuhanku Ho arta na arga Na mangatasi sudena antong
Tangkup Tuhanmu tung tiop hataNa Sai pangasahon ma bagabagaNa.
2. Naeng ho pistar ? Sai dapothon Tuhanmu Nasa na hurang sai boan tusi
Tu pamodaiNa paunduk rohaMu Asa tiur sasude bogasMi
Tangkup Tuhanmu tung tiop hataNa Sai pangasahon ma bagabagaNa.
3. Naeng ho tigor ? Pangasahon Tuhanmu Na tuminggalhon sangapNa sude
Na gabe jolma pasaehon dosamu Holom ma, aithon pangkophopNa i
Tangkup Tuhanmu tung tiop hataNa Sai pangasahon ma bagabagaNa.
4. Naeng ho mangolu salelenglelengna ? Di Tuhan Jesus do jumpang ho i
Nunga torang ditaluhon sibolis Nang hamatean sigomgom sude.
Tangkup Tuhanmu tung tiop hataNa Sai pangasahon ma bagabagaNa.
5. Jesus Tuhanku sai Ho huhaposi Pataridahon tu au holongMi
Pangidoanku tu Ho sai tangihon Basabasahon tu au ngoluMi
Asa di Ho au di harajaonMu Lao patulushon pasauthon hataMu
B.E No. 233 TURENA I MANODO BL.241
1. Turena i manodo Tuhan Jesus Martua na pinarmahanNa i
Ulina i SangkapNa dipatulus Di ganup hita hinophopNa i
Sandok paputus rohaMi Pasahat ma diriM tu Tuhan Jesus i.
2. Sumurug do panogunoguonNa Ummarga sian rumang tano on.
Halaean nasa pangajarionna Dijujur siseanna i tongon
Lam las,lam sabam rohangki Lam hupasolhot au tu Ho, o Tuhanki.
3. Ramoti au Tuhanku sai longkangi Ma sian au tung hatangkangon i
Asi rohaM, datdati, sai torangi Rohangku lao mananda dalanMi
Pangkilalahon ma tu au GogoM, dameM, ngoluM tu dia pe au lao.
4. Ulina i, sai mian di tanganMu Au nang na dokdok niampehonMi
Ai marsihohot ahu di dalanMu Sai tua i di au tumpahonMi
Margogo do panatapMi Mambuat biar mida hamatean i.
5. Tahop pe dosa ro, nang halumlamon Manogu au tu haholomon i
Hutangkup Tuhanki ai ndang tagamon Saut lonong au pasombuonNa i
Jonok Ibana do tongtong Asal di au diida roha na sintong.
6. Sai tong ma au ojak di gomgomanMu Ale Parmahan na sun denggan i
Anggiat tau au tu hasonanganMu Pinaimbaru ni pangkophopMi
Marlas ni roha situtu Au mangihuthon Siparmahan na burju.
BE.No. 234 O JESUS TATAP MA TUSON BL. 32
1. Di rumang ni portibi on Sai tong do lilu rohangkon
Hujujur hatigoranki Hupangasahon burjungki
2. Dung na hutatap Tuhanki Hutanda hahuranganki
Lam tu balgana i antong Ai lam huboto dangolhon.
3. Hurangan au di sasude Sipangasahononhon i
Na so barani rohangkon Manaringoti diringkon.
4. Na gabe tunduk nama au Tu Tuhan Jesus do au lao
Naung mate Ho di Golgata PadoMu au tu Debata.
5. Di tingki ni Tuhanta i Do songgop hatiuron i
Mulai mauas rohangkon Tarsunggul do hot rohangkon
6. Huhalungunhon Hata ni Tuhanku Sipangolu i
Na hubege sai hutohoi Mardongan Tuhan huoloi.
7. Haimbaruon do soluk Tu halumlamon na so tuk
Mardame do huhilala Dibaen Jesusku, Debata.
8. Jesusku hatigoranki Sasada Ho paheanki
Saleleng au di tano on Nang dung marujung ngolungkon.
9. Ndang na tarhirim au disi Saleleng ni lelengna i
Asal ngolungkon situtu Tung Ho, Tuhanku na burju.
B.E. No.235 TUMPALHU NA UMMULI HO BL.235
1. Tumpalhu na ummuli Ho O Jesuski di rohangkon
Sai Ho do tioponku Saleleng au di tano on Ingani ma rohangku
2. Sumurung Ho, O Tuhanki GoarMu hangoluanki
Sai i do haposanku Nang masa pe bernit muse Sai Ho haporusanku
3. Haposan do nang hataMi Ai saut pinarbagaNa i
Nang mate nang mangolu sai sonang au Nang di na dao Ai Ho do Sipangolu
4. O Jesuski dongani au Manang tu dia pe au lao
Sondangi ma rohangku Ho donganki tu surgo i Di ujung ni langkangku
B.E No. 236 JOTJOT DO MARSAK BL. 7
1. Jotjot do marsak i ba binaen i jolma
Na humaliang iba Parroha daging i,
Na humaliang iba Parroha daging i
2. Sai naeng tu hamagoan Sude nasida lao
Ai sian hangoluan Tongtong nasida dao,
Ai sian hangoluan Tongtong nasida dao
3. Dijaga Debatanta Ma hita on disi
Aik naeng ihuhononta Paroha mago i.
Aik naeng ihuhononta Paroha mago i
4. Sipillit hangoluan Tatiru ma tongtong
Huhut tu hasonangan Udur ma hita on,
Huhut tu hasonangan Udur ma hita on
5. Ai sada do Amanta Tuhan Jahowa i
Marria ma rohanta Lao mangihuthon i,
Marria ma rohanta Lao mangihuthon i.
6. Dijaga Debatanta Ma hita on sude
Ditogu ma rohanta Tongtong tu na ture,
Ditogu ma rohanta Tongtong tu na ture
B.E. No. 237 JESUS KRISTUS DO MANOBUS BL 91
1. Jesus Kristus do manobus Hajolmaon sasude
Na niago ni sibolis Di mula na i dope
Jesus Krsitus do Rajanta Sipangolu sasude.
2. Sipujion do Ibana Ai asi rohaNa i
Sioloan do hataNa Ai holong rohaNa i
Di pardosa na tumanda Jea ni rohana be
3. Sahat ma tu Ho tondingku sai ramoti nama au
Ai na susa do diringku Molo au guru di au
Sai tiopi ma tanganku Asa unang mago au.
4. Sai landit, rahis dalanku Musu pe tongtong godang
Sundatanna naeng langkangku Asa unang au sonang
Sai patulus ma sangkaphu Dalananku baen torang.
5. Unang loas au be mago Ai tinobusMi do au
Sai taluhon sipangago Asa tu lambungMu au
Ro di ujung au pamonang Sahat baen tu surgo au.
B.E No. 238 IHUTHON AU SUDE HAMU BL. 93
1. Ihuthon au sude hamu Didok Tuhanta Jesus
Sai soadahon dirimu Hatangku ma patulus
Alai bolongkon ma sude Parulanmu na so ture
2. Sai Au panondang di hamu Di dalan hangoluan
Naeng unang lilu be hamu Dao dohot hamagoan
Au parhitean di hamu Tu hasonangan situtu
3. Hupatuduhon di hamu Sipasidingonmuna
Sude geduk ni rohamu Sipaubaonmuna
Ai naeng ias ma tondimu Di na lao suda bohalmu.
4. Na serep roha do Au on Huhut holong rohangKu
Lambok rohangKu ai tongtong Na lambok do hatangKu
Tongtong hutatap Debata I pe Au on ihuthon ma.
5. Ndang tarpatupa hami i Dipingkir rohamuna
Unang mabiar ala ni Ai Au do donganmuna
TaluhononKu musu i Sai pos ma rohamu disi.
6. Siparhamaol hosana i, I ma agoan hosa
Alai na sumeahon i , I do pangoluhonsa
Na so mamorsan silang i Na so tama di Au ma i.
7. Antong girgir ma hita be Lao mangihuthon Jesus
Dagingta nang tondita pe Talehon ma tu Jesus
Ai na manjua Tuhan i Ndang dapot hasonangan i.
B.E. No.239 BINSAN RO ASI NI ROHA BL. 22
1. Binsan ro asi ni roha Ni Tuhanta i di ho
Alo ma dirim paboa Jora situtu do ho.
2. Sai tundali nasa jea Sai tahopi Debata
Tanda na tutu porsea Ho di Tuhan Debata
3. Ia dalan hangoluan Na gogot tutu do i
Unang ho marhamaluan Tagam nasa musumi
4. Anggo dalan namagoan Na lambas tutu do i
Tung tu api do diboan Na disi dirina i.
5. Sai papos roham mangalo Alo dosami gogo
Asa unang ho na talu Unang na sumurut ho
6. Angkup ni sai martangiang Asa ganda gogomi
Jala sai tongtong ho sirang Sian angka musumi.
7. Unang sai matamatahon Arta na di tano on
Jaga ma roham salahon Roha ni portibi on
8. Hisapmi tongtong pompomi Sai patunduk dagingmi
Asa unang diintopi Dosa i palitomi
9. Sai momosi ma luhutna Naung hinamonangkonmi
Unang loas be malua Ai mansai jorbut do i.
10. Ia dung dapotan uli Ho sai unang tois roham
Ai ndang sahat dope muli Tondimi tu banuam.
11. Sasude na burju roha Mangihuthon Jesus i
Sai dialo do musuna Paima tos hosana i
12. Dirimu do musumuna Dohot dipangago i
Ia hangoluanmuna I ma Tuhan Jesus i.
B.E No. 240 NGOT MA HO DIJOU SOARA BL. 222
1. O hamuna na porsea Sai tong hamu mangalo jea Utian ni pangago i
Hata ni Debatamuna Ma baen hamu sinjatamuna Ndang talu be hamu disi.
Bisuk pe musu i Ditanda rohami Jou ma Jesus
Sai monang do baenonna ho Alai musunta talu do.
2. Sai paias rohamuna Huhut sai alo hisapmuna Ai halak Krsiten do hamu
Sai papos ma rohamuna Di Tuhan Jesus Rajamuna Ai urupanNa do hamu
Naeng suda pe gogom Sai tatap sambulom Na di ginjang
Sonang disi tondinta i Dung sahat hita ro disi.
3. Ale Jesus pargogoi Ma nasa jolma sioloi Hatam di hasiangan on
Paimbaru rohanami Huhut papir ma tondinami Ai na gale do hami on
Tu rohanami be Pasaor ma TondiMi Na badia
Sai burju be di Ho sude Mangolu manang mate pe.
B.E. No. 241 ASAL MA IBANA BL.61
1. Asal ma Ibana Sai tongtong di au
Jala denggan ni basaNa Unang lupa sian au
Ndang be anggo sala Holan las ni roha huhilala
2. Asal ma Ibana Sai tong artangki
Tano on ro di artana Ndang be maol di rohangki
Burju do rohangku Mangihuthon Jesus i Tuhanku
3. Asal ma Ibana Hangoluanki
Gabe sude siluana Songon na hutean i
Ro pe sorimago Sai hutatap Jesus na di surgo
B.E No. 242 RAHIS JALA MAOL BL. 76
1. Rahis jala maol tutu Dalan tu banuaginjang
Na martua situtu Angka na disi mardalan
Mangihuthon Jesus i Sahat tu ujungna i.
2. Upa na sumurung i Dapot na burju marroha
Maralohon dosa i Dohot hisap ni dagingna
Na tongtong mangkirim di Sanggul hamonangan i
3. Na sap mudar nahinan Gantung di hau pinarsilang
Diomohon do hian Upa na marhasurungan
Ai didok do ujui “Nunga sun ulaonki”
4. Ale Jesus togu ma Hami angka paranganMu
Asa tarpareak ma Hatiuron di lambungMu
Dung pe tanggal daging i Dapot hasonangan i.
5. Dongan pir ma tondimu Maralohon hisapmuna
Tatap Jesus naung tutu Manggarari dosamuna
Ai marhite Jesus i Sahat hamonangan i.
BE No. 243 SAI BERENGI PARTONGOLAN BL.169
1. Sai berengi partonggolan na di ginjang i
Idaonmu hamonangan Ni Tuhanta i
“Debata do dongannami “ I ma tajou be Tumpal hangoluan i do Jaloonta be.
“Debata do dongannami “ I ma tajou be Tumpal hangoluan i do Jaloonta be.
2 Ida angka ulubalang Ni sibolis ro
Naung torop tinaluhonna I pe dungo ho
“Debata do dongannami “ I ma tajou be Tumpal hangoluan i do Jaloonta be.
“Debata do dongannami “ I ma tajou be Tumpal hangoluan i do Jaloonta be.
3. Tatap ma hau pinarsilang Ni Tuhanta i
Ndang tarbaen hamu so monang Mangasahon i
“Debata do dongannami “ I ma tajou be Tumpal hangoluan i do Jaloonta be.
“Debata do dongannami “ I ma tajou be Tumpal hangoluan i do Jaloonta be.
4. “Burju tole”, ninna Jesus. “Ai tibu Au ro”
Ale Tuhan rohanami Sai hibul tu Ho
“Debata do dongannami “ I ma tajou be Tumpal hangoluan i do Jaloonta be.
“Debata do dongannami “ I ma tajou be Tumpal hangoluan i do Jaloonta be.
B.E No. 244 BINSAN RO ASI NI ROHA BL. 22
1. Haburjuhon ma mangalo Hajahatonmi sude
Tagan songgop asi roha Ni Tuhanta i dope
2. Alo, ai gogot do dalan Na hopit bahalna i
Tinggal do di hamagoan Na so lao tu surgo i
3. Alo, asa lam ro ringgas Pasadahon rohami
Tu Tuhan Jesus Kristus Sai tundalhon dosa i.
4. Sai gogoi ma martangiang Tu Tuhnata Jesus i
Unang ho marpansadian Borngin nang arian i.
5. Ia monang ho sahali Manaluhon dosa i
Unang olo ho mansadi Tagam ma donganna i.
6. Ai saleleng tainganhon Hasiangan on dope
Na so holang do jagaon Dosa, roha, daging pe.
B.E. No.245 ASAL MA IBANA BL.61
1. Anggo didongani Tuhan Jesus au
Salelengna mangingani Rura hasusaan au
Sonang do rohangku Ai huboto Jesus do donganku.
2 Molo Tuhan Jesus Donganki tongtong
Bahenonku do maporus Na mangarop tondingkon
Sai martua iba Molo Tuhan Jesus donganniba.
3. Sonang do rohangku Raphon Jesuski
Ai disesa do dosangku Dipabulus langkangki
Asa unang mago Tondingkon bahenon ni pangago
BE. No. 246 JESUS URUPI BL. 116
1. Jesus urupi pamonang ma hami Tatap ma gogo ni na holom i
Na so mansadi mangonggop di hami Naeng polgahanna do hami sude
Sai dipingkiri sibolis dalanna Manang beha au tongtong arsahanna.
2. Jesus pamonang au, Ho do manobus Jala nampuna au on do tongtong
Holan tu Ho nama ahu maporus Mida pangela ni portibi on
Molo sai masirapusan rohangku Unang tadingkon au ale Tuhanku.
3. Jesus pamonang au sai huhilala Dokdok ni dosa sude na hubaen
Sai dipaingot rohangku do sala Angka na sian posongku hubaen
Loas ma i paserephon rohangku Jala paingot ma au di mudarMu
4. Jesus pamonang au jala intopi Api ni hisap ni daging di au
Togang ma au molo naeng manolopi Tahi ni roha na jahat i au
Ho ma, o Jesus manggohi rohangku Asa malua au sian musugku.
5. Jesus pamonang au molo marujung Ariaringku di na rodop on
Ho ma patauhon au, asa diusung Surusuruan au on tu jolom
Jesus, urupi au jala pamonang Asa tongtong di lambungMu au sonang.
B. E No. 247 SAI HEHE MA HAMUNA, HAMU, BL. 159
1. Sai hehe ma hamuna Hamu parangan ni
Tuhanta Jesus Krsitus Tu paraloan i.
Ai ndang tarbaen ho monang Nda na mangalo ho
Ai musu ni Tuhanta Tung ingkon talu do.
2. Tangihon panjouonNa Tu hamusuon i
Ihuthon ma hataNa Mangalo dosa i
Ibana do donganmu Mandopang musu i
I pe tongtong haposi Tuhanta Jesus i.
3. Ndang jadi haposanmu Gogom sandiri, da
Ai tung na so hasea Do i di Debata
Sai naeng basahononNa Di ho sinjatami
Ai ndang tarbaen so talu Musuna baenon ni.
4. Manaon ma ho satongkin Di paraloan i
Tibu do i marujung Dibaen Tuhanta i
Dung i partumpalanna Ma ho di surgo
Donganna ho manggomgom HarajaonNa i.
B.E No. 248 SALELENG HO DI TANO ON BL. 18
1. Saleleng ho di tano on Patigor ma roham
Paingotingot ma tongtong Nidok ni Debatam
2. Sai songon hau na denggan do Ramos parbue ni
Bulungna pe na uli do Antong sai tiru i.
3. Godang do hinauli ni Aek mata i tongtong
Pasuman ma dirim tusi Sai baen roham sintong
4. Bolongkon sian rohami Luhut na so ture
Alai na sian Tuhan i Ramoti ma sude.
5. Sai tiru Tuhan Jesus i Naung ro humophop ho
Pambaenna nang hataNa i Hangoluanmu do.
6. Ibana do padomu ho Tu Tuhan Debata
MudarNa diusehon do Di dolok Golgata.
7. Arga do hita sasude Ditobus Jesus i
Ai naeng mangolu hita be Di adopanNa i.
8. Antong ringgas ma hita be Mangalo dosa i
Tahangoluhon ma sude Na sian Tuhan i.
BE No.249 NGOT MA HO, O TONDINGKI BL. 122
1. Ngot ma ho, o tondingki Dungo martangiang
Asa unang musu i Tole so tinagam
Bisuk ni setan i Do manait tu dosa Lan na bonar roha.
2. Ngot ma ho, modom i Dibagasan dosa
Asa unang ala ni Ho marutang hosa
Ai hatop Nang tahop Ro ma pangunjunan Tu naso mangam
3. Dungo, ai na so tarbaen Tondi ni Jahowa
Manorangi ho, mambaen Sirang sian dosa
Ingkon do dungo ho Asa lehononNa Denggan ni basaNa
4. Dungo, jaga rohami Unang dililuhon
Hisap ni dagingmu i Jala ditaluhon
Ginjang ni Roha i Do jumotjot ala Pangalapan sala
5. Martangiang ho huhut Asa saut malua
Sian jea saluhut Gabe ho martua
Jesus do Na gogo Jala tau mangalo Saluhut pangago
6. Ala ni sai jouhon ma Goar ni Tuhanta
Na binaen ni Debata Parsigantunganta
Meleng do Dompak ho Pinggol ni Jesusmu Mangoloi sangkapmu.
7. Ala ni manongtong ma Hita martangiang
Tu Amanta Debata Di banuaginjang
Lam tibu Ro tutu Tingki binuhulNa Manguhumi jolma
B.E No 250 HATAMI ALE TUHANKU BL. 181
1. Sitostosi nasa ihot Na binaen ni dosa i
Sai asi rohaM sai topot Hami na tinobusMi
Sai paias rohanami Sian dosa sasude
Paima bali sian hami Nasa roha daging pe.
2. I do Jesus ulaonMu Diturpukkon Ama i
Na tongtong naeng radotanMu Paima sun marujung i
Ai ndang jadi mago sada NilehonNa i di Ho
Ingkon sahat do sudena Tu banuaginjang ro
3. Ala ni togihon hami Sahat tu na sun denggan
Sai oloi tangiangnami Lomo ni rohaM hian
Tatap hami na marlea Ala pinarsilangMi
Angka na tongtong porsea Di hataM na sintong i
4. Raja sai rajai ma hami Siparmonang , monang ma
Sai taluhon musunami Togu ma tu Debata
Hami angka na marpadan Dibagasan mudarMi
Jala na burju mardalan Tu banuaginjang i.
5. Raphon Ho naeng mate hami Jala na marlea pe
Bunu ma hian di hami Roha jea i sude
Sai tumpahi hami monang Ro di ajalnami be
Baen mardame jala sonang Tondinami sasude.
B.E No. 251 NA MONANG I DO BL. 138
1. Na monang i do na muse manganhon Parbue ni hau hangoluan i
Ndang jadi idaonna hamagaoan Nang hamatean paduahon i
Ai Debatana Papos rohana Mambaen langkana tongtong tiur,
Mambaen langkana tongtong tiur
2. Na monang i ndang tupa hahuaon Ni hamatean paduahon i
Sai jongjong do ibana maradophon Bohingku di banuaginjang i
Sai idaonna disi Tuhanna Ro di donganna na monang i,
Ro di donganna na monang i.
3. Na monang i do lehononku mangan Di surgo manna na buni dope
Pangalahona do tongtong ingoton Margoar na imbaru do muse
Na sinurathon tu batu intan Tongtong martua panjalo i,
Tongtong martua panjalo i.
4. Na monang i marnida pambaenanku I do na marmahani bangso i
Pasahatonku deba sahalangku Tu tangan ni sude na monang i.
Sai rosahanna muse alona Patunduhonna do musungki,
Patunduhonna do musungki
5. Na monang i do na manjalo ulos Na saksak di banuaginjang i
Goarna i do na so jadi mosos Sian pustaha hangoluan i
Taringotanku di Debatangku Sude donganku na monang i.
Sude donganku na monang i.
6. Na monang i do ingkon gabe tiang Di bagasjoro ni Debatangki
Di bagas i tongtong ibana mian Jumujung goar ni Jahowa i
Uhirhononku tusi goarhu Sijujungonku di surgo i,
Sijujungonku di surgo i
7. Na monang i do hundul raphon Ahu Di habangsangku na di surgo i
Tudoshon Au di lambung ni Amangku Partohap do di hasonangan i
Na maradian di hasonangan Sude na monang na burju i,
Sude na monang na burju i
8. Urupi au, o Jesus asa monang Au maralohon angka musungki
Portibi on sibolis nang pamatang Do na manaiti au tu dosa i
Pasangaponku tongtong goarMu Di ingananku di surgo i,
Di ingananku di surgo i.
B.E No. 252 PAIAN MA DI HAMI BL. 6
1. O Jesus sai dongani Ma hami sasude
Pasada rohanami Asa bulus sude.
2. Ndang hadalanan hami Salangka na ture
Dung Ho pe dongannami Tiur ma sasude
3. Sai Ho ma dongannami Dung i maporus do
Sudena musunami Tunduk dibahen Ho
4. Laos songon dongannami Dongani hami on
Di na tarsosak hami Di hasiangan on.
5. Sai tong dongani hami Naung gabe naposoM
Dongani dongannami Na di portibi on.
6. Dung suda bohalnami Asi ma rohaMi
Pamasuk tondinami tu hasonangan i.
7. Sai pos do rohanami Marningot hataMi
Ho pangondiannami Di paruhuman i.
B.E No: 253 ALE DEBATANGKI BL.209
1. Ale Debatangki Lam jonok rohangki, jonok tu Ho
Ima na sai tongtong, sangkap ni rohangkon, jonok tu Ho
Nang beha panoguM Di au on naposoM
Asa lam jonok do jonok tu Ho, jonok tu Ho.
2. Ale Debatangki Lam jonok rohangki Taiti tu Ho
Bangkol pe dagingkon Losok pe rohangkon Manopot Ho
Tong do malungun au Tu Ho tangihon au
Lam jonok rohangki Taiti tu Ho
3. Ale Debatangki Lam jonok rohangki Taiti gogo
Asa tung sonang au Ala basaM tu au Taiti gogo
Ai songon pulut i Dosa di rohangki
Asa tung lam gogo Taiti tu Ho, Taiti tu Ho.
4. Ale Debatangki, jaga ma tondingki Tangihon au
Molo diloas Ho sipata jea ro Manahop au
Naeng ma nang jea i, Manogu rohangki,
Tu hasonangan i Tangihon au, tangihon au
5. Ale Debatangki Lam jonok rohangki Jonok tu Ho
I do na sai tongtong Disangkap rohangkon Jonok tu Ho
Asa di tingki ni Lomo ni rohaMi
Au ro ru lambungMi Jonok tu Ho, Jonok tu Ho.
B.E No 254 DI NA PONJOT ROHAGKU BL. 124
1. O Jesus Sipangolu Parasiroha i Sai loas au mangolu Palas ma rohangki
Pasihar ma bohingku Pangolu ma tondingku Tangihon hatangki.
2. Sai sesa ma dosangku Huhut padao ma i Paombun ma rimasMu Di au parjahati
Gok dame baen rohangku O Tuhan Debatangku Tangihon hatangki
3. Pabali sian ahu Sude na roa i Na mangingani ahu Mangago tondingki
Ho naeng ihuthononku Ho naeng pasangaponku O Jesus Tuhanki.
4. Patiur ma rohangku Marhite TondiMi Ai naeng do antusanku HataM na denggan i
Naeng haporseaonku Tongtong hasintonganmu Padaohon jea i.
5. Pagorgor di rohangku Ma holong ni roham Ai naeng haholonganku Do Ho ro di hatam
Sai naeng pasauthononku Do lomo ni rohaMu Dibaen denggan basaM.
6. Antong sai pargogoi ma Au on na bojok i Ai ingkon dipatupa Tondim do i sude
Tung aha ma gogongku Lao mangoloi patikMu ? Di au soada be.
7. Dibahen i Tuhanku Asi ma rohaMi Pauba ma rohangku Sai pargogoi ma i.
Tongtong ingani ahu Huhut sai togu ahu Tu dalan na ture.
B.E. No.255 HOLAN SADA DO NA RINGKOT BL.187
1. Holan sada do na ringkot Jesus lehon i di au
Manang aha pe na dapot Ndang tuk pasonangkon au
Nang arta nang sangap sude hamoraon Ndang tau mangalehon di au hasonangan
Alai molo dapot na sasada i Tongtong las rohangku hinorhon ni i
2. Molo naeng di ho tondingku Arta na sasada i
Ndang tarbahen luluanmu Anggo so di ginjang i
Disi, di siamun ni Tuhan Jahowa Do hundul AnakNa na dung gabe jolma
Ibana do jambar na sun denggan i Antong o tondingku jalahi ma i.
3. Suang songon si Maria Tumangihon hataMi
Naeng o Jesus na badia Hundul au di lambungMi
Antong ale Tuhan pasada rohangku Palua ma au sian nasa dosangku
Sai Ho ma o Jesus nampuna au on Sai Ho ma manggohi rohangku tongtong.
B.E. No. 256 JESUS KRISTUS I DO RAJA BL.95
1. Jesus Kristus i do Raja Pinabangkit ni AmaNa
Manggomgomi sasude Manggomgomi sasude
Jala nasa hajolmaon Tu Ibana do mar-Tuhan
Parhatopotonna be Parhatopotonna be
2. Angka surusuruanNa Humaliang habangsaNa
Pasangaphon Raja i, Pasangaphon Raja i
Na di ginjang marhuaso Harajaon na di tano
Mangoloi patikNa i Mangoloi patikNa i
3. Debata do sasadasa Holan Jesus do tudosna
Anak tu Amana i, Anak tu Amana i
Na so meret habangsana So marujung do ngoluna
Tongtong gomgomanNa i Tongtong gomgomanNa i.
4. Holan Jesus patupahon Na malua hajolmaon
Ala ni mudarNa i, Ala ni mudarNa i
Nunga sahat hangoluan Sai tongtong do partuaon
Dibagasan Jesus i, Dibagasan Jesus i
5. Hamu angka na mardosa Nang hamu na ponjot hosa
Ala ni na porsuk i, Ala ni na porsuk i
Sai pasahat rohamna Nang na hinolsohonmuna
Tu Tuhanta Jesus i, Tu Tuhanta Jesus i.
6. O hamuna na badia Nang na tigor i, na ria
Nang sude naung monang i, Nang sude naung monang i
Tole ma hamu natorop Tole ma marolopolop
Puji ma Tuhanta i, Puji ma Tuhanta i.
B.E No. 257 RAJA NA TUMIMBUL BL. 210
1. Jonok Debatanta Unduk be ma hita Lao marsomba tu Tuhanta
Mijur Debatanta Tu tongatonganta Tapahohom ma rohanta
Somba ma Debata Di banuaginjang Na so halompoan.
2. Jonok Debata surusuruanNa Do manungkap di joloNa
HabadiaonNa Dipapujipuji Dohot ende na ummuli
Hita pe sasude Sai girgir rohanta Mangoloi Tuhanta.
3. O ale Jahowa Hutundalhon hami Dosa dohot jeanami
Tondi dohot daging Hupasahat hami Tu tanganmu Tuhanami
Sada do i ma Ho Sioloannami Pasangaponnami.
4. Debata na songkal Jala marmulia Baen ma dohot na badia
Lehon ma gogongku Asa oloanku Ho sobokkon suruanMu
Lomo ni rohami Naeng patupaonku Ho haholonganku.
5. Baen tobok rohangku Sian dosa sirang Sai mardame jala sonang
Sai pabontor ahu Asa idaonku BohiMi muse Tuhnaku
Debata Taiti ma Tu hataM rohangku Ho naeng oloanku.
6. Sai ingani ahu Joro baen tondingku Bagas habadiaonMu
Sai bongoti ahu Baen holong rohangku Di Ho Tuhan Debatangku
So pe au Manang lao Ho ma sai hutatap Jala hupasangap.
B.E No. 258 SAI HUTUJU BL. 218
1. Sai hutuju Hangongolu Na pasabam au
Sai hugogo Lao tu surgo paima sahat au
Sabat hupasiding do Hata on huingot do
Sai datdati Manjalahi Hasonangan i.
2. Naung pinio Do tu surgo Au binahenMi
Molo togang Au mardalan Na jorbut ma i
Anggo na tarsabat i Mago do tumpalna i
Hutadingkon Hutundalhon Na dipudingki.
3. Ale Jesus Sai pabulus Langkangki tu Ho
Pargogoi ma Au na loja Na maheu do
Sai apoi ma rohangkon Manundalhon tano on
Baen malua Baen martua Au pardagang on.
4. Ndang margogo Au mangalo Angka dosangki
Taiti ahu Tu lambungMu Tu na sonang i
Pasingothon hataMi Sai tongtong tu rohangki
Pujionku Ma goarMu Salelengna i.
BE. No. 259 SAI BETA MA TONDINGKU BL. 166
1. Sai beta ma tondingku Tumopot surgo i
Saleleng ho di toru Ndang sonang rohami
Disi partuaonmu Disi do ingananmu
Disi ma sonang ho Ipe tu surgo do.
2. Na mangaliliani Tostosi ma sude
Ai nunga dihophopi Tuhanta hita be.
Ai nunga ditaluhon Do dosa hamatean
Lao paluahon ho Ipe tu surgo do.
3. Di ginjang do Amanta Parhuasian i
Ditatap do tondinta Sai naeng ma sonang i
Dilehon do ulosna Tinonun ni AnakNa
HatigoranNa i Sai topot surgo i.
4. Malungun do rohangku O Jesuski di Ho
Marhabonghabong ahu Nian tumopot Ho
Mardomu dohot dongan Tumpak marhasonangan
Mamuji goarMi Tongtong di surgo i.
5. Tu Ho do huparguru Na hupangido i
Ho ma haholonganku HataM oloanki
Sai Ho ma tataponku Paimahon pandokkonMu
“Bongoti surgo i Tu hasoaganMi.”
B.E. No.260 HOLAN JESUS DO HUBAEN BL.40
1. Holan Jesus do hubaen donganku Ai Ibana pasonangkon au
Ingkon sai tongtong tiur langkangku Molo raphon Jesus i au lao
Molo raphon Jesus i au lao.
2. Tano dohot laut sonang hubolus Molo sai diiring Jesus au
Tu banuaginjang pe sai torus Do boanon ni Tuhanku au.
Do boanon ni Tuhanku au.
3. Di na modom manang di na hehe Jesus do donganku sai tongtong
SoaraNa do tongtong hubege Mangapuli au na dangol on,
Mangapuli au na dangol on.
4. Jesus do tongtong haporusanku Arta dohot hangoluanki
Nang tondingku nang pe pamatangku Hupasahat tu tanganNa i
Hupasahat tu tanganNa i.
5. Di na ro panjouna di tondingku Las rohangku mangihuthon i
Ndang tagamon susa be rohangku Raphon Tuhanki di surgo i ,
Raphon Tuhanki di surgo i.
B.E No. 261 BINTANG SIPARTOGI BL. 145
1. Bintang sipartogi Batu mamak i
Tungkot sitiopan Di na landit i
Roti hangoluan Mual na uli
Pandang situjuon I ma Jesus i, Pandang situjuon I ma Jesus i
2. Ho tutu gogongku Hatiuron i
Dame ni rohangku Hasonanganki
Ngolu ni tondingku Sihaposanki
I ma ale Tuhan Ho sambing do i, I ma ale Tuhan Ho sambing do i
3. So marhitehite Ho, o Jesuski
Ba tung sian ise Gogo lao tusi ?
Ho tarbaen paneang Siporsanonki
Holong na hinirim Ho do Jesuski, Holong na hinirim Ho do Jesuski
B.E. No.262 JAHOWA TUHANKI BL.149
1. Jahowa Tuhanki Ho mual ni na denggan
Sitompa sasude Silehon hangoluan
Sai lehon ma di au Pamatang na hipas
Maringan ma di au Baen roha na ias.
2. Urupi au mandok Na patut dohononku
Asa ture hudok Na roa oromonku
Tung baen ma au gomos Mandok na patut i
Margogo ma antong Baen dohot hatangki.
3. Di na tarsosak au Padao ma pandelean
Sitaonon na di au Urupi au mamorsan
Pamonang au tongtong Palambok rohangki
Parroha na holong baen angka donganki.
4. Padame au Tuhan Pasaor tu angka dongan
Ai i do na hombar Tu hataMi o Tuhan
Molo mararta au Binaen ni asiMi
Sai unang be di au Na geduk saor tusi.
5. Ramoti au tongtong Saleleng au mangolu
Matua pe au on Pabenget ma rohangku
So tung marlindang maon tongtong parangengki
Ubanon pe au on Naeng hot do sangaphi.
6. Di hasusuda ni Bohalhu o Tuhanku
Paingot au disi Di nasa na tinaonMu
Tu hasonangan i Pasahat tondingki
Nang di tanomanki Ramoti orbukki
7. Di hamumulakMi Di ari haheheon
Sungguli au disi Baen au marhasangapon
Padomu au disi Tu dongan sasude
Naung pinaluaMi Sian dosana be.
8. Antong pinuji Ho, O Debata Amangku
Pinuji dohot Ho, O Jesuski, Tuhanku
O Tondi nang di Ho Ma hasangapon i
Sitolusada i Sai jalo endengki.
B.E No. 263 TUDOS TU GALUMBANG I BL. 165
1. Tu dos tu galumbang i tagan habahaba
Tahi ni parjahat i mangulahon dosa
Haporusan sada do Pangondian sada do
Kristus Tuhan Na paluahon au.
2. Sego dohot sasude Bintang dohot bulan
Sego tano on muse Ise haporusan ?
Ndang adong tinanda be Dungkon Tuhan Jesus i.
Kristus Tuhan Na paluahon au.
3. Di na laho mate au Sai asi rohaMu
Unang loas lonong au Tu banoatoru
Sai surdukhon tanganMi Dompak au tinobusMi
Kristus Tuhan Na paluahon au.
4. Salpu hamamatengki Ro ma hangoluan
Pujionku ma disi BurjuMi o Tuhan
Salelenglelengna i Ho nama pujionki
Krisus Tuhan Ho sipalua au.
B.E No. 264 ADONG DOPE PARADIANAN BL. 217
1. Sai togu au tu hasonangan O Jesus hangoluanki
Sian sude na dung rarangan Paholang ma pingkiranki
Aha labana hangoluan Na so dilehon Ho, o Tuhan Marhitehite mudarMi ?
Sai tong paunduk ma rohangku Unang adong be hagiothu Na so hombar tu rohami.
2. Ale Rajangku unang loas Lam ganggang sian Ho be au
Patogu ma sai tong pahoras Di pardonganonMi ma au
Na so adong be hatuaon Di balik ni na jinalahan Ni holong ni roham di au
Huboto ala ni hatamu Lam hot ditiop i rohangku Sai hasonanganki do Ho.
3. Ingkon tongtong burju rohangku Saleleng na mangolu au
Ai Ho sambing haholonganku Tu Ho ma marhaposan au
Sai tong jagahon ma rohangku Pingkiranki, pambahenanku Ai tutu anakMu do au
Pasobok ma rohangku dohot RohaMu asa sanga sogot Sobokkon Ho tarida au.
4. Ai nunga tung barani ahu Manaon parsahitan i
Na olo ahu ganup ari Mangihut Jesus, Tuhanki Hosom ni jolma pe hutahan
Hohom do au tung nileaan Hutiru Tuhan Jesus i Ai dung di ujung ni langkangku
Disi tongtong halashononku Sudena na di Tuhanki.
B.E No. 265 NAUNG MORU DO MUSE SATAON BL. 192
1. Mauliate ale Tuan Ala ni hahoholongMi
Ro Ho sian banuaginjang Pangolu au na mago i.
Hudok di Ho mauliate Naung singkop hangoluanki
Ala holong huhut marasi RohaM di au pardosa i.
2. Tu Ho hulehon ma tondingku Sai baen ma i ingananMi
Sai suru ma TondiM tu ahu Manogunogu rohangki
Najolo holong ni roham do Manaiti Ho tu tano on
Laos i mandasdas Ho nuaning Pangolu au na dangol on.
3. Urati ma huhut tutungi Sude na jat di rohangki
Marhite rante manang tali Tarihot au di dosa i
Ndang dia imbar nii, o Tuhan Boi do malua au disi
Hasian i rohaM ma ahu Pardosa na malua i.
B.E No. 266 TU BANUAGINJANG DO BL. 151
1. Tu banuaginjang do Pardalanta i
Na dihalungunhon ho Tulus ma disi
Anggo dison Mubauba do sude So sadia na ture Di tano on.
2. Tu banuaginjang i Sai tabereng be
Molo ngot manogot i Nang bodari pe
Olo, tongtong Martangiang ho gogo Ia naeng maruli ho Di Jesus i.
3. Tu banuaginjang i Bereng ma tongtong
Molo na hurangan ho Di portibi on
Ndang jadi be Ganggu rohami disi Debata patupa i Singkop sude.
4. Tu banuaginjang i Lao do sasude
Dongan na porsea i Di Tuhanta i
Dohot ma ho Alo sipagago i Taon nama hansitna i Satongkin i.
5. Tu banuaginjang i Lao Tuhanta i
Sian haleaon i Na tinaonNa i
Ihuthon ma Sian hatoruon i Dalan na tu surgo i Tu Debata.
6. Tu banuaginjang i Lao ma ho muse
Gari hamatean i ParhiteanMi
Diida ho Ujung ni dalanta i Bagas ni Amanta i Di surgo do.
7. Tu banuaginjang i Hasonangan i
Rap marende ma disi Na porsea i
Haleluya I do diolophon be Di Parmonang Jesus i, Haleluya.
B.E No. 267 O TUHAN SULINGKIT BL. 100
1. O Tuhan sulingkit ma au Sondangi rohangku tangkas.
Gogongku soada di au
Tu Ho paringgas Tu Ho au padonok Di Ho nama au
Tu Ho paringgas Tu Ho au padonok Di Ho nama au
2. Tu aha marguna be i Nang godang sinamot di au ?
Di ginjang di sambulongki
Ho Jesus artangku Tusi do siholhu Sonang rohangki.
Ho Jesus artangku Tusi do siholhu Sonang rohangki.
3. Sude hupasahat tu Ho Ai Ho nampunasa hian.
Tongtong au marguru tu Ho
Ai Ho ale Jesus Sihophop sudena Nampuna au on
Ai Ho ale Jesus Sihophop sudena Nampuna au on
4. Hutiop tanganmu tongtong Dalanku tiur nang sonang.
Sabam ma tongtong rohangkon Ai Ho Sipargogo
Ai Ho Sipargogo Ai Ho Siparngolu Pangolu ma au
Ai Ho Sipargogo Ai Ho Siparngolu Pangolu ma au
5. Dipuji rohangku do Ho O Jesus, donganku tutu
Gogongku sambing nama Ho
Pinuji GoarMu, Pinuji GoarMu, Hupuji burju
Pinuji GoarMu, Pinuji GoarMu, Hupuji burju
6. Tu Ho, o Tuhanku au lao Dung suda bohalhu dison.
Pargogo, parbasa do Ho
Ramoti, dongani. Urupi ma hami Sai togu au on
Ramoti, dongani. Urupi ma hami Sai togu au on
B.E. No: 268 DEBATANGKU DO DONGANKU BL. 127
1. Debatangku do doganku Ganup ari ganup taon
TumpahanNa do langkangku urupanNa au manaon
Pos do rohangki disi Debata do donganki Salelenglelengna i.
2. Debatangku do donganku Nang pe marsitaonon au
Ai Ibana do Amangku Anak haholongan au
Pos do rohangki disi Debata do donganki Salelenglelengna i.
3. Debatangku do donganku Tung na ganggu m’au disi?
Nda tongtong hangoluanku Asi ni rohaNa i ?
Pos do rohangki disi Debata do donganki Salelenglelengna i.
4. Debatangku do donganku Na manogu au tongtong
TioponNa do tanganku Nang lao suda bohalhon
Pos do rohangki disi Debata do donganki Salelenglelengna i.
B.E No. 269 TU JOLO NI TUHANKU BL. 163
1. Mardalan au saonari Tu hasonangan i
Jumonok ganup ari Lam jumpang tingki i
Sian na dao huida Hatiuronna i
Sai sonang do nasida Naung tolhas ro disi
2. Godang do halilian Di tongan dalan i
Hatop do au mardalan Tu hasonangan i
Godang do hasusaan Na humaliang au
Hubolus parmaraan Marningot Jesus au.
3. Didadang lasni ari Ditinggang udan au
Jotjot huhabiari Na mgnggopgopi au
Matangku sai manatap Tu sitioponki
Adian do husangkap Rade di surgo i.
4. Las situtu rohangku Nang lantap alongki
Sai Jesus do donganku Ai i haposanki
Ibana na manogu Arian borngin pe
Pos situtu rohangku Sai sahat au muse.
5. Hugolom di rohangku Hau pinarsilang i
Laos i do haposanku Parsigantunganki
Ai nunga saut ditobus Tuhanku tondingki
Ibana do patulus Pasahat langkangki.
6. Pos situtu rohangku Manulus dalan i
Tung suda pe bohalhu Sai sahat au tusi
Tung loja ganup ari Di pardagangan on
Alai satongkin nari Sai sonang au tongtong
B.E No. 270 NGOT AI TORANG DO ARI BL. 152
1. Ngot ai torang do ari Salpu do borngin i
Lam salpu ganup ari Pardalananmi
Ringkoti sumarihon Na pangoluhon ho
Ai di na ro na holom Maradian ho.
2. Ngot ai torang do ari Longkang baen dosa i
Haporseai ma hata Sian Tuhan i
Sesa dosam sudena Dibahen Jesus i
Sahat ho bahenonNa Tu na sonang i
3. Tole, sai saut ma hehe Nang hita on sude
Tataon ma reherehe Nang na porsuk pe
Tung sasude gogonta Tapangke ma, ale
Pareak sambulonta Na di surgo i.
B.E No. 271 BETA, BETA HITA BL. 242
1. Beta, beta hita Lao tu surgo i Ai disi Amanta Sipasonang i
Ndang be na di tano Sihirimon i Nasa na lao sego Ndang haposan i
Ala nii sai tole unang ganggu be Tatap ma jambarmu Naung leleng rade
2. Beta ma ihuthon Tuhan Jesus i Na tau pangoluhon hita jolma i
Holong do rohana di pardosa i Ai disesa sala ni na unduk i
Ala nii sai tole unang tading be Naeng ma sahat hita Saluhut muse.
3. Beta, beta hita lam jumonok ma Ujung ni langkanta ipe beta ma
Ndang be masa sogot Holan las ni roha sonang sasude
Alanii sai tole ringkot ma roham Ingot ma jambarmu Na di ginjang an.
B.E. No. 272 SAI TOLE ,TOLE RO SUDE BL.249
1. Sai tole,tole ro sude Ihuthon Jesus i
Marhohos hasintongan be Di paraloan i
Mandera silang i Partogi Tuhan i
Sarune pe mangkuling do Sai tole,tole ro.
2. Pangansi do musunta i Sai songon na burju
Hape gok sipaoto i Sitolon na tutu
Diela hita be Mambaen na so ture
Mangago daging tondi pe Dungo tajaga be.
3. Solukkon hatigoranmi Baen partahananmi
Nang pe haporseaon i Baen lombulombu i
Nang patta sai ringgas Rohanta pe hiras
Mamaritahon dame i Baen halolomo i
4. Antong sai paralohon ma Haporseaonmi
Dipargogoi Debata ma Sipartangiang i
Tajom podangta i, I ma hataNa i
Maruli tumpal do sude Na so sumurut be
B.E. No.273 JESUS TUHANKU RAJAI MA AU BL.240a
1. Jesus Tuhanku rajai ma au on Asa mangihut tu Ho au tongtong
Topot rohangku ingani ma i Unang be masuk na asing tusi
Jesus pasonang rohangku tongtong Asa marguru tu Ho au tongtong
2. Tung na godang do pardangolanki Tagan so Jesus dope tohaphi
Lan hasusaan tongtong ro tu au Tong do sai asi rohana di au
Sai tong disesa dosangku sude Hangoluanku Ibana muse.
3. Nang pe mangonggop sibolis di au Jala magigi musungku di au
Ndada mabiar au pos rohangki Pangodinganku sai Jesus do i
Asal diida Immanuel i Ingkon sumurut sude musu i.
4. Na marhaposan tu Jesus tahe Sai na martua ibana muse
Na marsigantung tu Jesus tutu Jala marroha na bonar burju
Sonang ibana di portbi on Sonang nang sogot di surgo tongon.
B.E. No. 274 SAI HEHE MA HAMUNA, HAMU BL. 159
1. Ndang jadi ho mardalan Sasada ho antong
Tuhanta Sipangolu Baen donganmi tongtong
Tartondong ho ma surgo Di hadosaonmi ?
Sai tangkup Tuhan Jesus Siporsan dosami.
2. Ndang jadi ho holsoan Dibaen na porsuk i
Tu Tuhan i aluhon Na niarsakkonmi
Ibana Sipartogi sitiop tanganmi
Ture panogihonNa Di na porsea i.
3. Ndang jadi ho mamereng Tu pudimi ale
Mardame ma rohamu Marhite Jesusmi
Laos Jesus Sipatupa Paradianan i
Di lambung ni AmaNa Dibaen holongNa i.
4. Ndang jadi ho gangguan Di hamamatemi
Nang laos pasombuonNa Na hinophopNa i
Asal hian donganmu Tuhanta Jesus i
Sai saut pamonangonNa Ho di ujungna i.
B.E No. 275 O JESUS TUHANKI BL. 245
1. O Jesus Tuhanki Ho Siparmonang i Raja tongtong
Ndang na margogo au Molo so Ho di au
I pe dongani au Di tano on.
2. Sai ro do setan i Manaiti rohangki Dao sian Ho
Ipe ingani au Ai molo Ho di au
Ingkon manigor lao Musu naung ro
3. Molo burju au on Maniop Ho tongtong Sitobus au
Talu do musu i Ndang be agoon nii
Au na tinobusMi Monang ma au
4. Ndang hahuaon ni Dosa be tondingki Malua au
Ho huihuthon do Surgo hutuju do
Tongtong jambarhu Ho Sonang ma au.
B.E. No. No.276 TUMPALHU NA UMMULI HO BL. 235
1. O Jesus Siparmonang i Na manaluhon sasude
Na tau mangago hami Naeng Ho tongtong ditano on. Parsigantungannami
2. Dongani hami sasude Asa tung monang hami be
Di paraloannami Ai na gale do sasude Sai pargogoi ma hami
3. Pamonang hami on sude Nang angka dongannami pe
Tambai ma na porsea Asi rohaM di huriaM Padao ma nasa jea.
4. Antong,sai tatap ma bangsoM Saleleng di portibi on
Sai lehon hatongtongan Taruli be ma sasude Di tumpal hangoluan.
BE. No. 277 LAS SITUTU ROHANGKU BL. 153
1. Marsada roha hita Sitanda Jesus i
Tatiop tong jamita Pasonang roha i.
Sai pir tondinta be,sada tongtong rohanta
Mangihut tu Tuhanta Sihophop sasude.
2. Portibi on na rundut Ndang tiruonta be
Arina i lam sundut Jonok ujugna i
Rohanta sasude Sai tu banuaginjang
Gomos ma hita tindang Managam Tuhan i.
3. Manongtong ma rohanta Mangalo bangko i
Patigor be dalanta pahombar Hata i
Hisap ni roha i Ndang be ihuhononta
Tuhanta do gogonta Lao manundalhon i.
4. Suman tu paisolat Harohaonta be
Lam leleng, lam marbolat Do sian sasude
Na so di Tuhan i Ibana do artanta
HataNa sinjatanta Dompak na holom i.
5. Burju ma tasarihon Manjangkon Tuhan i
Ibana tatangihon Lam leleng, lam ture
Gomos taingot be Jonok do haroroNa
Lao pasonggophon bona Ni hatuaon i.
6. Sai jumpang pardonganon Binaen ni Hata i
Sude na marsitaonon Tahaholongi be
I do niula ni Tondina na badia
Di tonga ni huria Sinondanganna i.
7. O Jesus Tuhannami Pardagang na hinan
Sai Ho manatap hami PaisolatMi hian
Torusi ma tongon Sudena rohanami
Sai Ho hutagam hami Di pardagangan on.
B.E No. 278 BANGSO NA SUMURUNG I BL. 234
1. Bangso na sumurung i Na hinophop ni Tuhanta Debatanta
Naung pardame na sintong Na tongtong
Holan angka i huria ni Tuhanta na badia Na manghophop hita on.
2. Ndang sae naung tardidi ho Naeng marunduk
Tu Tuhanmu pingkiranmu Ai parroha na haru so haru
Ndang goaron be huria ni Tuhanta na badia Sioloan situtu.
3. Nunga masuk ho tusi Mangihuthon Tuhan Jesus ?
Nunga tulus Dipasahat ho burju situtu
Rohami tu hasintongan gabe dohot ho golongan Ni bangsona na burju.
4. Parsidohot ho tutu Lao mangalo isaramu nang dosamu?
Naung rapet tu Tuhanmi rohami?
I do tanda ni bangsona dipasiding do sogona Diihuthon Tuhan i.
5. Bangso ni Tuhanta i Marsihohot do i jongjong ndang malonglong
Sai marhamonangan i di sude
Gari ro pe hamatean holan dalan i manean Ipe masuk ho tusi.
B.E. No. No.279. PASAHAT MA SUDENA BL.160
1. Pasahat ma sudena Na hinolsohonmi
Tu Debata Jahowa Pardenggan basa i
Ai guru di Ibana Do tano dohot laut
Lan pe di tahi jolma Roha na do na saut.
2. Tung ingkon haposanmu Jahowa Debatam
Disi ma dapotonmu Sinangkap ni roham
Ai ndang adong gunana Nang pe holsoan ho
Tangiang do dalanna Asa taruli ho.
3. Diboto Debatanta Parasi roha i
Na denggan nang na roa Di hita sasude
Na denggan di patongon Tu hita sai tongtong
Na roa dipadaohon Manjaga hita on.
4. Ipe sai tong haposi Ma Debatanta i
Sian rohaM tostosi Ma pandelean i
Ai dung dihabengethon Ho na hinolsomi
Tibu ma ro langkan Mambuat arsakmi.
5. Pasombu ma Ibana Pature langkami
Na pistar do rohaNa Patupa sasude
Tung sungkot pingkiranNa Lao paluahon ho ?
Sai naeng patarhononNa GogoNa i tu ho
6. Antong, o Tuhannami Pujung ma sude
Na mangarsahi hami Saluhut jea pe
Sai sahat tu tanganMu Ma hami on sude
Tu surgo toguonMu Ma tondinami be.
B.E No 280 TONGTONG TUTU NA DENGGAN DO BL. 173
1. Tongtong tutu na denggan do Pambaen ni Debatanta
Matua so solsolan do Sude do i marhata
Pos ma roham Di Debatam Ihuthon ma Ibana Na bonar do rohaNa.
2. Ndang dung mangansi hata ni Mangaliluhon iba
Ndang dung geduk pambaenna i Lao maminsangi iba
Sai na ture Do i sude Sude do i marala Ndang dung Ibana sala.
3. Diboto Debatanta i Na denggan i di hita
Na so tagamon baenon ni Na so ture dihita
Dibahen i Di rohangki Denggan do unduk hita Di hata ni Tuhanta.
4. Denggan pambaen ni Tuhanki Tiur dibaen langkangku
Tongon do hangoluanki Ditongos Debatangku
Patar ma i Di tingki ni Hapapatarna sogot Dung au tu surgo bongot
5. O Jesus tatap hami on RohaM nama di hami
Di Ho ma tondinami on Dihophop Ho do hami
Tongtong burju Huhut tutu Ho hangoluannami Sai Ho do Rajanami.
B.E. No. No.281 MARTUA DO NA MARHAPOSAN BL.108
1. Martua do na marhaposan Tu Debata Amanta i
Ai i do dapot pangapulan Di nasa parsorion i
Ndang rihit haojahan ni Na mangkaposi Tuhan i.
2. Ianggo sai holsoan hita Tu aha ma marguna i?
Nang pe tongtong dokdok rohanta Pasarisari jea i
Tung i ma paoruhon i ? Baliksa ganda do disi.
3. Dibahen i paso ma jolo Huhut pasabam rohami
Paidaida manang olo Ho unduk di Debatami
Ibana na mamillit ho Na ringkot i diboto do.
4. Diboto do halehetanNa Mambaen las ni rohanta i
Asal diida haposanNa Do hita ndang mangansi be
Ditongos do na denggan i, Andorang so tinagam i.
5. Sai unang dok di haporsuhon Ho ditadingkon Debata
Alai na so manaon sitaonon I do diabing Debata
Manang sintong pingkiranmi Ujungna patandahon i.
6 Mura do anggo di Tuhanta Sobok do di gogoNa i
Na mora i papogosonNa Mambaen sangap na pogos i.
Longang ma sogot rohami Mananda pambaenanNa i.
7. Ipe haporseai Ibana Burju ma ula tohapmi
Ihuthon ma tongtong hataNa Haposi panumpakNa i
Na mangkaposi Tuhan i Na so hea tartading i.
B.E No.282 TUNG BEASA AU HOLOSAN BL. 80
1. Tung beasa au holsoan ? Kristus i Turpukki Na so harampasan
Ise do na tuk mangkinsu Surgo i Di au i Dung tusi ditogu.
2. Marsaemara do au tubu So adong Di au on Otik ugasanku
Songon i tadingkononku Ngolungkon Tano on Di na tos hosangku.
3. Tondi dohot pamatangku Debata Do mala Nang sude artangku
Naeng muse i buatonNa, Huoloi, Hutohoi Nasa pambaenanNa.
4. Molo tung dipaporsanhon Na hansit, na bernit, Ndang huhadelehon
Ai Ibana mangkusorhon Soro ni Aringki Dung na tuk dihorhon.
5. Lan do ari las ni roha Binaen ni Tuhanki Di au naposoNa
Ipe ndang upirhononku Silang i Molo i, Ingkon porsanonku.
6. Setan manang musu jolma Dihangki Ma disi Nang au insahanna
Di nasida ma rohana Tuhanki Jambarhi Do paurakkonsa.
7. Na so tupa do tahutan Roha ni Kristen i, Nang marhabiaran
Nang maradu tos hosana Baenon i Musu i, Ingkopi pir tondina.
8. Ndang tarbunu hamatean Hita on Na tongtong Marpahorseaon
I do ujung ni na bernit Na tataon Nasailaon Lapang lao tu langit.
9. Sahat ma disi jambarhu Na denggan Na torang Do hasonanganku
Ndang adong di tano arta Na tongtong Olo gong Mago do luhutna.
10. Doshon na sanggolom rihit Arta di Tano i Sipatubu sahit
Holan di banuaginjang Do ture sasude Arta na dumenggan.
11. Jesus mual hangoluan Di au, Ho Au di Ho Ndang tarbaen be sirang
Au di Ho, ai tinobusMu do au on Asa tong Ho pasangaponku.
12. Ho di au, ai sai digolom Rohangkn Ho tongtong Di haporseaon
Sai pamasuk au tu ginjang Ingkon ro Au tu Ho Masipaidaan.
B.E No. 283 NANG SIPATA PE IDAON BL. 30
1. Nang sipata pe idaon Debatanta manadingkon
Anak haholongan i Tung na so tutu do i.
2. Nang sipata dipabenda Debata pangurupiNa
Anggo jumpang tingki ni Pintor tongosonNa i.
3. Songon ama di anakna Pangalehon ni Tuhanta
Holan na hasea i, I do lehononNa i.
4. Pos rohangku di Amangku Nang beha hagogotanku
Sai holong rohaNa i Di au on anakNa i.
5. Setan manang musu jolma Nang beha pangarsahina
Mengkel do au mida i, Ai mangolu Amangki.
6. Manang ro pe hamatean Ndada olo au tahutan
Hutiopi Jesus i, I do alealengki
7. Asal ma tongtong jambarhu Asi ni rohaM Tuhanku
Nang pe tu udean au Sae do molo Ho di au.
B.E No. 284 SONANG DO ROHANGKU BL. 204
1. Sonang do rohangku Mida Debatangku Sipangolu i
Sai huhadengganhon Nasa na nilehon Ni Debatangki
Asal lao tu surgo au Jala Jesus di lambungku Sabam ma rohangku.
2. Lohot do tondingku Di Ho Debatanagku Naeng tongtong di Ho
Sai huhagigihon Na tau manirangkon Ahu sian Ho.
Arta ni portibi i Lan do halak dilohoti i ndang huringkoti.
3. Sada holan sada Do hasundunganna. Ninna tondingki. I ma Jesus, Tuhan.
Na tongtong haposan I ma jambarhi Holan i do sangaphi
Di Ibana ma rohangku Nang sude artangku.
4. Timbang ma basaNa Asi ni rohaNa Hangoluanmi.
I ma haposanmu Asa tandaonmu Hasonangan ni
Tondi ni na hohom i Maradophon Debata Na nioloanna.
5. Sahat tu Tuhanku Hansit ni rohangku Sai tongtong hubaen
Ai pangkirimanku Do hangogoonku Uju au mangae
Benget ni rohana i Do niingot ni rohangku Asa lao arsakku.
6. Nasa na maporus Tu Tuhanta Jesus Do marnida on
Moru sitaononna Do dibaen Tuhanta Lam manaek tongtong
Denggan ni turpukna i Asal ma benget rohana Paima ro tingkina.
B.E No. 285 BINSAN RO ASI NI ROHA BL. 22
1. Sai ditongos Debatamu Na hasea i di ho
Nang beha parsorionmu Asal di Jesusmu ho.
2. Na holsoan ala modom Jesus di rohana i
Magopo do morongorong Ai muse maila i.
3. Sai tongtong marroha ama Debatanta i, ale
Sai tongtong di dihilala Arsak ni roham sude.
4. Sai porsea na dumenggan Dipatongon Debatam
Ndang tongtong ho marsitaonon Asal ma hohom roham.
5. Ia naeng diadiaon Rohami pabenget ma
Ai sude do sinarihon Ni Tuhanta Debata
6. Hagogoon ni Tuhanta Ndang marparbolatan i
Ndada pola jut rohana Sungkot pingkiranna i.
7. Di na jumpang i arina Ro pangurupina i
Ai tompu do harorona Pailahon holsomi.
8. Sai martua do sudena Na marhabengeton i
Asal ma burju rohanta Ndang maol patupahon i
9. Marhaposan tu goarMu Jesus, olo au hohom
Sai patulus ma sangkapMu Manang dia pe lomoM.
B.E No. 286 UNANG MA TANGISHON BL. 144
1. Unang ma ma tangishon Holso ni roham
Tu Jesus aluhon arsak ni roham
Molo humaliang Gaor pe sasude
Sai porsea, sonang Do luhut muse
2. Jesus do umboto Holso ni roham
Tatap ma Ibana Bulus ma langkam
Nang pe di na rodop Nang tu surgo i
Sai marolopolop Ho na sonang i.
3. Sai adong do deba Marsak songon ho
Ho ma paboahon Na mangapul ho
Rap ho martangiang Dohot angka i
Paima dipasonang Jesus sasude
B.E No. 287 GAOR DO SUDE HUMALIANG BL. 29
1. Gaor pe sude humaliang Sai na demak do muse
Molo didok Jesus sonang Aha na humotok be.
2. Iluilum do dibilang Molo na marsak roham
Ndang loasonna tarhilang Ho sai papos ma roham.
3. Sai ditangihon Ibana Na martangiang sude
Jala ditatap mataNa NatinobusNa sude.
4. Ipe haposi Ibana Na paturehon langkam
Sai haholongi Ibana Na pasonangkon roham.
B.E No. 288 NA MARGURU DO LUHUTNA BL. 96
1. Na marguru do luhutna Di Jahowa Debatanta
Dohot panumpakNa i Nasa na marposni roha
Na mangkirim di Jahowa I do na martua. i
2. Na marmudu nasailaon Au umbaen marhatuaon
Debatangku i tongtong Na ture manogu ahu.
Mian do tongtong di ahu Dohot tu joloan on
3. Lan do dipasari jolma Na so tau hasonanganna
Jala na so hot muse Anggo sangkap ni rohangku
Debata naeng haposanku Na manompa sasude.
4. Pangkirimon do pasonang Roha ni na marhaposan
Tu Jahowa Debata Ai tu asi ni rohaNa
Hupasahat do sudena Sai dibaen do na tama.
5. Debata do na umboto Na ture di au na oto
Na martingki do sude Tung Ibana ajaranku ?
Tagamon undukkononku Nasa sibaenonNa pe.
6. Tingki ni ariaringku Guru do di Debatangku
Sai rohaNa ma na saut Asal sahat au tu surgo
Lao tusi do au manggogo Songon batang aek tu laut.
B.E. No. No.289 POS MA HO ROHANGKU BL.220
1. Pos ma ho rohangku Di Debata
Bonom ma arsakmu Tu rohaNa da
Unang lomos Tiop ma gomos
Haporseaonmu unang ho bobos
PaluaonNa Ho ma antong Sian nasa jea di tano on.
2. Pos ma ho rohangku Di Debata
Bonom ma arsakmu Tu rohaNa da
Lao mago pe Na dison sude
Sonang bahenonNa Sogo ho muse
Ale Jahowa Haposanki Sai togihon ahu Tu surgo i.
B.E No. 290 AI BEASA TUNG HUMOLSO BL. 25
1. Ai beasa tung humolso jala sai tahutan ho ?
Hasabamhon parsorion Pinarona i tu ho.
2. Sai pangido angka arta Na so olo buruk be.
Sai tundalhon ma na roa Tu na sonang ho muse.
3. Haringkothon manggotaphon Harohaon tano on
Sambulom ma halungunhon Tagan ho di ngolumon.
4. Marisuang ho pasuang Rohami tu Debata
Sai gogoi ma mangkaposi Jesus Kristus Tuhanta.
5. Guru roha ni Debata Ma baen langkalangkami
Amen, amen sai pasangap Ma tongtong goarNa i.
BE.No 291 BINSAR MA, BINSAR MA BL. 41
1. Binsar ma, binsar ma marsinondang ma
Hatiuron sian ginjang Pangoluhon humaliang
Hami sasude, Hami sasude
2. Ngalut ni ngolungki sitaononki
Parsahitan halojaon Jambarmi o hajolmaon
Di portibi on, Di portibi on
3. Tuhanki tua ni hajolmaon i
Ho partanobatoanku Ho tongtong pangkirimanku
Jesus goarMi pos ni rohangki
4 Bereng i jambarmi salelengna i
Unang lohot ho di toru Unang jambarmi lam moru
Tuju ngolumi na di ginjang i.
B.E. No.292 GIRGIR MA HAMU BL.141
1. Dung ro Jesus i patar ma tu au gogoNa sude holongNa di au
Ibana haposan haporusan i Tung mate pe iba sonang roha i
2. Dung ro Jesus i martua sude Na pos roha i sonang do sude
So olo be lonong na mian disi Sude do mangolu ditogu tusi
3. Na bernit pe ro manosak tu au Ilungku pe ro tung marsak do au
Ndang ganggu rohangku ai Jesus di au Ibana gogongku malua do au
4. Patar arsakki peak di joloM Tu ginjang ma au mangido gogoM
Ndang tuk ndang tau jolma haporusan i Sai holan arsakku dipajojor i
5. O Jesus tu Ho marsomba au on Sude ma di Ho hulehon au on
So olo be sirang naung domu tu Ho martua nang sonang na ro i tu Ho
B.E No. 293 NDANG JUMPANG HIAN BL. 142
1. Habot pe roham Porsuk jambarmi
Adong do pangapul Tuhanta do i
Ibana donganmu Mamorsan gogo
Sai unang ho ganggu Sai monang ma ho.
2. Saleleng dison Dokdok do roham
Hansit pamatangmu Marilu matam
Sai bereng tu ginjang Ai Jesus naeng ro
Sai taon ma satongkin Mangolu ma ho.
3. Dung sahat tondim Tu Tuhanta i
Tarapul rohamu Di lambungna i
Mansohot arsakmu Sai sonang ma ho
Sai unang ho ganggu Martua ma ho.
BE No. 294 Unang sai holsoan ho
1 Unang sai holsoan ho, Debata mangolu do
Dirajai do sasudena , arsak mi naeng buatonna ;
Asal ma porsea ho, holsomi maporus do
2. Sai haposi Debatam, jala alo ma dosam
Unang habiari talu, hamonangan do tohapmu
Dipasaut Debatami na pinarbagaNai
3. Molo ro arian I, sai maporus borngin I
Songon I do lao arsakmu mida sondang ni Tuhanmu
Asal sai mangkirim ho , ndang tagamon marsak ho
4. Nang tung ganda dokdok ni sude sitaonon I
unang ho olo ho gangguan , sai benget ma ho mamorsan
tiop holong ni roham manghaposi Debatam
B.E No. 295 HOLAN DI SURGO I BL. 23
1. Holan di surgo i sonang sude, Holan di surgo i sonang sude
Ndang na hurangan be Di manang aha pe Molo huingot i naeng au tusi.
2. Holan di surgo i sonang sude Holan di surgo i sonang sude
Ndang adong dosa be Uhum sude ture Sai na martua be disi sude.
3. Anggo di tano on susa tongtong, Anggo di tano on susa tongtong
Jahat ni jolma do Sai na lam ganda do Dung i ujungna be mate sude.
4. Anggo di tano on hurang sude Alai di ginjang an sai sonang be
Haporseaon i Dalan tu surgo i Holong ni roha pe Hot do muse.
B.E No. 296 HOLSO ROHANGKU DITATAP HO BL. 231
1. Holso rohangku ditatap Ho Tahutan ahu pangapul Ho
Naung tu tanganMu do sahat au Jesus Tuhanku ramoti au.
2. Pos do rohangku di Ho antong Huhaholongi do Ho tongtong
Ho do hinirim ni rohangkon Ho do pangiring di langkangkon.
3. Dame ni roha nang tuangki Mangolu, mate, Ho jambarhi
Ho do gogongku di dalanki Patongon ahu tu surgo i.
B.E No. 297 NA MARSAK ROHAM BL. 26
1. Na marsak roham Sai jou Debatam
Na burju gogo mangurupi.
2. Habot pe roham Dibahen dosam
Paboa ma i tu Tuhanmu.
3. Na sorat sude Neang do muse
Bahenon ni Jesus na basa.
4. Sorta Tuhanmi Lambok hata nii
Pasonggop tu hasonangan
5. GogoNa do tuk Pamalum luhut
Sahitmu dibahen holongNa.
6. Ibana labam Marujung langkam
Tu paradianan di surgo
7. Sai taon ma benget Sude na hansit
Ai sonang ma ho dibaen Jesus.
B.E. No. No.298 DI LAMBUNGMI O JESUSKI BL.239
1. Di lambungMi o Jesuski Tung na mardame roha i
Maporus holsoholsongki Lam tu tiurna rohangki
Lam ganda las nang gogongki Dung Ho hutanda Jesuski.
2. DilambungMi o Jesuski Sumurut do na gaor i
Ai guru dokMu do sude Galumbang nang alogo pe
Lam sonang do nang rohangki Dung Ho, o Jesus Tuhanki
3. DilambungMi o Jesuski Ndang be margogo musu i
Lam talu do na jahat i Lam monang do na denggan i
O tua ni naung domu i Tu Tuhan Jesus Rajangki.
4. Di ajalhi, o Jesuski Momos ma tiop tanganki
Pasahat au tu surgoMi Marnida hasangaponMi
Endehononku ma disi Holong nang denggan basaMi.
B.E No. 299 DEBATA DO MANGGOMGOMI
1. Debata do manggomgomi Langit dohot tanoon
Haholomon digomgomi Dohot hatiuron on
Dirajai tanganNa i Nasa na tinompa i.
2. Sai hupuji ma goarMu Ala niramotanMi
Tondi dohot pamatangku Sonang au na borngin i
Ndang na saut tinahi ni Musungki sibolis i.
3. Sai padao ma sian ahu Saluhutna dosangki
Ai marhaporusan ahu Tu bugangMu Jesuski
I do pangondinganki Maradophon rimasMi.
4. Sai sungguli ma tondingku Asa hehe dohot i
Jala haringkothononku Hangoluan sogot i
Asa unang ariMi Manonggoti rohangki.
5. Togu au ale Tuhanku Mangihuthon hataMi
Sai pature ma langkangku Asa tung hasea i
Sai ramoti ma au on Asa sonang rohangkon.
6. Tondi dohot pamatangku Roha dohot gogongki
Hupasahat tu tanganMu Debata na sangap i
Jangkon au naposoMon Ai di Ho hian au on.
7. Dokkon surusuruanMu Manundati tahi ni
Na mangago dompak ahu Asa bulus langkangki
Jala usungonna pe Au tu lambungMi muse.
B.E No. 300 TAPUJI MA TUHANTA BL. 12
1. Sai hehe ma rohangku mamuji Debatamu
Na sai marasi roha di nasa manisia.
2. Ai di na modom ahu Sai dijagai do ahu
Aut unang i naung mago Do au dibaen pangago
3. Didok Ho, o Tuhanku Pos ma roham anakKu
Sai sonang ma ho modom Lao do muse na holom
4. Naung saut hataM, o Tuhan Huida haituran
Ndang na mahua ahu Dijaga Ho do ahu
5. Tung aha ma pelean Las ni rohaM hulehon?
Endengku tangiangku I ma pelehononku
6. Ndang i tulakkononMu Diida Ho rohangku
Diboto Ho, o Tuhan Soada na dumengan.
7. Sai udut pinungkaMu Sai suru suruanMu
Manjaga au arian Asi rohaM o Tuhan.
8. Urupi au mangula Ulaon na marguna
Bonana nang ujungna Ho ma mambaen jadina.
9. Patiur ma langkangku Ingani ma rohangku
HataM hangoluanku Di dalan tu lambungMu.
B.E No. 301 LAS SITUTU ROHANGKU BL. 153
1. Las situtu rohangku Ro au manogot on
Mamuji Debatangku Sijaga ngolungkon
Ho di habangsaMi Tongtong naeng pujionku
Huhut pasangaponku Marhite AnakMi.
2. Ai nasa parmaraan Sude na jorbut i
Dao sian au na borngin Binaen ni basaMi
Nuaeng asi rohaM Sai sesa ma dosangku
Sude pambaenanku Na sogo ni rohaM
3. Ramoti au Tuhanku Muse sadari on
Na tau hamagoanku Padao ma i tongtong
Ingani rohangkon Pature ma langkangku
Tamparhon ma marangku Ramoti hosangkon.
4. Tondingku, pamatangku Rap dohot rohangkon
Ro di sude donganku Na di portibi on
Sai sahat ma tu Ho Ramoti ma nasida
Ai na di au luhutna Na nilehonMu do.
5. Paian suruanMu Tongtong di lambungkon
Ai ingkon ramotanMu Do tondingki tongtong
Dibaen pangonggop ni Sibolis di rohangku
Anggiat oloanku Mambahen dosa i.
6. Marguru tu Tuhanku Ma au di sasude
Ditogu Debatangku Ma au tu na ture
Sai pasupasu ma Ulaonku ni tanganku
Sude sibahenonku O Tuhan Debata.
7. Antong hudok ma amen Ndang ganggu rohangki
Tuhanku mangalehon Na hupangido i
Na lao ma au nuaeng Mangula ulaonku
Ibana do dosangku Na sonang au dibaen.
B.E No. 302 BINSAR MA MANOGOT ON BL. 71
1. Binsar ma manogot on O panondang ni Jahowa
Sai sondangi hami on Asa bali sian roha
Sasude na holom i BaenonMi
2. Doshon nambur ma basaM Manonggopi rohanami
Asa asi ni rohaM Mamuati arsaknami
Sai apoi siseanMon Hami on.
3. Dohot holong ni rohaM Manungguli tondinami
Mangihuthon tu hataM Lam holong ma rohanami
Mida Ho dohot sude Jolma pe.
4. Mudar parpadanan i, I ma hatigorannami
Asa roha dosa i Pinabali sian hami
Jala dao na bernit pe sasude.
5. Sondang sian surgo i Binsar tu tanomannami
Molo jumpang ariMi Asa hehe dagingnami
Masuk tu halasan ni Roha i.
6. Jesus, Ho panondang i Sai patiur langkanami
Sian partangisan i Tu silas ni rohanami
Jambar na manongtong di Surgo i.
B.E No. 303 JAHOWA, TUHANKI BL. 149
1. O Jesus Sondang ni Jahowa Amanami
Naung salpu borngin i Tiur huida hami
Tarsunggul do nuaeng Gogongku sasude
Dibahen i umbaen Di Ho malungun i.
2. Tung aha di rohaM Huboan peleanMu ?
Tu asi ni rohaM Hubonom ma rohangku
Nang tondi daging pe Manipat ari on
I ma peleanMi Na asing ndang adong.
3. Ipe o Tuhanki Sai jalo ma tondingku
Ho ma nampuna i Padomu tu TondiMu
Di holong ni rohaM Di Ho ma rohangki
Gomgoman ni hataM Baen hasangaponMi.
4. Nang pe pamatangkon Hulehon ingananMu
Tagan di tano on SiparbadiaanMu
O Jesus Tuhanki Rajai pangolu au
Ai molo songon i Mardomu Ho tu au.
5. Uloshon Jesuski Tu au ma hatigoran
Holong ni rohaMi Dohot haporseaon
Benget ni roha i Nang haiashon pe
Serep ni roha i Na uli sasude.
6. Sai pasupasu ma Sude pambahenanku
O Tuhan Debata nang nasa pingkiranku
Sai naeng marsangap Ho Dibaen hatangku pe
Paboa di Ho Do gogongki sude.
B.E No. 304 O JESUS PANONDANG BL. 143
1. Naeng ma pujionku Di manogot on
Ho ale Tuhanku Di na ngot au on
Di na nok matangku Diramoti Ho
Au ro di donganku Asa sonang do.
2. Gogo ni dagingku Dipasuang Ho
Siulahononku Ari on naung ro
Dohot do rohangku Diramoti Ho
Tiur do matangku Manatapi Ho
3. Jesus pargogoi ma Au sadari on
Sai padao ma dosa Sian rohangkon
Asa huihuthon HataMi tongtong
Jala hupasangap Ho di tano on.
B.E No. 305 HUPUJI HUPASANGAP HO BL. 128
1. Ale tondingku hehe ma Dung salpu haholomon
Ai dipabinsar Debata Muse panondang bolon
Pasohot ma na modom i Ai ingkon pasangaponMi.
Tuhanta na di surgo
2. Di hatiuron lao sude Tumopot ulaonna
Sogot do angka pidong pe Pangiar soarana
Tama do i tiruan ni Saluhut manisia i
Mamuji Debatana.
3. Tatopot ulaonta be Baen sangap di Tuhanta
Sai hehe hita sasude Paboa las rohanta
Mamangke hagogoon i Nilehon ni Tuhanta i
Tu hita saluhutna.
4. Marsorinsorin ari i Sai tading do ulaon
Urupi Jesus hami be Mangalo haotoon
Paringgas hami on sude Mamangke gogonami be.
Dibaen naung sinondangMu.
5. Torang baen rohanami be togu haporseaon
Paserep rohanami pe. Sai lehon roha holong
Tu hami asa tung tanda naung dipatiur
Debata Huhut disunggul hami.
6. O Sondang salelengna i Sai mian dirohangku
Di dalan hatigoran i Papintor ma langkangku
Pasahat au tu huta i Naung dipauli tanganMi .
Soada be na holom
B.E No. 306 HUPUJI HO, ALE TUHANKU BL. 112
1. Hupuji Ho ale Tuhanku Ai borngin i do dipasalpu
Ho, asa tung tiur muse Portibi on naung nilinggoman
Ni harajaon haholoman Torang dibahen Ho sude.
2. Sai hehe ho, ale tondingku Pelehon ma tu Debatamu
Mauliate ni roham. Tandai ma denggan ni basaNa
Na ganup sogot tinongosNa Girgir ma puji Debatam.
3. On do sinangkap ni rohangku Tiur dibahen Debatangku
Na dibagasan rohangki Suman tu langit ma rohangku
Jesusku, mata ni aringku Baen sangap di Debatangki
4. Anggiat bali, ale Tuhan Sude pambaenan haholomon
Sian rohangku dibaen Ho Huhut imbaru pingkiranku
Dihorhon Jesus panondangMu Papintor langkangki tu Ho.
5. I ma nuaeng pangidoanku Sai lehon i di au Amangku
Sai dok ma : Amen, saut ma i. Antong dung gok ariaringku
Panondang Ho ma topotonku Sonang ma au di lambungMi.
B.E No. 307 MATA NI ARI BL. 208
1. Mata ni ari Binsar saonari Lao manondangi Lao manorangi
Mangalaslasi sandok tano on. Dipodomanku Na borngin badanku
Hehe ma ahu Nuaeng asa laho Asa huida tiur ari on
2. Nasa na uli Na pinauli Ni Debatangku Diida matangku
Na marmulia do Debatangki Laos na hutanda Huhut na huida
Jambar na uli Ni angka na muli Sogot tu lambung ni Tuhanta i.
3. Sai taendehon Ma hasangapon Di Debatanta. Jala rohanta
Sai tapelehon tu Tuhanta i, I ma pelean Na tongtong dumenggan
Endeendenta Do doshon daupa Lomo ni roha ni Tuhanta i.
4. Borngin, arian Do sinarihon Ni Debatanta Hasonanganta
Pinatupa sambing do tongtong Modom pe hita Disi do Ibana
Hehe dagingta Sogot manogotna Sai disondangi muse hita on.
5. Las ni rohanta Sian Tuhanta Nang pe arsakta Do tinongosNa
Sai na hasea do i sasude Hangoluanta Dilehon Tuhanta
Asal ditogu do hita tu surgo Ingkon manumpak tusi sasude.
6. Sai na marujung Do haporsuhon Dung salpu borngin
Dung pur pe angin Sai na sumisi ma ombun sude
Las ma rohanta Dibahen Tuhanta Di hasonangan
Di banuaginjang Ia dung sahat tusi hita be.
B.E No. 308 JUMOLO MA HUPUJI BL. 28
1. Jumolo ma hupuji Ho, O Tuhan Debatangku
Di ari na imbaru ro Paboa las rohangku
2. Mangaramoti hosangkon Soadadong gogongku
Sonang do au saborngin on Binaen ni panjagamu.
3. Ho do manongos jolma i Dilehon Ho ngolungku
Ho do mangudut hosangki Na borngin i, Tuhanku
4. Hupuji hagogoonMi Dohot haburjuonmu
Dibaen dung sonang borngin i las ma nuaeng rohangku
5. Antong pasonggop ma tu au PasupasuM Tuhanku
Sadari on urupi au Mambaen na pinatikMu.
6. Pangolu au sadari on Ho do pangkirimanku
Padao ma jea i tongtong Sai sesa ma dosangku.
7. Papos rohangku mida Ho Gok holong baen rohangku
Pistar ma au huhut gogo mambaen sibahenonku
8. Sai luluanku na burju Di au harajaonMu
Porman nang tigor situtu Ma baen pangalahongku.
9. Lao mangurupi dongan i Paringgas ma rohangku
Manaek pangabahanna i Las ma disi rohangku.
10. Marroha na bonar ma au Tongtong di adopanMu
Marlasniroha ma au lao Dung ro panjouM Tuhanku.
B.E No. 309 RAPHON TUHAN JESUS I BL. 164
1. Raphon Tuhan Jesus i Pungka ulaonmu
Ingkon tu Ibana i Parguruhononmu Baen Ibana donganmi
Hehe dohot modom Dege ma bogasNa i Rohami pahohom.
2. Ganup sogot ingkon do Jesus jouhononmu
Asa urupanNa ho Di siulaonmu Ai arian borngin pe
Naeng ho dongananNa Dosami pe sasude Naeng taluhononNa.
3. Molo Jesus donganmi Ndang tarbaen ho mago
Nang bisuk sibolis i Jesus do gumogo Asal dihaposi ho
Jesus i Tuhanmu Ingkon sai maporus do Na niarsakkonmu.
4. Hupasahat ma antong Saluhut langkangku
Tu Tuhanku, na tongtong Mian di rohangku Manang aha pe hubaen
Ho hupangasahon Ale Tuhan Tulus baen Saluhutna, Amen.
B.E No. 310 TAPUJI MA TUHANTA BL. 12
1. Tapuji ma Tuhanta Dibaen dengganbasaNa
I ma sipanganonta Naung sidung di jolonta.
2. Pamatang nang tondinta Dilehon do tu hita
Ndang dung holit rohaNa Pahot na nilehonNa.
3. Dagingta diparmudu Tondinta pe mangolu
Ianggo di rohana Nang pe godang marana
4. Ai sahit ni rohanta I ma tutu dosanta
Naung mate do tondinta Binahen ni sahitta.
5. Naung ro do Sipangubung Parngolu na sumurung
Tuhanta Jesus Kristus Tondinta i ditobus.
6. Naung sesa do dosanta Rade hangoluanta
Gok ni parjambaranta Disurgo jaloonta
7. O Jesus Tuhannami Tusi pasahat hami
Na metmet na magodang Togihon tu na sonang.
B.E No.311 SAI PALINGGAS HO BL. 190
1. Sai parmudumudu hami Sai apuli rohanami
Pasupasu sipanganon Asa gabe hatoguon
Jala gabe hangoluan Di pamatang hagaleon
Paima sogot sahat hami Tu lambungMu Amanami.
B.E No. 312 PUJI JAHOWA NA SANGAP BL. 56
1. Puji o jolma ma bona ni hangoluanmu
Na marmuduhon tongtong nang tondim nang dagingmu
Puji tutu Sai haholongi burju Na patupahon sonangmu.
2. Nunga dilehon Ho Tuhan sipanganonnami
Tau hasangapon di Ho ma nuaeng hubaen hami
Pamatang i Ro di gogona sude Tanda na las rohanami
3. O Sipangolu sai tatap huhut tondinami
Jala pabosur ma i di pardalanannami Tu surgo i
Jesus palungun ma i Tongtong di Ho Tuhnannami
4. Sai parmahani ma hami na di halongonan
Jala patau tu haroan di banuaginjang
Togu tongtong Hami na loja dison Sahat tu paradianan.
B.E No. 313 O JESUS TATA MA TUSON BL. 32
1. Hupuji Ho, o Tuhanki Dibahen dengganbasaMi
Ai disarihon Ho tongtong Bohalhu na di tano on.
2. Parade ma di au muse Parguna tu tondingku pe
HataM na sun badia i Pasaorhon ma tu rohangki.
3. Pabosur dohot tondingki Togihon au tu surgo i
Disi ma Ho pujionki Saleleng ni lelengna i.
B.E No.314 NA SALPU DO ARIAN I; HUPUJI BL. 35
1. Na salpu do arian i Hupuji Ho Debatangki
Ai sahat di bodari on Tongtong basaM di hami on.
2. O Tuhan sai asi rohaM. Tambai ma denggan ni basaM
Sai sesa nasa dosangki O Jesus dohot mudarMi.
3. Ramoti au saborngin on Huhut pasonang rohangkon
Sai dokkon ma suruanMi Padaohon nasa mara i.
4. Dung na tarsunggul au muse Manogot sai paingot pe
Mamujimuji goarMi Nang pararathon sangapMi.
B. E No. 315 Songon ende No. 314 BL. 35
1. Na salpu do arian i Soluk ma ro na holom i
O Jesus nang saborngin on Sondangi hami on tongtong
2. Na jorbut, mara, rugi pe Diambat Ho do i sude
Ipe pinuji goarMi Dibahen dengganbasaMi.
3. Pambaenannami sasude Na maralohon Ho hape
Sai sesa ma luhutna i Ai marsak hami ala ni.
4. Urasi baen ias muse Ma tondi dohot daging pe
Ai naeng sonang saborngin on Do rohanami sai tongtong
5. Sai dokkon ma suruanMi Mangambat jea saude
Nang saluhut di tano on Na tau mangago hami on.
B. E No. 316 SAI MARLAS NI ROHA HITA BL. 175
1. Nunga lao muse sadari Jesus sian bohalhon
Sai paingot au saonari Manang burju rohangkon
Jala tudu ma sude Na hubaen na so ture
Asa sae annon dosangku Jala sonang ma rohangku.
2. Lan do dapot pambaenanku Sogo ni rohaM hape.
Ai gok dosa do rohangku Sala do hatangku pe
Ganup tongkin ma tutu Ndang marningot au burju
Di sude na pinatikMu Ala ni godang dosangku.
3. Sai asi rohaM Tuhanku Sai palambas rohaMi
Ai dokdok tutu rohangku Sesa nasa dosangki
Patuduhon ma basaM Dohot holong ni rohaM
Asa ganda ma ringgashu Mangoloi sude patikMu.
4. Na badia baen rohangku Dohot di na modom au
BasaMi baen bulusanku Dokkon na manjaga au
Sai intopi api i Jala jaga bagas i
Asa unang tangis hami Dung muse tarsunggul hami
5. Sai togangi nasa jolma Na mambaen na jahat i
Unang ma laluhononNa Tahi ni rohaNa i
Dompak hami, anakMi Angka haholonganMi
Sai tamparhon sian hami Nasa na mangago hami
6. Ndang na olo nok, o Tuhan MataMi nang borngin i
Jesus Ho do Siparmahan Na dumenggan roha i
Borngin nang arian pe Diramoti Ho sude
Ala ni ingani hami asa sonang modom hami
7. Sai hipas pahehe hami Di tingkina na ture
Asa hudapothon hami Siulaonnami be
Manang naeng alaponMi Borngin on au Tuhanki
Sai na sahat tu tanganMu Do pamatang nang tondingku.
B.E No. 317 HAMU SALUHUT HALAK BL. 65
1. Lao modom do luhutna Nuaeng sude na loja
Sandok portibi on Ianggo ho tondingku
Pasangap ma Tuhanmu Na sumarihon ho tongtong
2. Ale mata ni ari Tu dia ho saonnari
Dilele borngin ho ? Holom pe saluhutna
Nuaeng diida mata Di Debatangku tiur do.
3. Nang so torang be ari Adong do sada nari
Na manondangi au Panondang i Jesusku
Na mian di rohangku Ndang be tadingkononNa au.
4. Naung salpu do arian Tiur do angka bintang
Di hajangkajang i Suman tusi ma ahu
Di lambung ni Tuhanku Dung hutadingkon tano i.
5. Lao modom au saonari Abithu huosari
Huingot ma disi Ngolungku na lao salpu
Nang ulos jaloonku Naung diparade Jesuski.
6. Paherbang ma tanganMu Jesus, las ni rohangku
Ondingi anakMon Ro begu naeng mamolgak
SuruanMi mangonggak Ndang jadi jamaonmu on.
7. Dohot hamu donganku Sude haholonganku
Dao sian mara i Dipaderem Debata
Hamu dohot sinjata Ditiop suruanNa i.
B.E No.318 . NUNGA LOJA DANGINGKON BL. 14
1. Nunga loja dagingkon Naeng ma pitpit matangkon
O Tuhanku mataMi Dungo di podomanki.
2. Sesa jolo sasude Na hubaen na so ture
Ai luhut na sala i Dipature Jesuski
3. Dohot angka donganki Sahat ma tu tanganmi
Isi ni portibi on Jaga ma saborngin on
4. Angka na mardangol i Dohot na marsahit i
Angkup ni na tangis pe Sai apuli ma sude.
B.E No. 319 SAI TIOP MA TANGANKU BL. 150
1. Tung sonang modom ahu Saborngin on So jolo Ho Tuhanku Ingotonkon ?
Na mampar do rohangku Narian i Tu Ho ma luluanku Na sonang i.
2. Sai sesa nasa dosa Ale Amang Ho na marholong roha Asi rohaM
Paias ma rohangku Na ramun i Pagirgir au mamuji Ho Tuhanki
3. Urupi au maniru PanesaMi Nang pe pangkaholongi Ni rohaMi
Na sonang ma au modom Saborngin on Ai dame do maringan Di rohangkon.
B.E No. 320 MAPORUS DO ARIAN BL. 211
1. Maporus do arian Ma salpu hatiuron Di soluk haholomon
Mambaen paradianan Di nasa jolma i Holom do di matangku
Tu Ho do lao rohangku Sitompa parsorinan
Ni ari dohot borngin Mamuji goarMi.
2. Girgir ma ho tondingku Mamuji Debatamu Ai na so habilangan
Do saluhut na denggan BinaenNa i tu Ho Satongkin pe ndang salpu
So sahat tu tanganMu Godang dengganbasaNa
Nang asi ni rohaNa Na pangoluhon ho.
3. Ai songon siparmahan Manjaga di adaran Dorbia asa dapot
Saluhut i na ringkot Hangoluanna i Laos songon i Tuhanku
Dilehon do bohalhu Tongtong do jinagaNa
Au songon dorbianNa Dibaheni basaNa i.
4. Ndang au tinadingkonNa Hape pinatikkonNa
Jotjot nilaosanku Sai lilu do rohangku Mambahen dosa i
Asi rohaM Amangku Paombun ma rimasMu Tama do au toruan
Alai na huarsakkon Sude pambaenanki
5. Tangihon ma hatangku Sai sesa ma dosangku
Ai mudar ni AnakMu I do paridianku Na paiashon au
Sai dokkon suruanMu Marsaro di lambungku
Ho ma tongtong donganku Di na lao nok matangku Nang di na hehe au.
6. I ma na hinaposan Ni rohangkon, o Tuhan
Umbahen sonang rohangku Tumopot podomanku
So humasusa au Ai ndang habiaranku Pangago ni musungku
Dibaen habongkabongmu Na mangkuphupi au Mangaramoti au.
7. Na modom manang dungo Na hundul manang laho
Di tanganMi do ahu Ho do hangoluanku Sintong do hata i
Ai Ho do pangondingan Arian dohot borngin Partanobatoanku
Na so tadingkononku Ai sonang au disi.
B.E No. 321 MARUJUNG DO SADARI ON BL. 174
1. Marujung do sadari on Dibaen panondang bolon
Na maradian tano on I pe sai taendehon Ma Debatanta i
Parasi roha i Tasunggul ma rohanta be Mamuji Jesus ma sude.
2. Sai marsinondang bintang i Nang bulan na di ginjang
Na patiurhon langit i Alai andul tumorang Do marsinondang di
Bagasan rohangki Jesusku hasangaponki Artangku pangondinganki.
3. Sai modom do bornginna i Nang jolma nang pinahan
Alai dungo di ginjang i Na so marhalojaan Ndang olo nok tutu
O Jesus mataMu I pe sai ingkon dungo do Rohangku mandongani Ho
4. Unang ma lea rohaMi Diendengkon o Tuhan
Ndang olo sonang rohangki So jolo i huboan Ai i do na adong
Di au na pogos on Ipe sai jalo nama i O Jesus alealengki.
5. Sai Ho ma mandongani au Saleleng nok matangku
Pangondinganku tatap au Ramoti ma tondingku Ndang na mabiar au
Nang pola mate au Ai na lao modom dohot Ho Marlasni roha hehe do.
6. Pasurut ma sude hamu Pardibanuatoru
Ndang be au guru di hamu Ai Jesus do Rajangku
Surusuruan i Manjaga jabungki Tung hahuaonmuna au Nasida do manjaga au.
7. Antong, sai sonang modom au O Jesus di tanganMu
Peak di asiMi do au BasaM haporusanku Ho pangondinganki
Huingot hataMi Dipasingothon TondiMi Ma i tongtong tu rohangki.
8. Antong, ale pamatangki Sai sonang ma ho modom
Pitpit hubahen matangki I do hinalomohon Ni Tuhan Debata
Antong huingot ma Ho Jesus Siparmahan au Saborngin on ramoti au.
B.E No. 322 O JESUS SIPANGOLU AU BL. 36
1. O Jesus Sipangolu au Tu podomanku naeng au lao
Naeng maradian dagingki Ho ma mangkinsu pintu i.
Naeng maradian dagingki Ho ma mangkinsu pintu i.
2. Sai sesa dosangki sude Pasonang au na modom pe
Saborngin on ramoti au SuruanMi manjaga au
Saborngin on ramoti au SuruanMi manjaga au
3. Sude na tau mangago au Aek manang api pe padao
Nang hamatean na tompu Pasonang ahu situtu
Nang hamatean na tompu Pasonang ahu situtu
4. Laos songon i ma donganki Ramoti ma luhutna i
Pahehe au muse hipas Asa hupuji Ho ringgas.
Pahehe au muse hipas Asa hupuji Ho ringgas.
B.E No.323 SONANG DO ROHANGKU BL. 204
1. Siparmahan bolon Na so olo modom Tatap ma au on
BasaMi o Tuhan Do mangaramothon Au sadari on
Borngin pe Ho ma muse Na manjaga humaliang Ahu asa sonang
2. Ho ma manamparhon Nasa parmaraan Dohot basaMi
Sesa ma dosangku Ias ni rohangku Hasonanganki
AnakMi naung mate i, I do na padao dosangku Ipe las rohangku.
3. Dohot ma donganku Hinaholonganku Sahat ma tu Ho
Sai tong diranapi MataMi ma hami asa sonang do
Ho tongtong di lambungkon Jala au di Ho, o Tuhan I do hasonangan
4. Nasa parmaraan Dohot hasusaan Sai padao sude
Ale Amanami Sai ondingi hami Asa sonang be
Sai orai pangago i Unang hami diarsahi Jala disusai.
5. Aik beha ajalhu Suda ni bohalhu Ro saborngin on ?
Molo i, Tuhanku RohaMi di ahu Alap ma au on
Asal lao tu surgo au Pasahaton ni Jesusku Sonang do rohangku
6. Pos nuaeng rohangku Pitpit ma matangku Mangasahon Ho
Sahat tu tanganMu Daging nang tondingku RamotanMu do
HataMi do mandok i Dung i, molo ngot manogot Ho muse hutopot.
B.E No. 324 HAMU SALUHUT HALAK BL. 65
1. Na ro muse na holom Jumolo asa modom Hupuji goarMi
O Jesus tatap ahu Sai pasupasu ahu Huhut patiur rohangki
2. Nuaeng pasahatonku Tu ai ni rohaMu Dagingku, tondi pe
Ulaon ni pamatang Pambaenan haholoman Padao ma sian au sude
3. Ho do mangkaholongi Ho do mangkaliangi Huhut mamio au
Ho do palas rohangku Balga ma etongonku Roham na denggan i di au.
4. Sai masipaboaan Arian dohot borngin Mandok mardalan au
Tumopot hasonangan Na di banuaginjang Tusi o Jesus taiti au.
BE No 325 BODARI ON BL. 58
1. Bodari on Na dungo do au on Sai naeng pujionki Ho, Debatangku
Sai pargogoi Ma au, lao mangoloi Ho sian nasa ringgas ni rohangku.
2. Sonangna i Mamingkir basaMi Pahohom rohangki di adopanMu
Pabali ma O Tuhan Debata Sude na tau manggaori pingkiranku.
3. O Jesuski Hupuji goarMi Dibaen tinoguMi au tu lambungMu
Aut na tongtong Burju ma rohangkon Pasauthon hataMi ale Tuhanku
4. Parbasa i Lambas do rohaMi Manesa dosangki tinopotanku
Sai diapoi Huhut dipargogoi Ho rohangkon muse di tangiangku
5. Ho ma tongtong Nampuna rohangkon Sai taiti ma au on pahot langkangku
Andigan pe Badia au muse Nang sun denggan dope Ho pujionku ?
6. Alai basaM Nang asi ni rohaM Dibaen na pinungkaM tangkas marujung
Pos rohangki Sai patoguonMi Do au, ai goarMi tongtong hujujung.
7. Ho artangki Na pinarsinta ni Rohangku na las i dibaen holongMu
Pagalak ma Di au, o Debata Gurasa i Ho naeng haholonganku
8. Ojahanki Di na humordit i Sude di tano i Ho, o Tuhanku
Nang songgop pe Na hansit i muse Ho ma halungunhonon ni rohangku
9. Lam ganda ma Di Ho, o Debata Hamuliaon dohot hasangapon
Di orbuk on Muse ma di joloM Dung binongotanku banuaginjang.
B.E No. 326 IA LOJA AU BL. 114
1. Ia loja au dibaen ulaon Las rohangku bodarina i
Ai disi tarbaen au maradian Sonang huhilala rohangki
Lam beha ma hasonangan i Molo bongot hita sogot lao tu surgo i
2. Ai adong dope paradianan Di naposo ni Tuhanta i
Dung malua sian parungkilon Dompak dosa dohot setan i
Pasonangon ni Tuhanta i Ma naposo na manjalo upa burju i.
3. Surgo na tongtong marhasonangan Pansohotan ni sitaonon i
Naeng di Ho au muse maringanan Asa au diapul Tuhanki
Sai asi rohaM o Jesuski Sai pabongot ahu sogot tu ingananMi.
BE.No. 327 AUT NA SARIBU HALI GANDA BL. 103
1. Marujung do nuaeng saminggu Alai basaM ndang songon i
Ai songon na niusehonMu PasupasuM tu rohangki
Laos songon i tu jolo on Naeng tongosonMu i tongtong.
2. Hupuji Ho, o Debatangku Mauliate au di Ho
Dibaen sude na nilehonMu Di au huhut huboto do
Las do rohaM di endengki Marhitehite Jesus i.
3. Tutu adong do na hutaon Saminggu on ditongos Ho
Ditumpak Ho do au manaon Ipe godang na denggan do
Dihorhon na hutaon i Antong hupuji goarMi.
4. Nuaeng adong pangidoanku Na ringkot situtu di au
Sai unang ingot be dosangku Asi rohaM urasi au
Marhitehite mudar ni Naung manggarari utangki.
5. Ndang ubaonMu na nidokMu Sai hot ma bagabagaMi
Pardosa do pangoluonMu Ianggo marsak roha ni
Huhut diboan dosa i Tu Jesus Kristus AnakMi.
6. I ma tiniop ni rohangku Di haporseaonna i
Umbahen na las nuaeng rohangku Lao paujungkon minggu i
Ai nunga sonang rohangki Dibaen pangkirimonna i.
7. Alai naung ganda do umurhu Dibahen i jumonok do
Hatiha ni panadingkonku Di tano on tumopot Ho
Hobas hian baen tondingki Tumopot hasonangan i.
8. Ia tarsunggul au manogot Di Minggu na imbaru i
Marlasniroha ma hutopot BagasMu parmingguan i
Ai jaloonku ma disi HataM na sun badia i.
9. Antong nuaeng hian hupuji Na naeng lehononMi dope
Tarida do pangkaholongi Ni rohaMi di au muse
Ditogu Ho tu banuaM Au sian tahi ni rohaM.
B.E No. 328 NAENG SALPU ARI MINGGU BL. 66
1. Naeng salpu ari Minggu Didaoni Ho siholhu
Tu Ho, o Tuhanki Au do niajaranMu
Huhut binutonganMu Marhitehite hataMi.
2. Ho do na maringanan Di rohangkon, o Tuhan
Tung sonang au nuaeng Tumopot podomanku
Ai sesa do dosangku BasaM bulusanki hubaen
3. Ai sahit ni tondingku Do malum, o Tuhanku
Dibaen joroM do au Na tiur do rohangku
Ai nunga binuatMu Sude na holom sian au.
4. Sai ramotanMu ahu Sai sondanganMu ahu
Nang di na holom i Paima ro arian
Na so marpansohotan Saleleng ni lelengna i.
5. Na sonang do rohangku Ai surusuruanMu
Do mangingani au Huida di rohangku
HinauliM Tuhanku Aut sahat i tibu tu au.
B.E No. 329 JESUS HINAPOSAN NI BL. 75
1. Jesus hinaposan ni Rohangkon do na mangolu
I huboto ala ni Hupasabam ma rohangku
Nang targogot rohangki Mamingkiri ajalhi.
2. Jesus, Sipangolu au Do mangolu, o tondingku
Ho pe ingkon sogot lao Tu inganan ni Tuhanmu
Tung tartading baenon ni ulu i ruasna i ?
3. Domu au tu Jesuski Ala ni pangkirimonku
Ai haporseaonki Do marojak di Tuhanku
Na so tupa sirang be Sian Jesus au muse
4. Sibuk ahu, ala ni Ingkon gabe orbuk ahu
Atik pe huboto i Ndada olo ganggu ahu
Ingkon suang hosangki Dipasuang Jesus i.
5. Na gale di tano on Sai margogo do i sogot
Di na lea i dison Hasangapon i do dapot
Partondion do muse Dagingniba on hape.
6. I pe haringkothon ma Tumundalhon hisaphisap
Sai hombari Debata Roha daging i ma gotap
Sai rapethon rohaMi Tu na naeng topotonmi.
B.E No. 330 DI TANO ON MARDAGANG AU BL. 192
1. Di tano on mardagang au Sambuloniba di na dao
I ma Jerusalem na uli Debata paojakkon i
Di mudar ni anakNa i Tusi ma lao tondingku muli
Di tano on mardagang au Sambuloniba di na dao.
2. Pardalanniba doras do Laos songon i ajalhu ro
Naung salpu i Ndang haulahan Silu do suda bohalhon
Urasi Jesus rohangkon Huhut patonggor parnidaan
Manggotap roha tano i Mareak na di surgo i.
3. Matua maol do dalan i Atik pe lao tu surgo i
Lan do jagaon ni rohangku Gogot do dalan musu i
Mangambat au unang tusi Jotjot do na tartuktuk pathu
Huhut lungun do dalan i jut situtu do rohangki
4. Jotjot hurangan rohangki Di sondang ni Tuhanta i
Na sian asi ni rohaNa Disi marparmaraan au
Adian pe so dapot au Alai na lupa do susana
Di na marningot tondingki Di surgo sitopoton i.
5. O Jesus Debata hian Na gabe jolma nahinan
Pardagang situtu donganku Nuaeng ma sian hataMi
Tu au tuduhon bogasMi Lam jonok baen tu Ho rohangku
Tongtong do habang ngolungkon Silu ma topot AnakMon.
6 Gomgomi daging, tondingki Marhitehite Tondimi
Patongtong rohangkon manahan Jotjot do tarsulandit au
Pahehe au togihon au Ondingi au di parmaraan
Sondangi dohot asiMi Rohangku di na holom i.
7. Tung naeng mandate tondingki Dibahen siholNa Jesuski
Tu Ho pasabam ma rohangku Disi mapitpit matangkon
Tu Ho ma alap anakMon Tu pansohotan ni arsakku
Disi ma au di lambungMi PedanMu jala donganMi.
8. Pardagang au di tano on Na buro di portibi on
Di surgo do alealengku Disi ma dohot dongangki
Naeng pujionku goarMi Paboa holong ni rohangku
O Jesus Sipalua au Tibu ma ro masihol au.
B.E No. 331 PAIAN MA DI HAMI BL. 6
1. Sai Kristus do ngolungku Lao mate untung do
Tusi do lao rohangku Tusi masihol do.
2. Las situtu rohangku Manopot Jesuski
Di lambung ni Tuhanku Sai mian tondingki.
3. Naung saut do ditaluhon Sude na jorbut i
MudarNa padomuhon Au dohot Ama i.
4. Di na homur matangku Sai ponjot hosangki
Ndang puas be hatangku Sai ro ma Ho disi.
5. Dung mampar pingkiranku Sobokkon lampu i
Na sai humillohillo Na so marmiak be.
6. Disi ale Tuhanku Padomu anakMon
Huhut tu ingananMu Togihon tondingkon.
7. Sai loas ma au lohot Di Ho, o Jesuski
Paian ma au sogot Tongtong di surgoMi
8. Disi ma pujionku Ho dohot Ama i
Nang Tondi Parbadia Di hasonangan i.
B.E No. 332 BINOTO JONOK NI ADAMHU BL. 111
1. Binoto jonok ni adamhu ? Aringku lao bodari ro
Aik sura ro tompu ponjothu Parpudi i binoto do ?
Jesus, Jesus marhite mudarMi Pasonang hamamatengki.
2. Jotjot asing di potang ari Asa di manogotna i
Ai tagan au dison mansari Tongtong tagamon ajalhi
Jesus, Jesus marhite mudarMi Pasonang hamamatengki.
3. Ajari au, ale Tuhanku Mamingkir hamamatengki
Huhut paingot ma rohangku Tongtong di hamamateMi
Jesus, Jesus marhite mudarMi Pasonang hamamatengki.
4. Urupi ahu, paturehon Langkangku na di tano on
Paingot ma au mangalehon Tu Ho Tuhanku rohangkon.
Jesus, Jesus marhite mudarMi Pasonang hamamatengki.
5. Baen lam tonggi di ahu surgo Lam paet huhut portibi on
Sai naeng tu ginjang au manggogo Saleleng au di tano on
Jesus, Jesus marhite mudarMi Pasonang hamamatengki.
6. Huphupi ma sude dosangku O Jesus dohot mudarMi
I do hubaen parulosonku Manopot hasonangan i
Jesus, Jesus marhite mudarMi Pasonang hamamatengki.
7. Tu Ho, o Jesus au palohot Rohangku lonong di rohaM
Manang di dia Ho, au dohot Dison pe nang di banuaM
Jesus, Jesus marhite mudarMi Pasonang hamamatengki.
8. Antong nang ro pe hamatean Marsogot nang sadari on
Ndang habiaran be udean Ai Jesus do di au tongtong
Jesus, Jesus marhite mudarMi Pasonang hamamatengki.
9. Ipe na sonang au mangolu Ndang marsak au lao mate pe
Huboto do sai dipangolu Ho, au di hamamataengki
Jesus, Jesus marhite mudarMi Pasonang hamamatengki.
B.E No. 333 JESUS HINAPOSAN NI BL. 75
1. Sai banuaginjang do Situjuon ni rohanta
Holan paisolat do Hita di banuatonga
Pardagangan tano i Surgo do sambulo i.
2. O Tondingku tuju ma Surgo i haroroanmu
Tano on tundalhon ma Na so tau parmiananmu
Surgo do tinuju ni Na torang marroha i.
3. Jesus do mandok tu au: “Sai tu ginjang ma tujui
Asa unang ho mandao Sian sambulom adui”
Ia tong hingot i Sahat au muse tusi.
4. Sai tu ginjang au, manat Do tinatap ni rohangku
Parjambaranki na hot Na di lambung ni Amangku
Nang tiur pe bintang i Marsinondangan do i.
5. Sai tu surgo ma au lao Hitengki ma hamatean
Jadi sai malua au Sian nasa hasusaan
Jesus pajolohon au Ipe las rohangku lao.
6. Holan surgo i nama Siringkotan ni tondingku
Asa gotaponku ma Roharoha ni dagingku
Surgo do tujuanki Paima sahat au tusi.
B.E. No. No: 334 NASA JOLMA INGKON MATE BL. 186
1. Nasa jolma ingkon mate Ingkon mago sibuk i
Na mangolu ingkon mate Asa tung denggan muse
Daging on do gabe bangke jala ingkon do malangke
Asa sogot bangkit i Tu hasangaponna i
2. Ipe ndang be juaonku Roha ni Debatangki
Lehononku do hosangku Ndang be marsak au disi
Ai di bugang ni Jesusku Dapot au hangoluanku
Ala hamamate ni Do tarapul rohangki.
3. Jesus Kristus nunga mate Ala ni mangolu au
Singkop tua diparade I pe las rohangku lao
Manadingkon pardagangan Mandapothon hasonangan
Mandapothon Jesuski Ai malungun au tusi.
4. Sonang ma disi rohangku Molo jongjong au disi
Dohot sasude donganku Na marhasangapon i
Dohot Serapim silehon Sangap nang hamuliaon
Di niendehonNa i Sangap di Tuhanta i.
5. Dohot do disi maringan Na badia i sude
Ompu dohot Panurirang Nang sude Apostel pe
Ai marriburibu taonna Lao tumopot ingananna
Angka na badia i Pasangaphon Tuhan i.
6. O Jerusalem na uli Tiur ni panondangMi
Sonang dohot au maruli Tumangihon endemi
On pe timbul las ni roha On pe binsar nasa tua
On ma ari i tahe Na so olo salpu be.
7. Ai idaon ni matangku Hasangapon i sude
Hatigoran do uloshu Na pasangap au muse
Pinarsanggul hamonangan Jongjong au di hasonangan
Maradophon Debata Sai tongtong, Haleluya
B.E. No. No.335 LOAS AU, ASA LAO BL.50
1. Loas au asa lao Tu Jesusku tu na dao Ai malungun do rohangku
Mandapothon Debatangku Asa di lambungNa au Asa di lambungNa au
2. Jesuski, Sondang i Sitorusi ombun i O andigan ro tingkingku
Asa borhat ma tondingku Lao marnida bohiMi?, Lao marnida bohiMi?
3. Sungkot ni denggan ni Ende ni suruan i Aut marhabongkabong ahu
Tongkin on dope au laho Tu banuaginjang i, Tu banuaginjang i
4. Sonangmi tondingki Molo sahat ho tusi O Jahowa Debatangku
Ndang dodoan ni rohangku Las ni roha i disi Las ni roha i disi
B.E. No. No. 336 SONANG MA MODOM BL. 45
1. Sonang ma modom ho na martua i Na maradian sian ulaon i
Na niulamu di hajolmaon Jala na mangihut ho tu surgo
2. Naung niapusan do iluilumi Sian matamu dibaen Tuhanta i
Tangis najolo mangusung boni Las do rohamu nuaeng manggotil
3. Molo soara ni Tuhan Jesus i Na manorusi sude tanoman i
Ro manungguli angka naung mate Hehe nasida marhasangapon
4. Hamuliaon di Ho, o Debata Ala pambaenMu di hami on sude
Mate do hami ala ni dosa Mangolu hami dibaen AnakMu.
B.E No. 337 SONANG BL. 79
1. Molo giot ho tu ginjang Tu na sonang Haru pareak ma i
Tuhan Jesus do mangungkap Di patalak Bahal na di ginjang i.
2. Loas ma au mandapothon Hatiuron Di banuaginjang i
Angkupanku ma suruan mangendehon sangap ni Tuhanta i.
3. Jesus, na parjolo laho au ma togu Tu paradianan ni
Birubiru tinobusMu BinoanMu sian pardangolan i.
4. Ndang be olo au lohoton Ni ugasan Angka na di tano i
Mian au di halongonan ? Ndang tagamon Lao ma au tu surgo i.
5. Lehon ma haporseaon Hagogoon Na manorus sasude
Ai malungun do rohangku Di Tuhanku Nang di ingananna pe.
6. Na tibu do tarpatupa Ho, Debata Halalas ni rohangkon
Sian bahal hamatean Tartogihon Ho tompu tondingkinon.
7. Jesus, Ho do na mamorsan Paminsangon Na tama di dosangki
Na so pola habiaran Be tanoman Hehe do au sian i.
8. Nang di tano nang di surgo Ho pargogo Pujionku do tongtong
Jesus Ho hangoluanku Tu lambungMu Alap ma naposoMon.
B.E. No. No.338 HEHE DO MUSE BL.54
1. Hehe do muse pamatangkon sian tanoman on
Suang mangolu bahenon ni Tuhanku Haleluya! Haleluya!
2. Na sinabur doshon eme i Sude na mate i
Na ro ma muse Pangubung di na mate Tuhanta i, Tuhanta i.
3. Paninaran di matanta i Do haheheon i Dung singkop modom
Au dibagasan tano Tarsunggul au, Tarsunggul au,
4. Beha ia ari na denggan Alai na sun denggan Sijaloonta
Di lambung ni Tuhanta Haleluya, Haleluya.
5. Na ditogu Jesus do au on Tu joro na tongtong
Na sun badia Asa mariala Saleleng ni lelengna i.
B.E No. 339 DIINGOT HALAK DAGANG BL.10
1. Diingot halak dagang Do sambulona i
Ai hira marsinondang Disi bintangna i.
2. Malungun do ibana Naeng tu donganna i
Sai naeng ma di rohana Lao mandapothon i.
3. Hape ma sun duhuton Sude tanoman ni
Umbahen sai ngalutan Rohana mida i
4. Alai sai lao rohana Tongtong tu langit i
Mangihut tu bintangna Na marsinondang i
5. Dung i didok rohana Disan do donganki
Di lambung ni Amana Di hasonangan i
6. Ale amang pardagang Naeng tu na sonang ho ?
Sai unang di na alang Tongtong tarlalap ho
7. Haporseai ma Jesus Silehon tua i
Ibana do manobus Ho sian dosami.
8. Sai naeng togihononNa Tu hasonangan i
Saluhut na porsea Naung tinobusNa i.
B.E No. 340 HAMU SALUHUT HALAK BL. 65
1. Tibu ma ro tingkingku Lao bongot tu bagashu Di hasonangan i
Hamuna natorashu Ndang jadi andunganmu Au na manopot Surgo i
2. Jempek tutu ngolungku Dumenggan do jambarhu Na sian Debata
Ndang songgop be sahithu ndang tubu be arsakku Las rohangki sambing nama
3. Ndang leleng dipasombu Tuhanta au mangolu Di partangisan on
Ianggo mate iba Di haposoonniba Tau las ni roha i tongtong
4. Ndang au be hahuaon Ni nasa hajahaton Na di portibi on
Tung ise mangarsahi Sude na sonang muli Tu hasonangan na tongtong ?
5. Las rohamu najolo Marnida pangalaho Ni anakmuna on
Nuaeng tutu ma marsak Hamu dibaen dakdanak Na bongot tu tanoman on.
6. Padirgak ulumuna Tumatap Amamuna Sai unduk ma hamu
Di nasa pambaenanna Na sai tongtong marhata Asa tarapul rohamu.
7. Diboto Debatanta Na tau hangoluanta Sitongosonna i.
Ndang dung adong na masa Na so pinatupana Tongtong denggan do i sude
8. Ai molo sogot jumpang Hamu au di na sonang Marulos na bontar
Marsanggul hangoluan Marmare hamonangan Disi ma i muse patar.
9. Disi ma pujionmu Rap dohot au, anakmu Tuhanta Jesus i
Ipe sai hadengganhon Nuaeng sude pambaenan Ni Debata Amanta i.
B.E No. 341 TIBU MA JUMPANG BL. 132
1. Tibu ma jumpang tingki ni Panopot ni Tuhanta
Di hita manisia i Mandabu paruhumna
Tu nasa na mangolu i Nang tu sude naung mate pe I ma didok hataNa.
2. Tarbege ma soara ni Sarune ni suruan
Dung i na hehe ma sude Na modom di tanoman.
Alai mamintor muba be Saluhut na mangolu pe Dibaen Tuhanta Jesus.
3. Dung i jahaon ma tibu Pustaha panuratan
Di nasa naung hea tutu Binaen ni hajolmaon.
Disi dibege sasude Torang na niulana be Saleleng di ngoluna.
4. Marjea ma disi sude Panjua ni Tuhanta
I ma na nilohotan be Ni arta na lao sega.
Ihuthononna ma disi Sibolis, sipangago i Lao tu banuatoru.
5. Urupi Jesus, au disi Hinorhon ni mudarMu
Asa tarsurat goarhi Di sipangoluonMu.
Na pos do rohangki disi Ai nunga talu musu i Margarar pe utangku.
6. Dibahen i, ondihon au Di ari paruhuman
Sai Ho ma paluahon au Rap dohot angka dongan
Ho ma pujionnami be, Dung sahat hami sasude Di surgo niungkapMu.
7. O Jesus leleng do hape AriM paimaonnami
Mabiar hami sasude Dibaen sitaononnami.
Sai ro ma Ho, ro ma tibu Palua hami situtu Sian sude pangago.
BE No. 342 NGOT MA HO DIJOU SOARA BL. 222
1. Ngot ma ho dijou soara Ni angka sipaboa mara Sai ngot ma ho Jerusalem
Tonga borngin do ombasna Hamu parbaju na marroha
Sai unang ma hamu pedem.Naeng ro pangoli i Pagalak lampu i
Haleluya Marhobas be Hamu sude Tu hasampuran rea i.
2. Dung dibege Sion hata Ni angka na marhal hutana
Mamintor las rohana i Ai jonok alealena Pargogo di hasintonganna
Na binsar do bintangna i.O Jesus na burju Sai ro ma Ho tibu Hosianna
Mangihut be Do on sude Tu halalas ni rohaMi.
3. Sangap huendehon hami Di Ho, O Jesus Tuhannami
Mardongan sipaluon i Ai mutiha na ummuli Do bahal ni hutam na uli
Marende sasude disi Ndang dung binege ni Na sian tano i
Las ni roha Sisongon i Na masa i Di surgo salelengna i.
B.E No.343 JERUSALEM HO HUTA NA TIMBO BL.198
1. Jerusalem ho huta na timbo Anggiat au di ho
Masihol au huhut malungun do Sai naeng manopot ho
Dao sian laut nang tano Dao sian ombun i
Tu ginjang ni sudena Do borhat rohangki.
2. O ari na tumiur situtu Andigan tingkimi?
Asa disi marlasniroha au Pasahat tondingki
Tu tangan ni Debata Tu nampunasa i
Asa tongtong martua Di sambulona i.
3. Satongkin ma asa tondingkinon Mareak langit i
Molo manaek tumading na dison Tiur langkana i
Ai surusuruanNa disuru Jesus i
Mangabing di tanganNa Na tinobusNa i.
4. Jerusalem malungun au di ho Sai ungkap bahalmi
Mansai leleng masihol au di ho Tagan so borhat i
Dope au sian ngolu Na mansai dangol i
Tagan na so hujalo Dope tineanki.
5. Ai ise do sude na ro disan Torop marsangap be ?
I ma antong na monang i hian Na sian tano i
Naung sonang do nasida Huhut marsanggul be
Andorang dao huida Na naeng di au muse.
6. Kristen torop nang panurirang pe Nang angka ompu i
Najolo i do pinorsanna be Hau pinarsilang i
Nuaeng di haluaon Marhasangapon be
Nuaeng di hatiuron Huida sasude
7. Dung i muse dung sahat au tutu Bongot tu huta i
Debatangki ro di Jesusku pe Huida do disi
Disi pe timbul tua Gok las ni rohangki
Marende Haleluya Di na badia i.
8. Tole sude na rap marende do Luhut di surgo i
Hasapi pe ro di sarune i Dipalu do disi
Mamuji Debatanta Nang Tuhan Jesus i
Nang Tondi Parbadia Mambaen sangapNa i.
9. Ho ma tutu dituju rohangki O huta na timbo
Naung mahap do au on di tano i Naeng sahat au tu ho
Na naeng tadingkononku Na olo mago i
Asa pareahonku Parsambuloanki
B.E No. 344 UNGKAP BAHAL NA UMMULI BL. 84
1. Ise do angka nasida Di lambung ni Debata
Na martumpal be huida Jala marsinondang do ?
Na marende do sude Girgir pamujina be.
2. I do angka na malua Angka na tutu burju
Angka dongan na martua Naung porsea situtu
Di Tuhanta Jesus i Na humophop sasude
3. Haporsuhon do ditaon Uju na di tano on
Na marlea nasailaon Gabe hasangapon on
Do turpukna i nuaeng Las rohaNa i dibaen
4. Na marende do nasida Pasangaphon Jesus i
Ala naung tangkas diida Sintong ni hataNa i
Naung pinarbagaNa i Sahat do sudena i.
5. Na so dais be tu nasida Jea ni portibi on
Ndang adong disi tarida Na manusa hita on
Dohot dosa sasude Ndang adong diingot be.
6. Haraparon, hauason Ngali ni arina i
Porhas, ronggur, halojaon Udan las ni ari i.
Uhum ala dosa i Ndang be dais tu na disi.
7. Ai di Debata nasida Na pasabam roha i
Jesus do tongtong diida Di banuaginjang i
Sai martua do sude Ndang na mimbar i muse
8. Ale Jesus Rajanami Na marasi roha i
Sesa nasa dosanami Tiop tangannami be
Dohot hami on sude Sai pabongot ma muse.
B.E No. 345 DI DIA ADIAN ?
1. Di dia adian na sun demak i Sambulo ni tondi dia do i ?
Tung jumpang adian ni tondi dison Di tano ni jolma na mardosa on ?
Nda tung di tano on Di surgo do dapot sambulo inon
Nda tung di tano on Di surgo do dapot sambulo inon
2. Tadingkon ma ruhut ni portibi on Naeng masuk ho sogot tu surgo inon
Ihuthon ma Jesus i partogi do i Ai nasa na olo ditogu tusi
Tongon, tongon i ma tutu Ihuthon ma Jesus partogi burju.
Tongon, tongon i ma tutu Ihuthon ma Jesus partogi burju.
3. Sude na porsea di Jesus hian Dapotan inganan na denggan disan
Tongtong do marende na sahat tusi Dibaen las ni roha na masa disi
Amen, amen Haleluya Sai puji ma Jesus dohot Debata.
Amen, amen Haleluya Sai puji ma Jesus dohot Debata.
B.E No. 346 ADONG DOPE PARADIANAN BL. 217
1. Adong dope paradianan Rohangku golom hata i
Beasa ho tongtong holsoan Binaen ni halojaonMi?
Sai bereng ma partuaonmu I ma Jesus hangoluanmu
Hatop marlojong ho tusi Tibu marujung paraloan
Tibu do dapot hamonangan Pareak ma tu surgo i.
2. Naung dipadiri Debatanta Adian salelengna i
Soada dope jolma sada Nunga rade adian i
Ai mate di hau pinarsilang Do Jesus asa hita sonang
Lao masuk tu adian i “Antong hamu sude na loja Sai ro hamu”
Didok Tuhanta “Bongoti hasonanganki”
3. I pe hamu na marsak roha Manaoni halojaon i
Padirgak be ma ulumuna Ndang jadi be hamu tungki
Ditaon hamu do hasusaan Ro ma hamu tu hasonangan
Didokkon Tuhan Jesus i.Hamu do bangso ni Debata
Sibolis i do hona hata Naung talu do musunta i.
4. Na maradian nama hita Di lambung ni Tuhanta i
Mardame jala sonang hita Tongtong di ingananna i
Itapadoras ma langkanta Mareak bagas ni Tuhanta
Ndang jadi lilianan be Sai beta hita ale dongan
Marlojong ma tu hamonangan Jonok do hasonangan i.
B.E. No. No. 347 SAI MASIPAIDAAN BL.11
1. Sai masipaidaan Do na porsea i Dung sahat be langkana
Tu hasonangan i Tu hasonangan i Tu hasonangan i
2. Antong burju ma hita Mangalo dosa i Sai unang tading hita
Di tongan dalan i, Di tongan dalan i, Di tongan dalan i
3. Sai masipaidaan ma hita on muse di lambung ni Tuhanta
Dung monang hita be, Dung monang hita be, Dung monang hita be
B.E No. 348 LOBI TIMBONA DOPE BL. 42
1. Lobi timbona dope sian bintang
Do manondangi panondang di ho
Sabam disi ma roham jala sonang
Arsak ni roha ndang dais be tu ho
Arsak ni roha ndang dais be tu ho
2. Lobi timbona dope sian bintang
Gabe torang ma sude na buni
Na hinirimmu nuaeng gabe jumpang
Las ni roham ndang mansohot disi
Las ni roham ndang mansohot disi
3. Lobi timbona dope sian bintang
Ndang hahuaon ni musu be ho
Sahat tu ho ma disi hamonangan
Marolopolop tongtong nama ho
Marolopolop tongtong nama ho
4. Lobi timbona dope sian bintang
Surusuruan na manomu ho
Endehononna ma ho ala monang
Sian sitaonon na porsuk ho ro.
Sian sitaonon na porsuk ho ro.
B.E. No. 349 HATIHA NA SO SALPU BE BL. 188
1. Hatiha na so salpu be Sobokkon ronggur do tahe
Saringarmi di ahu Sobokkon podang na tajom
Ditiham Ho do rohangkon Tu dia nama ahu
Tung angka dotdot do au on Di na hupingkir harorom.
2. Ai jea di portibi on Sai na marujung do tongtong
Di ujung ni luhutna Alai na masa sogot i
Ndang dung marujung anggo i Saleleng ni lelengna
Ndang be malua sian i Na lao tu hamagoan i.
3. Mabiar do au mida ho Hatiha na naeng sogot ro
Tu gait ma rohanniba Mamingkir borngin na holom
Nang pe na bernit na tongtong Nda jut ma rohaniba ?
Ai na jumorbut sian i Nda tung adong di tano i.
4. O Debata pintor do Ho Parjahat i didabu Ho
Tu api na so mintop Hatiha pardosaon i
Jempek do anggo uhum i Ndang olo be mansohot
O jolma ingot i tongtong Saleleng ho di ngolumon
5. Sai ngot ma ho, na modom i Di dosa hamagoanmi
Pauba ma rohamu Jonok do paruhuman i
Sai jaloonmu do disi Hombar tu na binaenmu
Aik tung beha ajalmu ro Andorang so ditagam ho.
6. Hatiha na so salpu be Na doshon podang i hape.
Naeng manorusi ahu Hatiha so martingki i
Mansai gondok do rohangki Tu dia nama ahu?
O Jesus sai asi rohaM Pabongot au tu banuaM.
B.E No.350 Songon ende no. 349
1. Hatiha na so salpu be Na las do rohangki tahe
Diapul ho rohangku Hatiha las ni roha i
Na so marlaok na hansit i Di buat ho arsakku
Na songgop tu rohangkinon Saleleng au di tano on.
2. Ai hasangapon tano on Sai na marujung do tongtong
Di ujung ni luhutna Alai na masa sogot i
Ndang dung marujung anggo i Saleleng ni lelengna.
Ndang dung be mago jolma i Na lao tu hasangapon i.
3. Hatiha na so salpu i di na hutaon na porsuk i
Huboto do ujungna Dibahen i tarapul do
Rohangku mamingkiri ho, Ho do hasonanganna
Ai sasude na hansit i Satongkin nama songgop i.
4. Mangolu do di surgo i Saluhut halak Kristen i
Saleleng ni lelengna Marendeende do sude
Dipalu hasapina be Mamuji Debatana
Nang manna na buni disi Dilehon Tuhan Jesus i.
5. Dihalungunhon rohangkon Na loja di portibi on
Ho ngolu hasonangan Andigan sahat au tahe
Tu hasangapon i muse Na di banuaginjang ?
Huhalupahon tano i Mangkasiholi surgo i
6. Hatiha na so salpu i Ho halalas ni rohangki
Pangapul di rohangku Hatiha hasonangan i
Di na hupingkir ariMi Maporus do arsakku
O Jesus paima sahat au Paian siholhi di au
B.E. No.351 MARTUA DONGAN ANGKA NA BL.201
1. Beha ma hita ia dung marujung Paraloanta di portibi on
Dung na malua hita na mangusung Na dokdok i di atas tano on
Lao muli hita tu banuaginjang Dung pinaspashon orbuk tano i
Di na jonok tinatap hasonangan Na pinarsinta ni rohanta i
2. Beha ma hita molo disondangi Panondang na so olo sundut be
Dalanta jala dosa dilongkangi Tuhanta sian hita on sude
So dipabali tihas i be hita So manolsoli be rohanta i
Di na tatopot saluhut donganta Naung sonang di banuaginjang i?
3. Beha ma hita molo taihuthon Panogunogu ni Tuhanta i
Soada be na tau mangambat hita Sian jambarta na di surgo i
Di na tiur pamereng ni matanta Marnida Jesus, Sipangolu i
Na sangap mangkunduli habangsaNa Manggomgom nasa parluhutan i ?
4. Beha ma hita molo begeonta Soara ni Tuhanta Jesus i
Manjouhon hita na pinaluaNa Tu haroanNa na rade disi
Di na taida bogas ni bugangNa Habaoran ni mudarNa uju i
Na paluahon hita sian dosa Nang hamatean salelengnai?
5. Beha ma hita Na so dung diida So dung dibege manang ise pe
I ma turpukta molo masuk hita Tu hasonangan na di surgo i
Nang loja nang hodohan situtu Lao mareakkon bagas ni Tuhanta
Na uli jala sun denggan tutu.
B.E No.352. BEHA MA PANJALONGKU BL. 156
1. Sai hehe ma hamuna Na burju roha i
Pagalak lampumuna Naung songgop bongin i
Naung borhat Sipangoli Ro tu oroan i
Na tong mangkasiholi Pardomuanna i
2. Pauli lampumuna Gok miak baen sude
Managam Tuhanmuna Siban tua i
Parhal di huta Sion Do na manjou hamu
Jonok do hatuaon Jonok do Rajamu
3. Hamuna na marroha Padirgak ulumu
Endehon Heleluya Marsurak ma hamu
Talak do pintu rea Rade haroan i
Sai bongot ma hamuna Rap dohot Raja i.
4. Tibu ma ro Ibana Ipe sai dungo ma
Naung ro lumbalumbana Ipe tangihon ma
Di buha siang ari Lao ma na holom i
Dung i satongkin nari Tiur ma sasude
5. Hamu na holong roha Dihuta Sion i
Sai tomu Rajamuna Marlasniroha be
Ai ari las ni roha Ma jumpang di hamu
Hamu na niorona Parsanggulanna do.
6. Hamu naung benget roha Manaon na porsuk i
Hamu situndal dosa Nang hajahaton i
Mangolu ma hamuna Huhut mangarajai
Rap dohot Tuhanmuna Di sangapmuna be
7. Dison do maremare Hamonanganna i
Dison do sampesampe Hatigoranna i
Dison do hadameon Di naung marungkil i
Dison do hangoluan Di naung binunu i
8. Dison do huta Sion Inganan na denggan
Na gok hamuliaon Na uli na torang
Dison alaman sere Dison haroan i
Dison do tumpal sere Na di oroan i.
9. O Jesus las ni roha Sai ro ma Ho tibu
Sigop ma au palua Ndang sonang au tutu
Di tano paraloan Di hasiangan on
Ho do dihalungunhon Rohangku sai tongtong
B.E No. 353 DI SURGO HASONANGAN I BL. 37
1. Di surgo hasonangan i Inganan na dumenggan i
Tusi naeng laho muli au Asa rap dohot Jesus au.
2. Tutu godang dope adong Marningot au di tano on
Sai tostosanku nama i Lao mandapothon surgo i
3. Na dao dope au sian i Aik tung disungkun rohangki
Tung ise be mandok tu au Na holang sian Jesus au.
4. Na porsuk nang na bernit pe Mansohot ma di surgo i
Disi soada dosa be Mansohot nasa jea pe
5. Ndang parmianan tano on Sai surgo i do na tongtong
Ai rura partangisan on Di ginjang sonang rohangkon.
6. Dibahen i, o tondingki Jalahi na di surgo i
Tibu ma ro mangalap ho Jesusmu Sipangolu ho
7. Denggan do tohapmi disi Di lambung ni Tuhanta i.
Padoras ma tongtong langkam Naeng sonang ho di banuam.
B.E. No. 354 SAI TONG MAIMAIMA DO BL.134
1. Sai tong maimaima do Rohanta i di Jesus
Ibana haluaon do Di angka naung tinobus
Rodo muse Tuhanta i Mardongan hasangapon i
Sai ro ma Ho, o Jesus Sai ro ma Ho, o Jesus
2. Marlasniroha ma disi Sudena naung tinobus
Masihol situtu do i Di Jesus i partobus
Rodo muse Tuhanta i Mardongan hasangapon i
Sai ro ma Ho, o Jesus Sai ro ma Ho, o Jesus
3. Satongkin nari nangkok be Marhitehite ombun
Rap dohot Jesus lao sude Tu surgo i marujung
Sai longang be do sasude Di hasangapon i muse
Di surgo di na sonang Di surgo di na sonang
B.E No. 355 TONGTONG TUTU NA DENGGAN DO BL. 173
1. Malungun do rohangkinon Di ariMi, o Tuhan
Andigan jumpang haroroM Manopot hasudungan
Ni rohaMi ai ala nii Sonang do rohanami HataM huingot hami
2. Sai hupaima hami Ho, Ho do pangulunami
Ai nunga pola mate Ho Pasaehon dosanami
Dibahen i pos rohangki Sai urupanMu hami Di pardalanannami.
3. Sai huhaposi hami Ho Di sitaononnami
Naung saor tu tondinami do TondiM, o Tuhannami
Asi rohaM, ale Tuhan Parade rohanami Di haroroM tu hami.
4. Masihol rohanami be Di hasonangan sogot
Na so mansohot be tahe Tusi ma au pabongot
Na jinouMi tu lambungMi Sai tong do las rohana Tiur huhut langkana
5. Sai ro ma Ho tu hami on Ungkap do rohanami
Naeng ingananmu i tongtong Pasaut pangeleknami
Di haroroM tu hami on Marolopolop hami Ho pasangaponnami.
B.E. No. 356 NA MALUNGUN DO ROHANGKU BL. 179
1. Na malungun do rohangku Tu Ho, o Debatangki
Ho do na hinaposanku Jala haporusanki
Sasude na ro tu Ho Ndang tarurak bahenonMu
Nasa na manoisi Ho I do na pailaonMu.
2. Pabotohon ma dalanmu Dohot bogasMi di au
Asa i ihuthononku Ale Tuhan togu au
Sian dalan na ture Dohot tu hasintonganMu
Ho do hatuaonki TolongMi do paimaonku
3. Ingot ma, ale Tuhanku Angka denggan ni basaM
Naung di au pinasahatMu Dohot asi ni rohaM
Unang ingot dosangki Na hubahen di posongku
Sai asi ma rohaMi Ala lambas ni rohaMu.
4. Ndang marolat denggan basa Ni Jahowa na bonar
Diajarhon tu pardosa Dalan angka na tigor
Na serep marroha i Ditogihon tu na sonang
Na lambok marroha i Di diboan tu na torang
5. Hasintongan, asi roha Do dalanna sasude
Di sude na burju roha Mangoloi patikNa
Tuhan, ala goarMi Sesa ma sude dosangku
Ai mansai godang do i, Lobi asa bilanganku.
6. Ise do mangkabiari Debata Jahowa i ?
Halak i do diajari Lao tu hangoluan i
Sonang do tondina i Dibagasan hasonangan
Jala pinomparna i Do tumean hasiangan.
7. Hasudungan ni Jahowa Do na bonar roha i
Hahomion ni Tuhanna Jadi do botoon ni
Sai tongtong do matangki Mangaranap Tu Tuhanku
Dipalua do pathi Sian jorgong ni musungku
8. Au na punjung jala dangol Tatap ma , o Tuhanki
Ai tu Ho do au masihol Sai palua tondingki
Tu gandana do tongtong Hagogotan ni rohangku
Sai palua ma au on Ale Tuhan Debatangku.
9. Tatap ma pardangolanku Dohot hangalutanki
Sesa ma sude dosangku Sai papir ma tondingki
Lam torop do musungki Lam jorbut do pamuraiNa
Tuhan tatap au disi Asa unang saut tahina.
10. Sai ramoti ma tondingku Tuhan , sai palua au
Ho, haposan ni rohangku Unang ma paruak au
Sai jamot ma tondingki Ala ni halidangonku
Bangso na pinillitMi Naeng tangkas paluaonMu.
B.E No. 357 AI BEASA DI BALIAN ? BL. 177
1. Songon ursa na binuru Mauas di aek tabar i
Songon i do au mangido Naeng solhot tu Tuhanki.
Holan Ho, Debatangki do huhauashon i
Ai andigan idaonku BohiMi ale Tuhanku
2. Iluilu ni matangku Do hupangan sai tongtong
Ala sai didok musungku Tung di dia Debatam ?
Jala maras rohangki Mingot parmasuhonki
Ro di girgir ni endengku Lao tu joro ni Tuhanku.
3. Tungkimi, ale tondingku Tung beasa rusak ho ?
Sai haposi Debatamu Ai paluaonNa do
Ho na marsak i nuaeng Las roham muse dibaen
Asa tong pasangaponmu Goar ni partuaonmu.
4. Sai manungkap do rohangku Di na mangandungi au
Jordan do habuanganku Dohot Hermon na sai dao
Songon aek sampuran i Tinggang tu tondolan ni
Songon i do martinggangan Tu au angka pangunjunan
5. Diparbaga Debatangku Asi ni rohaNa i di au ,
Jadi las rohangku Molo sai huingot i
Borngin nang arian pe Huendehon do sude
Dengganbasa ni Jahowa Na manolong naposona.
6. O partanobatoanku Ndang be ingotonmu au ?
Ai lam ganda do arsakku Diinsahi musu au
Ai holiholingku pe Naung magopu do sude
Ala sai didok musungku Tung di dia Debatamu ?
7. Tungkimi, ale tondingku Tung beasa rusak ho ?
Sai haposi ma Tuhanmu Ndang tadingkononNa ho
Pujionku do muse Tuhan Debata dope
Hatuaon ni bohingku Na tongtong naeng haposanku
B.E No. 358 HAMU SALUHUT HARAJAON BL. 194
1. Hamu saluhut harajaon Marolopolop ma hamu
Endehon ma hamuliaon Ni goar ni Debatamu
Tu Debata ma dok hamuna Na songkal do pambaenanmi
Ai musumi pe saluhutna Marsomba do di jolomi.
2. Tu Ho, o Tuhan do marsomba Muse sandok portibi on
GoarMu do endehononna Pasangaponna Ho tongtong
Ro ma hamu saluhut jolma Marnida pambahenan ni
Jahowa na sai marmulia Di nasa manisia i.
3. Endehon ma Debatanami Saluhut bangso puji be
Na pangoluhon tondinami Huhut na pasonangkon pe
O Tuhan nunga dipapita Ho hami doshon perak i
Lao pabalihon nasa tihas Patauhon tu na denggan i.
4. JoroM do na naeng masuhanku Mambaen di Ho pelean i
Marlasniroha gararonku Sude naung huparbaga i
Ai na marningot do rohangku Di angka bagabagangki
Na puas sian pamanganku Andorang na targogot i.
5. Hamuna na mangkabiari Jahowa, ro ma sasude
Ro ma hamu mananginangi BinaenNa i di au sude
Joujou do au tu Debatangku Di na tarsosak au dope
Lam tu tangkasna di rohangku Na tau mambaen sangapna pe.
6. Girgir hupuji Debatangku Na sai marasiroha i
Ndang ditulakkon tangiangku Dibege do soarangki
Na dangol do au jala pogos huhut tarhilang sai tongtong
Alai Tuhanku do manongos DengganbasaNa di au on.
B.E No. 359 SAI HEHE MA TUHANTA I. BL. 221
1. Sai hehe ma Tuhanta i Mambaen hohom musuNa i. Maporus di joloNa
Sobokkon timus lao sude Malala, songar, pantis pe Niombus ni hosaNa
Ai na mangalo Tuhan i, I ma sude parjahat i Lao do luhutna
Pamereng ni Jahowa i Na manorusi sasude I do paserakhonsa.
2. Alai marlasniroha ma Partigor i di Debata Huhut marhasonangan
Marolopolop ma sude Girgir mamujimuji be Marroha hatorangan
Endehon Debatanta i Sai puji ma goarNa i Pasangap ma Ibana
Patigor ma dalanna i Na sian halongonan i Tuhanta do Ibana
3. Manungkap be ma hita on Mamuji Debata tongtong Dibaen denggan basaNa
Taporsan pe na dokdok i Tuhanta siampehon i Do mangurupi hita
Nda pujionta goar ni Nampuna hatuaon i Jahowa Debatanta ?
Ai ro pe hagogotan i Nang songgop hamatean pe Sai dipalua hita.
4. O Israel, Debatami Do mangalehon gogomi Dibaen asi rohana
O Debata di bangsoMi Pahot na pinatupaMi Tambai hagogoonna
Ai sian i tandaon ni Na manggomgomi bangso i, O Debata sangapMu
Dung i sai ro ma sasude Mamboan tu joroM muse Jahowa, peleanMu.
5. Songkal do Debatanta i Ro sian ingananNa i Na marhabadiaon
Ibana do Debata ni BangsoNa, hinophopNa i Silehon hagogoon
Tutu, Holong rohaNa i Di nasa na porsea i Ditatap do bangsoNa
Antong sai tapasangap ma Na sasadasa Debata Tapuji ma goarNa.
B.E No. 360 DI TANO ON MARDAGANG AU BL. 191
1. Tongtong longang do rohangkon Di hinadenggan ni joroM,
Jahowa Sebaot, Tuhanku. Mansai malungun rohangki
Naeng lao tu alamanna i. Solhot tu habadiaonMu
Ho, Sipangolu tondingki Naeng pujionku do disi.
2. Amporik.leangleang i Marasar do di jabuMi
Marpangondian tu langgatan Au on pe, ale Rajangki
PasabamonMu ma disi Tu Ho do au marhasahatan
Martua halak sasude Na mangingani joroMi
3. Tutu martua halak i Na mangasahon gogoMi
Huhut mardalan di dalanMu Nang pe mamolus jolma i
Di rura partangisan i Parmualanna do basaMu
Mabaor do pasupasuMi Tongtong gogo tu jolma i
4. Lam leleng pardalanan ni Lam ganda do gogoNa i
Ai sahat do sude tu Sion Paeleng, Tuhan, pinggolMi
Tangihon ma tangiangki Sai tongos ma pangurupion
Manogu au tu joloMi Mamujimuji goarMi.
5. Ho lombulombu situtu Di nasa jolma na burju
Sai tatap na miniahanMu . Sadari pe di jabuMi
Dumenggan sian ari i, Saribu di parholanganMu
Lea pe au di tano on Asal maringan di joroM.
6. Panondang, lombulombu pe Do Debata di hita be
Na marhaposan tu Ibana Ai asi ni rohaNa i
Nang pe hamuliaon i Dilehon tu hasudunganna
O Tuhan sai martua do Na marhaposan i tu Ho.
B.E. No.361 NA DENGGAN SITUTU DO BL.157
1. Na denggan situtu do mamuji Debata
Jahowa na tumimbo Na sai tongtong basa
Denggan do paboahon Manogot asiMi
Bodari mangendehon BurjuM nang sintongMi
2. Mardongan sipiltihon Na denggan situtu
Naeng ma tongtong pujion Ni nasa na burju
Ho Tuhan Debatangku Ai las ni rohangki
Do na tongtong binaenMu Di pambahenanMi
3. Ai jadijadianMu Mansai balga do i
Nang angka pingkiranMu mansai bagas do i
Ndang dapot i tandaon Ni baoa na bodo
Ai holan sibotoon Ni na porsea do.
4. Martumbur pe parjahat Di atas tano on
Sobokkon duhutduhut Ndang mian i tongtong
Tompu do disiaphon Ho saluhutna i
Alai Ho do manongtong Ho na tumimbul i.
5. MusuM, o Debatangku Sibaen na jahat i
I ma siaphononMu Marserak ma sude
Alai patimboonMu Ma au naposoMon
Huhut pargogoanMu Mamuji Ho tongtong.
6. Pamereng ni matangku Sombu ma baenonmi
Marnida hadadabu Ni angka alongki
Au naeng agohononNa Hape na sundat do
Tinahi ni rohana O Tuhan dibaen Ho.
7. Martumbur do partigor Tudoshon bagot i
Martunas do nasida Songon hau ares i
Nasida na sinuan Di bagasjoro i
Do na marbungabunga Di alamanna i
8. Sai tubu pinomparna Di na ubanon i
Margogo do nasida Di na martua i
Girgir dibaritahon Na tigor Tuhan i
Na so marhageduhon Pambaenna sasude
B.E No. 362 HAMU SALUHUT HARAJAON BL. 194
1. Endehon ende na imbaru Di Debata Jahowa i
Ai sasadasa dipatubu Saluhut halongangan i
Sai ditaluhon siamunna Do sasude musuna i
Patar dibaen hatigoranna Di jolo ni parbegu i.
2. Diingot Debata Jahowa Do asi ni rohaNa i
Sai dipahot hasintonganNa di bangso na pinillit i
I ma diida hajolmaon Pangisi ni portibi on
Huhut ditanda hatuaon Ni Debatanta na tongtong.
3. Marsuraksurak ma hamuna Na manginganhon tano on
Pangiar ma soaramuna Mamuji Debata tongtong
Marolopolop ma luhutna Mardongan arbap, ogung pe
Lao pasangaphon Debatanta Na manggomgomi sasude.
4. O laut, pagogo parhasakmu Nang tano pe marolop ma
Martopaptopap ma tanganmu O batang aek di Debata
O dolok puji ma Jahowa Na ro manguhum tano i
Na ro manguhum tano i Tarida ma hatigoranna Di nasa manisia i.
B.E No. 363 Songon ende No 362
1. Mauliate dok hamuna Di Debata na basar i
Sai puji ma denggan basaNa Na so marpansohotan i
O Israel girgir endehon Ma asi ni rohaNa i
Na so hea marparujungan Saleleng ni lelengna i.
2. Hamu pinompar ni si Aron Gogo ma hatindangkon i
Dok ma : Saleleng ni lelengna Do asi ni rohaNa i
Hamu pe, na mangkabiari Jahowa Debatanta i
Sai dok Imbaru ganup ari Do asi ni rohaNa i.
3. Ai uju au di hagogotan Joujou do au tu Debata
Tang iangki do ditangihon Dibaen do hosangki arga
Jahowa do tongtong donganku Beasa ma mabiar au ?
Tung aha baenon ni alongku Nang manang ise dompak au ?
4. Tuhanku do na manguluhon Sude na mangurupi au
Dibahen i ma hutaluhon Luhut na mangkosomi au
Dumenggan do marhaporusan Tu Debata na sintong i
Asa tu jolma marhaposan Nang pe tu na rumaja i.
5. Parbegu do mangkaliangi Au on, mambuat hosangki
Hape sude do hutanggoi Marhitehite Tuhanki
Ibana do do hupangasahon I do umbaen malua au
Ibana do na niarahon Umbaen marantu monang au.
6. Sobokkon loba na marsorop Dihaliangi musu au
Hape laos songon api mintop Di bulu duri do i lao
Marhite goar ni Tuhanku Do hutaluhon sasude
Au na tinggang naeng bahenonna Ditungkol Debata dope.
7. Jahowa do hagogoonku Endengku las ni rohangki
Ibana do hatuaonku Na margogoihon tondingki
Marolopolop do luhutna Partigor di jabuna be
SiamunMi do, o Jahowa Pamonang naposoM sude.
8. Timbul do tangan ni Jahowa Sibahen hamonangan i
Na tunduk do na jungkat roha Hot jongjong do partigor i
Ndang mate au, sai na mangolu Do au marhite Tuhanki
Pajojoronku, o Pangolu Ma saluhut pambaenanMi.
9. Tutu, gogo do dipinsangi Jahowa au, alai laos tong
So mate au, ai disondangi Denggan basaNa au tongtong
Sai ungkap bahal hatigoran Di au, ai naeng do au tusi
Lao mangalehon hasangapon Di Sipalua tondingki.
10. Dison do bahal ni Jahowa Bongotan ni partigor i
Lao pasangaphon Debatana Di serep ni rohana i
Mauliate ma rohangku Di Ho na asi roha i
Na mangalusi tangiangku Mambahenn hatuaonki.
11. Ianggo batu binolongkon Ni angka pande bagas i
Jahowa do na pajongjongkon Baen batu na di suhi i
Na pinatupa ni Jahowa Do i na longang situtu
Do roha ni na marnidasa Huhut marsomba be burju.
12. Nuaeng ma ari na dumenggan Binaen ni Debatanta i
Dibahen i ma tapadenggan Nuaeng parendeonta i
Tumpahi hami ale Tuhan Di ari las ni roha on.
Sai pasupasu ma pambaenan Ni tangannami be tongtong
13. Pinasupasu ma Rajanta Na ro marhite goar ni
Jahowa Tuhan Debatanta Tu hita huriaNa i
Jahowa, Sidongani hita Do Debata na sintong i
Antong, tambathon peleanna Tu tanduk ni langgatan i.
14. Ho, Debatangku, pujionku Patimbulonku sai tongtong
Mauliate ma rohangku Di Ho dibaen basaM inon
Hamu sude pe, ale dongan Dok ma mauliate i
Ai ndang he marpansohotan Do denggan ni basaNa i.
B.E No. 364 SAI HURANAPI DOLOK I BL. 81
1. Sai huranapi dolok i Aik sura sian i Ro haluaonki
Ndang i, ai sian Tuhan i Sitompa parluhutan Do ro pangurupion.
2. Ndang tarsulandit patmu da Diloas Tuhanmi Na so dung modom i
Tongtong haposi Debata Ndang olo nok mataNa Sai ho do jinagaNa
3. Ibana parlinggomanMi Do mangondingi ho Ndang loasonna ro
Na mangarsahi rohami Las nang ngali pe ari Tongtong i ditampari.
4. Sai diramoti Debata Tondim nang dagingmi Di na marmara i
Lao ruar manang masuk da Saleleng ni lelengna Tongtong ho jagaonNa
B.E No. 365 HALELUYA! PUJI MA BL. 167
1. Haleluya. Puji ma Di joroNa Debata Puji ma goarNa i
Ro di hajanghajang ni Hagogoon ni Tuhanta
Sai pasangap ma tongtong Debata di tano on Ala ni hatimbulonNa.
2. Palu ma sarune i Lao mamuji Tuhan i Sordam nang tulila pe
I ma pangke sasude Pasangaphon Debatanta
Tali sayak, ogung i, Arbap nang hasapi pe Palu baen hasangaponNa
3. Gok parhinaloan i Baen mamuji Tuhan i Nasa gogoMu tahe
Holan i do na ture Na tama di Debatanta
Nasa na marhosa i Naeng mamuji Tuhan i Mangendehon Heleluya.
B.E No. 366 O ALE JESUS TUHANKI BL. BL. 229
1. O ale Jesus Tuhanki Ho Tuhan ni dakdanak i
Ro paluahon sasude naeng Ho nampuna hami be.
2. Ho sondang sian surgo i, ditopot Ho na holom i
Sai tatap hami on sude, patiur rohanami be.
3. O ale Jesus Tuhanki, di ari hatutubuMi
Na las tongtong do roha ni dakdanak na di tano i
4. O pasupasu ma au on, na metmet na di joloMon
Ias ma didi tondingki naeng sahat au tu surgoMi
5. Suman tu pardisurgo i, burju serep ma rohangki
Jonok ma au di lambungMi, o Jesus, alealengki.
B.E No. 367 NA TAU LAS NI ROHA BL. 2
1. Di banuaginjang Di na tiur i Mian Debatanta Nasun sangap i.
2. Atik pe sai sangap Debatanta Holong do rohana Di na metmet i.
3. Sai ditataptatap Anakkonna Manjagai di dasdas Suruanna i.
4. Tung sai diramothon Do na metmet Unang dililuhon Sipangago i.
5. Bohal nang ulosta Disarihon do Arsak ni rohanta dipalambok do.
6. Dok ma tu dakdanak Adong Debata Ama haholongan Tau haposan da.
B.E No. 368 TUHAN JESUS, TUHAN JESUS BL. 233
1. Tuhan Jesus, Tuhan Jesus ro mulak hape
TinobusNa , TinobusNa ditogu muse
Sai marhillong nasida songon bintang sude
Sai marlinang saksak do ulosna tahe
2. Dipapungu, dipapungu tinobusna i
Angka jolma pinaias ni mudarNa i.
Sai marhillong nasida songon bintang sude
Sai marlinang saksak do ulosNa tahe
3. Na magodang nang na metmet tu Jesus ma ro
Tu lambungNa na di surgo ditogu hamu
Sai marhillong nasida songon bintang sude
Sai marlinang saksak do ulosNa tahe
4. Nang dakdanak, nang dakdanak haolonNa disi
Ai naung sahat, ai naung sahat rohana tusi
Sai marhillong nasida songon bintang sude
Sai marlinang saksak do ulosNa tahe
B.E No. 369 O JESUS PANONDANG BL. 143
1. Na marhahaanggi Hita sasude
Ndang mardia imbar Manang ise pe
Asing be hatanta Nang luatta pe
Sada do Amanta I taingot be.
2. Sada do Amanta Sipangolu i
Sumarihon hita Salelengna i
Sasude ngolunta Nang bohalta i
Sada do Amanta Paradehon i.
3. Sai diranapranap Hita on sude
Jumpa marsikola Nang marmeam pe
Ndang tarula hita Sasude tahe
Molo so Amanta Di lambungta be.
B.E No. 370 IA AEK SANTETEK BL. 1
1. Naeng haholonganku Tuhan Jesus i
Ndang tadingkononku alealengki
2. Ai holong rohana di dakdanak i
Mansai las rohangku dung huboto i
3. Uju maradian Tuhan Jesus i
Ro do na mamboan posoposo i.
4. Dung i disonggahi siseanNa i
Angka na mamboan posoposo i
5. “ Unang sai ambati posoposo i
Loas ma nasida ro tu lambungKi”
6. Ninna Tuhan Jesus alealengki
Ai holong rohaNa di dakdanak i
7. Dung i diampehon ma tanganNa i
Lao mamasumasu posoposo i.
8. Angkup nii diumma Tuhan Jesus i
Jala sai dihaol ma posoposo i.
9. Tangi ale Tuhan ma tangiangkon
Sai tu tutu ma jangkon daging, rohangkon.
10. Holong ni rohaMu naeng luluanki
Ai hinorhon nii do sonang rohangki.
11. Ingkon mian ahu tong di lambungMi
Ai disi au sonang salelengna i.
B.E No. 371 BURJU MA HITA MARDALANI BL. 230
1. Burju ma hita mardalani di dalan lao tu surgo i
Sai Jesus ma tabaen donganta di las ni roha arsak pe.
2. Sai tiop ma tongtong tanganNa, tangihon soaraNa i
Ihuthon ma tongtong langkaNa na denggan pambahenanNa i.
3. Lam antusanta ma pambaenna lam tiur ma bogasta i
Tahaholongi ma Ibana parasi roha bolon i.
4. Urupi au, ale Tuhanku saleleng au di tano on
Ro di na tos muse hosangku sai pargogoi ma au tongtong.
B.E No. 372 ROHANGKU SAI HALASHON MA BL. 99
1. Rohangku sai halashon ma Sude na sian Debata
Luhut denggan basaNa Sai tatap hauma i sude
Nang porlak dohot tombak pe
Na uli do rupana, Na uli do rupana.
2. Sude na di balian i Do pasangaphon goar ni
Tuhanta Debatanta. Nang eme na di hauma i
Nang hau sude na rata i
Dipuji do Tuhanta, Dipuji do Tuhanta.
3. Nang angka bungabunga pe Na’ndul ummuli sasude
Sian na hinadenggan Ni si Salomo raja i,
I do paganda sangap ni
Tuhanta na di ginjang, Tuhanta na di ginjang.
4. Ia mangkuling pidong i Na denggan marsoara i
Tuhanta diendehon Sibigo ambaroba pe
Ro di donganna sasude
Na denggan i begeon, Na denggan i begeon
5. Antong, beha ma au disi Tung sip ma au umbege i ?
Palias i rohangku Dibaheni i sai dohot au
Tumiru sasudena lao
Mamuji Debatangku, Mamuji Debatangku
6. Ia na denggan songon i Di tano on sudena i
Beha tagamon sogot Na uli na di surgo i?
I ma pingkiri rohangki
Tusi ma ho palohot, Tusi ma ho palohot
7. I ma tutu, sai naeng tusi Palungunonku tondingki
Tu jolo ni Tuhanku. Disi marende au.
Disi marhasangapon au
Mamuji Debatangku, Mamuji Debatangku
B.E No. 373 MANGULA HITA JOLMA BL. 219
1. Mangula hita jolma Manabur boni i Alai anggo jadina Di Debata do i
Dilehon las ni ari Nang nambur udan peTongtong di panumpakNa
Marguru sasude Nasa ulibasa ro sian Debata
I pe Ibana puji ma Huhut haposi da.
2. Sai sian Debatanta Do nasa na adong Nang rihit sangkamata
Nang laut,nang tano on Tinompa ni hataNa Do hau nang bulung i
Nang nasa parbuena Nang bungabunga i Nasa uli basa, Nasa uli basa
3. Ibana jumadihon Panondang sasude Ibana do manjouhon
Alogo, ombun pe Na tau palas rohanta Hipas dagingta i
Tongtong rade bohalta Dibaen Tuhanta i Nasa ulibasa Nasa ulibasa
BE. 374. JESUS MANJOU HO BL. 250
1. Jesus manjou pardosa sai ro tu Jesusmi na ba sa i. Bege panjouNa,
So tung tongang ho, to mu si palua I. Bege ma I, Bege ma I, Jesus ma
No bus ho, sae do sude dosami.
2. Jesus manjou ho, sai pos ma roham,
Bege ma on sadari on : Angka na loja, na sorat sai ro,
Ai dipasonang nang ho. Bege ma I, d. u
3. Jesus manjou ho, dijou dohot au
Las rohangki ala ni i. Leleng di tano so sonang au on.
Nuaeng gok dame au on. Bege ma I, d. u
4. Jesus manjou ho, parjalang na dao,
Sai mulak ho, hatop ho ro, dihaholongi rohaNa nang ho,
Talak pintuNa di ho. Bege ma I, d. u.
BE. 375. ADONG DO HASONAGAN 2 BL. 380
1. Adong do hasonangan di ho parjalang I, hatop ma ho ma porus
Tu Tuhan Jesus I, O, jangkon ma Ibana , Asa dapotan ho.
Adong do hasonangan, Hatop ho ro. Sai ro ma ho, sai ro ma ho,
Adong do hasonangan, sai ro ma ho.
2. Adong paradianan Di ho, na loja I, Di Tuhan Jesus Kristus ,
Pardenggan basa i. Paraeak ma Ibana, Ai dipaima ho. Adong
Paradianan, Sai ro ma ho d.u.
3. Sai parhaseang tingki Halehetanna I, So tung ho maon
Mago, Binaen ni dosami. Unang sai marhusari, Unang tarlalap ho,
Adong do hasonangan. Sai ro ma ho.
BE. 376. ISE NA DI PINTU I. BL. 251
1. Ise na di pintu I? Ungkap ma! Na jot –jot manutuk i. Ungkap ma?
Ai di pintu ni rohaM jongjong do nuaeng Rajam, Jesus Kristus
Tuhan mi.Ungkap ma!
2. Bege soaraNa I! Ungkap ma,jala loas masuk i. Loas ma!
Ungkap ma, jala loas masuk I, Loas ma! Asa bongot jesus I!
Mambaen las ni rohami, Salelenglelengna i. Loas ma!
3. Unang toishon Jesus I, ungkap ma, jangkon alealemi.
Ungkap ma! Na manesa dosami Na mamboan dame I. Na manogu
Tondimi, tu surgo i
BE. 377. RO MA HAMU SUDENA. BL. 381
1. Ro ma hamu sudena, di-jou Tuhanta I, Hamu sude loja, huhut
Na sorat I! Ting ganghon ma sudena na pasorat hon ho, tu Jesus
Na man jou hon Hatana on tu ho :
Ro hamu sude, sai ro hamu sudena loja jala sorat, sai ro hamu sude,
Ro hamu sude, Sai ro hamu sude, ai sonang be hu ba hen hamu, na ro sude
2. Lam ringkot do panjouMu di au pardosa on,
Antong, lam las rohangku, manggolom hataMon :
Na mangihuthon Jesus, parroha na burju,
Dapotan parjambaran, na denggan situtu,
Ro ma dohot au, na loja jala sorat,
Na ro ma dohot au, ro ma dohot au, na ro ma dohot au,
Naeng sonang dohot au, Naeng sonang dohot au
BE. 378. SAI DIJANGKON JESUS I. BL. 382
1. Sai dijangkon Jesus I ang-ka na mar dosa I, nang na dao, na lilu
Pe, asal ro tu Jesus i. Sai paboa hata I tu sude pardosa i. Ai dijangkon
Jesus do angka na mamuas ro.
2. Sonang do angka na ro, unang ma tartogang ho,
Dohot ho dijangkon do, boi hape na sonang ho. Sai…………………….
3. Dohot au dijangkon do, tondiki diuras do.
Tung ns las do rohangki mida Jesus Tuhanki. Sai………………………
BE. 379. NDANG SADIHARI. BL. 252
1. Ndang sadihari I di dok ho, horas parjolo, parpu di ro. Bilang ma arimi,
Tibu do sal pu i, atik so sanga be, hansit nai
2. Ndang sadihari, alang dope, sai ro do ahu musemuse.
Sai pinaingot ho, sai tong ditoishon ho.
Tu dia nama ho? Lao mago ho.
3. Manjou do Jesus sadari on, Ho naeng ditopot nuaeng tongon.
Sai jangkon Jesus I, silehon tu I,
Hololng rohaNa I, sai golon I!
4. Roham pauba, lam, lam bot ne. Lam toras daging, ajal talpe.
Tupa so sahat ho, sai naeng tu sorgo ho.
Elehelekku I, oloi ma I !
BE. 380. SO MA JOLO ISE I. BL. 253
1. So ma jolo I se I na ma nuktuk pintu I? Ale-ale na sumurung
Na mar holong roha i. Ta ungkapi ma rohanta pamasukkon Tuhan I
2. Ise na manitik I, na malungun songon I ?
I ma Tuhan na sumurung, na marasi rohai i.
Taungkapi ma rohanta pamasukkon Tuhan i.
3. Ise na manitik I, na malunggul rohangki ?
Ima sidingini hita , datu na sumurung i.
Ai na naeng pamalumonNa jolma parbagasan i.
4. Ale Jesus, pargogoi hami angka na marhorai :
Sai jagai ma siseanMu asa unang mago i.
Sai patongon anakkonMu tu haroan bolon i.
BE. 381. DI DIA JESUS BL. 254
1. Di dia Jesus ? Di dia dame ? Di boto ho do ? Dilambung ni Tuhanta i.
Di si do hasonangan i. Marlas ni roha na disi. Marlas ni ro ha na disi.
2. Naeng ho dapotan ? Di ho ibana ? Ingkon luluan, na jumpang ma !
:,: PasonangonNa ma roham :,:
3. Ai manang ise, na ringgas roha mangalului, dapotan ma !
Asi rohaM, dosangku sesa, tu surgo au togihon ma
:,: Tu lambung Mi, O Debata !…………………………….
BE. 382 SANGGA DO HARORONA. BL. 255
1. Sanggara ro harorona. Tang, aha do ?
Sai tongtong do manuak tuhi ! Ndang di bege ho ?
Unang dok I ta rok tok mu manang pusumi.
Jesus Kristus I, Tuhan mu soaranai !
2. Tung godang dipasingothon do tu rohami,
Dohot do naung leleng salpu angka dosami.
Tole angka hahurangan, halembaon pe.
Ro di nasa pardosaon digoari be.
3. Jotjot so tinagamtagam hamatean ro,
Ai so pola ro manungkun, pintor masuk do.
So tung salpu jo langkana, gabe mago ho
4. So tung salpu jolo tingki parasian I,
Jongjong ho di lambung pintu manuktuk i.
Ndang tarungkap pintu I be, naung disordak do.
DohonoNa mangalusi : “ Ndang hutanda ho “.
BE. 383. ADONG DO AMA. BL. 383
1. Adong do Ama na di surgo I,
Tuhan Jahowa Debatan ta i. Di jou do au, na
Lao ma au Tu Ama na di surgo i. Lao ma au,
Lao ma au tu na di surgo I, Lao ma au, lao ma au
Tu na di surgo i. Di jou do au na
Lao ma au tu Ama na di surgoi.
2. Di surgoi do Tuhanta Jesus I, na paluahon manisia i.
Dijou do ahu, na lao ma au manean na di surgo i.
:,: Lao ma au, lao ma au tu na di surgo i.
:,: Dijou do au, na lao ma au tu Jesus na di surgo i.
3. Di surgo do dipeop tumpalhi, na hiniraphon ni Tuhanta I
Dijou do au, na lao ma au manean na di surgo i.
:,: Lao ma au. Lao ma au tu na di surgo i.
:,: Dijou do au, na lao ma au Ama na di surgo i.
4. Molo masihol ho muse di au, ingot ma, na di surgo I do au;
Dapothon au tu surgo I, ai ho pe sonang do disi !
:,: Lao ma au, lao ma au tu na di surgo i.
:,: Dapothon au tu surgo I, ai ho pe sonang do disi !
BE. 384. RO MA HAMU RADE. BL. 398
1. Ro ma hamu rade do sasude !”
Di jou hon Tuhan I tu hita be; Ro ho,
Ho ro, ru ma I nga nan mi
2. Rade sude tu pardengganan I,
Sai ro ma ho, di ho basaNa i. Ro ho………………
3. Saksak do ulos sijaloonmi,
Ro ma, topoti sude dosami. Ro ho………………..
4. Torop naung ro, sai unang togang ho,
So tung tarlat, unang tartanding ho. Ro ho…….
BE. 385. DIJOUHON JESUS RO. BL. 384
1. Dijou hon Jesus : Ro sude, hamu na loja
Hu togu-togu do hamu tu hasongan i.
Hamu sude pamanat i. Hamu ni ara honna i.
Ta dingkon niar sak konmi, dompakkon Tuhan i.
Sonang ni roha i. Sonang ni roha I,
2. Sai bege olopolop ni naung ro tu Jesus i.
Malua sian dosa do naung saut tu Jesus ro.
Antong so tung tarambat ho, marlojong ma tu Jesus ro.
Sai golom pangkophopna i. Malua ho disi. Sonang ni roha ……
3. Tibuna salpu tingkimi ? Tu dia nama ho ?
Ai tingki parasian i. So diargahon ho.
So tung ditoishon rohami. Joujou ni Jesus Tuhanmi.
Masuhi ma adian I na sian Tuhan i. Sonang ni roha i…………
BE. 386. O DANGOL NI HAPARIRON I BL. 399
1. O dangol ni hapariron I, na so bolas hasu-hatan I,
Doshon dolok simanabun I, suman tu tao si lu malan I.
2. I ma dangol ni na parir I, so adong na boi pamalum I;
Na makbakbak do iluna I, langan bohi ala dosa i.
3. O dangol ni hapariron I, so adaong na boi pamalum I;
Ndang tuk daonan ni manang ise I nang mate, ndang olo sohot i.
4. Dibahen parir ni sisongon I, dilehon Jesus mudarNa i.
Marhite mudar ni Kristus I, na malum luhut na ngotngot i.
5. Dibahen parir ni sisongon I, dilehon Jesus mudarNa i.
Marhite mudar ni Kristus I, na malum luhut na ngotngot i.
BE. 387. HATOP MA HO RO. BL. 256
1. Hatop ma ho ro tu par silang, di jou Tuhan Jesus do ho,
Ma baor do disi ha sesa an tu angka pardosana ro.
Hatop ma ho ro tu par silang. Tu Jesus marlojong ma ho,
Di lehon Tuhanmu basaNa tu angka pardosa na ro.
2. Lului hasesaan ni dosa di silang di Golgota i.
Tung muba do hadirionmu, na malum sude sahitni. Hatop………….
3. Lului haluaon di silang, margogo tutu mudar i.
Partohap ma ho di pangkopkop niula ni Tuhanta i. Hatop…………….
4. Martua sude, na porsea di sintong ni HataNa I,
Ndang dung manang ise tarhirim na olo porsea disi. Hatop…………
BE.388. SO MA JOLO JALA PINGKIR BL. 257.
1. So ma jolo jala pingkir, lao tu dia langka mi ?
Otik nai maho tar-lombang, di-baen hatangkangonmi.
Mulak ma tu Tuhan Jesus. Siapalua tondimi. Ndang ditulak
Ho, na dangol, boan nasa dosami !
2. Nunga leleng ho so sonang, guga nasa rohami.
Sai tarponjot dihilala ho di angka dalami.
Mulak……………………..
3. Tung sibolis do manggohi rohami, na loja i.
Tung maheu do rohamu di baen parungkilon i.
Mulak……………………..
4. Ro ma, jalo hagogoon sian Tuhan Jesus i.
Ai parmonang do Tuhanta, do Tuhanta talu musu i.
Mulak………………………
5. Ndang tuk ho mangaramoti daging dohot tondimi;
Holan Jesus do manjaga angka tinobusNa i.
Mulak………………………
BE. 389. ALE DONGAN RO TU JESUS BL. 258.
1. Ale dongan ro tu Jesus, naeng pangkulinganNa ho,
Unang toishon panjouonNa, ro tu Jesus si lu ro !
Ro nu aeng, ro nu aeng, Jesus do managam ho,
Ro nu aeng, ro nu aeng, Jesus do managam ho
2. Boan dosami tu Jesus unang leleng togang be.
Dipalua do tondimu sian arsak sasude.
:,: Ro nuaeng…………..
3. Ndang boi sonang be tondimu baenon ni portibi on.
Sada sipasonang roha, Jesus Kristus do tongon.
:,: Ro nuaeng…………..
4. Boan nasa haboraton, nasa ganggu ni roham.
Sai haposi ma gogoNa, sonang ho, sabam roham.
:,: Ro nuaeng…………
BE. 390. NUNGA SAE DOSAM. BL.259.
1. Nunga sae dosam ula ning malum ho ? Naung diauhon ho mudarNa I?
Ai I as do ho, na saksak bajumi ? Na di au hon ho mudarNa I ?
I as ho, malum ho, dibaen mudar ni Tuhanta I ? Ai naung saksak bajuM songon
Hapas I ? Ai I as ho dibaen mudar I ?
2. Naung solhot ho jongjong tu parsilang I ?
Naung niuras ni mudaraNa I ? Sauduran ho dohot Tuhanta I ?
Ai ias ho dibaen mudar I ? Ias ho………………..
3. Ai rade ho, molo ro Tuhanta I ?
Ai ias ho dibaen mudar I ? Boi ditomu ho Tuhanta Jesus I ?
Ai ias ho dibaen mudar I ? Ias ho…………………
4. Tung hatop ma ho mamuri rohami.
Boi ias ho dibaen mudar I ? Sai bagas mangungkor ho tu mual i.
Ai na malum dibaen mudar i. Ias ho……………..
BE. 391. SO TUNG DITULAK. BL. 260.
1. So tung di tulak rohami panjou on ni Tuhanta i.
Disi do hangoluan mi, sadarion ma tangkup I, sadari on,
Sadarion paujung I, sadarion.sadarion, sadarion, paujung I, sadarion.
2. Diboto ho do umurmi ? Hatop do dapot ajalmi.
Sadari on mangolu ho, hatop ma ho tu Jesus ro.
Sadari on…………………
3. Ndang sonang ho di tano on, nang gok di ho portibi on.
Rade di ho adian I, sadari on ma tangkup i.
Sadari on ………………..
4. Pardosa na sumalim ho, dijangkon Jesus do nang ho.
Didokkon ho, ihuthon ma, sadari on mangolu ho.
Sadari on………………..
BE. 392. SAI PASIAT TUHAN JESUS BL. 261.
1. Sai pasiat Tuhan Jesus tu bagasan roha mi. Sai ma I-ma I ma
Jesus, bege panuktukNa i. Sai pasiat Tuhan Jesus, jangkon itu
Rohami, nunga tingki parasian, sotung jolo salpui.
2. Hariburon na di tano sai ringgas di jangkon ho,
Marisuang Tuhan Jesus sai sihagarishon ho, Sai……………….
3. Ai sadia leleng nari laos so putus rohami ?
Unang toishon, so tung salpu tingki parasian i. Sai……………..
4. Lehon ngolumi tu Jesus, ai hatop do salpui.
Sai pasiat ma Tuhanmu tu roham na loja i. Sai………………….
BE 393. LAS NI ROHA BOLON I BL. 262.
1. Las ni roha bolon I, I do na huboan I,
Tung martua dohot au, dung nang au tu Jesus lao.
Nang hamuna, donganki, dipasonang Jesus i.
2. Tung na holom rohamu di baen angka dosamu ,
Jangkon Jesus tu roham, gabe sesa nang dosam. Nang………….
3. Ungutungut hatami angka taon na salpu i.
Hape Jesus ro tu ho, tu Ibana hatop ro ! Nang…………………..
4. Suhisuhi ni roham na holom dibaen dosam,
Gabe marsinondang do, ai Tuhanmu ro tu ho. Nang…………..
5. Arsak nang saritami hatop ma maporus i.
Las ni roha jambarmi, Sai haposi Tuhan i. Nang………………
BE. 394. O JESUS TUHANKI BL. 400.
1. O Jesus Tuhanki si hop-hop au!
Masihol au di Ho, naeng Ho di au!
Tanda do holong Mi, sonang ma rohangki
Maniop tangan Mi na lambok i.
2. Dosangku sasude, na dokdok I, na huarsakkon do,
Sai sesa I! Sai pargogogi au on mangalo rohangkon,
Roha portibi I, taluhon i.
3. Naeng tong maringan au di dameMi;
Sai togu rohangki tu hataMi. Sai pargogongki manulus dalanki,
Paima tolhas au tu jabuMi.
BE. 395. MASUK MA HO. BL. 263.
1. Masuk ma ho, na gogot do harbangan, masuk ma ho, sompit do dalan i.
Jesus manjou nang ho di parjalangan, sai roma ho, naeng sonang rohami.
Jesus manjou ho, begema I, unang be, togang, olo I jou-jou na i.
2. Aik lilu ho di dalan parjalangan, Runsur patmi dibaen landitna i.
Torop do na marsangkap hamonangan.
Alai ndang saut dibaen garisna i. Jesus manjou ho……………..
3. Marsak hamu ? Malungun rohamuna ?
Malum do I dibaen holongna i.
Manang beha jorbut pe dosamuna,
Ias muse dibaen mudarNa i. Jesus manjou ho…………………..
4. Pabalus ma, tandingkon na di pudi,
Sai ro ma ho ditagam Jesus do.
Sadari on, boi dohot ho taruli di hatuaon na rade di ho.
Jesus manjou ho………………………………………
BE. 396. NUNGA TALU MUSUMUNA BL. 101.
1. Nunga talu musumun, Sude na tahurung I, boi malua saonari, ai ungkap hurungan i.
Saima porusma tu Jesus, Sipasonang rohami sonang rohami.
2. Unang dok : Sai sorimago do manggohi rohangki !
Holan Jesus do pamalum bugang na di rohami. Sai…………………………………
3. Unang dok : Na pogos iba, na maribak bajungki !
Ndang bajum dibereng Jesus, dilului do rohami. Sai………………………………..
4. Unang dok : Godang dosangku, I do na mangambat au !
Bereng nunga sae dosamu, asal ho tu Jesus lao. Sai…………………………………
5. Unang dok : Dihaliangi musu I do rohangki !
Ndang marhua, ditaluhon Tuhanmi do musu i. Sai………………………………….
6. Unang dok : Sai tong digohi tano on do rohangki !
Jangkon Jesus tu rohamu, gabe ingananna i. Sai…………………………………….
7. Unang dok : Jo martinading hata au tu ripengki !
Unang bereng be tu pudi, sai torushon dalanni. Sai…………………………………
8. Talu musu dohot arsak, nang dosam sibolis pe,
Ndang adong be ambatambat, boi malua sasude. Sai……………………………….
BE. 397. NDA NUNGA SALPU BORNGIN I. BL. 264.
1. Nda nunga salpu borngin I, sai he he ma sude, natiur sian surgoi ro su mondangi be.
Soara sian surgoi mandok naro Tuhanta i. Bege, bege, soara ni suruan
Dungo,dungo, sai tagam ma Tuhan.
2. Ai molo salpu borngin I, torang ma ari on,
Ba, angka na tarhurung I malua ma dison.
Tuhanta sian surgo I, ro paluahon jolma i.
Jesus, Jesus ro paluahon hita. Doras, doras tajangkon Tuhanta.
3. Dung ro ari na torang I, salpu ma na holom.
Imbaru dibahen Jesus I roham, padao holsom,
Tuhanta sian surgo I, mangapul hita na dangol i.
Sonang, sonang pe maradian hita. Hatop, hatop tu surgo ma beta.
BE. 398. BEHA NA SO MARDAME BL. 265.
1. Beha na so mardame roham na loja I ? Marlilu do matamu dibaen arsak na I ?
Sai olo ho porsea di Jesus Tuhanmi, malua ho baennon Na, dibaen holongNa i.
2. Ibana mengalehon tu ho tondiNa i. Sonang pangkilalaan dibaen dameNa i. Sai olo…….
3. Dosam do diarsakkon ho, ale donganki ?
Sai ro tu Tuhan Jesus pasaehon dosami. Sai olo…………………
4. BungangNa I do mual ni hatuaonmi,
Sai minum, asa malum tondim na bonos i. Sai olo………………
BE. 399. UNANG TARLALAP DI HATA. BL. 266.
1. Unang tarlalap di hata, tulus sigop jambar mi. Ndang dapot ho hasonangan.
Molo godang sabatmi. I pe tostos I luhut na, na manggugai roha mi.
Arta na godang, nang sangap, Sabat na jorbut do i.
2. Unang lilian di dalan, tuju tongtong surgo I,
Ai naung rade do inganan dibaen Tuhanta disi.
Unang bonsa rohamuna, pos rohamu lao tusi,
Ai toguonKu hamuna tu lambung ni Ama i.
Unang lilian di dalan, tuju tongtong surgoi I,
Ai naung rade do inganan, dibaen Tuhanta disi.
BE. 400. O HO DI HAMAGOANMI. BL. 401.
1. O ho di hamagoanmi portibion napuna ho, Sai mulak matu
Tuhan mi, Hatop ro, hatop ro.
2. Molo dibege ho panjou ni Jesusmi, na tong mamio,
Girgir ma ungkap rohami ! Dipio, dipio.
3. Hansit sipata rohami binaen ni parsorionmi,
Hatop ma ho tu Jesusmi pamalum rohami.
4. Martua dibaen Jesus au. Atong hudok sahali nari :
Nang ho dijangkon Jesus I saonnari, saonnari.
BE. 401. BOASA SAI TONG DI NA ALANG .BL. 267.
1. Boasa sai tong di na alang, matua so putus roham ? Ndang giot ho masuk tu
Ginjang ? Patongon tu simalangkam ! Tanda Sirang jeani na alang roha I
Holong dao sirang dame do i.
2. Sandok dihilala roham do na porsuk niaemu tongtong
Sai tong disolsoli roham ho, naung sorat, maheu antong.
Tiop, tangkup hata na sun denggan I !
Momos, gomos, mian disi rohami !
3. Sai mian ma ho di Tuhanmu na giot mangasii ho,
Ibana do hasonanganmu, tangihon panjouNa di ho,
Jalo, auhon, tiop panghophopNa i.
Asa masa, songgop tu ho dame I
BE. 402. NDANG NA RO DI ROHAM BL. 385.
1. Ndang na ro di roham, na tinaon ni Tuhan lao mamorsan dosam sumesa I ? Bereng
Ma silang I, antan bernit nai, tung garisma roham marnida I ? Nda manda tero hatana tu-
Maon rimas I ? Mangonai tu Ibana dibaen tangkang mi ? Lambas ni holongi mida musuna
Ndang na di terge ho sudena I ?
2. Lam tu moruna do, salpu ne arimi .
Dung do dipikiri ho ujungna I ?
Ari ruji maro, alusanmu do i. Ndang na diterge ho sudena I ?
Ndang diida ho mara ni langkalangkam ?
Na manirang ho sian sisesa dosam ?
O, sai topot ma Jesus, sai ro ma tibu,
Gabe dame roham, sonang tutu.
3. Tangi joujouNa I, unang be toisho i.
Tiris mudarNa I humophop ho.
Hatop iringonNa ho, asa martua ho.
Sai tundalhon ma nasa na mangambat ho.
Jadi saut ho malua, mangolu ma ho.
Naung ungkap do di ho harajaonNa I,
Naeng ma nang ho, nang ho, sahat tusi.
BE. 403. POS ROHANGKU DI TUHANKU. BL. 402.
1. Pos rohangku di Tuhanku, ndang tarbaen tarhirim au.
On do tongtong tangiangku : Tu lambaen tarhirim au.
BungaMu au patau. Lobi pos do rohangki, sai patu luson nai,
Boan on na au tu si.
2. Huhilala ganup ari paniopNa di au on.
Sai tong dipasarisari, naeng badia rohangkon.
Naeng lam tu tinggilna I,
Pinggol partondionki lao mambaen lomoNa i.
BE. 404. UNANG HO SAI DI NA HOLOM. BL. 268.
1. Unang ho sai di na holom, tu na tiur ho antong, Sulusulu I
Ma golom, ai holom portibion. Naeng ma pasesa hononmu
Dosa tu Tuhan Jesus I, Ipe asa hangolu hononmu na nio mohon na i.
2. Unang ho di hagangguon, sai pasada rohami,
Asa bali haliluon baenon ni sondangna i.
Sai ungkapi ma rohamu, sai pasiat Tuhami,
Pagomgomhon saluhut langkamu tu parholong roha i.
3. Dame dohot hatiuron tu roham manongtong ro,
Hot ni roha hatoguon, sai lam tu tambana do.
Raphon Jesus parangehon sasude ulaonmi.
Pos roham, Tuhanta mangalehon roha na imbaru i.
BE. 405. ADONG SADA MUAL. BL. 386.
1. Adong sada mual, tung sae uli ni. Sombu do disi uas mi.
Ai manang hajorbut ni sahitmi, na malum luhut na disi.
Oloi ma joujouNa I, Lului mual na uli I i. Sopola martuhor
Mual i. Porsea ! Di ho nama i.
2. Ai manang tu dia mabaor mual I, denggan do pangkorhon ni i.
Sumurung do tumpal sijaloon ni na ro manahui sian i.
Oloi ma joujouNa i……………….
3. Ai aek hangoluan do goar ni I, na dapot di Jesus do i.
MudarNa na arga niusehon ni, humophop pardosa do i.
Oloi ma joujouNa i……………….
4. Masihol do ho ? Ro tahui mual i. Nang ho pe, dijou tondi I ;
Ai holan na ias maridi disi, tarbaen tolhas tu surgo i.
Oloi ma joujouNa i………………..
BE. 406. DI LAMBUNG NI PARSILANG. BL. 269.
1. Di lambungni parsilang do hasonangan ki, ndang ro tu si parhilang
Dao do sibolis i. Parsilang na di golgota, Hu ha holongi Ho, ai
Sian Ho tu rohangkon sai pasu-pasu ro.
2. Di lambung ni parsilang do partangisanki.
Ai ndang tarbaen mamilang disi au dosangki.
Tarsolsol bagi situtu disi do rohangki
Marningot pangkophopNa I di au pardosa on.
3. Di lambung ni parsilang do panjoraanki ;
Ndang olo be marhilang na somal lao tusi ;
Margabus nang manangko pe, maruhum na roa,
Ndang be diula Kristen I naung sian Golgota.
4. Di lambung ni parsilang do parmiananki ;
Saleleng au mamilang na somal lao tusi ;
Parsilang na di Golgota. Huhaholongi Ho ;
Ai sian Ho tu rohangkon sai pasupasu ro .
BE. 407. PANOTNOTI MA SILANG BL. 271.
1. Panotnoti ma silang ni Tuhanta I nama
Morsan sude dosami, tinggangkon sude arsak ni rohami.
Pasesahon sude dosami.So, jo,bereng I ! Panot-noti ma silang ni
Tuhanta I, ngolumi, ngolungki sian i.
2. Tung beasa ditaon Ho, Tuhan, songon I
Dibagasan sude burjuMi ? Nda I holongMi ?
Mudarmi na use pasonangkon muse sasude na porsea disi.
BE. 408. BORNGINNA I BL. 272.
1. Bornginna I, di porlak I, tar bege angguk
Bolon. Hinorhon ni dok-dok na I sai on nama di jouhon :
Ale Amang bereng au on ! Ai ingkon taononku ? Molo tung I,
Saut ma I, unang tandingkon Ahu. “
2. Tuhanta I, na ias I, hundul martutungkian,
BohiNa I mohop do I, hodokNa mardekdehan.
Panondang I mangkolom do, ai ndang manaon marnida,
Bernitna I, sitaonon ni anak ni Debatanta !
3. O, Jesuski, nang pe hansit, na paet panaonanMu,
Malua au hinorhon ni, sonang ro di ajalhu.
Sai loas au, pabongot ma tu halalas ni roha.
Asa disi manean au di surgo salelengana.
BE. 409. ANGKA BIRUBIRU. BL. 273.
1. Angka birubiru na pungu I, sia pulusia do, holan sadana dao, ai na
Lilu I, mansai dao sian Tuhan na do. Tung di gambo ni dosa,
Diportibion. Ndang sonang rohana sai sau sainon, ndang sonang rohana,
Sai sau sainon.
2. Didok Jesus parmahan bolon I : “ Siapulu sian ro,
Tung so tuk holan I, na sasada I ingkon mulak,
Ndang boi Au so ! “ Dung I lao ma Ibana mardalan dao
Dijou birubiru, na tangkang, na lao
3. Tung hansit dalanna, sai ingot I, mangeahi na lilu i.
Pola tiris mudarNa, mabugang do angka pat,
Angka tanganna i. Sian ulu manetek mudarNa i.
O, Jesus Tuhanku, balga holongMi !
4. Dung I jumpang Jesus na mago I, na di haliluan i.
Dipaias ibana, diburu I dohot mudar na durus disi.
Na ro paluahon na mago i.
BE. 410. Na ro ma sahalak . BL. 270.
1. Na ro ma sahalak, tongon borngin I, tu Jesus Tuhanta
Manungkun boti : beha ma baeonku, ale Tuhan ki, naeng
Au sogot tu surgoi ? “ Na mangu la hi tubu, na mangu la hi
Tubu, tangihon ma I, nama bongot tusi, tung na mago I, a so i.
2. Tuhanta mandok : So tung longang roham,
Mangido ho sahat tu surgo langkam,
Sai tubu ma ho sian ginjang tahe,
Laos I do na sahat, ndang murak be. “ Na mangulahi…………
3. “ Tardidi do ahu, marminggu tongtong,
Burju do rohangku luhut ma bolong ? “
Tuhanta mandok : So tung lilu roham.
Ndang tuk holan I, ias saut tuam . “ Na mangulahi…………….
4. “ Matoras dagingku, beha nama I,
Beha hatutubu dibaen tondi I ? “
Dompakkon ma Jesus siporsan dosam
Tung Saut ho martua, ias roham ! “ Na mangulahi…………….
5. Na holong do roha ni Debatangki,
AnakNa sasada, dilehon do i.
Ndang mago au sogot, ai pos rohangki
Di gogo ni mudar ni Jesuski. Na mangulahi…………………
BE. 411. BL. 274. : Nang pe rara dosamu.
1. Nang pe rara dosamu ias dibaen mudarhu.
Dibaen mudarhu . Na dapdap songon ha sumba songon I tak do.
Nang pe rara dosamu, nang pe rara dosamu, ias dibaen mudar hi,
Ias dibaen mudarhu.
2. :,: SoaraNa manjouhon : O, pauba rohamu ! :,:
Ai na asi do rohaNa sai dipio ho !
SoaraNa manjouhon soaraNa manjouhon :
O, pauba rohamu ; o pauba rohamu !
3. :,: SesaonNa dosamu, ndang dibaloshon tu ho :,:
Tu Jesus ro, ho na loja, disi sabam ho.
Seasaonna dosamu, sesaonna dosamu,
Ndang di baloshon tu ho, ndang dibaloshon tu ho.
BE. 412. BL. 387. : Ndi di dolok adui.
1. Ndi di dolok adui silang ni Tuhan I, Sap mudar, sap tijur do i.
Jesus mate disi asa malum dibaen sude angka gondok roha i.
Dibaen I, tung holong rohangki mida silang di Golgata. I
Hupa solhot diringku tusi. Dompak surgo pardalanan ki.
2. Dileai jolma I silang ni Tuhan i. Hape, haluaon do i.
Nang godang dosangki, alai sesa do I,
Dibaen mudar na durus disi. Dibaen I,………………………
3. Na mabaor sian I mudar niTuhan I, na tau paiashon au on.
Tung na bernit ditaon Tuhan Jesus disi
Paluahon sude hita on. Dibaen I,……………………………
4. Hona insak do au, raphon silang au lao, saleleng di portibi on.
Songot tumpal, hape, siteanon muse
Ni na rap dohot Jesus dison. Bibaen I,………………………
BE. 413. BL. 275. : Hutanda haporusanki.
1. Hutanda haporusanki, na sonang, I ma silang i. Marende- ende au
Disi, ai au na ni a si an i. Par si lang mi, o Tuhan ki, do haporusan ki.
Par si lang mi, o Tuhan ki, tung sonang au disi.
2. Marlas ni roha ma disi do ganup na porsea I
Di paedengganan naung sun I, di hau na pinarsilang i.
Parsilangmi,………………………………………….
3. Mardame na marmusu I, di hau na pinarsilang i.
Na talu do sibolis I uju na mate Kristus i.
Parsilangmi,………………………………………….
4. Nang parungkilon bolon ro, manggaori au naung sonang do,
Boi monang jala sonang au marningot na mangkophop au.
Parsilangmi,…………………………………………
BE. 414. BL. 276. : Ingot na tau.
1. Ingot na tau patiur hon langkam
Sai tiru ahu pa posma roham,
Gomos tiop I tong-tong Jesus pangolu au on,
Dok ma hatam songo on :
Jesus pangolu au on tongtong tiopon ku ma ha ta on :
Au di pangolu to ngon !
2. Nang pe rara situtu dosami. Pola humolso roham,
Sai beta hita tu Tuhanta I, dung I topoti dosam.
Jesus, pangolu au on,……..
3. Godang pe musu rongom ro tu ho, na naeng mangago tu ho
Unang ho bobos, sai ingot mandok :
Jesus, pangolu au on ! tongtong………
4. Tung sura olo marilu matam. Marsak sandok rohami,
Tu Tuhan Jesus parapet roham, Sai apulonNa do I :
Jesus, pangolu au on ! Tongtong………
5. Di na lam merus luhutna di ho, Jumpang tutu ajalmi.
Satongkin nari ma sahat tu ho tumpal salelengna i.
Jesus, pangolu au on ! tongtong…………………
BE. 415. BL. 227. : Ai naeng malua ho.
1. Ai naeng malua ho sian dosam ? Gogo mudar ni Tuhan ta i. Tangkup
Ma I, asa sonang roham, na gogo tutu mudar i. Mudar I tuk Paluahon
Ho, Mudar I, mudar I, tung na gogo tung gogo do I, holan mudar ni Jesus i.
2. Naeng ho ias songon hapas, ale ?
Gogo mudar ni Tuhanta i. Nang ramun ho, boi bontor ho muse,
Ai ias dibaen mudar i. Mudar……………..
3. Nunga magigi ho di bangkomi ?
Gogo mudar ni Tuhanta i.
Sai hamonangan sijaloonmi hinorhon ni mudarna i. Mudar…………………….
BE. 416. BL. 403. : Tu joloM o Debatangku.
1. Tu joloM o Debatangku ! Sai use do rohangkon.
Sai pasiat tangiang ku dohot ilu I lungkon.
2. Husolsoli do rohangku, na gok dosa I tongtong ;
Ai godang ariaringku na hubahen ambolong.
3. Sai jotjot do hutandingkon dalanMi na tigor I ;
Kristen au, hape hutondong dalan hamagoan i.
4. Ala nii tungki rohangku jongjong di adopanMi ;
Sai asi rohaM, Tuhanku, sesa nasa dosangki !
5. Haburjoun dimangmangkon rohangkon nuaeng di ho ;
Naeng tu surgo hutujuon, Jesus, taiti au gogo.
6. Mangihuthon Ho, Tuhanku, ima Ias ni rohangki ;
I ma naeng padanhononku, dok ma amenMi disi !
BE. 417. BL. 278. : Rade situtu haluaon.
1. Rade situtuhaluaon, na naeng tangkuponmu antong. Rade nang di ho ha tu-
A on, si halas ho non mu tongtong. Bernit do di taon Tuhanmu pasehon dosam
Sasude. Tung unang paujat Ibana, Sai jangkon pangkophopNa i.
2. Patedek sude hahurangan, topoti sandok dosami,
Pangido : Sai sesa o Tuhan, sude pangalaosionki.
Daidati, sai saut botoonmu naung sesa dosam sasude ;
Mardame dagingmu nang tondi, maniop tongtong Tuhan i.
3. PangkophopNa I parangehon, pasangap Tuhanmu antong .
Ibana buas mangalehon tu ho hasonangan tongtong.
Sandok sian holso malua, nang sian biarmu sude,
Sonang nama ho na martua, mangkirim tongtong surgo i.
BE. 418. BL. 228. : Sasude hadosaonmu.
1. Sasude hadosaonmu, hamagoanmi, sai tinggangkon tu Jesus mu, Tuhanmi.
2. Bereng, pangkulingi Jesus, na tarsilang i.
Tu Ibana ma pabulus rohami
3. Dosami do pinorsaNa, a, hansitna i.
Ingot holong ni rohaNa, tiop I !
4. Hasonangan ni rohamu, pangkophopNa i.
Naeng mardame ma langkamu, tuanmi !
BE. 419. BL. 279. : Ho na marsak roha i.
1. Ho na marsak roha I, rotu silang I, Boan nasa arsak mi tu parsilang i.
Sai usehon rohami, ai di bege Jesu i.
Silang ni Tuhan mu do haporusan mi.
2. Topot parasian I di parsilang i.
Sai maporus ma tusi, Jesus do disi.
Nang jorbut dosam ale, Jesus mangurasi be.
Silang ni Tuhanmu do haporusanmi.
3. Tung humophop ho, ale, mate Jesus i.
Sae dosam dibaen tahe di parsilang i.
Na mabaor do ngolumi sian halu parsilang i.
Silang ni Tuhanmu do haporusanmi.
4. Uli ni barita ni na tarsilang I !
Ngolu dapot ho disi dibaen Jesus i.
Hasonangan, dame pe, tohapmi disi, ale !
Silang ni Tuhanmu do haporusanmi
BE. 420. BL. 280. : Huboan do dosangku.
1. Huboan do dosangku tu dolok Golgata. Maheu do rohangku, hansit hu hilala.
Godang ha huranganku, hansit do dangolhon, sai tatap au, tuhanku, apuli
Rohangkon, apuli rohangkon.
2. Ajari au mangolom, hau pinarsilangMi,
Asa tiur na holom, dung sesa dosangki.
Paringkot ma rohangku, pasangap asiMi
:,: Asa tung Ho dipuji sude parulanki.
BE. 421. BL. 281. : Marsomba au joloMon.
1. Marsomba au joloMon, ponjot, targogot rohangkon, dibaen godang ni
Dosangkon, sai jangkon dohot au, sai jangkon ma au, on, na ramun diringkon, tung
Pos do rohangki di Ho. Dijangkon Ho au on.
2. Ndang haurupan au au on, na busuk nama rohangkon,
Alai hutangkup hatamon : Sai ro ma ho tu Au. Sai………………..
3. Na ganggu jotjot rohangki, na denggan, ndang huula I,
Tung sada haporusanki : Tu Ho nama au ro. Sai………………….
4. Ndang boi denggan be diringki, sai baen imbaru rohangki,
Tung tuk Ho patupahon I, umbaen tu Ho au ro. Sai……………….
BE. 422. BL. 282. : Na ro do au.
1. Na ro do au, o Tuhan ki, ndang hupa denggan diringki, mudarMu haporusanki,
Tung ho do pos ni rohangki.
2. Ndang hupadenggan diringki, Ai tung na so hasea I,
Na holom au, sap dosa i. Tung Ho do pos ni rohangki.
3. Ndang hupadenggan diringki, gok solsol dohot arsak i.
Tu Ho sambing do siholhi ; ai Ho do pos ni rohangki.
4. BagabagaM do tungkothi, I ditiopi rohangki.
Dijangkon Ho prdosa I, tung pos do rohangki disi
5. Ndang tulahonMu na ro I, nang pe rara dosana i.
Nunga tarapul rohangki, Tung las rohangki disi.
BE. 423. BL. 283. : Na ro ma borngin i.
1. Na ro ma borngin I, arian nunga salpu,
O Jesus, Tuhanki, Patiur ma rohangku,
Ai hatiuron do na di bagasan Ho.
2. Godang na so ture hubahen ulaonku,
Dibilang Ho sude, tarsurat tu bukuMu.
Molo hupingkir I, huuhum diringki.
3. Na marsak rohangki dibaen godang salangku.
Asi ma rohaMi, sai sesa ma dosangku.
Songon si Petrus I, solsol do rohangki.
4. Tung sura mate au, tu uhum nama au.
Ringkot partohap au di Ho, Ale Tuhanku.
Huphupi dosangki, sai lehon asiMi.
5. Tung sura borngin on buatonMi hosangku,
Jagahon ma au on, pasahat tu lambungMu.
Tu tanganMi tahe nuaeng au nang muse.
BE. 424. BL. 284. : Soara ni Tondi.
1. Soara ni Tondi ni Tuhanta I jot-jot dilao si, ditulak ho i. Sai
Tanda jeamu, pauba roham, dapothon Tuhanmu, si sesa dosam.
2. Marunduk ni roha tapoti sude,
Pambaenanmu na torbang, jengkelmu sude,
Pasahat tu Jesus sandok dirimi.
Sai tong pasunggulhon pangkophopNa I
3. Tangihon hataNa, parguru ma I,
Rajumi ruasmu ginomgomNa i.
Pangido : Sai lehen tu au tondiMi,
Pargogo, mangula sandok lomoMi.
4. Tarsoar ho mardosa, manurut lomom,
Tung unang datdati, sai alo langkam.
Dompakkon Tuhanmu, Pargogo do I,
Manesa, pamalum sude dosami.
5. Sai tiop tanganNa, pangido ma on
Ramoti padungo, au siseanMon,
Pasada rohangku manggolom tongtong
HataMu na sintong, patogu au on.
BE. 425. BL. 285. : Batu mamak di au on.
1. Batu mamak di au on, hupasat tondikon, tu aek dohot mudarMi,
Na ro sian lambungMi ; Sipalua au do I sian pardosaonki.
2. Na nidok ni patik I maol diula jolma I,
Nang na ringgas situtu, tangis ala naeng burju.
Nda tung sesa dosa I baenon ni na songon i.
3. Ipe, hehe au nama, lao tu dolok Golgatha,
Tu hau pinarsilangMi, ale Jesus, Tuhanki !
Unang tulak sian I au na marsak roha i.
4. Tung saleleng au dison, manang tos pe hosangkon ;
Molo ro ajalhu I, nang diparuhuman I,
Batu mamak di au on, sai di Ho ma Tondingkon.
BE. 429. BL. 289. : Portibi torus binolus.
1. Portibi torus binolus, tung godang do uli na I . Matua so olo do sombu ha
Si si hol ni roha disi.
2. Tu jae nang tu julu iba, na humaor do sasude.
Holsoan pasarisari, na tau hangoluanna be.
3. Sihol do atong rohana di arta, di sangap pe,
Alai na andul sumurung ditoishon rohana dope.
4. Adong do paradianan di luhutna na sorat I,
Arahon tusi angka dongan, sombu do siholna disi.
5. Sai topot paradianan, na nirade ni Debata,
Marhite Tuhanta Jesus tarsilang di Golgata i.
BE. 430. BL. 290. : Ai ditanda ho mual I
1. Ai ditanda ho mual I, nama baor sian Golgata I ? Sian na tar silang disi, na mang
Kophop ho pardosa I ? Nang balga dosam, sae do I, disalpui dosami nang ulum,
Na gu mogo do Tuhanmi, nunga saut dilisathon musum. I as do di baen, ro hangkon
Nuaeng Jesus do parmonang disi, diburi nuaeng rohangki.
2. Tung na hansit na tinaon ni Tuhanki di hau parsilang I,
Tung punjung mangae Jesuski, ndang bolong panghophopNa disi.
Lao ma au maporus tusi, asa malum disi rohangki.
Holan mudar ni Tuhanki boi mamuri ias tondiki, Ias do dibaen………….
3. Tung na dao do au sian Ho, ale Jesus na manghophop au,
Ro, sai abing au, o Tuhan, mudarMi na mambaen malum au.
MudarMi sambing ubathi, mansai pos roha di gogoMi.
Haporusan na sonang I, I ma mual na di lambungMi. Ias do dibaen……..
BE. 431. BL. 291. : Adong na jolo sada ina.
1. Adong na jolo sada ina naro tu Jesus I, Di jama rambu ni ulosna, tung pintor malum i.
Gomos ma tangkup Ibana, gomos haposi I, malu dohot tondimi di bahen Jesus i.
2. Barani ho sai ro jumonok tu Jesus Tuhanmi.
Paboa ma sude na hansit, sudena sahaitmi. Gomos……………………..
3. Paboa nasa hasintongan, paullop ma sude,
Ndang tulahonNa angka jolma, pardosa godang pe. Gomos…………….
4. Dung malum ho sian sahitmu dibahen Jesus I,
Paboa ma sude basaNa tu angka dongan i. Gomos………………………
BE. 432. BL. 292. : Sian hurungan ni dosangki.
1. Sian hurungan ni dosangki ro au tu Ho,
Ro au tu Ho. Tu haluaon di mudarMi Jesus au ro tu Ho Nasa rohangku malum, hipas,
Gabe mamora, nang pe pogos, Sian jeangku ro au tu Ho, Jesus au ro tu Ho.
2. Sian ilangku, nang ramunhi :,: Ro au tu Ho :,:
Gabe na ias nang rohangki, Jesus, au ro tu Ho.
Sian holsongku tu sonangMi, sian runduthu tu dameMi,
Sian arsakku tu holongMi, Jesus, au ro tu Ho.
3. Ganggu ni roha, tading mai, :,: Jesus au ro :,:
Sai haposanku ma hataMi, Jesus au ro tu Ho.
Ndang pandelean ni rohangki, Sude huauphon tu holongMi,
Gabe martua, las rohangki, Jesus au ro tu Ho.
BE. 433. BL. 293. : O Tuhan sai topot au.
1. O Tuhan sai topot au, pa ias manang rohangki ! Mudar Mu mangura si par jahat i.
Mudar Mu mangura si nang na jumahat i. Di hop-hop Ho au on, di hop-hop Ho
Au on, di hop- hop Ho au on.
2. Ias ma au, malua ma, mangungkor au tu MudarMi.
MudarMu mangurasi………..
3. Ho naeng ihuthononku do, tu Ho hulehon diringki.
MudarMu………….
4. Porsea au nuaeng gi Ho, dihaholongi Ho nang au.
MudarMu………….
BE. 434. BL. 388. : Tuhan Jesus bereng au.
1. Tuhan Jesus bereng au dison, ro ma au marsomba tu joloM. Mansai leleng au manjua
Ndang tar bahen au martua. Dilului Ho, ale Tuhan, au, di I hut hon Ho au tu na dao
Naung dapotan au di Ho, Tuhan, dison do au.
Sae dosangku dibaen Tuhanki, monang au dibaen mudarNa i. Gogo do dilehon
Tuhanki di au, di au.
2. Mago au dibaen portibi on, daging, tondi dohot rohangkon.
Holan Jesus paluaohon saluhut na tinaluhon.
Gok doi ai nuaeng di Tuhanki, sirang ahu sian dosangki.
Lam jonok tu Ho, ale Tuhan, sai taiti au.
Sae dosangku dibaen Tuhanki, monang au dibaen MudarNa i.
Gogo do dilehon Tuhanki di au, di au.
BE. 435. BL. 294. : Marolopolop tondingki.
1. Marolopolop tondingki ai naung di tobus Jesus i.
Hamu sude, bege ma I, sai las ro hangku mandok I Sonang ni ting ki I,
Dung jumpang Jesus Tuhanki ! Tondi na manga ja ri au, tarbaen marlas
Ni ro ha au ! Sonang ni tingki I, dung jumpang Jesus Tuhanki.
2. Dihaol holongna rohangki, tung na so boi be mago i.
MataNa do manatap au, pinggolNa tumangihon au. Sonang ni………….
3. Tu Jesus sahat ngolungki saleleng ni lelengna i.
Rap dohot au endehon ma endengku na imbaru da. Sonang ni…………..
4. O rohangki, sai tahan ma, ditobus ho, ihuthon ma
I ma tutu, nang mate ho, tu surgo do ditogu ho. Sonang ni………………
BE. 436. BL. 389. : Ai adong do Tuhanku.
1. Ai adong do Tuhanku, na mangkophop au, na tar pajal tu silang do i.
Tung humop-hop au on do durus mudar I manghup ku pi sude dosangki.
Tung tar pajal nuaneg angka dosa dibaen, nasa arsak ni rohangki non.
So tung lupa be I, basa ni Tuhanki ni asi an tu ton ding kin non.
2. Ndang adong hamagoan tu tondingkinon,
Saluhut do ditaon Tuhanki ; Ai diburi do au, tung ias rohagki,
Dibaen Jesus, panghophopNa i. Tung……………
3. Hupasolhot rohangku tu Tuhankinon,
Ai ditobus Ibana do au. Hu paboa tongtong na binaenna tu au.
Asa dohot tu surgo au lao. Tung………….
BE. 437. BL. 390. : Tung na muba do rohangku.
1. Tung na muba do rohangku dibaen Tuhanki, dung Jesus ma ringan di au. Nunga
Sonang au on, tung dame rohangki, dung Jesus ma ringan di au.
Dung Jesus maringan di au, dung Jesus marinagan di au, tung sonang do au, dung tu
Jesus au lao, dung Jesus marinagan di au.
2. Au na lilu hian dapot sambulongki.
Dung Jesus maringan di au. Nunga sae dosangki dibaen mudarNa I,
Dung Jesus maringan di au. Dung Jesus………………..
3. HaroroNa hutagam, ndang uhum tahe,
Dung Jesus maringan di au. Dohot au ma partohap di sangap muse.
Dung Jesus maringan di au. Dung Jesus…….
BE. 438. BL. 391. : Beta sai taendehon ma.
1. Beta, sai taendehon ma Tuhanta Jesus i. Hosana di use hondo mang
Kop-hop jolma i. Mudar ni Tuhan I do ha ngo lu an ki. Tung dame jala las do ro hang-
Ki. Tung mudar ni Tuhanku do mamuri rohangki, marolop tondingki marningot
AsiMi. O hatua on I, na so boi salpui ! Hu mophop au do mate Tuhanki
2. Goar na asing ndang adong na doshon goar ni Tuhanku
Jesus Kristus, dipamalum rohangki.
O ho na marsak I, sai ro tu Tuhanmi.
Nang ho boi malum dibaen Jesus i. Tung mudar………..
BE. 439. BL. 295 : Las ni rohangkon.
1. Las ni rohangkon, Ai sadari on do di jangkon Jesus au, pardosa on.
2. Sai hatop ho ro, ai rade di ho haluaon,
Dame pe adong di ho.
3. Solsol arsak pe, mate ma sude,
Jesus ma baen tohapmi, tiur sude.
4. Ai di tingki on dame rohamon,
Tangkup Jesus, Tuhanmi, sadari on.
BE. 440. BL. 296. : Sai puji ma Tuhanta.
1. Sai puji ma Tuhanta Jesus Kristus. Pasangap ma, lomo na ma patulus, Pinujima
Goar Na, da !
2. Na sahat ma endeta tu joloNa.
Na metmet ma nang angka na umbalga.
3. Ndang pande au mamuji Ho, o Tuhan,
Alai dibege Ho au, ale Tuhan,
Pinuji ma goarNa, da !
4. Ndang leleng be tu Ho ma sahat hami.
Disi uli begeon endenami.
Pinuji ma goarNa da !
BE. 441. BL. 297 : Di au Tuhan Jesus.
1. Di au Tuhan Jesus, na salpu do sudena, na dok dok, nang uhum tu au.
Ringkot do rohangku mar ha to pothon, Jesus ku, Tuhanku, di tobus Ho au,
Disesa Tuhanku, do ang ka do sang-ku. Nang ho, ale dongan, di tobus nang ho.
2. Di au do damena, na sonang do rohangku.
Mangolu, nang mate, di Jesus au on.
Di ribur ni tano, nang las ni roha,
Ndang dapot damena, rumur rohangku. Disesa………….
3. Di au dohot surgo, sude hasonangan
Hirohon ni Jesus, ale donganki.
Sai golom mudarNa, naeng ho partohap
Di sonang ni roha na sumurung i. Disesa…………….
BE. 442. BL. 392. : Najolo tung na loja
1. Na jolo tung na loja do langkang ki di son. Mar sa hit do rohangku dibaen portibion
Tarhirim au, ai salpui luhut di tano on, Paima ro Tuhanki non manjou na sorat on.
Na salpui do I, na salpu do I, ndang di jujur dosangku tu au. Tung sesa do I dibaen
MudarNa i. Ndang ditulak Tuhanku be au.
2. Ai arsak ni rohangku tung salpu do nuaeng.
Mangotap angka rante ni dosa I dibaen.
Tuhanku na lao mate di hau parsilang I,
Ibana paluaohon au, martua rohangki. Na salpu…………
3. O donganki na mago, ndang sonang rohami,
Sai dilului ho dame, hape, so dapot i.
Tu ho di jouhon Jesus, na holong roha I :
“ Di au sambing ma dapot ho paradianan. “ Na salpu……..
BE. 443. BL. 393. : Dung Tuhan Jesus.
1. Dung Tuhan Jesus nampu au, songgop dame na, biar hu lao,
Taripar gogo ngoluna I, nasa dosangku naung sae do i.
Tabari tahon holong-na i. Didia Tuhan, tudoshon I ? Tuk manum pahi, tarlobida ?
Sasada Jesus pinujima !
2. Di Ho ngolungku ! Las rohangki jumolo Jesus siluami.
PangiringonMu, tolongMu I, mangalo dosa nang rohangki.
Tabaritahon……..
3. Hibul ma ahu, Jesus di Ho, sonang rohangku, tarapul do.
Mian di ahu ma baen hataMi, paima das au tu lambungMi
Tabaritahon……..
BE. 444. BL. 404. : Bona ni ngolungku.
1. Bona ni ngolungku Ho do I, ha la-las ni roha, Tuhan-ki, sian Ho do nasa gogongki.
Mual ni na denggan, Ho do i.
2. Jesus, Ho do haholonganki, hatiuron sian ginjang i.
Holan Ho tongtong pujionki.
Mual ni na denggan, Ho do i.
3. Jesus, Ho do hasonanganki, na mamboan au tu surgo i.
Holan Ho do dalan lao tusi. Mual ni na denggan.
Ho do i.
BE. 445. BL. 405. : Sai ingoton ni rohangku.
1. Sai ingoton ni rohangku hansit naung ditaon Tuhan-ku uju I di Golgata.
2. Na so dung adong salana,
Gabe ampe tu Ibana dosa ni portibi on.
3. Tung so dapot huhatahon
Haporusan na ditaonhon, holan ala dosangki.
4. Ingkon Ho sai oloanku
Sipangolu au, Tuhanku, sian nasa rohangkon.
BE. 446. BL. 406. : Ho ma di au
1. Ho ma di-au, di ho ma au, hot ma par-sa-oran-ta, unang dao Ho si-an au,
a-le Si-pa-ngo-lu.
2. Di au ma Ho, sasada Ho na boi hangoluanku.
Sian Ho sambing do ro dame dohot gogo.
3. Marhite Ho mansohot do sude pardangolanku :
Ai dibuat hataMi arsak ni rohangku.
4. Dagingku pe, dung mate be, managam haheheon,
Ai naung talu do sude, dosa, hamatean.
BE. 447 Logu. 298. : Ho mual hangoluan i.
1. Ho mual hangoluan I, na tubu sian
Patar dibaen Ho balga ni holong ni roha
Ama I, Tuhanku Jesus Kristus,
Nagok I, na sai mauliutus,
Tung namalungun tondingki di asi
Dohot holongMi, sai ro pabosur ahu
2. Ho, mual hangoluan I, sombu dibaen Ho uashi,
So dung tinulak ahu. Na ro au jala hutahui aek tabar I
Na gogo I, na pahisarhon ahu, lao manaluhon diringki,
Nang ro pe hamatean I, Ho do hangoluanku.
3. Tung na malungun rohangki di Ho, o Jesus. Tuhanki,
Masihol au tu ginjang. Dung sahat au tu lambungMi,
Sai inumonku mual I, las roha ndang hapalang.
Antong todingku, tahan ma,
Nang arsak dibaen Debata di tano on jambarmu.
4. Marolopolop rohangki, mamujimuji Tuhan I,
Rade do hatuaon. Tandingkon nasa holsomi,
Hinsa na tuhuk silangMi, tongkin do sitaonon.
Haposi bagabaga I, godang do sihirimonmi di lambung ni Tuhanmu.
BE. 448. Logu. 299. : O Tuhan Jesus Ho do.
1. O Tuhan Jesus, Ho do mamorsan
Mate do Ho di hau pinorsilang,
Nasa dosangku nang uhum I ! Sai Ho sambing nam-
Sun do dibaen Ho ulaonMi
Puna au on, Ho hu Ihuthon di tano on,
Ho do damengku, Ho do ngolungku,
Ho hatiuron ni rohangki diholongMi.
2. O Tuhan Jesus, tangkup tanganku, tiop gomos tongtong rohangki.
Ndang boi tarrampas au, hinophopMu, sian tanganMu na gogo i.
Di ragam ni parsorionki Ho hamonangan, Ho gogongki.
Sonang rohangku, sai ingotonku
Au hinophopmu na arga I di silang I,
3. O Tuhan Jesus, Ho do ngolungku au pinangolu ni mudarMi,
Angka na loja, angka na sorat, Boi maradian di lambungMi.
Sai pujionku Ho, Tuhanki, ala Ho mate di silang i.
Di sitaononku, parungkilonku,
Tangkas hubege di jouhon ho : Hatop Au ro !
BE. 449. Logu. 300. : Sai solhot tu silangMi.
1. Sai solhot tu silangMi, Jesus Ingananku.
Mual na mabaor disi, I ma I nu mon ku
SilangMi, Tuhanki I ma pujionku,
Paima sogot sahat au, I endehononku,
2. Lao ma au tu silangMi, I haporusanku.
Sai asi ma rohaMi unang tulak ahu. SilangMi…………..
3. Domu ma tu silangMi, I ma tioponku.
Asa unang lilu au, Ho ihuthononku. SilangMi…………..
4. Laos maniop silangMi sai paimaonku
GokkonMi tu surgo I, tu siteanonku. SilangMi…………
BE. 450. Logu. 301. : Tung na tarapul do.
1. Tung na tar-apul do rohang kinon,
Godang basa-na dilehon tuau,
Dihaholongi Tuhanku au on.
Tung na umarga holong Na di au.
Las rohangki, holong Jesus I,
Jesus di au, Jesus diau, Las rohangki, ho
Long Jesus I tongtong di au, di au.
2. Tung na jotjot marsak rohaNa I ala dosangku na sai godang I,
Dung hutopoti sude dosangki, ias do ahu dibaen mudar i.
Las rohangki……….
3. Ndang mubauba haholongon I, ndang boi mansohot pangkophopNa i.
Tung mate Jesus mangkophop au on, nang di ngoluNa ditiop au on.
Las rohangki……….
4. On ma endengku saleleng dison : Holong ni roha ni Jesus inon,
Sai Haposanku pangkophopNa I, sahat tu surgo hugolom do i.
Las rohangki……….
BE. 451. Logu. 302. : O Tuhanki di goarMi.
1. O Tuhan ki di goar Mi do
Hasonanganki. Tarapul au di arsakki, Ho Jesus gogongki
2. Na malum manisia I dibaen goarMi,
Na ganggu roha sonang do dibaen Jesus i.
3. Maporus au tu goarMi, di pangujunan i.
Sumurut do sibolis I dihorhon goarMi.
4. Na loja diabing Ho, na gogo tanganMi,
Paima sahat au tu Ho, hu puji goarMi.
BE. 452. Logu. 303. : Na ro pandaoni bolon.
1. Na ro pandaoni bolon I, I ma Tuhanta
Didaoni na marsahit I, hisar dibahen
Jesus Jesus. Uli ni barita I, las ni roha
Jesus
Bo-lon I ! Sai di pu-ji ro-hang-ki Je-sus, Je-sus.
2. Tung sae do I sude, ai nunga mate Jesus.
Ndang jujuronNa I muse, parholong roha Jesus. Uli………
3. Na hansit na di rohangki dibuat Tuhan Jesus.
Antong, hamuna donganki, hatop ma ro tu Jesus. Uli…….
4. Di ari harroNa I boi idaonoku Jesus.
Suksuk las rohangki disi, dung domu au tu Jesus. Uli……
BE. 453. Logu. 304. : Sada goar na umuli.
1. Sada goar na umuli sian nasa goar I, goar ni Tuhanta Jesus, I do na umuli
I, goarMi, Tuhanki, holan I do endengki, goarMi, Jesuski do pamalum rohangki.
2. Tung na malum do rohangku, nunga sonang tondingki,
GoarMi do sinjatangku dompak angka musu i. GoarMi……….
3. Sipalua do goarMu, saut malua tondingki.
Nasa rante ni sibolis ingkon sega baenon nii. GoarMi…………
4. Sai endehon ma goarNa, burju hatindangkon I,
Paima sahat hita sogot lao sumomba Tuhan I. GoarMi……….
BE. 454. Logu. 305. : O Tuhan Jesus holong.
1. O, Tuhan Jesus holong do rohangku mida Ho, Tung mansai sonang rohangki
ala tu Ho au ro. Tung logang au di holongMi, ndang boi hudodo i. Ias tutu
do rohangki dibahen mudarMi.
2. Adong pe na solhot tu au. Sumolhot anggo Ho.
Andul sumintong holongMi umbaen tu Ho au ro.
3. Rohangku baen ingananMi tung las do rohangki.
Aut unang soluk holongMi, sai marsak tondingki.
Tung…………………..
4. O Tuhanki sonangna I dung rap au dohot Ho.
Beha ma sogot tuangki. Sai pujionku Ho.
Tung……………………
BE. 455. Logu. 306. : Tung na ringkot.
1. Tung na ringkot paboahon na binaen ni Jesus i. Angka dosa ni rohangku tung di
Buri Je-sus i. Di na mate Tu-han Je-sus, au do hinophopNa i. Ala.
Au do mate Jesus, au di ri Jesus i.
2. Mago songon birubiru, na tardempar tu na dao.
Diusehon do damena di na marsiulak au.
3. Tung marsahit do rohangku di na leleng lilu au.
Nunga malum huhilala dung didaoni Jesus au.
4. Jumpa tarsulandit pathu, di rahis ni dalan i.
Tung na gogo do tanganNa, lao maniop tanganki.
Di na mate…..
5. Ndang tadingkononNa ahu, di na homur matangki.
Tung di rura hamatean idaononku Jesus i.
Di na mate…..
BE. 456. Logu. 307 : O Tuhanku, Ho jambarhu.
1. O Tuhanku, Ho jambar hu, las ni rohangki
Ho damengku, Ho ngolungku, hatuaonki
2. Aut so Ho jambarhu, Jesus, tung tu dia au ?
Hamagoan bagianku, ingkon mago au.
3. So padohot Ho Tuhanku ingkon lonong au
Tu bagasan gambo lisop, ingkon mago au.
4. Sai baluti ma rohangku dohot holongMi,
Asa sonang maradian au hinophopMi.
5. Ro pe dohot pangunjunan, boi do sonang au,
Martubuni au tu Jesus, na mangkophop au.
6. Ho, o Jesus, do marporang, au hohom nama.
Diondihon Ho, Tuhanku, au tu Debata.
7. IringiringonMu ahu dohot tanganMi.
Paima sahat au tu surgo, na di ginjang i.
BE. 457. Logu. 308. : Bagas ni haholongan.
1. Bagas ni haholongan naung sun hinaholongkon ni Debatanta I tu hita jolma i.
Na tuat do Anakna tumopot hita jolma. Hupuji holongMi, na so mansohot i.
Hupuji holongMi, na so mansohot i.
2. Diporsan do dosanta, targantung do singkatta
Di hau parsilang I, songon parjahat i.
Na mate do Ibana, hita pinaluaNa.
:,: Hupuji holongMi,….
3. Na hehe do Ibana, tung saut bagabagaNa,
Parmonang Jesus I di paraloan i.
Nang hita pe partohap di ngolu na so monjap
:,: Hupuji holongMi,….
4. Manaek muse Tuhanta tu lambung ni Amanta,
PangondihonNai tarbege do disi.
Ringkot tongtong rohaNa manait pinaluaNa.
:,: Hupuji holongMi,….
5. Rohanta diingani, TondiNa mandongani
Sudena jolma I, naung siseanNa i.
Sai I do disarihon, tu surgo ditogihon
:, : Hupuji holongMi,….
6. Na mulak ma Tuhanta ; tu langit an langkanta
Tusi tatomu ma Tuhanta Debata.
Dung I disi sambulonta tandap siteanonta.
:,: Hupuji holongMi,….
:,: Hupuji holongMi,….
BE. 459. Logu. 310. : Sonang do langkangku.
1. Sonang do langkalangkangku, lao mamolus tano I, Ndang boi sirang be
Rohangku sian Jesus, Tuhanki, jala ro pe habahaba manang hali
Sungsung pe Holan Tuhanki hu bereng ga-be demak I mu-se
2. Uju mate Tuhan Jesus di hau pinarsilang I,
Dohot au disi ditobus, ala ni las rohangki.
Dibaen I hibul hulehon daging dohot tondingki.
Tuhan Jesus napunasa, tung so boi be sirang i.
3. Malum au dibaen bugangNa I, ias dibaen mudar i.
Tung na sonang do rohangku, Jesus pardameanki.
Dihosomi jolma ahu insahinsak ndang boi so.
Halehon ni Tuhanku olo porsanonku do.
4. Jala ho, ale donganku, tongtong loja, sorat ho.
Dohot ho mangido sonang, hatop ma tu Jesus ro.
Holan Jesus pasonangkon rohami na marsak i.
AmbingonNa ho, na loja, ro tu ampuanNa i.
BE. 460. Logu. 319. : Ala ni Tuhan Jesus.
1. Ala ni Tuhan Jesus maren deende au. Asi tongtong rohaNa nang
Pe pardosa au. Ibana na padomu au dohot Debata. MudarNa
diusehon di dolok Golgata.
2. Ala ni Tuhan Jesus mamujimuji au.
Holong tongtong rohaNa, holong marnida au.
Godang do hasusaan di hasiangan on,
Asal ma di tanganNa na sonang au tongtong.
3. Ala ni Tuhan Jesus, maropolop au,
Ibana huihuthon manang tudia lao.
Ibana do patogu, pasada rohangki.
Ro di banua ginjang sai Jesus donganki.
BE. 461. Logu. 407. : Songgop tu hami.
1. Songgop tu hami na di joloMon, o tondi, ni
Debatangki. Uhir patikMu tu rohangkinon,
O Tondi ni Debatangki. Bereng siholhu di haroroMi,
Molo Ho ro, nda hisar ton-dingki. Didihon ma tu au on
apiMi. O Tondi ni Debatangki.
2. Suru TondiM paluahon au on. Palua ma, o Debata.
Bereng dagingku, tondingku dison, palua ma, o Debata.
Dao ma pangambat di soaraMi, hisap ni daging, sandok diringki,
Na mangarsahi tongtong TondiMi. Palua ma, o Debata.
3. Lehon hataM, I ma tau podangki, Debatangki na gogo I,
Asa sai talu sude musuMi. Debatangki na gogo i.
Mangkatindangkon tongtong goarMi, asa malua pardosa disi,
Asa dijangkon Tuhanta ma i. Debatangki na gogo i.
BE. 462. Logu. 311. : Ale Tondi Parbadia.
1. Ale Tondi Porbadia, sai songgopi hami on.
Rohanami ma paria lao mamuji Ho tongtong.
Ho tongtong, Ho tongtong, lao mamuji Ho tongtong.
2. Debata ni hangoluan, lehon hangoluan i.
Sunggul sian partangisan saluhut na mate i. Saluhut, saluhut.
3. ApiMi sai lam pagalak, sondang di na holom i.
Asa las, tiur ma halak. Lam pita huriaMi. Lam pta, lam pita.
4. Jesus Kristus, tangi, bege, dok ma amenMi disi,
Suru ma tu rohanami hagogok ni TondiMi. Hagogok, hagogok.
BE. 463. Logu. 312. : PasupasuM tongosonMu.
1. PasupasuM tongosonMu I do didok hataMi, Suru tondiM na badia, bosur ma baen rohangki.
HagogoonMu songgop ma tu rohangkon.
Unang sai holan manetek, gohi sandok diringkon.
2. Buat ma angka pangambat, unang songsong dalan i.
Mual ni aek hangoluan ringkot do di rohangki.
HagogoonMu………………………..
3. Bereng ma sai hupaima, nunga rade rohangki,
Guru di Ho ma ngolungku, dohot au tinobusMi.
HagogoonMu………………………..
BE. 464. Logu. 313. : Huboan ma diringku.
1. Huboan ma diringku, Tuhan, hibul tu Ho. Ai au do tinobusMu,
Umbaen tarbaen au ro. Pagalak ma rohangku, dison managam, au
Tondi Mi ma suru, na boi manggomgom au.
2. Ho sipalua ahu, sun hinagogoMi HataM do huhaposi,
Na so boi muba i. Pagalak…..d.u.
3. Ias do au diburi Ho, ale Tuhanki,
Naeng dohot parulanku hombar tu hataMi, Pagalak…d.u.
BE.466. Logu.314. : Nunga ro au.
1. Nunga ro au. O Tuhanku tu hau pinor
Hu pelehon ma diringku upa halo
SilangMi. Hatuaon, Ias ni rohangki
Ja-on-Mi.
Ai hibul do hupelehon nasa diringki
2.Ndang adong naeng tioponku, saluhut tu tanganMi.
Maradian do tondingku dibagasan lomoMi. Hatuaon i……
3.Sai sahaphon tu tondingku Tondi Parbadia i.
JoroMi ma baen rohangku, sai ingani diringki. Hatuaon i…..
4.Sai gok Tondi ma rohangku, mate roha diri i.
Angka arta sian tano, ndang tusi be rohangki. Hatuaon i….
1. Nang gale dope rohangku, marsala gogoMi.
HolongMi mangiringiring ganup langkalangkagki. Hatuaon i…
2. Tung bagas do hahoholong ni rohaM, o Tuhanki,
Holan Ho huhaholongi, Ho nampuna diringki, Hatuaon i…..
BE. 467. Logu. 315. : Asi ni rohaM hupuji.
1. Asi ni rohaM hupu ji ala Ho manobus au. Di paIas Ho rohangku, ga-be soranganMu
Au. IngananMu rohanami. TondiMi manggohi i. Pangke dohot ngolunami gabe ulaulaMi.
2. Sai ramoti ma rohangku, asa boi gohanMu au.
Sai mabaor ma pasupasu nang marhite sian au,
IngananMu……..
3. Naeng huhatindangkon hami hagogoonMi tongtong,
Paluahon na mardosa, nang parjahat na bolong.
IngananMu……..
4. Sai papulik rohanami gabe pangoloi di Ho.
Asa marsahala hami lao mangkatindangkon Ho.
IngananMu……..
BE.468. Logu.247. : Adong do hasonangan i.
1. Di ganup luat mian tino busmi Tuhan. Tarbege pamujion di holong ni rohaM.
Di ru ra partangisan marolopolop do soara ni sisean naung monang dibaen Ho.
2. Ai ende na imbaru niendehonna i.
Di Golgata I tubu, di hau parsilang i.
Tinaon ni Tuhan Jesus dohot monangNa i.
Taruli di partobus na hinophopNa i.
3. Di dia pe pajumpang parroha songon I,
Sai tong do marsnondangpambaen ni Jesus i.
Ai I do diendehon pangalahona i.
Mura masitandaan dibaen dameNa i.
4. Andigan huendehon di surgo ende I ?
Andigan dokkononmu au on dohot tusi ?
Papungu anakkonmu, parade rohangki,
Tumopot adopanMu di hasangaponMi.
BE. 469. Logu. 316 : Di dia ahu tu dia.
1. Didia ahu, tudia laho torop donganku, Punjung langkangku
Jesus Tuhanku, Jesus Tuhanku.
2. Naung ro Tuhanku, girgir rohangku,
Lao pararathon, mangkatindangkon : :,: Jesus Tuhanku :,:
3. Di partubuNa, hamomoruna,
Di parmateNa, di parheheNa : :,: Jesus Tuhanku :,:
BE. 470Logu. 317 : Jesus ho nampuna au
1. Jesus Ho nampuna au Dohot na adong di au
Gogo dohot hosangki sahat ma tu tanganMi
2. Sai rajai ma matangki manangkasi dalanMi
Sai patinggil pinggolhi tumangihon hataMi
3. Dohot tanganki tahe naeng manjama na ture :
Dohot pat sai naeng tongtong mandalani dalanMon
4. Hata nang soarangki sai rajai ma dohoti,
Sai denggan huhut sintong baen hatangku sai tongtong.
5. Sere, arta, hepeng pe, buat ma di Ho sude:
Tondi nang pamatangki, ingkon Ho oloan nii
6. Pinangido ma tu Ho rohangki pe dohot do,
BahenonMu, Tuhanki, tong tu harajaonMi.
7. Na dihirim rohangki dohot haholonganki.
Sai tu Ho ma sahat I, sai na sonang I disi.
BE.471 Logu.318 : Hupilit Jesus donganki
1. Hupilit Jesus donganki lao mangoloi Ibana.
Nang muruk pe torop didi labangku do Ibana.
Di Ho ngolungku ro diajalhu Jesus di Ho au, mate, mangolu.
Di Ho ngolungku ro diajalhu Jesus di Ho au, mate, mangolu.
2. Arga ditobus tondingki, na mate do Ibana,
Ngolungku hubaen upa nii, lao mangoloi hataNa
:,:Di Ho ngolungku…
3. Rohangku baen ingananMi, patiur ma langkangku,
Huhatindangkon ma disi: Ho Jesus palitongku,
:,: Di Ho ngolungku…
4. Mangkophop goarMi dison, sai I las ni rohangku.
Dung sahat au di sorgo I, sai tongtong do dohononku:
Jesus ngolungku, hatuaonku, Jesus di Ho au nasa diringku.
Jesus ngolungku, hatuaonku, sangap di Ho, Jesusku, Tuhanku!
BE.472 Logu.408 : Sai malungun do
1. Sai malungun do rohangkudi Ho, ale Jesuski
Holan Ho haporusanku, topot bale balengki
2. Sagusagu hangoluan dipangido rohangki.
Ai na pogos au, o Tuhan, loja au didalanki.
3. Ndang adong siboanonku, ndang marisi tanganki,
Lehon Ngolu sian ginjang lao pasabam tondingki.
4. Pos rohangku, ale Tuhan, ndang pasidingonMu au.
PasautonMu bagbaga naung nilehonMi di au.
5. Asi ni rohaM, o Tuhan, sai manggohi diringkon.
Asa malum, asa sonang huhilala rohangkon.
BE.473 Logu.320 : Ariari sai ramoti.
1. Ariari sai ramoti au di mudarMi, di mudarMi.
Dosangku mate do di baen mudar na arga i.
Tu mudarMi, na arga i, sai maporus do rohangki.
Arian, borngin margogo do mudar na arga i.
2. Maradian do pardosa I di mudarMi, dimudarMi.
Na malum roha i di baen mudar na arga i
Tu mudarMi….
3. Dohot TondiMi sai gohi au, di mudarMi, dimudarMi.
Sai pujionku gogo ni mudar na argai.
Tu mudarMi….
4. DameMi do na manggohi au di mudarMi. Di mudarMi.
Sai hatindangkononku do mudar na arga i.
Tu mudarMi…
BE.474 Logu.321 : Ingkon Jesus do donganku
1. Ingkon Jesus do donganku, sahalangku lilu do.
Raphon Jesus boi au monang , talu musu I na ro.
Ndang mabiar au disi, Tuhan Jesus donganki,
Sai ihothononku Jesus, oloanku nama i.
2. Ingkon Jesus do donganku, molo marsitaonon au.
Tu Ibana hutinggangkon, nasa na pasorat au.
Ndang mabiar…
3. Ingkon Jesus do donganku, molo na tarunjun au.
Tuhan Jesus do parmonang, dipamonang dohot au.
Ndang mabiar…
4. Ingkon Jesus do donganku, molo ingkon mate au.
Holan mudar ni Tuhanku golomonku di na lao.
Ndang mabiar…
BE.475 Logu.92 : Tuhan Jesus Siparmahan
1. Ho tongtong ihuthononku Jesus, sipangolu au.
Tung na so tadingkononku Ho na paluahon au.
Sai marguru au tu Ho, sai marguru au tu Ho,
Ho tongtong ihuthononku Jesus, sipangolu au.
2. Tung di dia jumpang ahu Tuhan ada songon Ho ?
Na manogunogu ahu tu na sonang songon Ho ?
:,: Sai Marguru au tu Ho :,: Ho tongtong ihuthononku,
Jesus, Sipangolu au
3. Naong ditaon Ho hamatean lao humophop tondingki,
Asa masuk au manean tohap na sumurung i,
:,: Sai marguru au tu Ho :,: Ho tongotong ihuthononku,
Jesus, Sipangolu au.
4. Sai girgir tu Siparmahan angka birubiru ro.
Jesus, gok di rohangku, sai ihuthononku Ho.
:,: Sai ihuthononku Ho :,: Jesus, gok di Ho rohangku,
Sai ihuthononku Ho.
5. Jumpa masa sorimago tung pangapul Ho gogo.
Ia bogasMi huida, sai ihuthononku Ho.
:,: Sai ihuthononku Ho :,: Ia bogasMi huida,
Sai ihuthononku Ho
6. Dokkon ahu suruanMu, ai hataM so magopo.
Dung i Ho huhut manogu donganki manopot Ho.
:,: Taiti ma sude tu Ho :,: Sai asi roham, sai togu,
Sahat ma sude tu Ho.
BE.476 Logu.322 : Ndada au guru di au.
1. Ndada au guru di au be, Jesus do nampuna au.
Las rohangku dung hubege, Jesus sipangol au.
Ndang be au guru di au. Jesus na humophop au,
Nampuna au. Tung saleleng au mangolu, Jesus do nampuan au.
2. Ndang di au, Tuhan Jesus, daging dohot rohangki;
Saluhutna hupasahat tu Ho, Jesus Tuhanki.
Ndang be au…….
3. Ulaonku nang artangku pangke ma baen sangapMi,
Diusehon Ho mudarmu tung tanda do holongMi.
Ndang be au…….
4. Naung tarsurat do goarhu dibaen Ho tu tanganMi,
Laos hupuji ma goarMu salelenglelengna i.
Ndang be au…….
BE.477 Logu.323 : Mansai lan habiaran.
1. Mansai lan habiaran , ninna, didalanta be.
Ndang diida, di dongani Tuhan Jesus au tahe.
Asa na manjangkon Jesus, na so tupa mago i.
Aut saada au mardalan, talu au satongkin i.
2. Ia songgop haporsuhon, ninna, ndang tartahan i.
Na hugolom do hataNa, monang na porsea,
Nasa na manjangkon Jesus, na so tupa mago i.
Aut…
3. Olo, da, tangkas huboto, hurang hot do rohangki,
Tung marhitehite Jesus sahat au tu surgo i.
Nasa na manjangkon Jesus, na so tupa mago i.
Aut…
BE.478 Logu.408 : Sai malungun do.
1. Dohot siholhu paherbang tu Ho Jesus tanganki.
Lao mangelek Ho o Tuhan ro ma Ho tu rihangki.
2. Rapar, o pabosur ahu, pogos, sai pamora au,
Loja di pardalananku Jesus, sai urupi au.
3. Ndang adong tarboan ahu, tung rumar do tanganki.
Tu bagasMu ro langkangku, gohi, Jesus rohangki.
4. Ho sambing na mpuna ahu ndang tarpunjung langkangki,
Ganup ari dongananmu au hombar tu hataMi.
5. HamoraonMi, o Tuhan. Ragam ni siluaMi.
Lao phisar au, o Tuhan lehon ma tu tondingki.
BE.479 Logu.324 : Jonok lam jonok.
1. Jonok, lam jonok, togu au on; las manang arsak dalanmu tongon,
Asal di tanganMi au tongtong. Pangondianku, pangolu au on,
Pangondianku pangolu au on.
2. Jonok tu Ho au taiti gogo; dao dope ahu, pasolhot tu Ho:
Susa do ahu dibaen dosangki, :,: Buri, o Jesus, ias rohangki :,:
3. Jonok lam jonok, tostos sude, nasa na boi mangambat dope.
Hinasogohon ni rohaMi. :,: Lao Sian ahu, asi rohaMi :,:
4. Lam tu ripasna tudos tu Ho, togu rohangku lam sahat tu Ho.
Ho disorminhon parulanki. :,: Sasada Ho ma hasiholanki :,:
BE.480 Logu.409 : Songon sada batang aek.
1. Songon sada batang aek do dameMi. Na tongtong ma baor do tu rohangki.
Lam bagas, lam gogo ariari i Nang borngin ndang olo marna montok i.
Dame ni Tuhanku hasonangan, ki, Nasa holso holso do diauphon i.
2. Molo hasonanganMi manggohi au, Ingkon sorimago dohot bego lao.
Ndang be na tahutan, ndang tarsonggot au, Molo dameMi mangkaliangi au.
Dame ni…
3. Sude mubauba au do ditano i. Sondang ni dameNa do so sundut i.
Sonang maradian disi rohangki, Tongtong pujionku habsaronMi.
Dame ni…
BE.481 Logu.325 : Godang dope
1. Godang dope siguruhononMi, Asa tu dos ho dohot Tuhanmi
Sai tong na hurang hatigoranmi. So tuk do pe haporseaonmi.
Dirim sambing dihaholongi ho. Donganmu laos dihalupahon.
2. Tuhanta Jesus tiruanmu do. Na holong roha di au nang di ho ;
Ai diseahon do diriNa i, Singkatta lao tu hamatean i,
Ndang na dialang holong roha i, Ai naeng dihita hangoluan i.
3. Tatiru holong ni rohaNa i, pinatuduhaon ni Tuhanta i,
Tahaholongi ma donganta i, ai ruas ni Tuhanta do nang i !
Mardame ma, marsijalangan ma; Tatuju ma solhot tu debata !
BE.482 Logu.326 : Asa on ma na tutu.
1. Asa on ma an tutu, Jesus i do na burju.
Mago pe portibion, tu Ibana rohangkon.
2. Jesus do ummaol di au, ai arga ditobus au,
Nang musuNa au nian, jala mago au hian.
3. Holan Ho, ale Tuhan, na tau pos ni rohangkon,
Ndang na mag, ambolong, na marningot Ho tongtong.
4. Antong songon dia pe, asal au tu Ho muse:
Buat sian rohangki na hinasogohonMi.
5. Amen, on ma na sintong : Dihalashon rohangkon,
Jesus pangondianki, Jesus hangoluanki.
BE.483 Logu.327 : Tuhanta i do tuat.
1. Tuhanta i do tuat tu hajolmaon i.
Tumopot pardangolan, pinuji na ma i.
2. Dirina dirumari, hira hatoban do.
Mangaithon hapogoson Tuhanta i na ro.
3. Sude na mangihuthon Jesus Tuhanta i,
Ndang boi, ia so tuat tu hametmeto i.
4. Na raphon Jesus mate, rap hehe do muse,
I dalan ni sisean, ndang boi asing hape.
5. Na olo au manuhuk silangMu, Tuhanki,
Sude hutadingkon, baen au siseanMi.
BE.484 Logu.328 : O Tuhan au ma donganMi.
1. O Tuhan, au ma donganmi, rap hita sauduran i.
Masitungkaran hatama, au dohot Ho, o Debata.
2. Sai naeng arahononku do sude, na lilu, asa ro.
Tu Ho, o Jesus Tuhanki, asa martua dohot i.
3. Lam benget ma rohangkinon manganju angka dongankon.
Lam sesaonku dosa nii, ai au do niasianMi.
4. Paboanku holongMi tu sasude na holom i,
Sai lam tiur ma roha nii dibaen asi ni rohaMi.
5. Mardalan au rap dohot Ho, so marnaloja, ndang dung so.
Mangului na mago i apala i ulaonMi.
6. Paima sae ulaon i, sude mananda asiMi,
Rap hita lao tu jabuMi saleleng ni lelengna i.
BE.485 Logu.243 : Dongani ma au Tuhan.
1. Dongani au Tuhan sondangi rohangki,
Pangiring ni mataM patongon langkangki.
Sandok sude gogongku padohot pingkiranku,
Huboan peleanku mangalu ulaonMu.
Ai hinalomohonMi, urupi rohangki.
2. Ho sipalua au, buri ma au tangkas,
MudarMu ma use mambahen au ias.
Sai togu au na lilu tu asi ni rohaMu,
Malua ma rohangku, sinesa nang dosangku,
Gok dosa do hian au on, sai buri rohangkon.
3. Ho siapuli au, sai pargogoi ma au.
Tarunjun au tongtong dibaen partibi on.
Ajari au maniru Tuhanku Sipangolu,
Ringkot naeng botoonku pasauthon pingkiranMu,
Ho do na mangapuli au,sai pargogoi ma au
4. Sitolusada Ho, sulingkit rohangki,
Lopokhon rohaMi bagas tu rohangki.
Padiri ma tondingku baen joro ingananMu,
Patolhas ma basaMu tu au niasianMu,
Martua au dibahen Ho Sitolusada Ho.
BE.486 Logu.326 : Jesus ro ma Ho.
1. Jesus, ro ma Ho tu au. Unang be Ho tinggal dao,
Masuk ma tu rohangki, tongtong maingani i.
2. Sai malungun au di Ho dohot di asiMu do,
Sai tongtong mangido au, Jesus, ro ma Ho tu au.
3. Ndang adong ditano on na pasonang rohangkon.
Dung marTuhan Jesus au. Sonang situtu ma au.
4. Ndang be ra marpadan au dohot halak na dung dao
Sian Tuhan Jesus i, unang mago disi.
5. Las ni roha, dame pe, hatuaon sasude,
Dohot hangoluan i, i ma Tuhan Jesus i.
BE.487 Logu.329 : Tung halak na margogo.
1. Tung halak na margogo si partangiang i.
Dokdok pe si taonnon, ndang olo talu i.
Pos situtu roha na di Debata na i.
Tuhan na manaluhon sude pangalo i.
2. Nang hirahira mogap dibaen sitaonon i,
Marsinggang do Ibana managam Tuhan i.
Dung jumpang pe tingkina sumurut arsak i,
Tarapul ma rohana dibaen Tuhanna i.
3. Imbaru pangkirimon nag hagogoon i.
Margogo, marsahala do partangiang i.
Togu muse langkana lao marjamita i.
Ai Kristus do donganna di ulaonna i.
BE.488 Logu.330 : Nang na buni di roha.
1. Nang na buni di roha, na so tarida I
Sude diburi Tuhanku ala mudarNa i.
2. Bagas na hamagoan manggohi rohangki.
Malum hape dibaen Jesus, Tuhan na basa i.
3. Mago do au di dosa ala si Adam i,
Kristus do ro pamalumhon, sahit ni rohangki
4. Tuk na binaen ni Jesus lao paluahon au.
Gomos hugolom mudarNa paima tu surgo au.
5. Raphon Tuhanku mate jolma na buruk i.
Mate disi hurajumi nang nasa diringki.
6. Raphon Tuhanku hehe ahu na mate i,
Jala sai naeng marparange songon naung hehe i.
7. Asi ni roha bolon do patupahon i,
Mudar ni jesus Tuhanta dohot tondiNa i.
8. Tung na malua ahu sian sibolis i,
Unang mangadop di dosa au na tinobus i.
9. Bagas pe hamagoan, andul umbagas do
Asi ni roha ni Jesus, Tuhanta I, naung ro.
BE.489 Logu.331 : Sai haposi Tuhanmi.
1. Sai haposi Tuhanmi nang dihagogotan I
Nang tungjut pe rohami,Sai haposi Tuhan, mi.
I tutu, pos rohangki, di Ho, ale Tuhanki
Paima sahat au tu Ho, tongtong haposanku Ho.
2. Gok damena rohami, molo sai pos rohami
DipanarihonNa i borngin nang arian i, I tutu…
3. Nang alo tu rohaMi dalan sidalanmi,
Ndang dung sala Tuhanmi di panoguonNa i, I tutu…
BE.490 Logu.332 : Nang gunsang pe.
1. Nang gunsang pe galumbang mannggaori so lumi,
Diida sian ginjang Tuhanmu Jesus i,
Na masa siho i.
2. Mandate ho sipata dibaen na porsuk i,
Jamot tongtong Tuhanta di hot ni rohami.
Haporsea ma i.
3. Haposi ma Ibana, sun hinagogo i,
Na tuk palashon roha ni anakkonNa i.
HaholonganNa i.
4. Ditolong do na pogos i, na marsak roha i.
Tung unang be ho bobos di pambahenNa i,
Denggan ujungna i.
BE.491 Logu.333 : O Jesus Tuhannami i.
1. O Jesus Tuhannami i, sondangi rohangki,
Lao salpu do na bernit i, Dung bongot sondangmi.
Na roa nang bernit pe, na lao do sasude,
Tiur tongtong do langkangki, Dung bongot Ho tu si:
Ale Tuhan, sai tatap ma, Asi roham, sondangi ma;
Sai pujionku basaMi, Nasumarihon ngolungki.
2. Di hau na pinarsilang i do mate Jesuski.
Di disi ditobus tondingki, disesa dosangki.
Naung talu do sibolis i, ndang boi manggogo be;
Dibahen I las rohangki, mamuji Jesus i. Ale Tuhan…
3. Ho mata ni aringku i, saleleng au dison;
Ho Jesus sipujionki, di nasa ngolungkon.
Dung sahat au tu surgo i, tu hasonangan i,
Na so mansohot endengki, mamuji Ho disi. Ale Tuhan…
BE.492 Logu.334 : Na mora tutu.
1. Na mora tutu, sangap damang i, Ibana nampuna sude arta i,
Nang sere, nang perak, nang hepeng sude. Tapuji Ibana, unduk hita be.
AnakkonNa do au, anakkonNa do au, dibaen Tuhan Jesus, anakkonNa do au.
2. Na ro Jesus i, AnakNa do i lao mate, lao hehe,
Manaek sian i. Rade ingananku dibaen Jesuski.
Di surgo hutangku, disi damang i, :,: AnakkonNa :,:
3. Nang mate pe au, nang tos hosangki,
Ndang olo mabiar disi rohangki,
Jangkonon ni damang am ahu disi,
Di lambung ni damang sonang rohangki, :,: AnakkonNa:,:
BE.492 Logu.335 : Naeng modom do sudena.
1. Naeng modom do sudena, naung sae ulaon i.
Na maradian hita dijaga Ama i. Na maradian hita di jaga Ama i.
2. Mardalan angka bintang di langit i na dao,
Tuhanta i manjaga, sude na ro, na lao.
3. Nang au pe disarihon Tuhan na basa i.
Sai sonang maradian diampuanNa i.
BE.494 Logu.336 : Holom bornginna i.
1. Holom bornginna, i Gok arsak tano i.
Ida ma Tuhanmu ro sonang ma, sonang ma ho.
2. Unang gondok roham, pahinsa ma langkam !
Tagam, tibu nama ro Jesus sipangolu ho.
3. Saluhut holsomi dipadao Jesus i, Jesus, sipasabam ho
Jangkon ma Jesus, naung ro.
4. Nunga sonang au on, las dibaen rohangkon,
Ho pe, boi do sonang ho, pos roham, porsea ho !
BE.495 Logu.36 : O Jesus sipangolu au.
1. Maringan do di surgo i, Amanta na sun gogo i,
Sai dirana pisian i, sudena langka langkangki.
2. Amporik na dihauma i, Ibana siparmudu i.
:,: Nang bunga pansur na uli, Ibana sibaen ulos nii :,:
3. Nang obuk na di ulungki, laos dibilangi dohot i.
:,: Nang pe au lao tu na buni, tong do diboto rohangki :,:
4. Tarsurat dibukuNa I goarhu dimulana i,
:,: Ai na ringkot do roha nii, naeng dohot au tu surgo i :,:
5. Urupi au, o Tuhanki, marhaseangkon tingkingki,
:,: Sai lam pita baen tondingki, songon surusuruanMi.
BE.496 Logu.337 : Sion Paradiananta.
1. Sion Paradiananta, dao ma holso-holso-mu
Ai didok Tuhanta Jesus dame, dame dihamu.
2. Tung pasonang pingkiranmu. Ai donok Rajanta i ;
Holan managamnagam boi ditopot Jesus i.
3. Salpu ma naung binolusan, pir tondim di na naeng ro
Sangkapmi nang pangidoan, Sahat tu Jesusmu do.
BE.497 Logu.338 : Di na humolso rohangki.
1. Di an humolso rohangki pasari hangoluanki,
Tibu bologkononku pe, holsongku sasude
Ai i didokkon Jesus I Tuhanta na di surgo i,
Sumarihon ngolumi, denggan sudena i.
2. Dina huingot hata ni Tuhanta, na nidokNa i :
Sai sonang ma hamu sude. Unang mabiar be;
Disi endehononku ma : Martua na porsea da !
Sai naeng hujamitahon I tu na humolso i.
3. Ai gari angka pidong i, sai diparmudu Tuhan i;
Marabit bungabunga i, na denggan, na uli.
Ai disarihon Debata nasida na satongkin da!
Lam hita na porsea I, tagamon tading I ?
4. Marlas ni roha do au on. Ai Jesus donganki tontong,
Sai ro do sinondangna i Tongon tu rohangki.
I pe huingot ma tongtong, Ndang boi holsoan rohangkon,
Ai Damang na di surgo i pasingkop bohalhi.
BE.498 Logu.339 : Buni pe dalan i.
1. Buni pe dalan i, diboto Ho, Pangkilala antung sonang do;
Ai mago poluhut na holsongki manogot nang ro dibotari i.
2. Dibuhul dalanki nang ajalhi; naung sian nahinan rade do i.
Hupiji Ho, binaen ni holongMi, Nang asi ni roham na godang i.
3. Gunsang pe laut, pur pe alogo i, Hatam sandok, sip be sudena i,
Hohom do au, tutu do hatami. Porsea au disi, na sae do i.
BE.499 Logu.340 : Ale dongan sai tangihon.
1. Ale dongan, sai tangihon Hata apulapul on.
Sian Debata Amanta na sun gogo i tongtong
Unang ma hamu mabiar , Hudongani pe hamu.
Alanii sai lam pahinsa roha dohot tondimu.
2. Lao taripar laut hamuna, nang aek na magodang i,
Na so tupa do auponna, nag aek magodang i,
Unang ma…..
3. Tung mardalan pe hamuna di bagasan api i,
Tung na so tarmosokkonsa, nanggo sada obukmi.
Unang ma…..
4. Antong rap marende hita lao mamuji Tuhan i ;
Tapaserep ma rohanta, lao manggolom hata i.
Unang ma…..
BE.500 Logu.226 : Tingganghon sude.
1. Tingganghon sude na dokdok,
Ale tu Jesus, Tuhanmu, na basa.
2. Na susa roha, mandaodao tuam,
Maporus tu Jesus na basa.
3. Sonang ma roham, mardohar langkam,
Hinorhon ni Jesus na basa.
4. Arsak tongtong baenonNa bolong,
Gogo do Tuhannu na basa.
BE.501 Logu.341 : Sai ditogutogu Jesus.
1. Sai ditogutogu Jesus tondingki na gale i,
Asa unang be au ganggu dipanoguonNa i, maradian do rohangku,
Molo Huhaposi i nang sitaonon dipassonggop sai jonok do Tuhanki.
Nang sitaonon di pasonggop, sai jonok do Tuhanki.
2. Sai diiringiring Jesus au na gale situtu.
Ditungkoli do langkangku, diparmudu au burju.
Molo loja au mardalan, nang maheu tondingki
:,: LehononNa aek na tio sian batu mamak i :,:
3. Sai ditogutogu Jesus au na gale situtu.
Paima sahat au tu surgo, i ma ingananNa I
:,: Pujionku haholongan ni Tuhanta I di au :,:
BE.502 Logu.342 : Jahowa siparmahan au.
1. Jahowa siparmahan au, na tau mangago dipadao;
Na so hurangan au dibaen. Sandok tubuna au diain.
Jahowa Siparmahan au.
2. Tangkas panoguonNa i, saut do pinarbagaNa i.
Na denggan do bagianki. Pinuji ma Goarna i.
:,: Jahowa Siparmahan au :,:
3. Sai dipasabam rohangki. Tiur do sidalananki.
Sai igotonku basami, Saleleng ni lelengna i.
:,: Jahowa Siparmahan au :,:
BE.503 Logu.343 : Na loja ho, o donganki.
1. Na loja ho, o donganki, di bahen hasusahaan I
Rade di ho adian i, sai bereng dompak Jesus i.
So ho, ungutungut mi paso, So ho, ungutungut mi paso,
Ho hom ma ho, paso saritami.
2. Rahis dalanmu jala maol, mansai dokdok do silangmi,
Tu ginjang panailimi, satongkin nai, ma salpu i.
So ho…..
3. Satongkin nari nama i, dung i ro haluaon i.
Jonok do hasonangan i, paso ma holsoholsomi !
So ho…..
BE.504 Logu.344 : Ditogu Tuhan Jesus au.
1. Ditogu Tuhan Jesus au, i do na mangapuli au.
Diganup dalan nang tung maol,tanganna do tongtong huhaol,
Ditogu togu Jesus au, tanganna sai maniop au,
Tongtong ma siseanna au, paima boi tu surgo lao.
2. Holom pe angka dalan i, dilinggom hamatean i,
Tiur pe angka ari i, tung guru do di Tuhanki,
Ditogutogu…
3. Gomos ditiop tanganki, sotung na silap langkangki.
Di nasa parsorionki, Ibana haporusanki.
Ditogutogu…
4. Ditanda angka dalanki, diboto parmaraan nii,
Tanganna i, na gogo i, manogu au tu surgo.
Ditogutogu…
BE.505 Logu.345 : Jesus do manogu au.
1. Jesus, do manogu au, pangamudi tu na dao,
Nang balga galumbang i, jorbut habahaba i,
Jesus haporusanki, ndang marmara solungki.
2. Demak do galumbang i Dung dibege hatami,
Sasude tinompami mangoloi parentami.
Sun do hinagogomi, sonng nama solungki.
3. Molo dapot ajalhi lao tu hamatean i,
Sai hugolom Hatami, Na pasonang rohangki.
Sahat au pujionki Pangamudi solungki.
BE.506. Logu.346 : Dame na gok.
1. Dame na gok, didia jumpang i ?
Di mudara ni Tuhanku dapot i.
2. Dame na gok, nang dokdok au?
Na sonang au, ai i lomona i.
3. Dame na gok, nang pe targogot au?
Di ampuanna maradian au.
4. Dame na gok, nang punjung langkangki?
Mardongan Jesus sonang rohangki.
5. Dame na gok, holompe dalanki,
Sude diboto Jesus Tuhanki.
6. Dame na gok, nang pe matean au ?
Ditangan ni Tuhanku nang na lao.
7. Dame na gok, paima sahat au,
Nuaeng nang sogot, Jesus i di au.
BE.507 Logu.347 : Habangsa parasian i.
1. Habangsa parasian i, parsilang ni Tuhnta i!
Tusi hatop maporus au dina marhasusaan au.
2. Habangsa parasian i di angka na targogot i,
Tarapul au dibahen i, ai Jesus sipalua i.
3. Habangsa parasian i di angka na tarunjun i.
Ai hamonangan bolon do rade di ganup na saut ro.
4. Tu dia ma maporus au, punjung jotjot nang marsak au?
Hutopot haporusanki, habangsa parasian i.
BE.508 Logu.348 : Sai patogu.
1. Sai patogu rohangki, ale Jesus Tuhanki
Golom dohot tanganmi au dipardalananki
Molo loja au dison pargogo i tongtong.
Dok tu au : Hutogu pe ho tu surgo i muse.
2. Mian ma dilambungki, molo ro ujian i.
Unang loas ganggu au sian sinondangmu dao.
Molo maol dalan i jalan ponjot rohangki,
Dok tu au : Hutogu…
3. Ro ma parsahitan i jala marsak rohangki,
Hatop ro ma au tu Ho, dilambungmu sonang do.
Molo punjung au dison, sai api au tongtong.
Dok tu au : Hutogu…
4. Lehon hagogonmi, maralohon dosa i.
Unang talu au disi, sai maporus musungki.
Lehon di portibi on hamonangan di au on.
Dok tu au : Hutogu…
5. Molo suda bohalhi, sai patalak pintumi.
Tu adian di jolom, masuk ahu tu jorom,
Bura hamatean i, tolong au mamolus i.
Dok tu au : Hutogu…
BE.509 Logu.349 : Lao malos duhut i.
1. Lao malos duhut I, nang bunga bunga i.
Nang hasangapon sasude na doshon orbuk i tahe,
Lao salpu be.
2. Nang las ni roha pe, satongkin i sude,
Na doshon meameam i, Hatop do mubauba I, Satongkin i.
3. Alai na hot tongtong, ringkot di ngolumon,
Sinuru ni Tuhanta i, Tondina pangapuli i, Pangido i.
4. Marsorinsorin do, lan haporsuhon ro.
Alai sai saluhutna i manogu tu na denggan i, Tu Jesus i.
5. O Hatuaon ni naung di Tuhanta i.
Naung sesa do dosana i, na sahat ma tu Ama i, tu Jesus i.
BE.510 Logu.350 : Silu soso I ma donganmu.
1. Silu soso I ma donganmu jolma ni lilianan ni portibi on
Angkupi, boan ma la tu Tuhanta angka na lilu dibaen tano on
Ho naung tardarat do lao padarathon.
Tanda naung Jesus do hinalomom.
2. Nang na jumahat i di nasailon, asal ma muba tu joloan on.
Dijangkon Jesus do, ai naung ditaon
Godang na bernit manesa dosam. Sulingkit rohami,
Manang na piga, naung niarahonmi tu Debata
3. Bagas diroha do buni siholna, mangkalungunhon na sun denggan i.
Aut tung sinunggul ni holong ni roha,
Tibu ma dopot i Tuhanta i, naung sumeahon do hangoluanna,
Mangungkap dalan tu Amanta i.
4. Madokdokhu di ho manogu jolma, aithon ma gogo ni Jesus tu ho.
Unang mansadi ho magandos hata,
Sai na adong do mangihut tu ho.
Asa lam ganda ma silas ni roha, Di Sipadomu ho tu Debata.
BE.511 Logu.351 : Ai tagamon idaonku.
1. Ai tangamon idaonku Ho muse disurgo i?
Jadi hot do hirimonku, ingkon hita rap disi tangkup tangan ni Tuhanmu,
Sai oli podaNa i, asa lam tiur dalan,u tu banua ginjang i!
Naeng tutu maparsi dohot au dihangoluan i.
Asa saut pajumpang hita dibanuaginjang i.
2. Ai tagamon do pajumpang hita di na tiur i?
Rap dohot haholongonta. Naung tangkas tinanda i?
Las ni roha, olop olop jambar ni na sahat i,
Antong, tole haringkothon asa dohot ho tusi.
Na las do rohangku dohot tu haroan bolon i,
Ai naeng dohot au pajumpang dohot angka dongan i.
3. Songon dia do pajumpang angka na diginjang i?
Na saksak, na marsinondang do parulosonna i,
Nang na pogos, nang na mora, rap martumpal be disi,
Rap martua do naung tolhas tu banua ginjang i,
Ala ni ringgas ma hita mangihuthon Jesus i,
Jesus do parhiteanta, parhatuaonta i.
BE.512 Logu.352 : Didalan i Jesus tano.
1. Didalani Jesus tano dohot laut Tahi holong ni rohana dipasaut,
Namura luhut dibaen tondina i, Dung disesa utang ni dosanta i.
Hahaanggi, rohamu sude, taarahon ma donganta be
Hahaanggi, dao nang jonok be! Hara tu jolo Na donganmu sude.
2. Nunga monang di jabum hataNa i?
Hata I dipangke Ho sinjatami? I do hapistaran na sumurung i,
Jumpang do mura sudena baenon nii.
Koor: Hahaanggi,……
3. Dongan, pinalua ni Tuhanta i,
Taondingi, taapoi na lilu i. Asa lam dame luatta , lam ture,
Itahaholongi ma donganta be.
Koor: Hahaanggi,……
4. Ganggu roha mida panginjunan i,
Moru pe gogonta lao marungkil i.
Sai tabereng dompa Jesus Tuhan i,
Ganda hiras ni rohanta baenon nii.
Koor: Hahaanggi,……
5. Tung na sae do halalas ni rohangki,
Anggo mulak tu Tuhanku dongan i.
Rap tapuji ma Tuhanta Jesus i,
Ala tamba muse na tu surgo i.
Koor: hahaanggi,……..
BE.513 Logu.394 : Bidang tutu sisabion.
1. Bidang situtu sisabion i, Alaina otik do panabi i.
Pangido hamu ma tu Raja i, Disuru ma angka panabi i.
Nunga tingkina gotilon i, Disuru ma angka na ma nabi i;
So tung lam salpu tingkina i. So tung magopo angka eme i.
2. Ai Ho do Tuhan nampunasa i, Ringkot do di Ho hajolmaon i.
Nang silom tahe, nang parbegu i, naeng sahat sude ro tu lambungMi.
Nunga tingkina gotilon i, disuru ma angka parjamita i;
So tung lam salpu tingkina I, so tung magopo angka jolma i.
BE.514 Logu.395 : Sai lului dongan na mago.
1. Sai lului dongan na mago, hatop salpu arimi,
Mulak boanna niago, so tung salpu arinii.
Sondang ni Tuhanmu ho, paima nang ajalmu ro.
So tung lemba rohami, hatop salpu arimi,
Hatop ni tingki i, hatop ni tingki i.
Tung godang ulaonMi, Hatop salpu arimi.
2. Hatuiton do niula, hatop salpu arimi.
So mago ho, pangula, so tung salpu arimi. Topot na tarhurung i,
Boan Jesusmi tusi, Jesus haluaon i. So tung salpu tingki nii,
:,: hatop ni tingki i :,: Tung godang ulaonmi, Hatop salpu arimi.
BE.515 Logu.410 : Ringgas ma ta paboa.
1. Ringgas ma ta paboa naung monang Kristus i,
Rade doha sesaan ni angka dosa i.
Di goar ni Tuhanta i do hamonangan i!
Ringgas ma ta paboa naung monang Kristus i.
2. GoarNa tapaboa liat tano on,
Ai i do na manggohi tongtong rohanta on.
Taaithon ma gogoNa i na so dung talu i.
GoarNa tapaboa tu liat tano i.
3. Tung tano bato Goar ni jesus Tuhan i.
Tu Goar I maporus sude na gale I.
Nang mangalantap udan I, nang pur alogo I,
Tung tano bato Goar ni Jesus, Tuhan i.
4. Taboan ma goarna tu angka jolma i.
Torop na so mananda Jesus Tuhanta i. Sinolis nioloan I,
Ai dililuhon i. Taboan ma Goarna tu angka jolma i.
BE.516 Logu.353 : Bege joujou ni Jesus.
1. Bege joujou ni Jesus i, tongtong di jou na lilu i.
Mago do birubiru i sian Tuhanta Jesus i.
Sai lului, sai lului, birubiru na mago i,
Sai lului, sai lului, mulak boan I tu Jesus.
2. Ho diarahon Jesus i, silu, lului na mago i.
Togihon ma tu Jesus i na loja, na maheu i.
Sai lului….
3. Tangihon ma hoihoinai, ala so boi malua i.
Hatop ma lao sai boan i tu Jesus, Sipalua i.
Sai lului….
BE.517 Logu.354 : Di dia angka Jolma.
1. Didia angka jolma, dijouhon Tuhan i,
Na olo suruonku, torop na mago i?
Torop do ina Batak nang na marbaju i,
Nang ama, dolidoli, na mansai dao pe.
2. Tardidi do nasida, ringgas marminggu be,
Marrupa hadaulaton nasida sasude.
Alai tung dao rohana, ndang sae dosana i.
Tuhanna ndang digolom nang panghophopNa i.
3. Dison do au, o Tuhan, sai suru dohot au.
Manjou angka jolma na tongtong mandaodao.
Hulehon ma gogongku nang tingkingki di Ho.
Paima mulak dongan ndang olo au be so.
4. Dilehon Ho hosaMu mangkophop hami on.
Tung patut huseahon nang dohot ngolungkon
Humophopangka dongan na so mananda Ho,
Na mian di arsakna naeng luluanku.
BE.518 Logu.355 : Marsinondang dibaen.
1. Marsinondang dibaen Jesus asi rohana i,
Jala hita do disuru , asa ta paboa i.
Ta pagalak palitonta, ta patiur dalan i,
Ai torop dope na lilu, sai hatopma mulak i.
2. Nang au on na dao najolo, di na holom lilu au,
Alai sondang ni Tuhanku do mamboan mulak au.
Ta pagalak….
3. Haholomon mangkuhupi toropan ditano i,
Tung torop mangkalungunhon, sondang tu dalanna i.
Tapagalak…..
4. Dongan, so tung mintop lampu na ringkot tu dongan i,
So tung mago angka jolma dibaen halembaonmi.
Tapagalak…..
BE.519 Logu.356 : Tarbege do panjou.
1. Tarbege do panjou ni Kristus torus ditano batak i:
Ise na sumeahon hosa, ise mangkophop dongan i?
Hita sude, naeng marade Nang dilele, da, Haposanna di Debata.
5. Na olo hita paboahon holong do Jesus Tuhan i.
Naung saut malua do dibahen ama nang ina Batak i.
Hita……
6. Antong, ringgas ma lao mamboan barita ni Tuhanta i.
Tu angka marga di na holom, asa dapotan dohot i.
Hita……
7. Ulaon ma mangkatindangkon Kristus nampuna hita on,
Asa torop dope barani marsomba tu Rajanta on.
Hita…….
BE.520 Logu.357 : Partangisan do hape.
1. Partangisan do hape anggo hasiangan on;
Holso, arsak, sahit pe, Sai manosak do tongtong
Ingkon songgop hamatean tu sudena jolma i;
Ai sude do na manean Uhum ala dosa i.
2. Ndang na tarpasiding be anggo hamatean i.
Ingkon do dibolus be, di na lao tu surgo i.
Sihirimon ni rohanta, hangoluan sogot i.
Tau pangapul di rohanta. Angka na porsea i.
3. Unang marsak hita be naung mananda Jesus i;
Ai inganan na rade dapot ho di surgo i.
Tatadingkon pe luhutna. Na diatas tano on;
Dapotonta di lambungNa hasonangan na tongtong.
BE.521 Logu.358 : Sambulom, sambulom.
1. Sambulom, sambulom, unang tundal i!
Andigan songgop haroroM lao manjalahi i
Di taon on mardangol Ho, di hadosaonmi.
Lam holang ganup ari do ho sian surgo i.
2. Nunga ro, nunga ro Sipartogi i!
Sai tong dielehelek ho: di au ma rohami.
Topoti sasude dosam tu sipangolu i!
Sandok taruli ma roham dipangkophopNa i. Nunga ro…..
3. Sambulom lam tullom tataponmu da!
Ai lam donok do sambulom dibahen Debata.
Pasolhot ho tu Jesus i, sai baen sude gogom.
TogihononNa ho muse manaek tu sambulom. Sambulom……
BE.522 Logu.359 : Surgo i sambulonta do i.
1. Surgo i sambulonta do i, ndang adong be siaeon disi,
Na mamuji tongtong na disi, pinaluani Tuhanta i.
Surgo i, surgo I, ndang adong be siaeon disi, surgo i, surgo i, surgo i,
Ndang adong be siaeon disi.
2. Na marloksa naung sahat tusi, tu inganan na sai denggan i.
Aut naung ro domu ma au dohot i, gok las ni rohangku disi.
Surgo i, surgo i……..
3. Na mangkirim rohangku dison, paima sahat tusi nang au on.
Taiti au, ale Tuhan tusi, asa rap dohot Ho au disi.
Surgo i, surgo i……..
4. Holan sada nama holsongki: Unang tading haholonganki,
Na tu au pinalumenhonmi: Nang nasida sai togu tusi,
Surgo i, surgo i……..
BE.523 Logu.407 : Songgop tu hami.
1. Aning andigan do tarbahen au, tu surgo i, tu surgo i
Asa huida disi Tuhanki, di surgo i, di surgo i
Lan do na porsuk siaeon dison sonang disurgo do tondingkinon.
Alani I sai malungun do au, tu surgo i.
2. Sai guru dilomoMi ma au on :,: Mian au dison :,:
Butbut na jat, baen ias rohangkon :,: Ditano on :,:
Holong rohangku di Jesus tongtong, nang hahanggi di portibi on
Sai na managam do rohangkinon.
Di haroroM tu tano on.
3. Sonang dison, sonangan do disan, aha dope hurang tahe?
Asal tung sai marsihohot au on :,: Tu Ho Tuhan :,:
Sai sonang au tumpahanMu dison, sonang rohangku,
Dung tos hosangkon : Asal ma Jesus jambarhu tahe,
Aha muse hurang dope?
BE.524 Logu.360 : Ise naeng sahat tu surgo i.
1. Ise naeng sahat tu surgo i? Ndang leleng be, ndang leleng be,
Marnida angka suruan i, naeng dohot ho, naeng dohot ho?
Sahat tu alaman sere i, marolop olop disurgo i.
Ise marnida Tuhanta i? Naeng dohot ho ?
2. Ise so manaon na bernit be? :,: Ndang leleng be :,:
Arsak ni roha mansohot do :,: Beha ma ho ? :,:
Ise marabit na saksak i, hamuliaon tohapna i ?
Ise manjalo tumpalNa i? :,: Naeng dohot ho ? :,:
3. Ise madabu tu uhum i ? :,: Ndang leleng be :,:
Ise so sahat tu surgo i ? :,: Beha ma ho ? :,:
Ise so mangkirimon be, molo dung salpu tingkinta be.
Mago hatuaon sasude :,: Beha ma ho ? :,:
4. Ndang dope salpu tingkinta i, :,: Ndang leleng be :,:
Taharingkothon sonangta i :,: Ringgsa ma ho :,:
Beta tu Jesus Tuhanta i, ai dipasae sude dosami.
Asal ma sahat tu surgo i :,: Naeng dohot ho ? :,:
BE.525 Logu.361 : Na laho ma au.
1. Na laho ma au tu na sonang diginjang. Disurgo tutu sai na sonang ma au
O, ho donganki, na gok dosa, gok arsak Sai dohot ma ho, sai tu surgo ma lao.
Sai ro dohot ho, dohot ho, dohot ho, Sai dohot ma ho, sai tu surgo ma lao.
2. Di surgo adui ndang adong be na hansit.
Na sonang disi maradian ma au.
O, ho donganki, na maheu, na marsak,
Sai dohot ma ho, sai tu surgo ma lao, Sai ro…..
3. Disurgo adui ndang adong hapogoson.
Na mora disi tung hisar do nang au.
O ho donganki, na marsahit, na pogos.
Sai dohot ma ho, sai tu surgo ma lao, Sai ro…..
4. Di surgo adui pinarade inganan,
Na sonang tutu, sai tusi ma au lao.
O, ho donganki, ingananmu di ginjang,
Sai dohot ma ho, sai tu surgo ma lao. Sai ro…..
BE.526 Logu.411 : Tongam ni huta i.
1. Tongam ni huta i, na pinaojak i di surgo i!
Mutiha do harbangan. Uli na i!
2. Dirarang ro tusi parroha diri o, pargabus pe,
Parholong di na ramun, ditulak be.
3. Ho sipangolu au, naung ro mangkophop au di Golgata
Pamasuk au tu huta ni Debata.
4. Sai jangkon ma au on, gale dakdanakMon, gogo do Ho.
Ramoti sian dosa au on, naung ro.
5. Gogo do tanganmi manogu boruMi tu surgo lao.
Ias, pita, pabongot tu surgo au.
BE.527 Logu.396 : Saluhut do hutadingkon.
1. Saluhut do hutadingkon ala Jesus Tuhanki.
Tung bolong na sian toru, ai hubereng Kristus i.
Ditadingkon dongan ahu, ala raphon Jesus au.
Ale ale na sumurung i do na manjangkon au.
Lam jonok do ajalhu, lam , lam bot ne aringki.
Tung na sonang do rohangku mandapothon surgo i.
2. Begeonku soarana di na laho mate au,
Mangunsade tu Ibana sirang sian tano au.
DohononNa : Pos rohamu, tongtong Aho donganmi.
RamotanKu do langkamu di na lao tu surgo i.
Lam jonok…….
3. Ai di surgo idaonku di aek hangoluan I,
Dohot huta na badia, sonang masuk au tusi.
SuruanNa do, managam au na dangol, na dison.
Malum au dibaen Tuhanku, molo sirang sian on.
Lam jonok…….
BE.528 Logu.362 : Tu dia ho dung mate ho.
1. Tudia ho, dung mate ho, alusi ma, alusi ma!
Jempek tingkim, ujung na ro Tu dia ho dung mate ho,
Dung mate ho, dung mate ho, sai pingkir ma, tudia ho?
2. Ise mamilit Jesus i, sai olo ho, sai olo ho.
Jesus manungkun dohot ho : Tu dia ho, dung mate ho?
Dung mate ho …..
3. Lilu do ho di dosami, mago do ho, mago do ho.
Unang be togang, mulak, ro! Tu dia ho, dung mate ho?
Dung mate ho …..
4. Jangkon ma Jesus, Rajami, Sihophop ho, sihophop ho,
Ias dibaen mudarNa ho, dung I rade tu surgo ho.
Rade ma ho, rade ma ho. Tu surgo sai rade ma ho.
BE.529 Logu.363 : Angka naung monding.
1. Angka naung monding ditano on, angka naung sahat tu ginjang an.
Sai dipaima nang dohot ho, Asa tu ginjang dohot ho ro.
Angka naung sahat managam ho, Tuhatuaon dohot ho ro.
Angka diginjang lului ma i, bereng Tuhanmu. Golom ma i.
2. Jumolo lao do anakkonMi, asa tu ginjang lao rohami,
Unang tarlalap di arsakmi. Oloi Tuhanmu na manjou i.
Angka….
3. Nang hahaanggi naung sahat i, managam ho do, na lilu i.
Nang ripemu nang ibotomi, sude managam haroromi.
Angka…..
BE.530 Logu.364 : Tu Sambulo ni tondingku.
1. Tu sambulo ni tondingku do malungun au tongtong.
Ai disi do dapotonku Hasonangan i tongon.
Tu sambulo ni tondingku do malungun au tongtong.
Au na sorat jala loja saleleng ditano on.
2. Di sambulo ni tondingku, idaonku Jesus i,
Tong di lambung ni Tuhanku sonang, sabam rohangki.
Di sambulo ni tondingku dapot au do Tuhanki,
Tuhan Jesus, Tuhan Jesus, Sipalua tondingki.
3. Tu sambulo ni tondingku tole hita borhat be,
Mandapothon Debatanta dohot dongan sasude.
Tu sambulo ni tondingku, tolehita borhat be,
Unang tinggal nanggo sada. Naeng ma sahat sasude.
BE.531 Logu.365 : Sai uluhon au, o Tuhan.
1. Sai uluhon au, o Tuhan, sahat ro tu hangoluan
Tung sihol au, autsugari boi tu surgo au saonari.
Sian na adong diportibion, asa tinggal ditanganmu,
Dihaposan ni rohangku na manggolom au, na manggolom au.
2. BugangMi, ale Tuhanku, holan i haporusanku,
Naeng tusi do mangalintun Sian tano on tondingku.
Sonang rohangki, molo au disi. Ndang adong dison hutangku.
3. Dung di surgo au mardomu dohot na disi mangolu,
Na mamintor berengonku Jesus Kristus i, Tuhanku.
Di adopan ni habangsaNa i, huendehon Haleluya
Dohot angka na martua salelengna i.
4. O, Jerusalem na tongam, so mardosa di bagasan.
Singkat bulan dohot bintang, Debata do marsinondang,
Jadi tiur be na disi sude, jala na marhasonangan,
Ndang mansohot hamonangan, beta ma tusi.
BE.532 Logu.366 : Molo marsinondang.
1. Molo marsinondang bintang angka na dilangit i,
Sai malungun do rohangku, naeng hatop tu surgo i,
Aut habong habong ahu naeng tu Damang i au lao,
Tu hutangku na diginjang, tu na dao, mansai dao.
2. Tong dagingku mangingani rura hasusaan on,
Tondingki do maradian, tung na sonang rohangkon.
Dibaen I hahulungunhon huta na di ginjang i,
Teanonku hasonangan na so dung niida i.
3. O hamu sude na marsak na di atas tano on,
Nang na pogos, na hansitan, tatap ma sambulomon.
Boi malua ho, na loja, dohot sian dagingmon.
Asal Jesus ma jambarmu disadui nang dison.
BE.533 Logu.367 : Hutanda sada huta i.
1. Hutanda sada huta i, na dao, sian hita.
Tung sere do alaman na i, mansohot nasa arsak i,
Tusi do au masihol, masihol.
2. Ai ganup na masihol i, ndang sonang be di toru,
Sai lao rohana tu ginjang i, tu sondang sian surgo i.
Martua naung jumpangan, jumpangan.
3. Marolop tondi nii, tung malum dihilala.
Antong, sai beta tu surgo i, maporus sian orbuk i,
Tu huta ni Debata, sai beta!
BE.534 Logu.368 : Di ginjang di surgo.
1. Di ginjang di surgo disido rade sinangkap ni rohani jolma sude,
Sinangkapni rohani jolma sude.
2. Rade dibaen Jesus jambarta disi.
:,: Paima ro hita maringan tusi :,:
3. Sude manisia, na masuk,
:,: Marsomba tu Jesus, partogi tusi :,:
4. Disi ma marsomba, marende sude
:,: Tu Tuhan Jahowa, sigomgom sude :,:
BE.535 Logu.183 : Ise do alealenta?
1. Hamatean parhitean Lao manopot Jesuski?
Dohot au ingkon ma molus. Asa sahat au tu si.
Nang pe pina dao dao dompak hamatean i,
Lam jonok do ha pe ngani, langkangki tu ajalhi.
2. Ala ni sai golomonku sitaluhon musungki,
I ma Jesus Sipalua, naung mamolus songon i.
Nang pe sai mangogaoga bolis sipangago i,
Ndang adong be huasona, ala Jesus donganki.
3. Molo i hugolomgolom, sabam, sonang, rohangki,
Nang marningot angka dongan, naung jumolo lao tusi,
Ai dengga tohapnasida dibanuaginjang i,
Na marende do nasida, raphon pardisurgo i.
BE.536 Logu.412 : Ditangihon Tuhan i.
1. Ditangihon Tuhan I Hatani tangiang i,
Tung na pos do rohangki. Puji Tuhan i!
2. Dipasut hataNa i, nasa bagabaga i,
Ndang boi ganggu rohangki. Puji Tuhan i!
3. Tung na hot do hata i doshon batu mamak i,
I do pos ni rohangki. Puji Tuhan i!
4. Tiba mulak Tuhan i, ndang binoto tingki i,
Sai rade ma rohangki. Puji Tuhan i!
BE.537 Logu.369 : Hobas ho panabi.
1. Hobas ho panabi, sabi i ma na tubu di tano on!
Matoras do eme, sai tole ma, gotilon do masa tongon.
Na masa nuaeng mulamula do, na jumorbut doro ma muse.
Tabolus sitaonon na hansit i, manahan ma hita sude!
Jorbut ni haporsuhon i, tahan ma, tibu ro Tuhan Jesus!
Jorbut ni haporsuhon i, tahan ma, tibu ro Tuhan Jesus i.
2. Hobas ho panabi, mangula ma, marlangat sude eme i.
Torop do na lilu, na dao dope, togihon tu Jesus ma i.
Lam mohop arinta, la ponjot do hosanta di tano on,
Arahon pangula na ringgas i manabi sisabion on!
Jorbut ni…
3. Hobas ho panabi, lam jonok ma na nidok ni Tuhanta i :
Na mulak Tuhanta tu tano on, patar ma sangapNa disi.
Tung ise manahan songkalNa i, nang hasangaponNa i?
Naung ias diburi mudarNa i, holan i na manahan disi.
Jorbut ni…
4. O Tuhan, sai tatap ma hami on, pangula na metmet be,
Na gale do hami, na gogo Ho, gomos tiop hami sude.
MudarMu sambing haporusan i di hami pangula on,
Naeng monang do hami dibahen Ho, naeng monang diportibi on.
Jorbut ni…
BE.538 Logu.370 : Aik beha gira manogot.
1. Aik beha, gira manogot ro Tuhannta Jesus i.
Idaonku hasangaponNi Sitobus tondingki
Tondingki, sai lao manomu, Tabe sipalua Ho,
Sai marsomba, jala puji hasangapon ni na ro.
2. Aik beha di hos ni ari Mulak Jesus Tuhanki
Nang na mohop pe aringku, tagamonku Kristus i.
(Koor) Tondingki….
3. Aik beha, di bot ni ari, disi modom jolma i.
Sai hutagam do Tuhanku bintang sipaias i.
(Koor) Tondingki….
BE.539 Logu.371 : Sai hutagam do Tuhanku.
1. Sai hutagam do Tuhanku, Sai masihol rohangki
Diharoro ni Tuhangku songon na nidokNa i.
Sai mardongan olopolop huriaM managam Ho.
Maranata, ro, o Tuhan, Amen, sai tibu ma ro !
2. Las ni roha ndang hapalang do manggohi rohangki.
Dung binege soaraNa di na ro Tuhanta i.
(Koor) Sai mardongan…
3. Sai rade, ale tondingku, tagam panjouonNa i,
Sai tu langit an manomu ho di Jesus Tuhanmi.
(Koor) Sai mardongan…
4. Ai tagamon nunga borhat, Ho, Tuhanku, sian i?
So tung unang au tarlalap, tading di na rodop i.
(Koor) Sai mardongan…
BE.540 Logu.372 : Tuhan Jesus.
1. Tuhan Jesus sai hutagam ariari haroroM
Naeng dungo au, naeng rade au, naeng hobas do na posoM.
2. Pinapulik tu Tuhanku, sirang sian dossa i,
Sai mardalan di na tiur hupaima Rajangki.
3. Hupaboa na binaen ni Jesus, Sipalua i,
Na humophop ho na dangol, na marmosan dosa i.
4. Lao managam haroroNa sai endehononku do
Pangkirimon las ni roha siboanon ni na ro
5. Ai tibu do ro Tuhanta, silu do langkana i.
Beta hita lao manomu, taendehon Raja i.
6. Sai haporseai hataNa, dung i idaonmudo :
Saut sude bagabagaNa, molo dung Tuhanta ro.
BE.541. Logu.373 : Na mulak Jesus i.
1. Na mulak Jesus i di dihasangapon i.
Mangalap nabadia i tu hasonangan i.
Hutundalhon ma, na dipudingki.
Jesus ma haposanki di haroroNa i.
2. So tung na tading au di haroroNa i,
So tung ditiop rohangkon na olo sega i!
Hu tundalhon ma…
3. Nang arta, sangap i, tu aha ringkot i?
Na tinggal do sudena I di hamagoan i.
Hutundalhon ma…
4. Ias ma rohangki dibaen mudarNa i.
So tung haroroNa i ramun sambing ma i!
Hutundalhon ma…
5. Tinggil ma pinggolhi di soaraNa i,
So tung so begeonku i di haroroanNa i.
Hutundalhon ma…
6. Hugolom mudar ni Tuhanku Jesus i.
Ai i do haporusanki di haroroanNa i.
Hutundalhon ma…
BE.542 Logu.39 : O ale Tuhan, di dia Ho.
1. O, ale Tuhan, di dia Ho togang? Ro ma tu ahu na tongtong bonosan,
Ro ma, alapima tondingkinon sian na hansitna di tano on.
Ro ma Tuhanku, di dia Ho togang.
Di dia Ho togang. Ro ma tu ahu na. Tongtong bonosan, bonosan.
2. Na laho salpu sude na di hami, sangap nang arta hangoluannami.
Songon halinu do hami dison, mago ma hami dohot tano on.
Ala ni Tuhan didia Ho togang,
Di dia ho togang. Ro ma…
3. Naeng ma rade ho, tondingku na marsak,
Pangke ulosmu na uli, na saksak. Palitomi, sai gok miak ma i.
Laho manomu di pangolimi. Ro ma, sai ro ma,
Didia Ho togang, Didia Ho togang. Ro ma…
BE.543 Logu.374 : Buni bingkas ni holong.
1. Buni bingkas ni holong ni Tuhanta i di au.
Ditobus dohot mudar i pardosa songon au.
Alai on do na huboto : Ditiop Jesus gomos tanganku,
Tondingku do di ramoti. Ro di haroroNa i.
2. Buni umbaen boi malum au dihorhon Debata.
Dibaen na huhaposi ho di dolok Golgata. Alai…
3. Buni ulaon ni tondi i patiur rohangki,
Manaiti au tu Jesuski, sitobus jolma i. Alai…
4. Buni godang ni arsak i nang las ni roha pe,
SilehononNa i tu au di tano on dope. Alai…
5. Buni tingki ni Tuhan on manjou au sian on.
Na mate manang muba dibahen Jesus dagingkon. Alai…
BE.544 Logu.419 : Molo ro panjou ni Tuhan.
1. Molo ro panjou ni Tuhan, molo salpu tingki on,
Molo binsar bintang sipaias i, Jala sahat ma tu ginjang angka na tinobus i,
Dohot au dibaen Tuhanta lao tusi.
Molo jouon ni Tuhanta angka goar di pustaha, dibaen asi ni rohana, alusanku : O Tuhanku, au dison.
2. Molo dapot tingki, hehe angka na tinobus i,
Idaon nasida Tuhan Jesus i.
Di pangkuling ni sarune lao manomu Tuhan i.
Dohot au dibaen Tuhanta lao tusi. Molo jouon…
3. Dibaen i, o, ale dongan, ringgas be ma hita on,
Pararathon harajaonNa i tongtong.
Ai dung salpu tingki on, na masuk be tu surgo i.
Dohot au dibaen Tuhanta lao tusi. Molo jouon…
BE.545 Logu.413 : Na saor di hita be.
1. Na saor do hita be dibaen Tuhanta i.
Ibana do tumobus au rap dohot dongan i.
2. Sai hot parsaoran i, nang sirang hita be.
Sude naung ro tu Jesus i pajumpang do muse.
3. HataNa do tutu tabaen sinjatai,
Nang gogo pe musunta i, na talu dibaen i.
4. Sai pos ma roha i tung monang Jesus i,
Porsea ma rohanta i di panghophopNa i.
5. Dung sahat hita be tu adopanNa I,
Apuson ni holongNa i iluilunta i.
BE.546 Logu.375 : Tung martua do.
1. Tung martua do rohangku nang di hasusaan on,
Pandiloan ni rohangku do huungkap Sai tongtong.
Sai marsinggang au manghoion arsak na di rohangki,
Sai hutatap ma hutangku, Sion, na di ginjang i.
2. Lam mangkolom pe aringku, lam golap pa tano on,
Sai ditopot Jesus Kristus au na sai marsinggang on
Lam malungun do rohangku naeng humatop sahat au,
Asa unang be au sirang sian na mangkophop au.
3. Sadihari, ale Tuhan, tarbaen rap au dohot Ho?
Sai hutagam haroroMu, ai tu langit an Ho ro.
Pandiloan ni rohangku sai ungkap di jolomon,
Hupaima Ho, Tuhanku, ai hutagam haroroM.
BE.547 Logu.376 : Loas ro tu Au dakdanak.
1. Loas ro tu Au dakdanak, ninna Jesus, Tuhan i.
Beta ro hamu suena, sai oloi soara i.
Hamu dongan, unang togang, ro hamu tu Jesus i,
Hamu dongan, unang togang, ro hamu tu Jesus i.
2. Sian roha ni dakdanak ro do pamujion i,
Na palashon Tuhan Jesus, tole, sai endehon i! Hamu…..
3. Nang danak dope rohamu, sai tu Jesus lehon i.
Molo susa, moru arsak, i ma pangkorhonna i. Hamu……
4. Ale Tuhan, nunga ro au, naeng mangkaholongi Ho.
Gomos tiop ma tanganku, molo naeng musungku ro, Hamu……
BE.548 Logu.377 : Dakdanak na badia i.
1. Dakdanak nabadia i, marsomba dakdanak nabadia i.
Mar au di jolo Mi. Marolop olop somba au di jolo Mi.
Marolop olop rohangki, marolop olop rohangki, tondingki,
Marolop olop tondingki.
2. Dakdanak na badia Ho, na sorang do di bara Ho.
Sai naeng manjaga hami Ho.
3. Martua hasoranganni, disi maringan dameMi.
Sai ro ma Ho tu rohangki.
BE.549 Logu.378 : Holan dakdanak.
1. Holan dakdanak na metmet au. Alai na boi au tu Jesus lao.
Holan Ibana oloanki Paima sahat tu surgo i.
O, Tuhan Jesus jangkon au on. Tung so margogo dakdanak mon.
Di Ho ngolungku, pangke ma i Tau hasangapon di goarMi.
2. Di pangunjunan ramoti au. Sai marsaringar hatam di au.
Nang natorashu taiti tu Ho, sai naeng humatop nasida ro.
O, Tuhan Jesus….
3. Torop dakdanak dao sian Ho. Tung so ditanda, o Tuhan Ho.
Arahononku nang angka i. Asa lam ganda naung sonang i.
O, Tuhan Jesus…..
BE.550 Logu.379 : Tanganku na metmet.
1. Tanganku na metmet hulehon ma tu Debata.
Da inang i, na loja i, Sai urupanku na ma i,
Tanganki di Ho ma i. Tanganki di Ho ma i.
2. Nang pathu na metmet hulehonma tu Debata,
Marlojong au suruon ni dainang i na loja i,
:,: Nang pathi di Ho ma i :,:
3. Pangabas na metmet hulehon Debata,
Huapul ma dainang i, na jotjotan sai marsak i.
:,: Hatangki di Ho ma i :,:
4. Rohangku na metmet hulehon ma tu Debata.
Ingani i, o Tuhanki. Pasahat au tu surgomi.
:,: Rohangki di Ho ma i :,:
BE.551 Logu.414 : Itapuji ma Tuhanta.
Itapuji ma Tuhanta, ai dipalua hita jolma,
Tama tapuji goarNa i, Ai dipalua hita jolma
Tama tapuji goarNa i.
BE.552 Logu.415 : Na lao au tu na dao.
Na lao tu na dao, tu surgo do siholhu.
Jesus, Tuhanki, Sai boan ahu, tu surgo taiti au, naeng sahat au.
BE.553 Logu.416 : Las roham di Debata.
Las roham di Debata mi,
Jala puji ma goarNa, da.
BE.554 Logu.417 : Puji hamu sai pasangap.
Puji hamu, sai pasangap tu Tuhanta i,
Nabasa, naburju sude bangso puji tutu.
BE.555 Logu.418 : Tuhanku di au.
Tuhanku di au, tu surgo au lao,
Sai Jesus sambing sihol ni rohangki.
BE.556 Logu.420 : DameM lehon ma di hami.
DameM lehon ma di hami, dameMi di hami,
DameMi di hami, damemi di hami.
DameMi di hami, damemi di hami.
Tidak ada komentar:
Posting Komentar